HeˬByehˇ 5:3 - Akha

³ Aˬ yawꞈ gʼaˬ baˬ duˬ gʼawˬ mya ni jaˆ-eu miˇ neh, aˬ cawˬ-euˬ iˬ baˇ gʼaˇ duˬ tehꞈ-ehˇ maˬ ngeuˇ ni, yawˬ ha-euˬ iˬ baˇ gʼaˇ duˬ kʼawꞈ ya lawˇ ya shehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoermirnae, aqcawq-euq iqbax-euq gharduq lawr-eu jeq ya lawrnaeq-eu lof-aer, yawqha-euq iqbax-euq gharduq khawf yalawr-eu mae.

HeˬByehˇ 5:3 ပူးပေါင်းရင်းမြစ်များ

Uˬ duˬ 16:15

Kʼoeˇ naˇ, Iˇsaˬleˬlaˆ tsawˇ haˬ deuˬ gʼaˇ duˬ iˬ baˇ shawˇ-eu lawˇ-eu jeˬ lawˇ-eu gʼaˇ duˬ, ciꞈ myehꞈ kʼoeˇ mawˇ aˬ yawꞈ ya sehꞈ meh. Ciꞈ myehꞈ kʼoeˇ mawˇ-euˬ shiˬ Muiˬ dui Shawˇ dui dui-eu Jawˇ duˬ laꞈ kʼoeˇ yuˇ ahˇ gʼeh-awˇ, mawˇ neˇ kʼoeˇ mawˇ-euˬ shiˬ byaˆ shehˬ-eu loꞈ-ehˇ, Dawˬ ma saˇ jaˇ Bahˬ keuˆ hawˇ-eu kʼoeˇ-euˬ kʼmˬ pymˬ mehˬ shi ya byaˆ shehˬ meh.

Uˬ duˬ 16:6

Aˬ yawꞈ-euˬ iˬ baˇ hawˇ-eu aˬ yawꞈ-euˬ miˬ sawˇ zaˬ deuˬ-euˬ iˬ baˇ sha dzeh-eu gʼaˇ duˬ, mawˇ neˇ mawˇ gaw tiˬ mawˇ Aˬloˬ ya lawˇ meh.

Uˬ duˬ 9:7

Kʼoeˇ naˇ, Aˬloˬ-ahˇ Moˇseˬ ehˇ nehˬ-eu, “Nawˬ-euˬ iˬ baˇ hawˇ-eu Iˇsaˬleˬlaˆ tsawˇ haˬ deuˬ-euˬ iˬ baˇ bi shawˇ laˇ-eu gʼaˇ duˬ, lawˇ duˬ-ahˇ iˇ-awˇ, iˬ baˇ shawˇ-eu lawˇ-eu jeˬ hawˇ-eu miˬ dzaˬ dzah puiˆ-awˇ lawˇ-eu jeˬ lawˇ-awˬ. Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, tsawˇ haˬ heu deuˬ-euˬ iˬ baˇ bi shawˇ laˇ-eu gʼaˇ duˬ, kʼoeˇ loꞈ-ehˇ lawˇ-awˬ.”

1 Gawˇliˬtu 15:3

Ngaˬ neh za taˬ-euˬ huiˬ dui dui-eu gaˇ kawˆ naw maꞈ-ahˇ ngaˇ biꞈ nehˬ-euˬ ma. Kʼoeˇ-aˬ, Jaˇliꞈ laꞈ kʼoeˇ boꞈ taˬ-euˬ loꞈ-ehˇ, aˬ dui-euˬ iˬ baˇ gʼaˇ duˬ Ka li shiˇ-euˬ gaˇ kawˆ hawˇ-eu,

HeˬByehˇ 10:12

Ka li-aˬ, iˬ baˇ shawˇ-eu gʼaˇ duˬ tiˬ poˆ tehꞈ-ehˇ lawˇ-euˬ kʼawꞈ, mˬ maˬ maˬ byaˆ zaˇ ziˇ gmˬ-eu lawˇ-eu jeˬ pyeuꞈ-awˇ, nymˬ-mˇ Miˬyehˇ-euˬ aˇ maˇ paw nuiˇ luꞈ-eu meh.

HeˬByehˇ 7:27

Piˇ ma yaw huiˬ nui deuˬ-ahˇ aˬ yawꞈ maˬ duˇ-a. Aˬ yawꞈ maꞈ loꞈ-ehˇ yawˬ nah na luꞈ yawˬ ha-euˬ iˬ baˇ gʼaˇ duˬ jeˬ hu lawˇ gʼaˬ shehˇ gʼaˬ ngeh, aˬ cawˬ-euˬ i baˇ gʼaˇ duˬ ya lawˇ ya shehˇ-eu heu deuˬ-ahˇ aˬ yawꞈ mˇ-eu maˬ loˬ-a. Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, tiˬ poˆ lawˇ-awˇ mˬ maˬ maˬ byaˆ zaˇ ziˇ gmˬ-eu lawˇ-euˬ jeˬ pyeuꞈ-eu meh.

HeˬByehˇ 9:7

Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh.