HeˬByehˇ 5:14 - Akha

¹⁴ Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Dzar yawzae-aq, tsawrkhav khavlar-euq deuq-euq gharduq mae. Aqyawf maf-aq, yawqha-euq nuima-anr maeq-awr, yawmuiq hawr-eu yawdoer tserpav birpav nya’ni, mrdzaw shardzaw dzaw-euq tsawrhaq mae.

HeˬByehˇ 5:14 ပူးပေါင်းရင်းမြစ်များ

Aˇ dahˬ 3:5

Aˇ bawˇ kʼoeˇ bawˇ-euˬ aˇ siˬ naw nyaꞈ pyaˆ dzaˬ naˇ, naw nyaꞈ kʼawꞈ Miˬyehˇ-ahˇ duˇ laˇ-awˇ, yaw muiˬ yaw doeˇ tseˇ paˆ nya laˇ tehꞈ-a lehˇ Miˬyehˇ siˬ nya-eu miˇ neh, kʼoeˇ loꞈ-ehˇ ehˇ-eu meh.”

2 Saˬmeuˬlaˆ 14:17

Ngaˬ-euˬ saˇ jaˇ baˬ da neh, ngaˇ guˆ kʼaˇ maˬ za ni ya dehꞈ tehꞈ-a lehˇ yawˬ haˇ yawˬ ha ehˇ-euˬ ma. Aˬ jeˬ miˇ neh ehˇ naˇ, sahˬ paˬ nawˇ-aˬ, Miˬyehˇ-euˬ mˬ taˆ gʼaˬ kʼehˇ-ahˇ duˇ-awˇ, yaw muiˬ yaw doeˇ tseˇ paˆ nya-eu meh. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ nehˬ-ehˇ jawˇ luꞈ-uˇ.”

1 Sahˬpaˬ 3:11

Kʼoeˇ miˇ neh, Sawˇlaˬmoˬ-ahˇ aˬ yawꞈ ehˇ nehˬ-eu, “Nawˇ ziˇ baw ziˇ za ni maˬ ehˇ, smˇ muiˬ muiˬ laˇ ni maˬ ehˇ, nawˬ-ahˇ muiˇ-eu deuˬ ya shiˇ ni maˬ ehˇ, nawˇ maˬ shaˇ-ehˇ, yaw tsaˬ yaw dawˇ dawˇ-ehˇ uˆ lahˇ nya-eu zaˬ siˬ tsawˇ gahˇ tehꞈ-ehˇ shaˇ-euˬ meh.

1 Sahˬpaˬ 3:9

Kʼoeˇ miˇ neh, nawˬ-euˬ tsawˇ jeuˬ kʼoeˇ taˆ yaw tsaˬ yaw dawˇ dawˇ-ehˇ uˆ lahˇ nya ni maˬ ehˇ, yaw muiˬ yaw doeˇ tseˇ paˆ geuꞈ nya ni maˬ ehˇ, loˬ-eu zaˬ siˬ tsawˇ gahˇ ngaˬ-ahˇ biꞈ nehˬ laꞈ-awˬ. Kʼoeˇ loꞈ-ehˇ maˬ ngeuˇ naˇ, myaˬ dui dui-eu nawˬ-euˬ tsawˇ jeuˬ heu jeuˬ-ahˇ aˬ suˇ gʼaˬ uˆ lahˇ nya nmˇ.”

Yawˇbaˆ 12:11

Nawˬ-euˬ mehˬ laˇ dzaˇ kuiˇ dzaˇ myehˇ siˬ nya-eu loꞈ-ehˇ, nawˬ-euˬ naˬ bawˇ kʼawꞈ teˇ saˇ gaˬ nya-eu meh.

Yawˇbaˆ 34:3

Naw maꞈ kʼaˬ meh-ahˇ dzaˬ-eu dzaˇ, kuiˇ-eu maˬ kuiˇ-eu siˬ nya kʼawꞈ, naw maꞈ-euˬ naˬ bawˇ-ahˇ gaˬ laˇ-eu dawˬ, tsawˇ gahˇ ahˇ maˬ ahˇ-eu naw maꞈ maˬ siˬ nya nga.

Yawˇbaˆ 6:30

Ehˇ kʼawꞈ, ngaˇ jaˬ myawꞈ myawꞈ luꞈ meh lehˇ naw maꞈ noeˬ-awˇ, tsaˬ-eu jeˬ hawˇ-eu lehˬ-eu jeˬ tseˇ paˆ-awˇ maˬ ngehˬ maˬ tmˇ nya-a lehˇ noeˬ luꞈ meh.

Jaceuq 119:103

Nawˬ neh mehˬ nehˬ tsoˆ nehˬ-euˬ jeˬ aˇ naˆ ni coeˇ-eu nga. Byaˬ byaˬ uiˇ naˆ maˬ tseˇ coeˇ-eu meh.

Dawˬ caˇ 1:3

Nawˬ-euˬ gʼawˇ mawˇ tiˬ jawˬ saw dui dui-awˇ, nawˬ-euˬ tsawˇ myahˇ tsiˇ yaw saw shehˆ kʼaˇ gaˇ duˇ nya. Nawˬ-ahˇ maˬ mawꞈ-eu zaˬ miˬ zaˬ maˬ jawˇ-a.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Iˇsaˬyaˇ 7:15

Aˬ yawꞈ huiˬ loˆ laˇ-awˇ, yaw muiˬ yaw doeˇ tseˇ paˆ geuꞈ nya laˇ ngeh, miˇ kʼahˬ zaˬ deuˬ mawˇ neˇ aˬ coeˇ dawˇ-awˇ byaˬ byaˬ uiˇ dzaˬ luꞈ tehꞈ-a.

Maꞈtehˬ 5:48

Kʼoeˇ miˇ neh, mˬ kʼoeˇ taˆ jawˇ-eu naw maꞈ-euˬ Aˬ da byah-eu loꞈ-ehˇ, naw maꞈ kʼawꞈ bi byah laˇ-awˬ.

Lormav 14:1

Jah-eu gʼaˬ baˬ-eu tsawˇ haˬ-ahˇ ha geuꞈ-awˬ. Ehˇ kʼawꞈ, aˬ yawꞈ neh noeˬ taˬ-euˬ jeˬ-ahˇ tsawˇ pyehˇ taˬ pyehˇ.

1 Gawˇliˬtu 2:6

Guiˬ lahˬ saꞈ laˇ paw gʼaˬ kʼaˆ loꞈ laˇ-euˬ tsawˇ haˬ deuˬ-ahˇ-aˬ, zaˬ siˬ tsawˇ gahˇ-euˬ dawˬ mehˬ-euˬ ma. Ehˇ kʼawꞈ, zaˬ siˬ tsawˇ gahˇ kʼoeˇ-aˬ, miˇ tsaˬ heu-ahˇ taꞈ-eu zaˬ siˬ tsawˇ gahˇ maˬ ngeuˇ-a. Piˬ-iˇ byoˆ-iˇ luꞈ-eu miˇ tsaˬ heu kʼoeˇ taˆ uˆ lahˇ luꞈ-eu baoˬ kʼoeˇ deuˬ-euˬ zaˬ siˬ tsawˇ gahˇ kʼawꞈ maˬ ngeuˇ-a.

Eˇpeˇsu 1:18

Miˬyehˇ naw maꞈ-ahˇ kuˇ-euˬ miˇ neh naw maꞈ aˬ jeˬ-ahˇ noeˬ tmˬ kʼaˇ za-eu gaˇ kawˆ maˬ ehˇ, aˬ yawꞈ neh aˬ yawꞈ-euˬ tsawˇ haˬ deuˬ-ahˇ biꞈ-eu lehˇ saˇ jaˇ dzaˬ taˬ-euˬ guiˬ lahˬ kʼoeˇ deuˬ aˇ naˆ ni zahˬ leˇ paˬ-ehˇ gʼeh-eu gaˇ kawˆ maˬ ehˇ, naw maꞈ siˬ nya laˇ ni, naw maꞈ-euˬ nui ma-ahˇ pah nehˬ-awˇ aˬ yawꞈ-euˬ yaw shehꞈ-ahˇ bi mawˇ-eu gʼaˇ duˬ shaˇ-eu ma.

Eˇpeˇsu 4:13

Aˬ dui dawˬ tawˆ luꞈ, jah-eu jeˬ laꞈ kʼoeˇ maˬ ehˇ, Miˬyehˇ-euˬ Zaˬmaˇ-ahˇ siˬ nya-eu jeˬ laꞈ kʼoeˇ maˬ ehˇ, nui ma tiˬ siˬ tehꞈ-ehˇ taˬ nya laˇ tehꞈ-a. Jah-eu jeˬ laꞈ kʼoeˇ aˬ dui tsawˇ kʼaˆ kʼaˆ laˇ-awˇ, Ka li byah-eu loꞈ-ehˇ aˬ dui kʼawꞈ byah laˇ tehꞈ-a.

Piˇliˇpiˆ 3:15

Guiˬ lahˬ saꞈ laˇ paw tsawˇ kʼaˆ kʼaˆ laˇ-euˬ aˬ dui dawˬ tawˆ luꞈ, kʼoeˇ loꞈ-ehˇ nui ma taˬ-eu tsaˬ meh. Ehˇ kʼawꞈ, naw maꞈ tiˬ paˆ na deuˬ nui ma taˬ-eu yawˬ jeˬ yawˬ jaˆ naˇ, naw maꞈ-ahˇ geuˇ-eu loꞈ-ehˇ gʼoˆ shaw nya ni Miˬyehˇ caw ba nehˬ laꞈ tehꞈ-a.

1 Teˇsaˬloˇni 5:21

Dawˬ mehˬ kʼaˇ mehˬ nehˬ laꞈ-euˬ dawˬ tawˆ luꞈ-ahˇ pyehˆ tseˇ haw-awˬ.

1 Tiˆmoˇseˬ 4:7

Miˬyehˇ-ahˇ yaw zeu baw-eu jeˬ maˬ ahˇ-eu ja mahˇ maˬ tsahˇ-eu aˬ poeˬ dawˬ oeˇ deuˬ-ahˇ maˬ naˇ haˬ ni, Miˬyehˇ-ahˇ yaw zeu baw-eu jeˬ laꞈ kʼoeˇ bym laˇ byehˆ laˇ ni mˇ dzaw shaˇ dzaw tehˇ tehˬ-awˬ.

HeˬByehˇ 6:1

Ka li-euˬ gaˇ kawˆ aˇ dahˬ beh gaˇ tehꞈ-ehˇ aˬ dui dzaw dzaw-ehˇ maˬ paˇ jawˇ ni, jah-eu laꞈ kʼoeˇ huiˬ loˆ laˇ-euˬ tsawˇ haˬ deuˬ loꞈ-ehˇ mehˬ hu paw dzaw daˆ leꞈ kaˇ-euˇ. Gaˇ dahˇ maˬ tsoeˬ-eu jeˬ-ahˇ maˬ mˇ ni byehˇ dzeh-eu hawˇ-eu, Miˬyehˇ-ahˇ jah-eu jeˬ-ahˇ aˇ dahˬ beh poˆ beh poˆ-ehˇ jawˇ yamˬ maˬ paˇ ngeuˇ meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.