HeˬByehˇ 5:11 - Akha

¹¹ Gaˇ kawˆ heu hmˬ-ahˇ taꞈ leˇ-awˇ, ehˇ paˬ-ehˇ gʼeh-eu gʼawˬ mya ni jaˆ-eu ma. Ehˇ kʼawꞈ, naw maꞈ gʼoˆ shaw nya ni ehˇ mehˬ-eu ui cuiˆ yaw kʼaˆ meh. Aˬ jeˬ miˇ neh ehˇ naˇ, naw maꞈ gʼoˆ shaw-eu yaw myaꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Nga’maf, aqyawf-anr taf-eu garkawv ngaeqmawf-eu ghawqmya’ni jav-eu ma. Aerkhawf, nawmaf naqtanq naqdae dae-ir-euq mirnae, jashaw naeq-eu yawshaq mir-a.

HeˬByehˇ 5:11 ပူးပေါင်းရင်းမြစ်များ

1 Sahˬpaˬ 10:1

Sawˇlaˬmoˬ tsawˇ myahˇ doˆ-eu gaˇ kawˆ Sheˬba sahˬ paˬ ma ya gaˬ ngeh, naꞈ dui dui-eu dawˬ deuˬ naˇ haˬ-awˇ tsawˇ gahˇ teh haw-eu gʼaˇ duˬ, Yeˬluˇsaˬlehˬ meuˬ-ahˇ le-euˬ meh.

Iˇsaˬyaˇ 6:10

Tsawˇ haˬ heu deuˬ nui ma bi gʼahˇ-awˇ, naˬ bawˇ bi tuˇ-eu uˬ taꞈ, myaˆ nuiˆ laˆ behꞈ nehˬ-awˬ. Toˆ-ehˇ maˬ ngeuˇ naˇ, aˬ yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ leˇ-eu uˬ taꞈ, aˬ yawꞈ maꞈ-euˬ nui ma gʼoˆ shaw geuꞈ nya-eu miˇ neh, ngaˇ jawˇ gaˇ gʼoꞈ kʼoꞈ laˇ-awˇ, naˇ gawˇ taˬ leˇ tehꞈ-a.”

Maꞈtehˬ 13:15

Nui ma aˬ dzawˬ dzawˬ-iˇ jiˇ-awˇ, naˬ bawˇ paꞈ tsoeˬ tsoeˬ taˬ jiˇ-awˇ, myaˆ nuiˆ miˆ tehˬ jiˇ taˬ-euˬ meh. Kʼoeˇ loꞈ-ehˇ maˬ ngeuˇ law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, noeˬ siˬ noeˬ mawˇ nya-awˇ, naˇ gawˇ bi laˆ saˆ-eu gʼaˇ duˬ, ngaˇ jawˇ paw ciˬ pyawˇ tehꞈ-a lehˇ, Miˬyehˇ ehˇ luꞈ-eu meh.’

Maˬkuˆ 8:21

Aˬ yawꞈ maꞈ-ahˇ Yeˬsuˇ ehˇ nehˬ-eu, “Ehˇ kʼawꞈ, nymˬ-mˇ keuˆ ni naw maꞈ maˬ gʼoˆ shaw ngaˬ siˬ laˬ.”

Luˇkaꞈ 24:25

Kʼoeˇ ngeh jawˇ, aˬ yawꞈ nyaꞈ-ahˇ Yeˬsuˇ ehˇ nehˬ-eu, “Dawˇ ga-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh kʼaˇ ehˇ taˬ-euˬ dawˬ tawˆ luꞈ-ahˇ jah tuˆ leꞈ-eu gʼaˇ duˬ, aˇ naˆ naˆ-ehˇ ga-eu nya.

Yoˇhaˬ 16:12

“Ngaˇ naw maꞈ-ahˇ ehˇ nehˬ paˬ-ehˇ gʼeh-eu gʼawˬ mya ni jaˆ te siˬ. Ehˇ kʼawꞈ, nymˬ-mˇ naw maꞈ-euˬ nui ma laꞈ kʼoeˇ maˬ gʼoˆ taˬ jiˇ coeˇ-a.

Yoˇhaˬ 6:6

Piˇliˇpuˆ-euˬ nui ma-ahˇ lawˬ haw mawꞈ-eu miˇ neh, kʼoeˇ loꞈ-ehˇ naˇ haˬ-euˬ meh. Maˇ maˇ ni ehˇ naˇ, Yeˬ suˇ-aˬ, aˬ joˆ-ehˇ ya jahˇ-eu gaˇ kawˆ siˬ duˬ taˬ-awˇ jawˇ-eu meh.

Gʼaˬkʼehˇ 28:27

Aˬ jeˬ miˇ neh ehˇ naˇ, yawꞈ maꞈ nui ma gʼahˇ-awˇ, naˬ bawˇ paꞈ tsoeˬ tsoeˬ-awˇ, myaˆ nuiˆ miˆ tehˬ-euˬ meh. Kʼoeˇ loꞈ-ehˇ maˬ gʼeh law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, nui ma-ahˇ noeˬ leˇ-awˇ, ngaˇ jawˇ gaˇ gʼoꞈ laˇ ngeh, naˇ gawˇ yaˇ taˬ nehˬ ma.”’

HeˬByehˇ 5:10

Kʼoeˇ naˇ, Miˬyehˇ neh aˬ yawꞈ-ahˇ piˇ ma yaw huiˬ gʼaˬ bi geuꞈ-awˇ, Maˬlaˬkiˇsaˬdehˇ neh tawˬ-euˬ piˇ ma-euˬ gaˇ tawˬ daˆ leꞈ-eu gʼaˬ bi geuꞈ-euˬ meh.

HeˬByehˇ 5:12

Aˇ yamˬ myahˇ laˇ-euˬ gaˇ shaˇ sawˇ naˇ, naw maꞈ-aˬ, aˬ cawˬ-ahˇ mehˬ nya tsoˆ nya deˇ laˇ-euˬ meh. Ehˇ kʼawꞈ, Miˬyehˇ-euˬ dawˬ-ahˇ taꞈ leˇ-awˇ dzaw dahˬ ya beh-eu gaˇ kawˆ deuˬ-ahˇ keuˆ ni, naw maꞈ-ahˇ paˇ mehˬ poˆ nehˬ paˬ-ehˇ gʼeh-eu meh. Naw maꞈ dzaˇ yaw gʼahˇ dzaˬ nya deˇ laˇ-euˬ kʼawꞈ, aˬ coeˇ dawˇ zaˬ-euˬ aˇ tiˆ-ahˇ dehꞈ luꞈ-a siˬ.

2 Beˬtuˆluˆ 3:16

Aˬ yawꞈ neh kʼaˇ boꞈ ahˇ gʼeh-euˬ sahˬ boꞈ dawˬ tawˆ luꞈ laꞈ kʼoeˇ, gaˇ kawˆ heu hmˬ-ahˇ taꞈ leˇ-awˇ aˬ myah luꞈ kʼoeˇ loꞈ-ehˇ aˬ yawꞈ ehˇ-eu meh. Jaˇliꞈ aˇ deuˆ nui deuˬ-ahˇ dawˬ tsuiꞈ yuˇ pyawˆ nya-eu loꞈ-ehˇ, Pawˇluˆ neh boꞈ ahˇ gʼeh-euˬ sahˬ boꞈ deuˬ laꞈ kʼoeˇ dawˬ tsuiꞈ naꞈ-awˇ gʼoˆ shaw-eu gʼaˇ duˬ shaˬ-eu pehˇ tsahˇ deuˬ-ahˇ, maˬ siˬ nya-eu deuˬ hawˇ-eu nui ma maˬ ziꞈ-eu deuˬ dawˬ tsuiꞈ yawˬ jeˬ yawˬ-ehˇ yuˇ pyawˇ geuꞈ-eu meh. Kʼoeˇ-aˬ, yawˬ ha ya luˬ ya seˇ-iˇ ni yawˬ haˇ yawˬ ha mˇ gaˇ duˇ-eu meh.