HeˬByehˇ 4:9 - Akha

⁹ Kʼoeˇ miˇ neh, shiꞈ nah tiˬ nah-ahˇ Miˬyehˇ gʼaˬ naˬ naˬ-euˬ loꞈ-ehˇ, Miˬyehˇ-euˬ zaˬ deuˬ gʼaˇ duˬ gʼaˬ naˬ naˬ-eu jeˬ jaˆ luꞈ-a siˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoermirnae, Miqyaer-euq tsawrhaq deuq-euq gharduq, ghaqnaq naq-eu arnan tiqnan parjav-eu mae.

HeˬByehˇ 4:9 ပူးပေါင်းရင်းမြစ်များ

Jaceuq 47:9

Aˬbyaˬhaˬ-euˬ Miˬyehˇ-euˬ tsawˇ haˬ deuˬ nehˬ-ehˇ, tsawˇ jeuˬ kʼoeˇ taˆ uˆ lahˇ-eu deuˬ uiˬ laˇ-eu meh. Miˇ tsaˬ guiˇ maꞈ dawˬ tawˆ luꞈ naˆ maˬ tseˇ, aˬ yawꞈ baoˬ jaˆ dzehˬ-awˇ, huiˬ dui dui-eu uˆ lahˇ-eu gʼaˬ pyeuꞈ-eu meh.

Doˆ-iˇ 16:30

Kʼoeˇ miˇ neh, shiꞈ nah tiˬ nah-ahˇ Iˇsaˬleˬlaˆ tsawˇ haˬ deuˬ gaˇ maˬmˇ-a.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Iˇsaˬyaˇ 57:2

Dehꞈ ngeh muiˬ-euˬ tsawˇ haˬ kʼoeˇ deuˬ, shiˇ ngeh yaw saˇ oꞈ-awˇ gʼaˬ doeˇ ya naˬ dah meh.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 11:25

Iˬbaˇ-ahˇ tiˬ kʼehˇ laˇ kʼehˬ byawˬ gʼa muˆ gʼa-eu naˆ maˬ tseˇ, Miˬyehˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ kʼehˬ-eu kʼaˆ-eu jeˬ-ahˇ aˬ yawꞈ daˬ mawꞈ-eu meh.

HeˬByehˇ 3:11

Ngaˇnui ma pehˇdui dui laˇ-awˇ, heu loꞈ-ehˇ saˇ jaˇ dzaˬ-euˬ ma. ‘Yawꞈ maꞈ gʼaˬ naˬ bi naˬ-eu lehˇ, lehˬ hmˬ taˬ-euˬ miˇ kʼahˬ laꞈ kʼoeˇ, tiˬ jawˇ-iˬ maˬ bi uˇ leˇma.”’

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

HeˬByehˇ 4:10

Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ kʼaˇ za-euˬ tsawˇ haˬ deuˬ-aˬ, Miˬyehˇ aˬ yawꞈ gaˇ mˇ jiˇ-awˇ gʼaˬ naˬ naˬ-euˬ loꞈ-ehˇ, yawˬ ha-euˬ gaˇ mˇ jiˇ-awˇ gʼaˬ naˬ ya naˬ tehꞈ-a.

HeˬByehˇ 4:3

Aˬ dui jah-eu tsawˇ haˬ deuˬ-aˬ, Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ za-euˬ meh. Aˬ yawꞈ neh ehˇ taˬ-euˬ loꞈ-ehˇ, “Ngaˇ nui ma pehˇ dui dui laˇ-awˇ, heu loꞈ-ehˇ saˇ jaˇ dzaˬ-euˬ ma. ‘Yawꞈ maꞈ gʼaˬ naˬ bi naˬ-eu lehˇ, lehˬ hmˬ taˬ-euˬ miˇ kʼahˬ laꞈ kʼoeˇ, tiˬ jawˇ-iˬ maˬ bi uˇ leˇ ma.’ ” Miˬyehˇ-aˬ, aˬ yawꞈ mˬ beh miˇ beh ngeh neh aˬ yawꞈ-euˬ gaˇ dawˬ tawˆ luꞈ mˇ gʼaˬ jiˇ-euˬ kʼawꞈ, kʼoeˇ loꞈ-ehˇ ehˇ-euˬ meh.

HeˬByehˇ 4:8

Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ, Yawˇshuˆ neh aˬ yawꞈ maꞈ-ahˇ biꞈ nehˬ gʼaˬ-euˬ ngeuˇ law nmˇ-aˬ, nah tsaˬ tsoˆ paˇ-eu gʼaˇ duˬ Miˬyehˇ maˬ paˇ ehˇ-aˇ.

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

Panmaeq 14:13

Kʼoeˇ naˇ, mˬ kʼoeˇ taˆ heu loꞈ-ehˇ ehˇ-eu teˇ saˇ ngaˇ ya gaˬ-euˬ ma. “Heu loꞈ-ehˇ boꞈ taˬ-awˬ. Nymˬ-mˇ neh dahˬ beh-awˇ, Sahˬpaˬ Miˬyehˇ-euˬ gaˇ laꞈ kʼoeˇ shiˇ-eu tsawˇhaˬ deuˬ guiˬ lahˬ huiˬ-eu meh.” Yaw sahˇ Miˬyehˇ ehˇ-eu, “Ngeuˇ meh. Aˬ yawꞈ maꞈ gaˇ yaw kʼaˆ-ehˇ mˇ-euˬ baˬ da neh gʼaˬ naˬ ya naˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ neh mˇ-euˬ jeˬ aˬ yawꞈ maꞈ-euˬ mehˬ nah caw teh gʼeh leꞈ tehꞈ-a.

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”