HeˬByehˇ 4:12 - Akha

¹² Miˬyehˇ-euˬ dawˬ-aˬ, yaw dehꞈ dehꞈ luꞈ-awˇ baoˬ tiˬ byah ni ahˇ-eu uˬ taꞈ, mi seuˬ nyiˬ pyawˬ tsoꞈ-eu mi cehˇ naˆ maˬ tseˇ taˆ dui dui-eu miˇ neh, nui ma hawˇ-eu saꞈ laˇ tsmˇ leˇ gaˇ keuˆ ni maˬ ehˇ, yoeˬ tsuiꞈ yoeˬ laꞈ dzmˇ leˇ gaˇ keuˆ ni maˬ ehˇ, ceuꞈ paˇ doˆ gʼeh nya-awˇ, tsawˇ haˬ zaˬ-euˬ nui noeˬ nui loˆ dawˬ tawˆ luꞈ-ahˇ caw duˬ nya-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Miqyaer-euq dawq-aq, daefluf-awr baoq tiqbyanni anr-eu mae. Dawq heu-aq, miseuq nyiq paw baw-eu micaer navmaqtser tav-awr, nuima hawr-eu saflar-anr khawf, yoeqtsuif hawr-eu purnmf-anr khawf, tsawvcov dov-awr birpav nya-eu mae. Tsawrhaq-euq nuima-euq nuinoeq hawr-eu nuikhanr-anr khawf tserpav nya-eu mae.

HeˬByehˇ 4:12 ပူးပေါင်းရင်းမြစ်များ

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Jaceuq 119:130

Nawˇ mehˬ-eu dawˬ yaw shehꞈ biꞈ-eu miˇ neh, maˬ gahˇ-eu deuˬ-ahˇ bi gahˇ laˇ-eu meh.

Jaceuq 139:2

Ngaˇ kʼaˇ mˇ kʼaˇ shaˇ-eu jeˬ nawˇ siˬ nya-eu meh. Gaˇ mahˇ kaˬ gaˇ jawˇ kʼawꞈ ngaˬ-euˬ nui noeˬ nui duˇ dawˬ tawˆ luꞈ nawˇ siˬ nya meh.

Jaceuq 149:6

Taˆ dui dui-eu mi cehˇ tuˆ tehˬ-awˇ Miˬyehˇ-ahˇ ja ceuˬ ngeh, aˬ yawꞈ maꞈ yaw kʼaˆ-ehˇ guˇ luꞈ-uˇ.

Jaceuq 45:3

Baoˬ huiˬ-eu sahˬ paˬ-oˇ, nawˬ-euˬ mi cehˇ shaꞈ-awˇ, baoˬ hawˇ-eu yaw shehꞈ kʼahˬ sehˇ-ahˇ dm-awˬ.

Dawqdaq 5:4

Aˇ saˬ saˬ laˇ ngeh, doꞈ yawˇ loꞈ-ehˇ kʼaˬ-awˇ, mi seuˬ nyiˬ pyawˬ tsoꞈ-eu mi cehˇ loꞈ-ehˇ taˆ-eu meh.

Dawˬ tsoˆ 12:11

Zaˬ siˬ tsawˇ gahˇ ahˇ-eu deuˬ neh daˬ taˬ yaꞈ-euˬ dawˬ daˬ deuˬ-aˬ, yawˇ deuˬ-ahˇ gaˇ ma sheuˬ mehˬ-eu yawˇ bo-eu gʼaˬ-euˬ daˇ cuiˇ-ahˇ duˇ-awˇ, kʼaˇ poˆ uiˬ taˬ-eu dawˬ daˬ deuˬ-aˬ, shmˇ sehˬ neh deh myahˬ taˬ-euˬ loꞈ-ehˇ ziꞈ-eu meh. Dawˬ kʼoeˇ deuˬ-aˬ, aˬ dui dawˬ tawˆ luꞈ-ahˇ bo-eu yaw sahˇ pyeuꞈ-eu, yawˇ bo-eu yaw sahˇ Miˬyehˇ tiˬ gʼaˬ neh tehꞈ-ehˇ biꞈ taˬ-euˬ meh.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 49:2

Ngaˬ-euˬ dawˬ deuˬ mi cehˇ mi seuˬ loꞈ-ehˇ taˆ ni aˬ yawꞈ jahˇ-awˇ, aˬ yawꞈ-euˬ aˬ laꞈ neh ngaˬ-ahˇ haw piˇ-euˬ meh. Kaˆ-ahˇ gʼoˆ daˬ-awˇ beuˆ-eu kaˆ myaˬ-ahˇ duˇ ni, aˬ yawꞈ ngaˬ-ahˇ seuˆ ceh-euˬ meh,

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

Yeˬlaˬmiˇ 23:29

Ngaˬ-euˬ dawˬ-aˬ, miˬ dzaˬ-ahˇ duˇ-awˇ, kʼaˬ lo-ahˇ deh meuˇ nya-eu diˬ puˬ puˬ ma-ahˇ duˇ-eu meh.

Luˇkaꞈ 8:11

“Yaw jeˬ ma jeˬ heu hmˬ-euˬ dawˬ tsuiꞈ-aˬ, heu loꞈ-ehˇ meh. Siˬ yoeˬ-aˬ, Miˬyehˇ-euˬ dawˬ meh.

Yoˇhaˬ 12:48

Ngaˬ-ahˇ maˬ ha geuꞈ-ehˇ ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-ahˇ yaˇ kʼaˬ daˇ-eu gʼaˬ jawˇ meh. Miˇ tsaˬ heu aˇ saˬ saˬ ngeh nah, ngaˬ neh ngehˬ dzeuˇ-euˬ dawˬ heu deuˬ aˬ yawꞈ-ahˇ yaˇ kʼaˬ daˇ tehꞈ-a.

Yoˇhaˬ 6:51

Ngaˇ-aˬ, mˬ kʼoeˇ taˆ neh oe-euˬ dehꞈ luꞈ-eu kaˬ muˇ ma. Kaˬ muˇ heu-ahˇ kʼaˇ dzaˬ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ tehꞈ-a. Ngaˇ biꞈ-eu kaˬ muˇ-aˬ, ngaˬ-euˬ gʼawˇ mawˇ ma. Miˇ tsaˬ zaˬ deuˬ saꞈ laˇ dehꞈ-eu jeˬ za ni biꞈ-eu ma.”

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Gʼaˬkʼehˇ 4:31

Aˬ yawꞈ maꞈ guiˬ lahˬ shaˇ gʼaˬ ngeh, aˬ yawꞈ maꞈ uiˬ leˇ-awˇ jawˇ-eu jawˇ duˬ kʼoeˇ tsahˇ luˆ laˇ nyeh laˇ-awˇ, aˬ yawꞈ maꞈ dawˬ tawˆ luꞈ Muiˬ-eu shawˇ-eu Yaw sahˇ Miˬyehˇ byah laˇ-awˇ, nui ma kʼaˬ duˬ ni Miˬyehˇ dawˬ kawˬ mehˬ-euˬ meh.

Gʼaˬkʼehˇ 5:33

Baꞈ dzah-ahˇ uˇ-eu tsawˇ haˬ deuˬ dawˬ kʼoeˇ dawˬ-ahˇ ya gaˬ ngeh, nui ma pehˇ dui dui laˇ-awˇ, gʼaˬ kʼehˇ deuˬ-ahˇ sehꞈ mawꞈ-eu meh.

Gʼaˬkʼehˇ 7:38

Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ kʼaˇ shuiꞈ deh yaˇ-ahˇ uiˬ leˇ-awˇ jawˇ ngeh, aˬ yawꞈ maꞈ nehˬ-ehˇ jawˇ-euˬ kʼoeˇ gʼaˬ Moˇseˬ meh. Aˬ dui-euˬ aˬ poeˬ aˬ bawˇ deuˬ nehˬ-ehˇ jawˇ-euˬ kʼoeˇ gʼaˬ aˬ yawꞈ meh. Siˇnaˆ Gawˬ jawˬ-ahˇ mˬ taˆ gʼaˬ kʼehˇ dawˬ ngehˬ cawˬ le ngeh jawˇ-euˬ gʼaˬ kʼawꞈ, aˬ yawꞈ meh. Aˬ dui-ahˇ biꞈ-eu gʼaˇ duˬ Miˬyehˇ dawˬ kawˬ za-euˬ gʼaˬ kʼawꞈ, aˬ yawꞈ meh.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

1 Gawˇliˬtu 1:24

Ehˇ kʼawꞈ, Miˬyehˇ neh kuˇ doˆ-euˬ tsawˇ haˬ deuˬ pyeuꞈ-eu Yuˇdaˆ tsawˇ haˬ deuˬ gʼaˇ duˬ hawˇ-eu, Yuˇdaˆ tsawˇ haˬ maˬ ngeuˇ-eu deuˬ gʼaˇ duˬ, dawˬ heu-aˬ, Miˬyehˇ-euˬ baoˬ hawˇ-eu zaˬ siˬ tsawˇ gahˇ pyeuꞈ-eu Ka li meh.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.

2 Gawˇliˬtu 4:2

Shaꞈ dawˇ paˬ-ehˇ gʼeh-eu zaꞈ taˬ-euˬ jeˬ-ahˇ nga maꞈ tiˬ jawˇ-iˬ maˬ mˇ. Mehˇ shuiˇ shuiˇ-eu jeˬ hawˇ-eu Miˬyehˇ dawˬ kawˬ-ahˇ yuˇ pyawˆ-eu jeˬ nga maꞈ maˬ jahˇ. Yaw tsaˬ yaw dawˇ jeˬ-ahˇ bya cehˆ ni mehˬ-awˇ , nga maꞈ-ahˇ aˬ cawˬ jah coeˇ ni Miˬyehˇ-euˬ mehˬ shi dehꞈ luꞈ-eu ma.

Eˇpeˇsu 5:13

Dawˬ tawˆ luꞈ yaw shehꞈ laꞈ kʼoeˇ yuˇ doˆ laꞈ jiˇ ngeh, aˬ yawꞈ maꞈ aˬ joˆ-ehˇ gʼeh-eu tsawˇ haˬ pyeuꞈ-eu bya cehˆ ni mawˇ duˬ laˇ tehꞈ-a.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

Eˇpeˇsu 6:17

Ka kʼoꞈ-eu jeˬ pyeuꞈ-eu shmˇ uˬ kʼoˆ kʼoˆ-awˇ, Yaw sahˇ Miˬyehˇ neh biꞈ laꞈ-euˬ mi cehˇ pyeuꞈ-eu Miˬyehˇ-euˬ dawˬ kawˬ-ahˇ tuˆ tehˬ taˬ-awˬ.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

HeˬByehˇ 13:7

Naw maꞈ-ahˇ Miˬyehˇ dawˬ kawˬ mehˬ-euˬ aˬ yuiꞈ aˬ tsu deuˬ-ahˇ taˬ ngehˇ. Aˬ yawꞈ maꞈ aˬ joˆ-ehˇ dehꞈ yaꞈ jaˇ yaꞈ-awˇ shiˇ-euˬ gaˇ kawˆ-ahˇ shaˇ noeˬ-awˇ, aˬ yawꞈ maꞈ-euˬ jah-eu jeˬ-ahˇ dzaw geuꞈ-awˬ.

HeˬByehˇ 6:5

Miˬyehˇ-euˬ dawˬ kawˬ aˇ naˆ ni muiˬ-eu gaˇ kawˆ aˬ yawꞈ maꞈ-euˬ nui maˬ laꞈ kʼoeˇ ya siˬ ya mawˇ duˬ-awˇ, Miˬyehˇ uˆ lahˇ le-eu aˇ yamˬ-ahˇ taꞈ leˇ-eu baoˬ kʼoeˇ-ahˇ aˬ yawꞈ maꞈ ya siˬ duˬ gʼaˬ-euˬ meh.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

1 Beˬtuˆluˆ 1:23

Aˬ jeˬ miˇ neh ehˇ naˇ, naw maꞈ-aˬ, mˬ maˬ maˬ byaˆ zaˇ ziˇ ziꞈ-eu dehꞈ luꞈ-eu Miˬyehˇ-euˬ dawˬ kawˬ baˬ da neh tiˬ jawˇ-iˬ maˬ shiˇ ni dehꞈ-eu gʼaˬ-euˬ zaˬ pyeuꞈ laˇ-euˬ meh. Shiˇ nya-eu tsawˇ haˬ-euˬ zaˬ pyeuꞈ laˇ-euˬ maˬ ngeuˇ-a.

Panmaeq 1:16

Aˬ yawꞈ-euˬ aˇ maˇ laꞈ-ahˇ aˬ guiˇ shiꞈ siˬ tuˆ tehˬ taˬ-awˇ, kʼaˬ meh-ahˇ mi seuˬ nyiˬ pyawˬ tsoꞈ-eu mi cehˇ doˆ le-euˬ meh. A yawꞈ-euˬ myaˆ pyawˬ-aˬ, nah gʼahˇ paw tsehˬ-eu nahˇ ma loꞈ-lehˇ bya-eu meh.

Panmaeq 19:15

Miˇ tsaˬ tsawˇ jeuˬ deuˬ-ahˇ deuˆ gʼaˬ-eu gʼaˇ duˬ, taˆ dui dui-eu mi cehˇ tiˬ kahˇ aˬ yawꞈ-euˬ kʼaˬ meh-ahˇ doˆ le-euˬ meh. Shuiˇ gawˬ yoeˬ neh aˬ yawꞈ maꞈ-ahˇ aˬ yawꞈ zuiˆ-awˇ uˆ lahˇ-eu laꞈ kʼoeˇ, Baoˬ huiˬ-eu Miˬyehˇ-euˬ nui ma pehˇ-eu jeˬ pyeuꞈ-eu aˬ gaꞈ dzaˇ uiˇ nawˬ duˬ-ahˇ aˬ yawꞈ aˬ gaꞈ dzaˇ uiˇ nawˬ doˆ tehꞈ-a.

Panmaeq 19:21

Aˬ yawꞈ maꞈ-euˬ guiˇ maꞈ deuˬ-aˬ, mahˬ dziˬ luꞈ-eu gʼaˬ-euˬ kʼaˬ meh-ahˇ doˆ le-euˬ miˬ cehˇ neh bi sehꞈ jiˇ-euˬ meh. Aˇ jiˇ dawˬ tawˆ luꞈ aˬ yawꞈ maꞈ-euˬ shaˬ jiˇ tiˬ dehˆ dzaˬ-euˬ meh.

Panmaeq 2:16

Kʼoeˇ miˇ neh, nawˬ-euˬ iˬ baˇ-ahˇ byehˇ dzeh-awˬ. Maˬ byehˇ dzeh naˇ, nawˇ jawˇ gaˇ ngaˇ yaw kawˇ-ehˇ oe-awˇ, ngaˬ-euˬ kʼaˬ meh-ahˇ doˆ le-euˬ mi cehˇ neh tsawˇ haˬ kʼoeˇ deuˬ-ahˇ ngaˇ guiˇ deuˆ ma.

Panmaeq 2:23

Aˬ yawꞈ-euˬ mehˬ nah kʼaˇ caw teh-eu deuˬ-ahˇ ngaˇ sehꞈ ma. Kʼoeˇ ngeh jawˇ, tsawˇ haˬ yawˬ gʼaˬ na luꞈ-euˬ nui noeˬ nui duˇ dawˬ tawˆ luꞈ-ahˇ ngaˇ siˬ nya-eu gaˇ kawˆ, Ka li zaˬ aˇ muˇ dawˬ tawˆ luꞈ-ahˇ siˬ leˇ tehꞈ-a. Naw maꞈ yawˬ gʼaˬ na luꞈ-ahˇ yawˬ ha neh kʼaˇ mˇ taˬ-euˬ loꞈ-ehˇ ngaˇ mˇ kʼoꞈ nehˬ ma.

Panmaeq 20:4

Kʼoeˇ naˇ, dzoeˬ dzaˬ nuiˇ mahˬ tiˬ deuˬ-ahˇ ngaˇ ya mawˇ-euˬ ma. Kʼoeˇ gaˇ nuiˇ luꞈ-eu tsawˇ haˬ deuˬ-ahˇ yaˇ kʼaˬ daˇ-eu baoˬ biꞈ taˬ-euˬ meh. Yeˬsuˇ neh pah mehˬ-euˬ yaw tsaˬ yaw dawˇ gaˇ kawˆ hawˇ-eu Miˬyehˇ dawˬ kawˬ gaˇ kawˆ mehˬ-euˬ baˬ da neh bi sehꞈ-euˬ tsawˇ haˬ deuˬ-euˬ saꞈ laˇ deuˬ-ahˇ kʼawꞈ ya mawˇ-euˬ ma. Aˬ yawꞈ maꞈ-aˬ, jeˬ zaˬ yaw haiˬ kʼoeˇ mawˇ hawˇ-eu aˬ yawꞈ-euˬ tahˬ pahˬ aˬ ma mawˇ kawˇ-ahˇ uˬ duˬ maˬ tahˬ-ehˇ, aˬ yawꞈ maꞈ-euˬ naˇ kʼawˇ hawˇ-eu aˬ laꞈ-ahˇ aˬ yawꞈ-euˬ jmˬ maˬ diˬ taˬ-aˬ. Aˬ yawꞈ maꞈ gʼoꞈ dehꞈ laˇ-awˇ, Ka li nehˬ-ehˇ sahˬ paˬ geuꞈ-awˇ tiˬ heˇ kʼoꞈ uˆ lahˇ-euˬ meh.

Yaˇ kʼaˬ daˇ 3:16

Eˬhuˇdaˆ-aˬ, mi seuˬ nyiˬ pyawˬ tsoꞈ-awˇ, tiˬ caˆ mahˇ-eu mi cehˇ tiˬ kahˇ yawˬ haˇ yawˬ ha tehˆ-awˇ, saˬ pyaˬ aˇ maˇ pyaˬ-ahˇ paꞈ tawꞈ taˬ-awˇ, mehˬ tsoeˬ dm kaˬ taˬ-euˬ meh.