HeˬByehˇ 3:8 - Akha

⁸ naw maꞈ-euˬ aˬ poeˬ aˬ bawˇ deuˬ, Miˬyehˇ-ahˇ puiˬ-eu aˇ yamˬ-ahˇ, yawꞈ maꞈ nui ma gʼahˇ-euˬ loꞈ-ehˇ, Kʼoeˇ ngeh nah bawˇ tsahˬ bawˇ dahˇ-ahˇ, Miˬyehˇ-ahˇ lawˬ haw-euˬ loꞈ-ehˇ, naw maꞈ-euˬ nui ma taˬ bi gʼahˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Bawrtsanq bawrdanr lafkhoer, nawmaf-anr tsermr-euq arnan-anr puiq-euq lof-aer, nawmaf nuima taqghanr.

HeˬByehˇ 3:8 ပူးပေါင်းရင်းမြစ်များ

2 Sahˬpaˬ 17:14

Ehˇ kʼawꞈ, aˬ yawꞈ maꞈ maˬ naˇ haˇ geuꞈ-ehˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ jah-eu deuˬ pyeuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, nui ma gʼahˇ dui dui-eu meh.

2 Laˬsaˬbaˬ 30:8

Aˬ yawꞈ maꞈ loꞈ-ehˇ nui ma maˬ gʼahˇ ni, Sahˬpaˬ Miˬyehˇ-euˬ ehˇ dawˬ naˇ haˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh mˬ maˬ maˬ byaˆ zaˇ ziˇ bi muiˬ bi shawˇ laˇ gʼaˬ-euˬ Yeˬluˇsaˬlehˬ meu-ahˇ jaˆ-eu Uˬ duˬ tahˬ nymˇ nymˇ ma-ahˇ laˇ-awˇ, aˬ yawꞈ naw maꞈ-ahˇ nui ma pehˇ-eu jeˬ byoˆ-iˇ ni, aˬ yawꞈ-ahˇ uˬ duˬ tahˬ laˇ-awˬ.

2 Laˬsaˬbaˬ 36:13

Zeˬdaˬkiˇ-aˬ, aˬ yawꞈ-ahˇ guˆ tsiˬ nyehꞈ-awˇ Miˬyehˇ-euˬ tsawˇ myahˇ uˬ moˆ saˇ jaˇ bi dzaˬ-euˬ gʼaˬ pyeuꞈ-eu Neˬbuˬkaˬneˬzaˬ-ahˇ puiˬ-euˬ meh. Aˬ yawꞈ iˬ baˇ noeˬ poˆ-euˬ maˬ baw ni nui ma gʼahˇ dui dui-eu laꞈ kʼoeˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw maˬ gʼoꞈ leˇ ni dehꞈ-euˬ meh.

Neˬhaˬmiˇ 9:16

Ehˇ kʼawꞈ nga maꞈ-euˬ poeˬ piˬ deuˬ nui ma gʼahˇ-awˇ, nawˬ-euˬ dawˬ-ahˇ maˬ naˇ haˬ-a.

Yawˇbaˆ 9:4

Miˬyehˇ-aˬ, tsawˇ gahˇ ahˇ dui dui-awˇ baoˬ huiˬ-eu meh. Tsawˇ haˬ zaˬ tiˬ gʼaˬ-iˬ aˬ yawꞈ-ahˇ maˬ ciˬ daˬ peuˬ-a.

Jaceuq 106:14

Kʼaˇ shuiꞈ deh-ahˇ jawˇ ngeh aˬ yawꞈ maꞈ shaˬ jiˇ mehꞈ laˇ-awˇ, Miˬyehˇ-ahˇ lawˬ haw-euˬ meh.

Jaceuq 78:18

Aˬ yawꞈ maꞈ mehꞈ-eu jeˬ bi dzaˬ laꞈ lehˇ ehˇ-awˇ, Miˬyehˇ-ahˇ aˬ yawꞈ maꞈ lawˬ haw-euˬ meh.

Jaceuq 78:56

Ehˇ kʼawꞈ, Baoˬ huiˬ-eu Miˬyehˇ-ahˇ aˬ yawꞈ maꞈ puiˬ-awˇ, aˬ yawꞈ-ahˇ lawˬ haw-euˬ meh. Aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a.

Jaceuq 95:8

“Maˬ sah kʼaˇ shuiꞈ deh yaˇ-ahˇ jaˆ-eu Meˬliˇbaˬ lawˇ gawˆ-ahˇ, naw maꞈ-euˬ aˬ poeˬ aˬ bawˇ deuˬ nui ma gʼahˇ-euˬ loꞈ-ehˇ, naw maꞈ nui ma taˬ gʼahˇ. Kʼoeˇ ngeh nah aˬ yawꞈ maꞈ gʼeh-euˬ loꞈ-ehˇ, naw maꞈ taˬ gʼeh.

Doˆ-iˇ 17:7

Jawˇ duˬ kʼoeˇ tsahˇ-ahˇ, Maˬsaˬ hawˇ-eu Meˬliˇbaˬ lehˇ kuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, “Sahˬpaˬ Miˬyehˇ aˬ dui maꞈ nehˬ-ehˇ jawˇ nga loˇ, maˬ jawˇ nga loˇ” lehˇ aˬ yawꞈ maꞈ ehˇ-awˇ, Sahˬpaˬ Miˬyehˇ-ahˇ lawˬ haw-euˬ meh.

Doˆ-iˇ 8:15

Kʼaˬ paˬ kʼoeˇ deuˬ shiˇ jiˇ-euˬ gaˇ sahˬ paˬ kʼoeˇ gʼaˬ ya mawˇ ngeh, Sahˬpaˬ Miˬyehˇ neh ehˇ taˬ-euˬ loꞈ-ehˇ, aˬ yawꞈ-euˬ nui ma paˇ gʼahˇ laˇ-awˇ, Moˇseˬ hawˇ-eu Aˬloˬ-euˬ ehˇ dawˬ maˬ naˇ haˬ ni pyeuꞈ-iˇ-euˬ meh.

Dawqdaq 28:14

Aˬ myah luꞈ Sahˬpaˬ Miˬyehˇ-euˬ ehˇ dawˬ naˇ haˬ-eu tsawˇ haˬ nui saˇ oꞈ-awˇ, nui ma gʼahˇ-eu tsawˇ haˬ kʼoeˇ taˆ guˆ-eu gaˆ-eu jeˬ keuˆ le tehꞈ-a.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.

Daˬyeˬlaˇ 5:20

Ehˇ kʼawꞈ, aˬ yawꞈ nui ma huiˬ-eu mahˇ-eu jeˬ ahˇ laˇ-awˇ nui ma gʼahˇ-eu uˬ taꞈ, aˬ cawˬ-ahˇ gʼawˬ shaˬ gaˬ-eu maˬ siˬ nya-eu miˇ neh, aˬ yawꞈ-euˬ sahˬ paˬ aˇ yaˬ bi yuˇ ka-awˇ, yaw shehꞈ kʼahˬ sehˇ maˬ jaˆ ni pyeuꞈ-iˇ-euˬ meh.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Maꞈtehˬ 13:15

Nui ma aˬ dzawˬ dzawˬ-iˇ jiˇ-awˇ, naˬ bawˇ paꞈ tsoeˬ tsoeˬ taˬ jiˇ-awˇ, myaˆ nuiˆ miˆ tehˬ jiˇ taˬ-euˬ meh. Kʼoeˇ loꞈ-ehˇ maˬ ngeuˇ law nmˇ-aˬ, myaˆ nuiˆ-ahˇ mawˇ leˇ-awˇ, naˬ bawˇ-ahˇ gaˬ leˇ-awˇ, noeˬ siˬ noeˬ mawˇ nya-awˇ, naˇ gawˇ bi laˆ saˆ-eu gʼaˇ duˬ, ngaˇ jawˇ paw ciˬ pyawˇ tehꞈ-a lehˇ, Miˬyehˇ ehˇ luꞈ-eu meh.’

Gʼaˬkʼehˇ 19:9

Ehˇ kʼawꞈ, tiˬ paˆ na deuˬ nui ma gʼahˇ-eu laꞈ kʼoeˇ maˬ jah ni jawˇ-awˇ, aˬ cawˬ-euˬ mehˬ shi Sahˬpaˬ Yeˬsuˇ-euˬ Gaˇma-ahˇ ja bu ja doeˇ-euˬ meh. Kʼoeˇ miˇ neh, Pawˇluˆ jah-eu tsawˇ haˬ deuˬ-ahˇ sheuˬ-awˇ aˬ yawꞈ maꞈ jawˇ gaˇ neh iˇ doˆ-euˬ meh. Kʼoeˇ naˇ, Duˇlaˬnmˇ hawˇ nymˇ laꞈ kʼoeˇ, yawˬ nah na luꞈ Miˬyehˇ dawˬ kawˬ ja sawˇ mehˬ nehˬ-euˬ meh.

Gʼaˬkʼehˇ 7:36

Iˇjiˇtuˆ miˇ kʼahˬ laꞈ kʼoeˇ maˬ ehˇ, Iˬ ma laˆ shaˆ Yaw neˇ gʼahˇ ceh maˬ ehˇ, bawˇ tsahˬ bawˇ dahˇ laꞈ kʼoeˇ oeˬ tseˇ kʼoꞈ oeˬ tseˇ myaˇ cah luꞈ ngeh maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ mehˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ meh.

1 Gawˇliˬtu 10:9

Aˬ yawꞈ maꞈ tiˬ paˆ na deuˬ Miˬyehˇ-ahˇ lawˬ haw-euˬ loꞈ-ehˇ aˬ dui maˬ ya lawˬ haw-a. Aˬ yawꞈ maꞈ kʼoeˇ loꞈ-ehˇ lawˬ haw-euˬ miˇ meh aˇ lawˇ neh bi toˆ sehꞈ-euˬ meh.

Dawˬmehˬ 6:16

“Maˬsah lehˇ kuˇ-eu jawˇ duˬ-ahˇ naw maꞈ mˇ-euˬ loꞈ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˬ haw-eu jeˬ naw maꞈ taˬ paˇ mˇ.

1 Saˬmeuˬlaˆ 6:6

Aˬ jeˬ miˇ neh Iˇjiˇtuˆ tsawˇ haˬ deuˬ loꞈ-ehˇ naw maꞈ-euˬ nui ma gʼahˇ te. Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh maˬ bi doˆ-iˇ kʼoeˇ keuˆ ni, Iˇjiˇtuˆ tsawˇ haˬ deuˬ-ahˇ Miˬyehˇ neh yaw kʼaˆ-ehˇ kʼehˬ nehˬ-euˬ gaˇ naw maꞈ taˬ ngehˇ.