HeˬByehˇ 3:4 - Akha

⁴ Nymˇ yawˬ nymˇ na luꞈ tsoˆ-euˬ yaw sahˇ baw-eu meh. Yawˬ jeˬ na luꞈ-ahˇ tsoˆ-euˬ gʼaˬ-aˬ, Miˬyehˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqjeq mirnae aernar-aq, nymr yawqnymr navluf tsov-euq tsawrhaq jawr-eu mae. Aerkhawf, yawqjeq navluf-anr bae-euq ghaq-aq, Miqyaer mae.

HeˬByehˇ 3:4 ပူးပေါင်းရင်းမြစ်များ

Iˇsaˬtaˆ 2:10

Iˇsaˬtaˆ-aˬ, Mawˬdaˬkehˇ neh aˬ yawꞈ-ahˇ mehˬ gahˇ nehˬ taˬ-euˬ loꞈ-ehˇ, aˬ yawꞈ Yuˇdaˆ tsawˇ jeuˬ pyeuꞈ-eu gaˇ kawˆ aˬ cawˬ maˬ bi siˬ ni zaꞈ taˬ-euˬ meh.

Iˇsaˬtaˆ 3:9

Sahˬ paˬ nawˇ nui ma tsaˬ naˇ, tsawˇ haˬ kʼoeˇ deuˬ-ahˇ sehꞈ-awˬ lehˇ dawˬ biꞈ gʼeh-awˬ. Nawˇ kʼoeˇ loꞈ-ehˇ jahˇ naˇ, miˇ kʼahˬ-ahˇ uˆ lahˇ-eu gaˇ laꞈ kʼoeˇ bi zmˬ-eu gʼaˇ duˬ, sahˬ paˬ-euˬ pyuˇ cehˇ jiˇ laꞈ kʼoeˇ pyuˇ nyiˬ seh oeˬ heˇ jawꞈ-i bi lahˬ laˇ ma lehˇ ngaˇ kamˬ tsehˆ peuˬ ma.”

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

HeˬByehˇ 3:3

Nymˇ-ahˇ ciˬ huiˬ ciˬ mahˇ-eu naˆ maˬ tseˇ, nymˇ tsoˆ-euˬ gʼaˬ-ahˇ ciˬ huiˬ ciˬ mahˇ dzehˬ-eu meh. Kʼoeˇ gaˇ duˇ ni, Yeˬsuˇ-aˬ, Moˇseˬ naˆ maˬ tseˇ ciˬ huiˬ ciˬ mahˇ nehˬ-eu jeˬ-ahˇ za geuˇ-eu meh.

HeˬByehˇ 3:5

Moˇseˬ-aˬ, Miˬyehˇ-euˬ nymˇ jiˇ laꞈ kʼoeˇ zaˬ kʼaˆ geuˬ-euˬ saˇ jaˇ ziꞈ-eu tsawˇ haˬ tiˬ gʼaˬ pyeuꞈ-awˇ, aˬ kaˇ mehˬ hu paw-euˬ gʼaˇ duˬ Miˬyehˇ aˬ geu jeˬ ehˇ-eu lehˇ gʼeh-eu gaˇ kawˆ, tsawˇ haˬ zaˬ-ahˇ aˬ yawꞈ toeˬ mehˬ-euˬ meh.