HeˬByehˇ 3:3 - Akha

³ Nymˇ-ahˇ ciˬ huiˬ ciˬ mahˇ-eu naˆ maˬ tseˇ, nymˇ tsoˆ-euˬ gʼaˬ-ahˇ ciˬ huiˬ ciˬ mahˇ dzehˬ-eu meh. Kʼoeˇ gaˇ duˇ ni, Yeˬsuˇ-aˬ, Moˇseˬ naˆ maˬ tseˇ ciˬ huiˬ ciˬ mahˇ nehˬ-eu jeˬ-ahˇ za geuˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nymr-anr navmaqtser, nymr tsov-euq ghaq-anr taqhuiq-eu lof-aer, Yeqsur khawf Morseq navmaqtser khanqsaer za-eu geux mae laer sawxtaq-euq mae.

HeˬByehˇ 3:3 ပူးပေါင်းရင်းမြစ်များ

Zaˬkaˬliˇ 4:9

“Zeˬluˇbaˬbeˬlaˇ Uˬ duˬ tahˬ nymˇ nymˇ ma gawˬ-eu aˇ dahˬ beh-euˬ meh. Aˇ saˬ saˬ ngeh keuˆ ni aˬ yawꞈ mˇ pyeuꞈ nya tehꞈ-a. Kʼoeˇ loꞈ-ehˇ gawˬ gʼaˬ ngeh, ngaˬ neh nawˬ-ahˇ pyehˬ gʼeh leꞈ-euˬ nga lehˇ, miˇ kʼahˬ zaˬ deuˬ siˬ duˬ tehˬ-a.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

1 Gawˇliˬtu 3:9

Aˬ jeˬ miˇ neh ehˇ naˇ, nga nyaꞈ-aˬ, Miˬyehˇ-euˬ gaˇ-ahˇ tiˬ kawˆ loꞈ-ehˇ mˇ luꞈ-eu gaˇ mˇ cawˬ pyeuꞈ-eu ma. Naw maꞈ-aˬ, Miˬyehˇ-euˬ deh yaˇ meh. Naw maꞈ-aˬ, Miˬyehˇ tsoˆ luꞈ-eu nymˇ meh.

2 Gawˇliˬtu 3:7

Zahˇ dawˬ kʼoꞈ dawˬ kʼoeˇ-aˬ, kʼaˬ lo kʼoeˇ taˆ taꞈ boꞈ taˬ-awˇ, Zahˇ dawˬ kʼoꞈ dawˬ kʼoeˇ biꞈ le ngeh, Miˬyehˇ-euˬ yaw shehꞈ kʼahˬ sehˇ doˆ le-euˬ meh. Moˇseˬ-euˬ myaˆ pyawˬ kʼoeˇ taˆ bya-eu yaw shehꞈ kʼoeˇ-aˬ, tiˬ kʼehˇ laˇ kʼehˬ tehꞈ-ehˇ gmˬ-eu yaw shehꞈ pyeuꞈ kʼawꞈ, yaw shehꞈ aˇ dzehˬ-ehˇ kʼaˆ-eu miˇ neh Iˇsaˬleˬlaˇ tsawˇ haˬ deuˬ Moˇseˬ-euˬ myaˆ pyawˬ-ahˇ maˬ haw peuˬ-a. Shiˇ-eu jeˬ bi keuˆ le-eu Zahˇ dawˬ kʼoꞈ dawˬ kʼawꞈ, kʼoeˇ naˆ naˆ-ehˇ gʼeh-eu yaw shehꞈ kʼahˬ sehˇ laꞈ kʼoeˇ oe-euˬ ngeuˇ naˇ,

Gawˇlawˇsehˇ 1:18

Aˬ yawꞈ-aˬ, aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ-euˬ uˬ duˬ pyeuꞈ-awˇ, gʼawˇ mawˇ kʼoeˇ-ahˇ yaw dehꞈ bi dehꞈ-eu gʼaˬ pyeuꞈ-eu meh. Kʼaˇ jawˇ kʼaˇ jaˆ-eu jeˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzeh ni, shiˇ-euˬ gaˇ gʼoꞈ dehꞈ laˇ-euˬ dehꞈ beh beh le-euˬ gʼaˬ pyeuꞈ-eu meh.

HeˬByehˇ 2:9

Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.

HeˬByehˇ 3:4

Nymˇ yawˬ nymˇ na luꞈ tsoˆ-euˬ yaw sahˇ baw-eu meh. Yawˬ jeˬ na luꞈ-ahˇ tsoˆ-euˬ gʼaˬ-aˬ, Miˬyehˇ meh.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.