HeˬByehˇ 3:18 - Akha

¹⁸ “Aˬ yawꞈ maꞈ-ahˇ ngaˇ biꞈ nehˬ-awˇ gʼaˬ naˬ bi naˬ-eu lehˇ lehˬ hmˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ maˬ paˇ bi uˇ leˇ ma” lehˇ Miˬyehˇ ehˇ-awˇ saˇ jaˇ dzaˬ-euˬ kʼoeˇ, aˬ suˇ gʼaˬ-ahˇ ehˇ-euˬ ta. Aˬ yawꞈ-ahˇ puiˬ-euˬ tsawˇ haˬ kʼoeˇ deuˬ-ahˇ ehˇ-euˬ maˬ ngeuˇ-a loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Miqyaer, aqyawf-euq ghaqnaq naqduq-anr maqbi urlar laer, aqsur ghaq-anr kamq-eu lafkhoer aernaeq-euq la? Aqyawf-euq dawq maq narhaq geuf-eu tsawrhaq khoerdeuq-anr maqngeur-a lor?

HeˬByehˇ 3:18 ပူးပေါင်းရင်းမြစ်များ

Jaceuq 78:22

Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ jah-ehˇ, aˬ yawꞈ ka kʼoꞈ nehˬ laꞈ tehꞈ-a lehˇ maˬ jah-a.

Bawˇtsahˬ 14:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ heu deuˬ aˇ myah keuˆ ni ngaˬ-ahˇ byehˇ dzeh-eu lehˇ gʼeh ta. Aˬ yawꞈ maꞈ-ahˇ zahˬ leˇ paˬ-ehˇ gʼeh-eu jeˬ gʼawˬ mya poˆ mˇ mehˬ gʼaˬ-euˬ kʼawꞈ, ngaˬ-ahˇ maˬ jah-ehˇ aˬ yawꞈ maꞈ aˬ myah keuˆ ni jawˇ-eu gʼeh ta.

Bawˇtsahˬ 14:23

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, aˬ yawꞈ maꞈ tiˬ jawˇ-iˬ maˬ paˇ ya uˇ keuˆ leˇ meh. Ngaˬ-ahˇ kʼaˇ byehˇ dzeh-euˬ tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-a.

Bawˇtsahˬ 14:30

Naw maꞈ-ahˇ kʼoeˇ gaˇ bi jawˇ ma lehˇ ngaˬ neh saˇ jaˇ dzaˬ taˬ-euˬ jaˆ-eu kʼawꞈ, Gaˬlehˆ hawˇ-eu Yawˇshuˆ maˬ ngeuˇ naˇ tiˬ gʼaˬ-iˬ maˬ paˇ ya jawˇ keuˆ leˇ meh.

Bawˇtsahˬ 20:12

Ehˇ kʼawꞈ, Moˇseˬ hawˇ-eu Aˬloˬ aˬ nyaꞈ-ahˇ Sahˬpaˬ Miˬyehˇ nui ma maˬ saˇ-ehˇ ehˇ-eu, “Naw nyaꞈ-aˬ, ngaˬ-ahˇ jah-eu maˬ byah maˬ loꞈ-euˬ laꞈ kʼoeˇ, Iˇsaˬleˬlaˆ tsawˇ haˬ heu myaˆ ni gʼeh-eu mehˬ shi, ngaˬ-euˬ muiˬ-eu shawˇ-eu baoˬ-ahˇ yaw zeu maˬ baw-eu miˇ neh, tsawˇ haˬ heu deuˬ-ahˇ biꞈ ma lehˇ ngaˬ neh saˇ jaˇ dzaˬ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ naw nyaꞈ maˬ paˇ ya sheuˬ uˇ gʼeh meh.”

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Lormav 11:30

Yuˇdaˆ tsawˇ haˬ maˬ ngeuˇ-eu naw maꞈ deuˬ-aˬ, dzeuˇ laˇ ngeh Miˬyehˇ-euˬ ehˇ dawˬ maˬ naˇ haˬ-aˬ. Ehˇ kʼawꞈ, nymˬ-mˇ-aˬ, Yuˇdaˆ tsawˇ haˬ deuˬ Miˬyehˇ-euˬ ehˇ dawˬ maˬ naˇ haˬ-eu miˇ neh, Miˬyehˇ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

Dawˬmehˬ 9:23

Kʼoeˇ naˇ, aˬ yawꞈ neh naw maꞈ-ahˇ biꞈ-euˬ miˇ kʼahˬ-ahˇ jawˇ leˇ-awˬ lehˇ, Kaˬdeˬshaˇ Baˬneˬ lehˇ kuˇ-eu jawˇ duˬ-ahˇ neh naw maꞈ-ahˇ bi le ngeh kʼawꞈ, naw maꞈ aˬ yawꞈ-ahˇ puiˬ-euˬ meh.

HeˬByehˇ 3:11

Ngaˇnui ma pehˇdui dui laˇ-awˇ, heu loꞈ-ehˇ saˇ jaˇ dzaˬ-euˬ ma. ‘Yawꞈ maꞈ gʼaˬ naˬ bi naˬ-eu lehˇ, lehˬ hmˬ taˬ-euˬ miˇ kʼahˬ laꞈ kʼoeˇ, tiˬ jawˇ-iˬ maˬ bi uˇ leˇma.”’

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

HeˬByehˇ 4:2

Aˬ jeˬ miˇ neh ehˇ naˇ, Laˬ kʼaˬ cehˇ-eu Guiˬlahˬ dawˬ-ahˇ aˬ yawꞈ maꞈ ya gaˬ-euˬ loꞈ-ehˇ, aˬ dui kʼawꞈ ya gaˬ gʼaˬ-euˬ ma. Guiˬ lahˬ dawˬ kʼoeˇ-ahˇ aˬ yawꞈ maꞈ ya gaˬ-euˬ kʼawꞈ, jah-eu laꞈ kʼoeˇ maˬ ha geuꞈ-euˬ miˇ neh aˬ yawꞈ maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.

HeˬByehˇ 4:6

Laˬ kʼaˬ cehˇ-eu Guiˬ lahˬ dawˬ-ahˇ gaˬ dahˬ beh-euˬ tsawˇ haˬ kʼoeˇ deuˬ-aˬ, maˬ jah-euˬ baˬ da neh gʼaˬ naˬ naˬ-eu jeˬ kʼoeˇ-ahˇ maˬ za-aˬ. Kʼoeˇ naˇ, gʼaˬ naˬ naˬ-eu jeˬ kʼoeˇ-ahˇ bi za-euˬ tsawˇ haˬ deuˬ jawˇ-eu meh.