HeˬByehˇ 3:11 - Akha

¹¹ Ngaˇnui ma pehˇdui dui laˇ-awˇ, heu loꞈ-ehˇ saˇ jaˇ dzaˬ-euˬ ma. ‘Yawꞈ maꞈ gʼaˬ naˬ bi naˬ-eu lehˇ, lehˬ hmˬ taˬ-euˬ miˇ kʼahˬ laꞈ kʼoeˇ, tiˬ jawˇ-iˬ maˬ bi uˇ leˇma.”’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Khoermirnae, ngar nuima paer-eu lafkhoer heulof-aer kamq-euq ma, ‘Aqyawfmaf, ngaq-euq ghaqnaq naqduq-anr maqya urler-ar.’ ” (Jc 95:7-11)

HeˬByehˇ 3:11 ပူးပေါင်းရင်းမြစ်များ

Jaceuq 106:26

Kʼoeˇ miˇ neh, aˬ yawꞈ maꞈ-ahˇ aˬ yawꞈ yaw kʼaˆ-ehˇ mehˬ nehˬ-awˇ, kʼaˇ shuiꞈ deh-ahˇ bi shiˇ jiˇ ma lehˇ ehˇ nehˬ-euˬ meh.

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

Bawˇtsahˬ 14:25

Deh kʼawꞈ kʼoeˇ deuˬ laꞈ kʼoeˇ, Aˬmaˬlehˇ tsawˇ jeuˬ hawˇ-eu Kaˬnaˬ tsawˇ jeuˬ jawˇ luꞈ-eu miˇ neh, ni shawˬ nah Aˬgaˬbaˬ Iˬ ma laˆ shaˆ lahˇ gʼoꞈ paw neh bawˇ tsahˬ bawˇ dahˇ paw paˇ gʼoꞈ-iˇ-awˬ.”

Bawˇtsahˬ 14:35

Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu ma. Ngaˬ-ahˇ puiˬ-eu lehˇ tiˬ kawˆ loꞈ-ehˇ uiˬ leˇ taˬ-euˬ haiˬ-eu tsawˇ haˬ pyeuꞈ-eu naw maꞈ-ahˇ kʼoeˇ loꞈ-ehˇ jahˇ nehˬ ma lehˇ ngaˇ kamˬ tsehˆ-eu ma. Bawˇ tsahˬ bawˇ dahˇ heu tsahˇ laꞈ kʼoeˇ naw maꞈ yawˬ gʼaˬ na luꞈ ya shiˇ jiˇ tehꞈ-a’ lehˇ ehˇ nehˬ-awˬ.”

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

HeˬByehˇ 4:3

Aˬ dui jah-eu tsawˇ haˬ deuˬ-aˬ, Miˬyehˇ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ za-euˬ meh. Aˬ yawꞈ neh ehˇ taˬ-euˬ loꞈ-ehˇ, “Ngaˇ nui ma pehˇ dui dui laˇ-awˇ, heu loꞈ-ehˇ saˇ jaˇ dzaˬ-euˬ ma. ‘Yawꞈ maꞈ gʼaˬ naˬ bi naˬ-eu lehˇ, lehˬ hmˬ taˬ-euˬ miˇ kʼahˬ laꞈ kʼoeˇ, tiˬ jawˇ-iˬ maˬ bi uˇ leˇ ma.’ ” Miˬyehˇ-aˬ, aˬ yawꞈ mˬ beh miˇ beh ngeh neh aˬ yawꞈ-euˬ gaˇ dawˬ tawˆ luꞈ mˇ gʼaˬ jiˇ-euˬ kʼawꞈ, kʼoeˇ loꞈ-ehˇ ehˇ-euˬ meh.

HeˬByehˇ 4:5

Gaˇ kawˆ kʼoeˇ aˬ yawꞈ tiˬ hmˬ-ahˇ, “Aˬ yawꞈ maꞈ-ahˇ ngaˇ biꞈ nehˬ-awˇ, gʼaˬ naˬ bi naˬ-eu lehˇ lehˬ hmˬ taˬ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ maˬ paˇ bi uˇ leˇ ma” lehˇ paˇ ehˇ poˆ taˬ-euˬ meh.

HeˬByehˇ 4:9

Kʼoeˇ miˇ neh, shiꞈ nah tiˬ nah-ahˇ Miˬyehˇ gʼaˬ naˬ naˬ-euˬ loꞈ-ehˇ, Miˬyehˇ-euˬ zaˬ deuˬ gʼaˇ duˬ gʼaˬ naˬ naˬ-eu jeˬ jaˆ luꞈ-a siˬ.