HeˬByehˇ 2:9 - Akha

⁹ Ehˇ kʼawꞈ, Miˬyehˇ-euˬ guiˬ lahˬ yaw dzahˇ baˬ da neh, tsawˇ haˬ yawˬ gʼaˬ na luꞈ gʼaˇ duˬ bi shiˇ dah-eu lehˇ, tiˬ kʼehˬ tiˬ yamˬ laꞈ kʼoeˇ mˬ taˆ gʼaˬ kʼehˇ deuˬ-euˬ laꞈ oˆ bi jawˇ-euˬ gʼaˬ pyeuꞈ-eu Yeˬsuˇ-ahˇ aˬ dui mawˇ-euˬ ma. Shiˇ gaˇ keuˆ ni aˬ yawꞈ ya daˬ gʼaˬ-euˬ miˇ neh, nymˬ-mˇ aˬ yawꞈ-ahˇ yaw shehꞈ kʼahˬ sehˇ huiˬ-eu ciˬ huiˬ ciˬ mahˇ-eu shuiˇ uˬ kʼoˆ bi kʼoˆ-euˬ gaˇ aˬ dui ya mawˇ luꞈ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aerkhawf, mqtav ghaqkhaer taf-aer uicuiv teqni janrnaeq-euq Yeqsur-anr aqdui ya’mawr-euq ma. Aqyawf shir-eu gar yadaq-euq mirnae, taqhuiq taqmanr-eu jeq hawr-eu yawshaef khanqsaer, shuir uqkhov lof-aer aqyawf-anr ciqkhov naeq-euq mae. Miqyaer-euq guiqlanq yawdzanr baqda’nae, aqyawf, tsawrhaq yawqghaq navluf-euq gharduq shirdan-euq mae.

HeˬByehˇ 2:9 ပူးပေါင်းရင်းမြစ်များ

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Iˇsaˬyaˇ 11:1

Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Maꞈtehˬ 16:28

Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Tsawˇhaˬ-euˬ Zaˬmaˇ sahˬ paˬ geuꞈ-awˇ oe gaˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Maꞈtehˬ 6:28

“Aˬ jeˬ miˇ neh dm gʼaˬ dm lmˇ gaˇ kawˆ naw maꞈ kʼahˬ lahˇ te. Bawˇ tsahˬ-ahˇ dehꞈ-eu aˇ yehˆ gaˇ kawˆ shaˇ noeˬ haw sheˇ. Aˬ yawꞈ maꞈ saˬ laˬ maˬ gʼawˇ, saˬ nmˇ maˬ zaꞈ-a.

Maˬkuˆ 9:1

Aˬ yawꞈ paˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Heu gaˇ jawˇ luꞈ-eu tsawˇ haˬ tiˬ paˆ na deuˬ maˬ shiˇ dzeuˇ mi naˆ-ehˇ, Miˬyehˇ Miˇkʼahˬ baoˬ tiˬ byah ni keuˆ le gaˇ ya mawˇ tehꞈ-a.”

Luˇkaꞈ 9:27

Heu gaˇ jawˇ-eu tsawˇ haˬ tiˬ paˆ na deuˬ maˬ shiˇ dzeuˇ jiˇ mi naˆ-ehˇ, Miˬyehˇ Miˇkʼahˬ-ahˇ ya mawˇ tehꞈ-a lehˇ, ngaˇ naw maꞈ-ahˇ maˇ jawˆ ni ehˇ-eu ma.”

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Yoˇhaˬ 10:17

“Ngaˇ tiˬ poˆ paˇ ya dehꞈ ni ngaˬ-euˬ gʼawˇ mawˇ shiˇ dah peuˬ-eu miˇ neh, Aˬda ngaˬ-ahˇ gaˬ-euˬ meh.

Yoˇhaˬ 12:32

Miˇ tsaˬ heu kʼoeˇ taˆ ngaˬ-ahˇ kʼahˬ tuˇ ngeh, tsawˇ haˬ yawˬ gʼaˬ na luꞈ ngaˇ jawˇ gaˇ laˇ ni ngaˇ jahˇ ma.”

Yoˇhaˬ 3:16

Miˬyehˇ miˇ tsaˬ zaˬ-ahˇ gaˬ dui dui-eu miˇ neh, aˬ yawꞈ-euˬ Zaˬmaˇ tiˬ gʼaˬ tehꞈ kʼawꞈ biꞈ nehˬ leꞈ-euˬ meh. Zaˬmaˇ-ahˇ kʼaˇ jah-eu tsawˇ haˬ maˬ ya cawˆ-iˇ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 8:51

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ-eu tsawˇ haˬ-aˬ, tiˬ jawˇ-iˬ maˬ shiˇ-aˇ.”

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Lormav 5:18

Tsawˇ haˬ zaˬ tiˬ gʼaˬ neh mˇ-euˬ iˬ baˇ baˬ da neh tsawˇ haˬ zaˬ dawˬ dawˆ luꞈ yaˇ kʼaˬ daˇ nehˬ gaˇ ya daˬ-eu loꞈ-ehˇ, tsawˇ haˬ zaˬ tiˬ gʼaˬ neh mˇ-euˬ yaw tsaˬ yaw dawˇ jeˬ baˬ da neh tsawˇ haˬ zaˬ dawˬ tawˆ luꞈ-ahˇ bi buˬ bi law-iˇ-awˇ, yaw dehꞈ bi dehꞈ-eu meh.

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Lormav 8:32

Yawˬ ha-euˬ Zaˬmaˇ-ahˇ keuˆ ni ciˇ kʼoꞈ maˬ kʼoꞈ ni aˬ dui dawˬ tawˆ luꞈ gʼaˇ duˬ biꞈ nehˬ leꞈ-euˬ Miˬyehˇ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ aˬ dui-ahˇ maˬ biꞈ laꞈ-aˇ loˇ.

2 Gawˇliˬtu 5:15

Dehꞈ luꞈ-eu tsawˇ haˬ deuˬ kʼawꞈ yawˬ ha gʼaˇ duˬ dehꞈ luꞈ-eu jeˬ maˬ bi pyeuꞈ-ehˇ, aˬ yawꞈ maꞈ gʼaˇ duˬ shiˇ dah-awˇ paˇ bi gʼoꞈ dehꞈ laˇ-euˬ gʼaˬ-euˬ gʼaˇ duˬ tehꞈ-ehˇ dehꞈ luꞈ-eu jeˬ bi pyeuꞈ ni, dawˬ tawˆ luꞈ gʼaˇ duˬ aˬ yawꞈ shiˇ dah-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 4:4

Ehˇ kʼawꞈ, aˇ yamˬ tsaˬ laˇ ngeh jawˇ, Miˬyehˇ neh aˬ yawꞈ-euˬ Zaˬmaˇ-ahˇ bi oe-euˬ meh. Zaˬ miˬ zaˬ-euˬ uˬ maˆ laꞈ kʼoeˇ neh dehꞈ doˆ le-awˇ, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ uˬ moˆ jawˇ-euˬ meh.

1 Tiˆmoˇseˬ 2:6

Tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, aˬ yawꞈ-euˬ gʼawˇ mawˇ biꞈ dah-euˬ meh. Kʼoeˇ-aˬ, tsawˇ haˬ yawˬ gʼaˬ na luꞈ-ahˇ Miˬyehˇ ka kʼoꞈ mawꞈ-eu gaˇ kawˆ, aˇ yamˬ tsaˬ laˇ ngeh bi siˬ bi mawˇ le-euˬ saˇ kiˇ pyeuꞈ-eu meh.

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”

HeˬByehˇ 10:5

Kʼoeˇ baˬ da neh, Ka li miˇ tsaˬ heu kʼoeˇ taˆ zaꞈ le-eu lehˇ gʼeh ngeh, aˬ yawꞈ Miˬyehˇ-ahˇ heu loꞈ-ehˇ ehˇ nehˬ-euˬ meh. “Lawˇ nehˬ-eu jeˬ, damˬ nehˬ-eu jeˬ, heu deuˬ-ahˇ nawˇ maˬ geuꞈ mawꞈ-a. Ehˇ kʼawꞈ ngaˬ-ahˇ gʼawˇ mawˇ tiˬ mawˇ, nawˬ neh laˆ saˆ nehˬ laꞈ-euˬ meh.

HeˬByehˇ 11:5

Eˇnawˆ maˬ shiˇ-euˬ tsawˇ haˬ pyeuꞈ-eu kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ Miˬyehˇ jawˇ gaˇ bi ciˬ daˆ leꞈ-awˇ, tsawˇ haˬ tiˬ gʼaˬ-iˬ aˬ yawꞈ-ahˇ maˬ paˇ ya mawˇ haw-aˬ. Aˬ jeˬ miˇ neh ehˇ naˇ, Miˬyehˇ neh aˬ yawꞈ-ahˇ ciˬ kʼoꞈ daˆ leꞈ-euˬ meh. Aˬ yawꞈ-ahˇ maˬ bi ciˬ kʼoꞈ daˆ leꞈ mi naˆ-ehˇ Miˬyehˇ nui kʼahˇ shiˇ ni aˬ yawꞈ dehꞈ-euˬ meh lehˇ Jaˇliꞈ laꞈ kʼoeˇ ehˇ taˬ-euˬ meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 2:7

Tiˬ kʼehˬ tiˬ yamˬ laꞈ kʼoeˇ nawˬ neh, mˬ taˆ gʼaˬ kʼehˇ deuˬ-euˬ laꞈ oˆ, aˬ yawꞈ-ahˇ yuˇ awˆ nehˬ-euˬ meh. Yaw shehꞈ kʼahˬ sehˇ huiˬ dui dui-eu, ciˬ huiˬ ciˬ mahˇ-eu shuiˇ uˬ kʼoˆ, aˬ yawꞈ-ahˇ nawˇ nyehꞈ kʼoˆ nehˬ-awˇ,

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

HeˬByehˇ 8:3

Piˇ ma yawˬ huiˬ gʼaˬ kʼaˇ geuꞈ-eu yawˬ gʼaˬ na luꞈ, Miˬyehˇ-ahˇ damˬ nehˬ-eu jeˬ hawˇ-eu lawˇ-eu shehˇ-eu jeˬ ya mˇ-eu meh. Kʼoeˇ loꞈ-ehˇ duˇ ni, aˬ dui-euˬ Piˇma Yaw huiˬ gʼaˬ kʼawꞈ, Miˬyehˇ-ahˇ ya lawˇ ya shehˇ meh.

1 Beˬtuˆluˆ 1:21

Aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-awˇ yaw shehꞈ kʼahˬ sehˇ biꞈ nehˬ-euˬ gʼaˬ pyeuꞈ-eu Miˬyehˇ-ahˇ, aˬ yawꞈ baˬ da neh naw maꞈ jah laˇ-euˬ meh. Kʼoeˇ miˇ neh, naw maꞈ jah-awˇ noeˬ tmˬ-eu jeˬ-aˬ, Miˬyehˇ tiˬ gʼaˬ tehꞈ meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

Panmaeq 19:12

Aˬ yawꞈ-euˬ myaˆ nuiˆ miˬ dzaˬ miˬ lmˇ-ahˇ duˇ-awˇ, uˬ duˬ-ahˇ shuiˇ uˬ kʼoˆ gʼawˬ mya siˬ kʼoˆ luꞈ-eu meh. Aˬ yawꞈ-ahˇ tsawˇ myahˇ tiˬ myahˇ boꞈ myahˬ taˬ-awˇ, aˬ yawꞈ maˬ ngeuˇ naˇ tsawˇ myahˇ kʼoeˇ myahˇ-euˬ dawˬ tsuiꞈ tiˬ gʼaˬ-iˬ maˬ siˬ nya-a.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.