HeˬByehˇ 2:3 - Akha

³ Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.

HeˬByehˇ 2:3 ပူးပေါင်းရင်းမြစ်များ

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 20:6

Aˇ nah aˇ yamˬ kʼoeˇ keuˆ le ngeh, Piˇliˇtiˆ miˇ kʼahˬ iˬ ma laˆ shaˆ lawˇ deh caw caw-ehˇ jawˇ-eu tsawˇ haˬ deuˬ heu loꞈ-ehˇ ehˇ tehꞈ-a. ‘Haw sheˇ. Aˬshuˇliˆ sahˬ paˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nya tehꞈ-a lehˇ, aˬ dui neh noeˬ tmˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ nga. Aˬ dui aˬ joˆ-ehˇ dzeuˇ-iˇ nya nmˇ.’ ”

Iˇsaˬyaˇ 51:5

Ngaˇ yaw kawˇ-ehˇ oe-awˇ aˬ yawꞈ maꞈ-ahˇ ka kʼoꞈ le ma. Ngaˇ gʼaˬ leˇ-eu aˇ yamˬ dawˬ peh peh laˇ luꞈ meh. Tsawˇ jeuˬ dawˬ tawˆ luꞈ-ahˇ ngaˇ uˆ lahˇ ma. Gaˇ mahˇ kaˬ-eu miˇ kʼahˬ deuˬ ngaˬ-ahˇ dawˬ luꞈ meh. Aˬ yawꞈ maꞈ-ahˇ ngaˇ ka kʼoꞈ nehˬ le gaˇ noeˬ tmˬ luꞈ meh.

Iˇsaˬyaˇ 51:8

Aˬ iˬ bi shehˇ byoˆ-euˬ mehˬ tsoeˬ paˇ cehˇ loꞈ-ehˇ, aˬ yawꞈ maꞈ ya cawˆ-iˇ tehꞈ-a. Ehˇ kʼawꞈ, ngaˬ-euˬ ka kʼoꞈ-eu jeˬ mˬ maˬ maˬ byaˆ zaˇ ziˇ ziꞈ-awˇ, ngaˬ neh gʼaˬ leˇ-eu jeˬ poˆ laˇ paˇ laˇ-eu maˬ baw-a.”

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Yeˬsaˬgeˬlaˇ 17:15

Ehˇ kʼawꞈ, Yuˇdaˆ sahˬpaˬ puiˬ-awˇ, mahˬ deuˬ hawˇ-eu yehˇ deuˬ gʼawˬ mya ni caw ba nehˬ laꞈ gaˇ noeˬ tmˬ-awˇ, Iˇjiˇtuˆ sahˬpaˬ jawˇ gaˇ tsawˇ haˬ pyehˬ gʼeh-euˬ meh. Aˬ yawꞈ kʼoeˇ loꞈ-ehˇ leh jeh pyeuꞈ nya tehꞈ-a loˇ. Aˬ yawꞈ kʼoeˇ loꞈ-ehˇ teuˆ-awˇ teuˆ buˬ nya tehꞈ-a loˇ. Aˬ yawꞈ saˇ jaˇ puiˬ-euˬ baˬ da neh, kʼehˬ-eu kʼaˆ-eu jeˬ-ahˇ maˬ dzeuˇ-iˇ nya-a.”

Yeˬsaˬgeˬlaˇ 17:18

Aˬ yawꞈ neh kamˬ taˬ-euˬ dawˬ hawˇ-eu, aˬ yawꞈ neh dzaˬ taˬ-euˬ saˇ jaˇ-ahˇ aˬ yawꞈ puiˬ-euˬ meh. Heu deuˬ dawˬ tawˆ luꞈ-ahˇ aˬ yawꞈ mˇ-euˬ miˇ neh, nymˬ-mˇ aˬ yawꞈ maˬ paˇ law-iˇ nya meh.”

Maꞈtehˬ 23:33

Aˇ lawˇ uiˇ naˆ-euˬ zaˬ deuˬ-oˇ, shiˬ buiˇ lah ma-ahˇ maˬ ya uˇ-iˇ ni ya dzeuˇ-iˇ ma lehˇ naw maꞈ noeˬ te loˇ.

Maꞈtehˬ 4:17

Aˇ yamˬ kʼoeˇ yamˬ-ahˇ neh aˇ dahˬ beh-awˇ, Yeˬsuˇ dawˬ mehˬ mehˬ-euˬ meh. “Mˬ taˆ Miˇ kʼahˬ peh le luꞈ meh. Iˬ baˇ noeˬ poˆ-awˬ” lehˇ ehˇ-eu gaˇ kawˆ mehˬ-euˬ meh.

Maˬkuˆ 1:14

Yoˇhaˬ-ahˇ aˬ cawˬ neh tawˬ laꞈ kʼoeˇ bi nyehꞈ uˇ gʼaˬ ngeh, Gaˬliˬlehˇ miˇ kʼahˬ-ahˇ Yeˬsuˇ iˇ-awˇ, Miˬyehˇ-euˬ Laˬ kʼaˬ cehˇ-eu Guiˬ lahˬ dawˬ mehˬ-iˇ-euˬ meh.

Luˇkaꞈ 1:2

Gaˇ kawˆ kʼoeˇ deuˬ-ahˇ aˇ dahˬ beh ngeh neh ya mawˇ-euˬ deuˬ hawˇ-eu, guiˬ lahˬ dawˬ mehˬ-eu deuˬ neh kʼaˇ dzawˇ mehˬ-euˬ loꞈ-ehˇ aˬ yawꞈ maꞈ boꞈ-euˬ meh.

Luˇkaꞈ 1:69

Yawꞈ-euˬ zaˬ kʼaˆ Daˬbiˇ o neh, baoˬ huiˬ-eu Ka kʼoꞈ-eu yaw sahˇ, aˬ dui-ahˇ biꞈ nehˬ leꞈ-euˬ meh.

Luˇkaꞈ 24:19

Yeˬ suˇ ehˇ-eu, “Aˬ jeˬ gaˇ kawˆ-a.” Aˬ yawꞈ nyaꞈ ehˇ-eu. “Naˬzaˬlehˇ tsawˇ haˬ Yeˬsuˇ-euˬ gaˇ kawˆ tawˇ. Aˬ yawꞈ-aˬ, Miˬyehˇ hawˇ-eu tsawˇ haˬ dawˬ tawˆ luꞈ-euˬ mehˬ shi, mˇ-eu shaˇ-eu ngehˬ-eu tmˇ-eu baoˬ huiˬ dui dui-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ meh.

Yoˇhaˬ 15:27

Naw maꞈ kʼawꞈ, aˇ dahˬ beh ngeh neh ngaˬ nehˬ-ehˇ jawˇ-euˬ miˇ neh, ngaˬ-euˬ gʼaˇ duˬ saˇ kiˇ kamˬ tehꞈ-a.

Gʼaˬkʼehˇ 2:22

“Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ yaw muiˬ paˬ-ehˇ naˇ haˬ sheˇ. Naˬzaˬlehˇ tsawˇ haˬ Yeˬsuˇ-aˬ, maˇ maˇ ni Miˬyehˇ neh bi oe-euˬ gʼaˬ pyeuꞈ-eu gaˇ kawˆ, aˬ yawꞈ-ahˇ gʼoe-eu laꞈ kʼoeˇ Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ kʼoeˇ deuˬ saˇ kiˇ kamˬ luꞈ meh. Gaˇ kawˆ kʼoeˇ deuˬ naw maꞈ-euˬ mehˬ shi pyeuꞈ dzeuˇ yaꞈ-euˬ miˇ neh, naw maꞈ yaw muiˬ paˬ-ehˇ siˬ duˬ meh.

Gʼaˬkʼehˇ 4:12

Aˬ yawꞈ maˬ ngeuˇ naˇ, aˬ dui-ahˇ ka kʼoꞈ nya-eu tiˬ gʼaˬ-iˬ maˬ jawˇ-a. Aˬ jeˬ miˇ neh ehˇ naˇ, mˬ heu siˬ-euˬ uˬ moˆ aˬ yawꞈ-euˬ tsawˇ myahˇ maˬ ngeuˇ naˇ, aˬ dui-ahˇ ka kʼoꞈ nya ni tsawˇ myahˇ yawˬ myahˇ yawˬ biꞈ taˬ-euˬ maˬ jaˆ-a.”

Lormav 11:14

Ngaˇ kʼoeˇ loꞈ-ehˇ mˇ-eu miˇ neh ngaˬ-euˬ tsawˇ jeuˬ ngaˬ-ahˇ myaˆ naˆ-eu laꞈ kʼoeˇ, aˬ yawꞈ maꞈ tiˬ paˆ na deuˬ-ahˇ Miˬyehˇ ka kʼoꞈ nehˬ-eu duˇ.

Lormav 2:3

Ehˇ kʼawꞈ, aˬ cawˬ mˇ-euˬ yaw lehˬ nga lehˇ nawˇ noeˬ-eu jeˬ-ahˇ yawˬ ha paˇ mˇ luꞈ-eu meh. Miˬyehˇ yaˇ kʼaˬ daˇ-eu jeˬ-ahˇ buˬ-iˇ nya ma lehˇ duˇ te loˇ.

1 Gawˇliˬtu 1:21

Aˬ jeˬ miˇ neh ehˇ naˇ, tsawˇ haˬ zaˬ deuˬ yawˬ ha-euˬ zaˬ siˬ tsawˇ gahˇ-ahˇ gʼoe-awˇ Miˬyehˇ-ahˇ maˬ bi siˬ maˬ bi mawˇ nya ni, Miˬyehˇ neh aˬ yawꞈ-euˬ zaˬ siˬ tsawˇ gahˇ-ahˇ gʼoe-awˇ jahˇ taˬ-euˬ meh. Ehˇ kʼawꞈ, aˬ dzawˬ-euˬ dawˬ lehˇ aˬ cawˬ kuˇ-eu nymˬ-mˇ aˬ dui maꞈ dawˬ mehˬ mehˬ luꞈ-eu gaˇ kawˆ heu-ahˇ gʼoe-awˇ, jah-eu tsawˇ haˬ deuˬ-ahˇ ka kʼoꞈ nehˬ-eu gʼaˇ duˬ Miˬyehˇ noeˬ tsehˆ-euˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

1 Tiˆmoˇseˬ 1:15

Iˬ baˇ zaˬ-ahˇ ka kʼoꞈ-eu gʼaˇ duˬ Yeˬsuˇ Ka li miˇ tsaˬ kʼoeˇ taˆ oe-euˬ meh lehˇ ehˇ taˬ-euˬ kʼoeˇ-aˬ, tiˬ byah tiˬ loꞈ ha geuꞈ-awˇ jah paˬ-ehˇ gʼeh-eu dawˬ pyeuꞈ-eu meh. Iˬ baˇ zaˬ deuˬ laꞈ kʼoeˇ aˬ cawꞈ naˆ maˬ tseˇ iˬ baˇ huiˬ dzehˬ-eu gʼaˬ-aˬ, ngaˇ ma.

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 1:2

Ehˇ kʼawꞈ, aˇ saˬ saˬ-eu aˇ yamˬ pyeuꞈ-eu heu ziˇ laꞈ kʼoeˇ, aˬ yawꞈ-euˬ Zaˬmaˇ-ahˇ gʼoe-awˇ aˬ dui-ahˇ dawˬ ngehˬ cawˬ-euˬ meh. Mˬ hawˇ-eu miˇ dawˬ tawˆ luꞈ-ahˇ Miˬyehˇ beh ngeh, Zaˬmaˇ-ahˇ gʼoe-awˇ beh-euˬ meh. Zaˬmaˇ-aˬ, aˇ saˬ saˬ ngeh kʼaˇ jawˇ kʼaˇ jaˆ-eu jeˬ dawˬ tawˆ luꞈ-ahˇ jeˬ biˇ za-euˬ gʼaˬ pyeuꞈ ni Miˬyehˇ neh tseˇ doˆ-euˬ meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

HeˬByehˇ 5:9

Aˬ yawꞈ laꞈ kʼoeˇ byah laˇ paˬ-ehˇ gʼeh-eu jeˬ bi byah laˇ gʼaˬ jiˇ ngeh, aˬ yawꞈ-euˬ dawˬ-ahˇ kʼaˇ naˇ haˬ geuꞈ-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ ka kʼoꞈ-eu jeˬ maˬ tsehˆ leˇ ni biꞈ-eu gʼaˬ pyeuꞈ laˇ-euˬ meh.

HeˬByehˇ 9:28

Kʼoeˇ gaˇ duˇ ni, tsawˇ haˬ gʼawˬ mya ni-euˬ iˬ baˇ yuˇ dzeh-eu gʼaˇ duˬ, Ka li-euˬ gʼawˇ mawˇ tiˬ poˆ lawˇ dah-euˬ meh. Aˬ yawꞈ tiˬ poˆ paˇ doˆ le tehꞈ-a. Ehˇ kʼawꞈ, iˬ baˇ shawˇ-eu gʼaˇ duˬ oe-euˬ maˬ ngeuˇ-a. Aˬ yawꞈ-ahˇ loꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ oe-euˬ jeˬ pyeuꞈ-eu meh.

1 Yoˇhaˬ 1:1

Aˇ dahˬ beh ngeh neh dehꞈ luꞈ jawˇ luꞈ-eu dawˬ pyeuꞈ-eu saꞈ laˇ dehꞈ-eu jeˬ biꞈ-eu dawˬ gaˇ kawˆ naw maꞈ jawˇ gaˇ nga maꞈ boꞈ ahˇ laꞈ-eu ma. Dawˬ kʼoeˇ-ahˇ nga maꞈ naˬ bawˇ ya gaˬ-awˇ, myaˆ ya mawˇ-euˬ ma. Myaˆ nuiˆ neh haw duˬ-euˬ uˬ taꞈ, aˬ laꞈ neh ya sawˆ duˬ-euˬ ma.

Yuˇdaˆ 1:17

Ehˇ kʼawꞈ ngaˇ gaˬ-eu cawˬ deuˬ-oˇ, dzeuˇ laˇ ngeh aˬ dui-euˬ Sahˬpaˬ Yeˬsuˇ Ka li-euˬ gʼaˬ kʼehˇ deuˬ neh naw maꞈ-ahˇ ehˇ nehˬ-euˬ dawˬ kʼoeˇ deuˬ-ahˇ taˬ ngehˇ.

Panmaeq 7:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Ka kʼoꞈ-eu jeˬ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu aˬ dui-euˬ Miˬyehˇ hawˇ-eu aˬ dui-euˬ Yawˇzaˬ jawˇ gaˇ neh oe-euˬ meh” lehˇ ehˇ-eu meh.