HeˬByehˇ 2:2 - Akha

² Aˬ dui-euˬ aˬ poeˬ aˬ bawˇ deuˬ-ahˇ mˬ taˆ gʼaˬ kʼehˇ deuˬ neh biꞈ nehˬ-euˬ dawˬ deuˬ-aˬ, tsaˬ-eu dawˇ-eu dawˬ pyeuꞈ-awˇ, maˬ naˇ haˬ geuꞈ-eu tsawˇ haˬ deuˬ-aˬ, yawˬ ha-ahˇ geuˇ-eu loꞈ-ehˇ kʼehˬ nehˬ kʼaˆ nehˬ gaˇ ya daˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Mqtav ghaqkhaer-anr ghoe-awr ngaeq-euq dawq khoer aqdir ngeur nar-aq, mrbanq mrlaeq-awr maq narhaq geuf-euq tsawrhaq dawqtawvluf, yawqha-anr geux-eu mrpoeq lafsawq za-eu mae.

HeˬByehˇ 2:2 ပူးပေါင်းရင်းမြစ်များ

Jaceuq 68:17

Mahˬ laˆ lawˬ aˇ heˇ aˇ muiˇ laˇ teh-awˇ, Siˇnaˆ gawˬ jawˬ-ahˇ neh muiˬ-eu shawˇ-eu jawˇ duˬ-ahˇ, Sahˬpaˬ Miˬyehˇ oe tehꞈ-a.

Bawˇtsahˬ 11:33

Aˬ yawꞈ maꞈ shaˬ jiˇ maˬ dzaˬ jiˇ-euˬ gʼawˬ mya ni dzeˇ luꞈ ngeh, Sahˬpaˬ Miˬyehˇ aˬ yawꞈ maꞈ-ahˇ nui ma pehˇ-awˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le-euˬ meh.

Bawˇtsahˬ 16:49

Kawˇlaˆ puiˬ ngeh poˆ shiˇ-euˬ deuˬ maˬ gui ahˇ-ehˇ, kʼoeˇ gaˇ shiˇ taˬ-euˬ tsawˇ haˬ deuˬ tiˬ muiˇ oeˬ heˇ shiꞈ yaˇ gʼaˬ byah-eu meh.

Bawˇtsahˬ 21:6

Kʼoeˇ ngeh, Sahˬpaˬ Miˬyehˇ aˬ yawꞈ maꞈ jawˇ gaˇ doꞈ kʼaˆ-eu aˇ lawˇ pyehˬ gʼeh leꞈ-awˇ, Iˇsaˬleˬlaˆ tsawˇ haˬ gʼawˬ mya ni aˇ lawˇ neh bi toˆ sehꞈ-eu meh.

Bawˇtsahˬ 25:9

Ehˇ kʼawꞈ, tsawˇ haˬ nyiˬ muiˇ oeˬ heˇ gʼaˬ shiˇ dzeuˇ gʼaˬ-euˬ meh.

Gʼaˬkʼehˇ 7:53

Mˬ taˆ gʼaˬ kʼehˇ neh biꞈ le-euˬ Miˬyehˇ-euˬ zahˇ dawˬ kʼoꞈ dawˬ-ahˇ za-euˬ tsawˇ haˬ deuˬ-aˬ, naw maꞈ meh. Ehˇ kʼawꞈ, zahˇ dawˬ kʼoꞈ dawˬ kʼoeˇ-ahˇ naw maꞈ maˬ naˇ haˬ geuꞈ-a.”

Gaˬlaˬtiˆ 3:19

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ jeˬ-euˬ gʼaˇ duˬ pyeuꞈ ta. Kʼoeˇ-aˬ, mˇ lehˬ-euˬ jeˬ-ahˇ bi siˬ nya-eu gʼaˇ duˬ biꞈ lahˬ laꞈ-euˬ jeˬ pyeuꞈ-awˇ, Miˬyehˇ neh saˇ jaˇ dzaˬ taˬ-euˬ gʼaˬ pyeuꞈ-eu Aˬbyaˬhaˬ-euˬ zaˬ kʼoeˇ gʼaˬ oe keuˆ ngeh keuˆ ni bi zmˬ-eu gʼaˇ duˬ biꞈ taˬ-euˬ jeˬ pyeuꞈ-eu meh. Zahˇ dawˬ kʼoꞈ dawˬ-aˬ, mˬ taˆ gʼaˬ kʼehˇ neh hehˇ ka leꞈ-awˇ, tsawˇ kaˬ tiˬ gʼaˬ-ahˇ neh tiˬ tiˆ biꞈ nehˬ le-euˬ jeˬ pyeuꞈ-eu meh.

Dawˬmehˬ 17:12

Yaˇ kʼaˬ daˇ-eu deuˬ-euˬ dawˬ-ahˇ maˬ ehˇ, kʼoeˇ gaˇ piˇ ma geuꞈ luꞈ-eu gʼaˬ-euˬ dawˬ-ahˇ maˬ ehˇ, maˬ naˇ haˬ geuꞈ-eu tsawˇ haˬ-ahˇ ya sehꞈ meh. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ laꞈ kʼoeˇ maˬ muiˬ maˬ jaˬ-eu jeˬ maˬ bi jaˆ ni naw maꞈ yuˇ dzeh-awˬ.

Dawˬmehˬ 17:2

“Naw maꞈ jawˇ-eu meuˬ tiˬ meuˬ na laꞈ kʼoeˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, tiˬ gʼaˬ na, Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ leuˇ-awˇ, miˬ yehˇ nui deuˬ-ahˇ maˬ ehˇ, nahˇ ma-ahˇ maˬ ehˇ, ba la-ahˇ maˬ ehˇ, aˬ guiˇ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ-ahˇ mˇ bahˬ-awˇ, aˬ yawꞈ-euˬ dawˬ ma saˇ jaˇ-ahˇ puiˬ-euˬ gaˇ kawˆ ya gaˬ-euˬ ehˇ-awˬ.

Dawˬmehˬ 17:5

tsawˇ haˬ kʼoeˇ gʼaˬ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo neh biˬ sehꞈ-awˬ.

Dawˬmehˬ 27:26

“ ‘Miˬyehˇ-euˬ zahˇ dawˬ kʼoꞈ dawˬ hawˇ-eu mehˬ nehˬ tsoˆ nehˬ-eu jeˬ dawˬ tawˆ luꞈ-ahˇ maˬ naˇ haˬ geuꞈ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 32:2

Ngaˬ-euˬ dawˬ mehˬ uˬ yehˇ yehˇ-awˇ, ngaˬ-euˬ dawˬ tsoˆ ceuˬ ga ga-awˬ. Jaˆ gaˆ koeˇ taˆ yehˇ muˆ muˆ-awˇ, sahˬ lahˬ kʼoeˇ taˆ yehˇ ma ma-awˬ.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

HeˬByehˇ 10:28

Miˬyehˇ neh Moˇseˬ-ahˇ biꞈ-euˬ Zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu tsawˇ haˬ-aˬ, aˬ yawꞈ neh mˇ lehˬ-euˬ gaˇ kawˆ saˇ kiˇ kamˬ-eu tsawˇ kaˬ nyiˬ gʼaˬ smˇ gʼaˬ jawˇ naˇ, gʼawˬ shaˬ maˬ gaˬ ni sehꞈ gaˇ ya daˬ-eu meh.

HeˬByehˇ 10:35

Kʼoeˇ miˇ neh, naw maꞈ nui ma ziꞈ-eu jeˬ-ahˇ taˬ byehˇ dzeh. Aˬ jeˬ miˇ neh ehˇ naˇ, kʼoeˇ baˬ da neh huiˬ dui dui-eu laꞈ sawˬ naw maꞈ za tehꞈ-a.

HeˬByehˇ 11:26

Ka li-euˬ gʼaˇ duˬ daˬ ga-eu jeˬ-ahˇ ya daˬ-eu-aˬ, Iˇjiˇtuˆ miˇ kʼahˬ laꞈ kʼoeˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ naˆ maˬ tseˇ poeˬ dui lawˬ dui dui ma lehˇ aˬ yawꞈ jah duˬ taˬ-euˬ meh. Aˬ jeˬ miˇ neh ehˇ naˇ, aˬ kaˇ za-eu laꞈ sawˬ-ahˇ aˬ yawꞈ noeˬ tsoˆ taˬ-euˬ meh.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.

Yuˇdaˆ 1:5

Iˇsaˬleˬlaˇ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh Sahˬpaˬ Miˬyehˇ aˬ joˆ-ehˇ ka kʼoꞈ nehˬ-awˇ, aˇ nah ba, aˬ yawꞈ maꞈ laꞈ kʼoeˇ maˬ jah-eu tsawˇ haˬ deuˬ laˆ luˬ laˆ seˇ nehˬ gaˇ ya daˬ-euˬ gaˇ kawˆ heu naw maꞈ siˬ nya meh. Ehˇ kʼawꞈ, ngaˇ naw maꞈ-ahˇ tiˬ poˆ paˇ ja noeˬ nehˬ mawꞈ-eu ma.