HeˬByehˇ 2:16 - Akha

¹⁶ Aˬ yawꞈ caw ba nehˬ luꞈ-eu kʼoeˇ-aˬ, mˬ taˆ gʼaˬ kʼehˇ deuˬ-ahˇ maˬ ngeuˇ-a lehˇ bya cehˆ ni siˬ duˬ mawˇ duˬ laˇ-eu meh. Ehˇ kʼawꞈ, Aˬbyaˬhaˬ-euˬ zaˬ deuˬ uˆ deuˬ-ahˇ aˬ yawꞈ caw ba-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aqdir aernar-aq, aqyawf, mqtav ghaqkhaer deuq-anr maq cawba naeq-aq. Aerkhawf, Aqbyaqhaq-euq zaqdeuq uvdeuq-anr cawba naeq-euq mae.

HeˬByehˇ 2:16 ပူးပေါင်းရင်းမြစ်များ

Aˇ dahˬ 22:18

Nawˇ ngaˬ-euˬ ehˇ dawˬ naˇ haˬ-eu miˇ neh, nawˬ-euˬ zaˬ nawˬ-euˬ uˆ deuˬ guiˬ lahˬ za-eu loꞈ-ehˇ, aˬ yawꞈ maꞈ-ahˇ kʼawꞈ guiˬ lahˬ biꞈ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.”

Lormav 2:25

Zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ naˇ, baˆ kʼoˆ mehˬ dzaˬ yehˬ-euˬ gaˇ dahˇ tsoeˬ tehꞈ-a. Ehˇ kʼawꞈ, Zahˇ dawˬ kʼoꞈ dawˬ-ahˇ naw maꞈ maˬ naˇ haˬ geuꞈ naˇ, baˆ kʼoˆ mehˬ dzaˬ yehˬ-euˬ kʼawꞈ, maˬ yehˬ-euˬ gaˇ duˇ tehꞈ-a.

Gaˬlaˬtiˆ 3:16

Miˬyehˇ-aˬ, Aˬbyaˬhaˬ hawˇ-eu aˬ yawꞈ-euˬ zaˬ-ahˇ saˇ jaˇ dzaˬ-euˬ meh. Jaˇliꞈ laꞈ kʼoeˇ Aˬbyaˬhaˬ-euˬ “zaˬ deuˬ uˆ deuˬ” lehˇ maˬ ehˇ taˬ-aˬ. Kʼoeˇ miˇ neh tsawˇ haˬ gʼawˬ mya ni-ahˇ saˇ jaˇ dzaˬ-euˬ lehˇ ehˇ mawꞈ-eu maˬ ngeuˇ-a. Aˬbyaˬhaˬ-euˬ “zaˬ” lehˇ, tiˬ gʼaˬ-ahˇ tehꞈ-ehˇ ehˇ taˬ-euˬ meh. Ka li tiˬ gʼaˬ-ahˇ tehꞈ-ehˇ saˇ jaˇ dzaˬ-euˬ gaˇ ehˇ mawꞈ-eu meh.

Gaˬlaˬtiˆ 3:29

Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.

HeˬByehˇ 12:10

Aˬ dui-euˬ zaˬ baw aˬ da deuˬ-aˬ aˬ yawꞈ maꞈ neh tsaˬ meh lehˇ noeˬ-euˬ loꞈ-ehˇ aˬ dui-ahˇ tiˬ kʼehˇ laˇ kʼehˬ mehˬ paˇ zuiˆ paˇ-eu meh. Ehˇ kʼawꞈ, Miˬyehˇ aˬ dui-ahˇ mehˬ-eu zuiˆ-eu kʼoeˇ-aˬ, aˬ dui gʼaˇ duˬ muiˬ ni mˇ-eu jeˬ pyeuꞈ-eu meh. Aˬ yawꞈ loꞈ-ehˇ bi muiˬ bi shawˇ laˇ-eu gʼaˇ duˬ mˇ-eu meh.

HeˬByehˇ 2:15

Kʼoeˇ loꞈ-ehˇ mˇ-eu laꞈ kʼoeˇ, tiˬ ziˇ jiˇ tiˬ yehˆ juˬ ni shiˇ gaˇ guˆ-eu jeˬ-euˬ zaˬ kʼaˆ ya geuꞈ luꞈ-eu tsawˇ haˬ zaˬ deuˬ-ahˇ, aˬ yawꞈ bi buˬ bi law-iˇ-euˬ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 6:16

Tsawˇ haˬ tiˬ gʼaˬ na tiˬ jeˬ paˬ gaˇ kawˆ kamˬ ngeh, yawˬ ha naˆ maˬ tseˇ huiˬ dzehˬ mahˇ dzehˬ-eu tsawˇ haˬ tiˬ gʼa-euˬ tsawˇ myahˇ-ahˇ gʼoe-awˇ kamˬ-eu meh. Kʼoeˇ loꞈ-ehˇ kamˬ-eu baˬ da neh, gaˇ kawˆ kʼoeˇ-ahˇ tiˬ gʼaˬ-iˬ maˬ laˆ pyawˆ nya-a.

1 Beˬtuˆluˆ 1:20

Miˇ tsaˬ tahˬ kʼawˇ heu maˬ beh mi naˆ-ehˇ Miˬyehˇ neh aˬ yawꞈ-ahˇ tseˇ doˆ taˬ-awˇ, aˇ nah aˇ yamˬ heu laꞈ kʼoeˇ naw maꞈ-euˬ gʼaˇ duˬ aˬ yawꞈ-ahˇ Miˬyehˇ bi doˆ le-euˬ meh.