HeˬByehˇ 2:1 - Akha

¹ Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoermirnae, aqdui yawqpawyawq maqya jivdovghae paq-aer, aqdui nae yagaq taq-euq dawq-anr yawmuiq-aer narhaq-eu tsaq mae.

HeˬByehˇ 2:1 ပူးပေါင်းရင်းမြစ်များ

1 Laˬsaˬbaˬ 22:13

Iˇsaˬleˬlaˆ tsawˇ jeuˬ gʼaˇ duˬ, Sahˬpaˬ Miˬyehˇ neh Moˇseˬ-ahˇ biꞈ taˬ-euˬ zahˇ dawˬ kʼoꞈ dawˬ deuˬ-ahˇ nawˇ naˇ haˬ geuꞈ naˇ, nawˇ huiˬ laˇ mahˇ laˇ tehꞈ-a. Nui ma ziꞈ dah ni taˬ-awˇ, yawˬ haˇ yawˬ ha nui jah ahˇ-eu laꞈ kʼoeˇ, tiˬ jeˬ-ahˇ-iˬ maˬ guˆ ni dehꞈ-awˬ.

Jaceuq 119:9

Zaˬ guˬ tiˬ gʼaˬ yaw muiˬ yaw shawˇ shawˇ-ehˇ aˬ joˆ-ehˇ ya dehꞈ nmˇ lehˇ ehˇ ngeh, nawˬ-euˬ zahˇ dawˬ kʼoꞈ dawˬ-ahˇ caw teh-awˇ ya dehꞈ-eu meh.

Dawqdaq 3:21

Ngaˬ li-oˇ, zaˬ siˬ tsawˇ gahˇ hawˇ-eu noeˬ siˬ noeˬ mawˇ nya-eu jeˬ-ahˇ ziꞈ dah ni tuˆ teh taˬ-awˇ, nawˬ-euˬ laꞈ-ahˇ neh taˬ bi iˇ doˆ.

Haˬbaˬkuˆ 1:6

Haiˬ dui jawꞈ dui gʼeh dui dui-eu, Baˬbuˇloˬ tsawˇ jeuˬ kʼoeˇ jeuˬ-ahˇ, ciˬ tuˇ-awˇ baoˬ biꞈ-eu laꞈ kʼoeˇ, mˬ dzeˇ miˇ dzeˇ doˆ ni coeˬ-awˇ, aˬ cawˬ miˇ kʼahˬ ceh geuꞈ tehꞈ-a.

Haˬbaˬkuˆ 2:16

Nawˇ jiˇ baˬ yehꞈ yehꞈ-ehˇ teuˆ-awˇ, aˬ cawˬ maˬ taˬ huiˬ-eu uˬ taꞈ, daˬ ga-awˇ ya shaꞈ dawˇ tehꞈ-a. Sahˬpaˬ Miˬyehˇ laꞈ maˇ laꞈ-ahˇ, ciˬ-eu kʼmˬ maˬ nawˇ ya dawˇ-awˇ, aˇ dzehˬ dzeuˇ ni daˬ ga tehꞈ-a.

Maꞈtehˬ 16:9

Naw maꞈ iˬ nah keuˆ ni maˬ gʼoˆ shaw-ehˇ jawˇ te siˬ loˇ. Tsawˇ haˬ ngaˬ heˇ gʼaˬ gʼaˇ duˬ ngaˬ neh kaˬ muˇ ngaˬ yaˆ ngawˬ pyehˬ-awˇ, naw maꞈ kʼaˆ puˬ aˇ myaˆ puˬ gʼoˆ byah-euˬ gaˇ kawˆ ngehˇ jiˇ maˬ loˇ.

Maˬkuˆ 8:18

Naw maꞈ myaˆ nuiˆ tsoꞈ-eu maˬ mawˇ nya-ehˇ, Naˬ bawˇ tsoꞈ-eu maˬ gaˬ nya te loˇ. Maˬ paˇ noeˬ ni ngehˇ jiˇ teˬ loˇ.

Luˇkaꞈ 8:15

Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ ngeh, dawˇ coe ni gʼeh-eu muiˬ-eu jaˬ-eu nui ma laꞈ kʼoeˇ jeˬ hmˬ taˬ-awˇ, aˇ siˬ siˬ le ngeh keuˆ ni dawˬ kʼoeˇ deuˬ-ahˇ ziꞈ dah ni nyehꞈ tehˬ taˬ-eu tsawˇ haˬ deuˬ-ahˇ ehˇ mawꞈ-eu meh.

Luˇkaꞈ 9:44

“Dawˬ heu dawˬ-ahˇ naˬ bawˇ yaw muiˬ paˬ-ehˇ ciˬ kʼmˇ taˬ de. Tsawˇhaˬ-euˬ Zaˬmaˇ-ahˇ aˬ cawˬ-euˬ aˬ laꞈ laꞈ kʼoeˇ a nehˬ tehꞈ-a.”

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Dawˬmehˬ 4:23

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ dzaˬ taˬ-euˬ dawˬ ma saˇ jaˇ-ahˇ naw maꞈ maˬ ya ngehˇ ni yaw kʼaˆ kʼaˆ-ehˇ yahˇ-awˬ. Tahˬ pahˬ aˬ ma mawˇ kawˇ maˬ ya tehˆ-a lehˇ ehˇ taˬ-euˬ aˬ yawꞈ-euˬ zahˇ dawˬ kʼoꞈ dawˬ-ahˇ naw maꞈ naˇ haˬ geuꞈ-awˬ.

Dawˬmehˬ 4:9

Naw maꞈ yaw dehꞈ kʼaˇ dehꞈ-eu aˇ yamˬ laꞈ kʼoeˇ, naw maꞈ myaˆ nuiˆ neh ya haw mawˇ yaꞈ-euˬ jeˬ-ahˇ maˬ ya ngehˇ byoˆ ni, yaw muiˬ paˬ-ehˇ yahˇ-awˇ dehꞈ-awˬ. Naw maꞈ-euˬ zaˬ deuˬ hawˇ-eu oeˬ paˬ oeˬ ma deuˬ-ahˇ gaˇ kawˆ kʼoeˇ deuˬ dzawˇ mehˬ nehˬ-awˬ.

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

2 Beˬtuˆluˆ 1:15

Ngaˇ shiˇ dzeuˇ ngeh jawˇ, gaˇ kawˆ heu deuˬ-ahˇ naw maꞈ maˬ bi ngehˇ ni aˬ myah luꞈ bi noeˬ keuˆ-eu gʼaˇ duˬ, ngaˇ kʼaˇ gʼeh nya-eu loꞈ-ehˇ leh jeh-awˇ ngehˬ gʼeh nehˬ yaꞈ ma.

2 Beˬtuˆluˆ 3:1

Ngaˇ gaˬ dui dui-eu cawˬ deuˬ-oˇ, sahˬ boꞈ heu taꞈ-aˬ, ngaˬ neh naw maꞈ jawˇ gaˇ boꞈ ahˇ laꞈ-euˬ sahˬ boꞈ nyiˬ taꞈ tiˬ taꞈ ma. Sahˬ boꞈ nyiˬ taꞈ luꞈ laꞈ kʼoeˇ, gaˇ kawˆ heu deuˬ ngaˇ naw maꞈ-ahˇ ja noeˬ nehˬ-awˇ, naw maꞈ-euˬ nui ma laꞈ kʼoeˇ shawˇ jehˆ ni gʼeh-eu nui noeˬ dehꞈ laˇ nya ni laˆ noeˬ-eu ma.