HeˬByehˇ 13:6 - Akha

⁶ Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Khoermirnae, aqdui nuima khaqduqni heulof-aer aernya-eu ma, “Sanqpaq Miqyaer-aq, ngaq-anr cawba-eu ghaq pyeuf-eu mae. Ngar tiqjeq-anr-iq maqguv. Tsawrhaqzaq, ngaq-anr aqjeq janrlar nya-eu?” (Jc 118:6)

HeˬByehˇ 13:6 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

1 Sahˬpaˬ 17:8

Kʼoeˇ naˇ, Eˇliˇyaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Jaceuq 124:8

Mˬ hawˇ-eu miˇ-ahˇ beh-euˬ Sahˬpaˬ Miˬyehˇ laꞈ kʼoeˇ, aˬ dui-ahˇ caw ba-eu jeˬ doˆ le-euˬ meh.

Jaceuq 146:3

Miˇ kʼahˬ sahˬ paˬ sahˬ ma deuˬ-ahˇ nui kʼaˬ taˬ tsmˬ. Tsawˇ haˬ zaˬ nawˬ-ahˇ maˬ ka kʼoꞈ nya-a.

Jaceuq 27:9

Nawˬ-euˬmyaˆpyawˬ taˬciˬzaꞈlaꞈ. Nawˬ-euˬzaˬkʼaˆpyeuꞈ-eu ngaˬ-ahˇ, nui ma pehˇ-awˇ taˬteh dzeh laꞈ. Ngaˬ-ahˇngehˬgʼeh-eu gʼaˬnawˇmeh. Ngaˬ-ahˇka kʼoꞈ-eu Miˬyehˇ-oˇ, Byehˇdzeh-awˇtaˬbi shaˬnehˬlaꞈ.

Jaceuq 33:20

Ngehˬgʼeh haw piˇ-eu gʼaˬpyeuꞈ-eu, aˬdui-euˬSahˬpaˬMiˬyehˇ-ahˇ, aˬdui saꞈlaˇnoeˬtmˬ-eu ma.

Jaceuq 40:17

Ngaˇshaˬdui zahˬdui dui-eu gaˇ, SahˬpaˬMiˬyehˇhaw mawˇluꞈ-uˇ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇnawˇpyeuꞈ-eu ma. Maˬnyi naˬni ngehˬgʼeh nehˬlaꞈ.

Jaceuq 54:4

Ehˇ kʼawꞈ, ngaˬ-ahˇ ngehˬ gʼeh-eu gʼaˬ Miˬyehˇ meh. Ngaˬ-ahˇ dah teˬ-eu gʼaˬ Sahˬpaˬ Miˬyehˇ meh.

Jaceuq 56:4

Miˬyehˇ-ahˇ ngaˇ gʼoe-awˇ guˆ-eu nui ma maˬ ahˇ, aˬ yawꞈ neh saˇ jaˇ dzaˬ taˬ-euˬ jeˬ baˬ da neh, aˬ yawꞈ-ahˇ ngaˇ ja ceuˬ ma. Tsawˇ haˬ zaˬ ngaˬ-ahˇ aˬ jeˬ paˇ jahˇ laˇ nya nmˇ.

Jaceuq 63:7

Nawˇ ngaˬ-ahˇ aˬ myah luꞈ ngehˬ gʼeh dah teˬ-eu miˇ neh, nawˬ-euˬ aˬ dahˇ naˇ shmˇ uˬ moˆ, laˬ kʼaˬ cehˇ-eu caˇ dawˬ ngaˇ caˇ-eu ma.

Jaceuq 94:17

Sahˬpaˬ Miˬyehˇ ngaˬ-ahˇ maˬ caw ba laꞈ-euˬ law nmˇ-aˬ, ciˬ cuˇ ni gʼeh-eu miˇ kʼahˬ-ahˇ ngaˇ cehˆ jawˇ-iˇ gʼaˬ-euˬ ma.

Doˆ-iˇ 18:4

‘Ngaˬ da-euˬ Miˬyehˇ ngaˬ-ahˇ caw ba-awˇ, Iˇjiˇtuˆ sahˬ paˬ neh maˬ bi sehꞈ-eu gʼaˇ duˬ ngaˬ-ahˇ ka kʼoꞈ-euˬ meh’ lehˇ Moˇseˬ paˇ ehˇ-awˇ, aˬ yawꞈ-euˬ aˬ li aˬ gʼahˇ gʼaˬ-ahˇ Eˇliˇzaˬ lehˇ myahˇ nehˬ yaꞈ-euˬ meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Maꞈtehˬ 10:28

Gʼawˇ mawˇ-ahˇ sehꞈ nya kʼawꞈ, saꞈ laˇ-ahˇ maˬ sehꞈ nya-eu tsawˇ haˬ-ahˇ taˬ guˆ. Ehˇ kʼawꞈ, gʼawˇ mawˇ hawˇ-eu saꞈ laˇ heu nyiˬ jeˬ luꞈ-ahˇ, shiˬ buiˇ lah ma laꞈ kʼoeˇ laˆ cawˆ nya-eu gʼaˬ pyeuꞈ-eu Miˬyehˇ-ahˇ guˆ-awˬ.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Eˇpeˇsu 3:12

Ka liˬ-euˬ laꞈ kʼoeˇ hawˇ-eu aˬ yawꞈ-ahˇ jah-eu laꞈ kʼoeˇ aˬ dui nui ma ziꞈ dah ni taˬ-awˇ, Miˬyehˇ jawˇ gaˇ kʼaˬ duˬ ni le uˇ peuˬ-eu ma.

Dawˬmehˬ 33:26

Iˇsaˬleˬlaˆ tsawˇ haˬ deuˬ-oˇ, mˬ taˆ mˬ dmˇ mahˬ dziˬ dziˬ-awˇ, caw ba-eu lehˇ ga keuˆ le-eu, naw maꞈ-euˬ Miˬyehˇ-ahˇ duˇ-eu, Miˬyehˇ nui gʼaˬ aˬ gaˇ jawˇ ta.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

HeˬByehˇ 10:19

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Yeˬsuˇ shiˇ dah-euˬ baˬ da neh Muiˬ dui Shawˇ dui dui-eu Jawˇ duˬ laꞈ kʼoeˇ aˬ dui kʼaˬ duˬ ni uˇ leˇ nya laˇ-euˬ ma.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

1 Saˬmeuˬlaˆ 23:17

Yawˇnaˆshaˬ ehˇ-eu, “Taˬ guˆ. Ngaˬ da Sawˇluˆ nawˬ-ahˇ tiˬ jeˬ-iˬ maˬ jahˇ laˇ nya-a. Nawˇ Iˇsaˬleˬlaˆ tsawˇ jeuˬ-euˬ sahˬ paˬ ya pyeuꞈ laˇ-awˇ, ngaˇ nawˬ-euˬ laꞈ oˆ teˬ ni jawˇ-awˇ gaˇ ya mˇ-eu gaˇ kawˆ aˬ yawꞈ siˬ duˬ luꞈ meh.”