HeˬByehˇ 13:22 - Akha

²² A yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ gʼaˬ biꞈ-eu dawˬ heu deuˬ-ahˇ nui ma gʼawˬ mahˇ ni taˬ-awˇ naˇ haˬ geuꞈ-awˬ lehˇ shaˇ-eu ma. Aˬ jeˬ miˇ neh ehˇ naˇ, ngaˬ neh naw maꞈ-ahˇ boꞈ nehˬ laꞈ-euˬ sahˬ boꞈ heu taꞈ-aˬ, yaw mahˇ maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aqyuif aqnyir deuq-or! Ngar, nawmaf-anr sanqbof heumyav dawq bofanr laf-awr, maeqbawq bif-eu dawq-anr or-awr narhaq geuf-awq laer ngar, nawmaf-anr shar-eu ma.

HeˬByehˇ 13:22 ပူးပေါင်းရင်းမြစ်များ

Gʼaˬkʼehˇ 13:15

Moˇseˬ-euˬ Zahˇ dawˬ kʼoꞈ dawˬ sahˬ boꞈ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ-euˬ sahˬ boꞈ deuˬ-ahˇ gui gʼaˬ ngeh, uˬ duˬ tahˬ nymˇ-ahˇ aˬ yuiꞈ geuꞈ-eu deuˬ aˬ yawꞈ nyaꞈ-ahˇ heu loꞈ-ehˇ bi tsaꞈ gaˬ-iˇ-euˬ meh. “Tsawˇ haˬ heu deuˬ-ahˇ gʼaˬ biꞈ mawꞈ-eu jeˬ jaˆ naˇ, naw nyaꞈ-ahˇ dawˬ ngehˬ-eu aˇ yamˬ biꞈ mawꞈ miˇ-a.”

2 Gawˇliˬtu 10:1

Naw maꞈ nehˬ-ehˇ jawˇ naˇ nui ma nahˬ jawˆ ni gʼeh-awˇ, naw maꞈ-ahˇ gaˇ mahˇ kaˬ gaˇ jawˇ naˇ nui ma huiˬ-eu gʼaˬ lehˇ naw maꞈ kuˇ-eu ngaˇ Pawˇluˆ naw maꞈ-ahˇ heu loꞈ-ehˇ shaˇ-eu ma. Ka li-euˬ nui nahˬ nui yu hawˇ-eu gʼawˬ shaˬ gaˬ-eu jeˬ laꞈ kʼoeˇ shaˇ-eu jeˬ pyeuꞈ-eu ma.

2 Gawˇliˬtu 5:20

Kʼoeˇ miˇ neh, nga maꞈ-aˬ, Ka li-euˬ dah zaˇ ngehˬ zaˬ tmˇ zaˬ geuꞈ luꞈ-eu ma. Nga maꞈ-ahˇ gʼoe-eu laꞈ kʼoeˇ naw maꞈ-ahˇ Miˬyehˇ shaˇ ju luꞈ gaˇ duˇ meh. Miˬyehˇ-ahˇ tsaˬ leˇ tsahˇ leˇ-awˬ lehˇ, Ka li-euˬ dah zaˇ naw maꞈ-ahˇ shaˇ-eu ma.

2 Gawˇliˬtu 6:1

Naw maꞈ neh za taˬ-euˬ Miˬyehˇ-euˬ guiˬ lahˬ yaw dzahˇ kʼoeˇ yawꞈ ngehꞈ-ehˇ maˬ bi pyeuꞈ-iˇ-eu gʼaˇ duˬ, nga maꞈ Miˬyehˇ nehˬ-ehˇ tiˬ kawˆ loꞈ-ehˇ gaˇ mˇ luꞈ-eu laꞈ kʼoeˇ naw maꞈ-ahˇ shaˇ-eu ma.

Gaˬlaˬtiˆ 6:11

Ngaˬ-euˬ aˬ laꞈ neh naw maꞈ-ahˇ boꞈ nehˬ-euˬ sahˬ boꞈ aˇ mawˇ heu deuˬ aˇ naˆ ni huiˬ gaˇ haw sheˇ.

Eˇpeˇsu 3:3

Miˬyehˇ-aˬ, aˬ yawꞈ neh zaꞈ taˬ-euˬ jeˬ ngaˬ-ahˇ pah mehˬ nehˬ laꞈ-euˬ meh. Gaˇ kawˆ heu ngaˇ yaw nymˇ nymˇ-ehˇ boꞈ taˬ-euˬ ma.

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

HeˬByehˇ 13:19

Miˬyehˇ ngaˬ-ahˇ naw maꞈ jawˇ gaˇ yaw kawˇ-ehˇ bi gʼoꞈ laˇ nehˬ laꞈ ni guiˬ lahˬ shaˇ nehˬ laꞈ-awˬ lehˇ, ngaˇ naw maꞈ-ahˇ shaˇ dui dui-eu ma.

HeˬByehˇ 2:1

Kʼoeˇ miˇ neh, aˬ dui-ahˇ yawˬ paw yawˬ maˬ bi tsahˇ jiˆ gʼeh-eu gʼaˇ duˬ, aˬ dui ya gaˬ taˬ-euˬ yaw tsaˬ yaw dawˇ jeˬ-ahˇ heu naˆ maˬ tseˇ ziꞈ dah ni ya tuˆ tehˬ taˬ meh.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

HeˬByehˇ 4:11

Tsawˇ haˬ kʼoeˇ deuˬ maˬ jah-euˬ baˬ da neh, gʼaˬ naˬ naˬ-eu jeˬ-ahˇ maˬ za-euˬ loꞈ-ehˇ aˬ dui maˬ ya pyeuꞈ-iˇ-ehˇ, gʼaˬ naˬ naˬ-eu jeˬ kʼoeˇ-ahˇ aˬ dui za nya ni leh jeh dui dui kaˇ-euˇ.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.