HeˬByehˇ 13:11 - Akha

¹¹ Yuˇdaˆ tsawˇ haˬ Piˇ ma Yaw huiˬ gʼaˬ-aˬ, Muiˬ dui shawˇ dui dui-eu Jawˇ duˬ laꞈ kʼoeˇ jeˬ zaˬ-euˬ shiˬ yuˇ ahˇ gʼeh-awˇ, iˬ baˇ shawˇ-eu lawˇ-eu jeˬ lawˇ-eu meh. Ehˇ kʼawꞈ, lawˇ-eu gʼaˇ duˬ sehꞈ-euˬ jeˬ zaˬ deuˬ-ahˇ-aˬ, pu pu dzeˇ ya dzah puiˆ dzeh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqjeq mirnae aernar-aq, jeqzaq-euq shiq-aq, iqbax-euq gharduq pirma yawhuiq ghaq, shawr duidui-eu lawv-anr yuranr lef-awr, jeqzaq-euq mawrdo-aq, saeqghawv-euq lafnyir paw dzanpuiv-eu mae.

HeˬByehˇ 13:11 ပူးပေါင်းရင်းမြစ်များ

Doˆ-iˇ 29:14

Ehˇ kʼawꞈ, mawˇ neˇ kʼoeˇ mawˇ-euˬ shaˬ jiˇ, baˆ kʼoˆ hawˇ-eu, baw uˇ baw ma deuˬ-ahˇ sehˬ gʼawˆ-euˬ laꞈ nyiˇ paw keuˬ puiˆ-awˬ. Heu-aˬ, piˇ ma deuˬ-euˬ iˬ baˇ shawˇ-eu lawˇ-euˬ jeˬ pyeuꞈ-eu meh.

Yeˬsaˬgeˬlaˇ 43:21

Iˬ baˇ shawˇ-eu gʼaˇ duˬ lawˇ-euˬ mawˇ neˇ kʼoeˇ mawˇ nawˇ yuˇ-awˇ, Uˬ duˬ tahˬ nymˇ nymˇ ma-euˬ lahˇ laꞈ nyiˇ paw, tsaˬ tsoˆ taˬ-euˬ tsahˇ-ahˇ nawˇ ya dzah puiˆ meh.

Uˬ duˬ 16:27

Iˬ baˇ shawˇ-eu lawˇ-eu jeˬ gʼaˇ duˬ maˬ ehˇ, Muiˬ dui Shawˇ dui dui-eu Jawˇ duˬ-ahˇ shiˬ yuˇ ahˇ gʼeh-eu gʼaˇ duˬ maˬ ehˇ, sehꞈ-euˬ mawˇ neˇ mawˇ gaw hawˇ-eu ciꞈ myehꞈ-ahˇ pu pu dzeˇ baꞈ doˆ-awˇ, ya dzah puiˆ dzeh meh. Baˆ kʼoˆ maˬ ehˇ, shaˬ jiˇ maˬ ehˇ, baw uˇ baw ma dawˬ tawˆ luꞈ maˬ ehˇ, ya dzah puiˆ dzeh meh.

Uˬ duˬ 6:11

Kʼoeˇ naˇ, aˬ yawꞈ mehˬ tsoeˬ dm paˇ-awˇ, kʼaˬ lehˇ kʼoeˇ deuˬ-ahˇ, pu pu dzeˇ jaˆ-eu muiˬ-eu shawˇ-eu jawˇ duˬ-ahˇ ya tawˆ taˬ-iˇ meh.

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Uˬ duˬ 9:11

Ehˇ kʼawꞈ, shaˬ jiˇ hawˇ-eu baˆ kʼoˆ deuˬ-ahˇ pu pu dzeˇ keuˬ puiˆ dzeh-euˬ meh.

Uˬ duˬ 9:9

Aˬ yawꞈ-euˬ aˬ li deuˬ mawˇ neˇ kʼoeˇ mawˇ-euˬ shiˬ yuˇ laꞈ ngeh, aˬ yawꞈ-euˬ laꞈ noeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ lehꞈ-awˇ, dzehˬ laˇ-euˬ shiˬ deuˬ lawˇ duˬ-euˬ dawˬ pehˬ-ahˇ shehˆ-euˬ meh.

Bawˇtsahˬ 19:3

piˇ ma Eˇlaˬzaˬ-ahˇ tsahˇ nehˬ-awˬ. Mawˇ neˇ kʼoeˇ mawˇ-ahˇ pu pu dzeˇ tsahˇ doˆ gʼeh-awˇ ya sehꞈ meh.

Bawˇtsahˬ 19:7

Kʼoeˇ naˇ, yawˬ ha-euˬ mehˬ tsoeˬ lehˬ tsiˬ-awˇ, aˬ yawˇ yawꞈ iˇ cuꞈ kuˬ shehˬ gʼaˬ ngeh, pu-ahˇ ya gʼoꞈ uˇ le meh. Ehˇ kʼawꞈ, aˬ yawꞈ-aˬ, uˬ ciꞈ uˬ taw paw keuˆ ni maˬ shawˇ-eu tsawˇ haˬ pyeuꞈ-eu meh.