HeˬByehˇ 12:7 - Akha

⁷ Naw maꞈ ya daˬ luꞈ-eu jeˬ-ahˇ aˬ da neh diˬ paˇ dzaw paˇ nehˬ laꞈ-euˬ jeˬ loꞈ-ehˇ sawˇ-eu laꞈ kʼoeˇ, oˇ-awˇ daˬ-awˬ. Naw maꞈ ya daˬ-eu kʼoeˇ-aˬ, Miˬyehˇ naw maꞈ-ahˇ aˬ yawꞈ-euˬ zaˬ loꞈ-ehˇ sawˇ-eu saˇ kiˇ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawmaf maeqpar naeq-eu jeq-anr daqluf-eu ngeur nar-aq, Miqyaer, nawmaf-anr aqyawf-euq zaqdeuq lof-aer janrnaeqlaf luf-eu mae. Aqda maq maeqpar naeq-eu zaq jawr mae lor?

HeˬByehˇ 12:7 ပူးပေါင်းရင်းမြစ်များ

2 Saˬmeuˬlaˆ 7:14

Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

1 Sahˬpaˬ 1:6

“Nawˇ aˬ jeˬ miˇ neh teu loꞈ-ehˇ jahˇ te” lehˇ ehˇ-awˇ, aˬ yawꞈ-euˬ aˬ da aˬ yawꞈ-ahˇ tiˬ jawˇ-iˬ tiˬ jeˬ-iˬ maˬ laˆ tsoeˬ nehˬ haw-aˬ. Aˬ yawꞈ-aˬ, pyawˬ naˬ aˇ gʼehˇ muiˬ dui dui-awˇ, shiˇ dzeuˇ-euˬ Aˬbaˇsaˬloˬ jiˇ naˇ, sahˬ paˬ zaˬ yo deuˬ laꞈ kʼoeˇ aˬ cawˬ naˆ maˬ tseˇ yuiꞈ dzehˬ-eu gʼaˬ pyeuꞈ-eu meh.

Dawqdaq 13:24

Daˇ cuiˇ neh maˬ zuiˆ-eu aˬ da-aˬ, yawˬ ha-euˬ aˬ li-ahˇ maˬ gaˬ-a. Yawˬ ha-euˬ zaˬ-ahˇ gaˬ-eu tsawˇ haˬ, yaw kʼaˆ kʼaˆ-ehˇ mehˬ-eu tsoˆ-eu meh.

Dawqdaq 19:18

Aˇ yamˬ tsaˬ ngeh zaˬ-ahˇ mehˬ paˇ tsoˆ paˇ-awˬ. zaˬ cawˆ-iˇ ni gʼaˬ baꞈ taˬ baꞈ.

Dawqdaq 22:15

Zaˬ laꞈ kʼoeˇ aˬ dzawˬ aˇ gah nui ma ahˇ-awˇ, daˇ cuiˇ neh mehˬ-awˇ ya teh doˆ-eu meh.

Dawqdaq 29:15

Zaˬ-ahˇ diˬ diˬ-ehˇ mehˬ nehˬ tsoˆ nehˬ-eu jeˬ-aˬ, zaˬ gʼaˇ duˬ muiˬ-eu meh. Kʼaˇ dehꞈ mawꞈ-eu bi dehꞈ naˇ, aˬ ma-euˬ myaˆ pyawˬ-ahˇ kʼaˬ naˆ sawˆ nya-eu meh.

Dawqdaq 29:17

Nawˬ li-ahˇ yaw muiˬ paˬ-ehˇ mehˬ nehˬ tsoˆ nehˬ naˇ, nawˇ kʼahˬ sehˇ za tehꞈ-a. Nawˇ bi shaꞈ dawˇ-eu jeˬ aˬ yawꞈ tiˬ jawˇ-iˬ maˬ mˇ-aˇ.

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

Dawˬmehˬ 8:5

Tsawˇ haˬ tiˬ gʼaˬ yawˬ ha-euˬ zaˬ-ahˇ mehˬ-eu tsoˆ-eu loꞈ-ehˇ, naw maꞈ-ahˇ Miˬyehˇ mehˬ nehˬ tsoˆ nehˬ-euˬ gaˇ noeˬ keuˆ-awˬ. Kʼoeˇ miˇ neh, Sahˬpaˬ Miˬyehˇ naw maꞈ-ahˇ dawˬ biꞈ-euˬ loꞈ-ehˇ mˇ-awˬ.

1 Saˬmeuˬlaˆ 2:29

Toˆ-ehˇ ngeuˇ naˇ, ngaˬ-euˬ tsawˇ haˬ deuˬ-ahˇ ngaˬ neh bi lawˇ-euˬ loꞈ-ehˇ, aˬ yawꞈ maꞈ ngaˬ-ahˇ lawˇ nehˬ laꞈ-euˬ jeˬ hawˇ-eu damˬ nehˬ laꞈ-euˬ jeˬ-ahˇ, aˬ jeˬ miˇ neh mehˇ juiˇ juiˇ te. Ngaˬ-ahˇ kʼaˇ lawˇ kʼaˇ shehˇ laˇ-euˬ jeˬ laꞈ kʼoeˇ, kʼaˇ muiˬ kʼaˇ kuiˇ-eu jeˬ-ahˇ nawˬ li deuˬ yuˇ doˆ-awˇ dzaˬ luꞈ gaˇ haw sheˇ. Eˇliˆ-oˇ, nawˬ-euˬ aˬ li deuˬ-ahˇ kʼoeˇ loꞈ-ehˇ bi jahˇ-awˇ, ngaˬ-ahˇ naˆ maˬ tseˇ aˬ yawꞈ maꞈ-ahˇ nawˇ aˬ jeˬ miˇ neh taˬ huiˬ te.

1 Saˬmeuˬlaˆ 2:34

Nawˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ tiˬ nah laꞈ kʼoeˇ tehꞈ-ehˇ shiˇ ngeh, ngaˬ neh kʼaˇ ehˇ taˬ-euˬ jeˬ dawˬ tawˆ luꞈ aˬ diˇ aˬ maˇ pyeuꞈ laˇ luꞈ-eu gaˇ kawˆ, nawˬ-ahˇ bi mawˇ-eu ma.

1 Saˬmeuˬlaˆ 3:13

Aˬ yawꞈ-euˬ aˬ li deuˬ ngaˬ-ahˇ ngehˬ bahˬ tmˇ bahˬ-euˬ miˇ neh, aˬ yawꞈ-euˬ nymˇ jiˇ-ahˇ aˬ myah luꞈ ngaˇ kʼehˬ nehˬ ma lehˇ, Eˇliˆ-ahˇ ngaˇ ehˇ nehˬ taˬ-euˬ jaˆ-eu ma. Aˬ yawꞈ maꞈ kʼoeˇ loꞈ-ehˇ gʼeh luꞈ-eu Eˇliˆ siˬ nya kʼawꞈ, aˬ yawꞈ maꞈ-ahˇ maˬ laˆ tsoeˬ-a.