HeˬByehˇ 12:5 - Akha

⁵ Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqyawf, nawmaf-anr aqyawf-euq zaqdeuq-anr maeqbawq bif-eu lof-aer aer-euq dawq-anr nawmaf ngaer-euq nya lor? “Ngaq-euq Zaqyo-or! Sanqpaq Miqyaer maeqpar naeqlaf-eu jeq-anr taq hawdoer. Aqyawf, nawq-anr daeqdaeq-aer maeqnaeq laf-eu gar khawf ghaq taqbaq-ir.

HeˬByehˇ 12:5 ပူးပေါင်းရင်းမြစ်များ

Yawˇbaˆ 34:31

Yawˇbaˆ-oˇ, nawˬ-euˬ iˬ baˇ-ahˇ Miˬyehˇ mehˬ shi pah mehˬ nehˬ-awˇ, iˬ baˇ maˬ paˇ mˇ ma lehˇ saˇ jaˇ dzaˬ gʼaˬ maˬ loˇ.

Jaceuq 118:18

Aˬ yawꞈ ngaˬ-ahˇ yaw kʼaˆ-ehˇ kʼehˬ nehˬ laꞈ-euˬ kʼawꞈ, shiˇ gaˇ maˬ bi keuˆ-a.

Jaceuq 119:109

Aˬ myah ya shiˇ kawꞈ, shiˇ gaˇ ngaˇ maˬ guˆ. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ byehˇ.

Jaceuq 119:16

Nawˬ-euˬ zahˇ dawˬ kʼoꞈ dawˬ-ahˇ ngaˇ laˬ kʼaˬ cehˇ-awˇ, nawˬ-euˬ dawˬ-ahˇ ngaˇ maˬ ngehˇ.

Jaceuq 119:67

Nawˇ ngaˬ-ahˇ maˬ kʼehˬ mi naˆ-ehˇ ngaˇ dehꞈ lehˬ-euˬ kʼawꞈ, nymˬ-mˇ ngaˇ nawˬ-euˬ dawˬ-ahˇ naˇ haˬ-eu ma.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Jaceuq 119:83

Biˬ dzeh taˬ-euˬ shaˬ kʼoˆ iˇ puˬ tiˬ siˬ loꞈ-ehˇ, tiˬ jeˬ-iˬ gaˇ dahˇ maˬ paˇ tsoeˬ miˇ-a. Ehˇ kʼawꞈ, nawˬ-euˬ dawˬ ma saˇ jaˇ-ahˇ ngaˇ maˬ ngehˇ.

Jaceuq 94:12

Sahˬpaˬ Miˬyehˇ-oˇ, nawˬ neh mehˬ nehˬ tsoˆ nehˬ-euˬ gʼaˬ aˇ naˆ ni laˬ kʼaˬ ya cehˇ-eu nga. Nawˬ neh nawˬ-euˬ zahˇ dawˬ kʼoꞈ dawˬ mehˬ nehˬ-euˬ gʼaˬ aˇ naˆ ni guiˬ lahˬ huiˬ-eu nga.

Dawqdaq 3:1

Ngaˬ li-oˇ, ngaˇ mehˬ-eu tsoˆ-eu dawˬ-ahˇ naˇ haˬ geuꞈ-awˇ, ngaˬ neh mehˬ-euˬ jeˬ maˬ ngehˇ ni mˇ-awˬ.

Dawqdaq 4:5

Ngaˬ-euˬ kʼaˬ meh-ahˇ doˆ le-euˬ dawˬ-ahˇ taˬ ngehˇ, taˬ byehˇ dzeh. Zaˬ siˬ tsawˇ gahˇ poˆ-awˬ. Noeˬ siˬ noeˬ mawˇ nya laˇ ni leh jeh-awˬ.

Yeˬlaˬmiˇ 31:18

“Iˇsaˬleˬlaˆ tsawˇ haˬ heu loꞈ-ehˇ mahˇ-eu ngaˇ gaˬ-euˬ ma. Sahˬpaˬ Miˬyehˇ-oˇ nga maꞈ-aˬ, jeˬ zaˬ yaw gahˇ tiˬ mawˇ-ahˇ duˇ-euˬ kʼawꞈ, nawˬ neh laˆ yah nehˬ laꞈ-euˬ meh. Nga maꞈ-ahˇ sheuˬ kʼoꞈ laˬ le-awˬ. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ jawˇ gaˇ gʼoꞈ laˇ-eu gʼaˇ duˬ, nga maꞈ noeˬ jiˇ-euˬ ma.

Ngoeˇ dawˬ 3:39

Iˬ baˇ baˬ da kʼehˬ nehˬ laꞈ gaˇ, aˬ dui aˬ jeˬ ja-eu loˬ ta.

Luˇkaꞈ 24:6

Aˬ yawꞈ heu gaˇ maˬ paˇ jawˇ meh. Aˬ yawꞈ gʼoꞈ dehꞈ laˇ gʼaˬ-euˬ meh. Aˬ yawꞈ Gaˬliˬlehˇ miˇ kʼahˬ-ahˇ jawˇ ngeh, naw maꞈ-ahˇ aˬ joˆ-ehˇ ehˇ nehˬ laꞈ-euˬ gaˇ paˇ noeˬ poˆ haw sheˇ.

Luˇkaꞈ 24:8

Kʼoeˇ ngeh, zaˬ miˬ zaˬ kʼoeˇ deuˬ aˬ yawꞈ neh ehˇ-euˬ dawˬ kʼoeˇ dawˬ-ahˇ noeˬ doˆ leˇ-euˬ meh.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

Gaˬlaˬtiˆ 6:9

Kʼoeˇ miˇ neh, gʼaˬ byehˆ maˬ byehˆ ni yaw muiˬ jeˬ mˇ kaˇ-euˇ. Aˬ dui nui ma maˬ cawˆ naˇ, aˇ yamˬ keuˆ laˇ ngeh ya yehˬ tehꞈ-a.

1 Tiˆmoˇseˬ 1:20

Tsawˇ haˬ kʼoeˇ deuˬ laꞈ kʼoeˇ, ngaˬ neh Saˬdaˬ-euˬ aˬ laꞈ laꞈ kʼoeˇ a dzeh nehˬ-awˇ bi kʼehˬ bi kʼaˆ-euˬ Huˬmiˬnehˇ hawˇ-eu Aˬleˬsaˬduˇ aˬ nyaꞈ kʼawꞈ ahˇ-eu meh. Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ maˬ ehˇ niˇ gʼa kʼmˬ-eu gaˇ kawˆ aˬ yawꞈ nyaꞈ bi siˬ duˬ-eu gʼaˇ duˬ, kʼoeˇ loꞈ-ehˇ a dzeh nehˬ-euˬ ma.

HeˬByehˇ 12:7

Naw maꞈ ya daˬ luꞈ-eu jeˬ-ahˇ aˬ da neh diˬ paˇ dzaw paˇ nehˬ laꞈ-euˬ jeˬ loꞈ-ehˇ sawˇ-eu laꞈ kʼoeˇ, oˇ-awˇ daˬ-awˬ. Naw maꞈ ya daˬ-eu kʼoeˇ-aˬ, Miˬyehˇ naw maꞈ-ahˇ aˬ yawꞈ-euˬ zaˬ loꞈ-ehˇ sawˇ-eu saˇ kiˇ pyeuꞈ-eu meh.

HeˬByehˇ 13:22

A yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ gʼaˬ biꞈ-eu dawˬ heu deuˬ-ahˇ nui ma gʼawˬ mahˇ ni taˬ-awˇ naˇ haˬ geuꞈ-awˬ lehˇ shaˇ-eu ma. Aˬ jeˬ miˇ neh ehˇ naˇ, ngaˬ neh naw maꞈ-ahˇ boꞈ nehˬ laꞈ-euˬ sahˬ boꞈ heu taꞈ-aˬ, yaw mahˇ maˬ ngeuˇ-a.

Yaˬkoˆ 1:12

Lawˬ haw-eu jeˬ-ahˇ ya daˬ ngeh saˇ jaˇ ziꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, lawˬ haw-eu jeˬ-ahˇ aˬ yawꞈ daˬ dzeuˇ oˇ dzeuˇ gʼaˬ ngeh jawˇ, Miˬyehˇ-ahˇ gaˬ-eu tsawˇ haˬ deuˬ gʼaˇ duˬ Miˬyehˇ neh lehˬ hmˬ taˬ-euˬ dehꞈ-eu jeˬ-euˬ shuiˇ uˬ kʼoˆ laꞈ sawˬ za tehꞈ-a.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.