HeˬByehˇ 12:4 - Akha

⁴ Aˬ jeˬ miˇ neh ehˇ naˇ, naw maꞈ iˬ baˇ-ahˇ deuˆ ceh ceh-eu kʼoeˇ-aˬ, shiˇ-eu aˇ tiˆ-ahˇ maˬ keuˆ-a siˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Nawmaf, iqbax naeq-aer deuvcae caecae-aer shaqluf-eu khawf, shiq dov-eu tiv-anr maq keuvler-aq siq.

HeˬByehˇ 12:4 ပူးပေါင်းရင်းမြစ်များ

Maꞈtehˬ 24:9

Kʼoeˇ naˇ, naw maꞈ-ahˇ paꞈ-awˇ, bi kʼehˬ bi kʼaˆ-eu gʼaˇ duˬ hawˇ-eu, bi sehꞈ-eu gʼaˇ duˬ a nehˬ gaˇ ya daˬ tehꞈ-a. Naw maꞈ ngaˬ-ahˇ jah-eu baˬ ba neh, tsawˇ jeuˬ dawˬ tawˆ luꞈ naw maˬ-ahˇ muiˇ tehꞈ-a.

1 Gawˇliˬtu 10:13

Aˬ cawˬ maˬ ya puˬ maˬ ya mawˇ haw-euˬ muˇ juˇ juˇ-eu jeˬ-ahˇ naw maꞈ ya daˬ-eu maˬ ngeuˇ-a. Miˬyehˇ-aˬ, saˇ jaˇ ziꞈ dui dui-awˇ, naw maꞈ maˬ kamˬ coeˇ-eu muˇ juˇ juˇ-eu jeˬ maˬ bi keuˆ le-a. Naw maꞈ kʼoeˇ taˆ muˇ juˇ juˇ-eu jeˬ keuˆ le ngeh, kamˬ coeˇ ni aˬ yawꞈ gʼaˬ biꞈ nehˬ laꞈ-awˇ, buˬ-iˇnya-eu gaˇ ma shaˇ dahˇ nehˬ laꞈ tehꞈ-a.

Piˇliˇpiˆ 2:8

Yawˬ ha-ahˇ taˬ nyiˇ dui dui-awˇ, laꞈ yaꞈ kʼoeˇ taˆ shiˇ gaˇ keuˆ ni, Miˬyehˇ ehˇ dawˬ naˇ haˬ-euˬ meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 13:13

Kʼoeˇ miˇ neh, aˬ dui kʼawꞈ, pu pu dzeˇ aˬ yawꞈ jawˇ gaˇ iˇ-awˇ, shaꞈ dawˇ-eu jeˬ-ahˇ tiˬ kawˆ loꞈ-ehˇ caw daˬ kaˇ-euˇ.

Panmaeq 12:11

Aˬ dui-euˬ aˬ yuiꞈ aˬ nyiˇ Ka li zaˬ deuˬ-aˬ, Yawˇzaˬ-euˬ shiˬ hawˇ-eu aˬ yawꞈ maꞈ mehˬ luꞈ-eu yaw tsaˬ yaw dawˇ jeˬ baˬ da neh aˬ yawꞈ-ahˇ gʼaˬ leˇ-euˬ meh. Aˬ yawꞈ maꞈ-aˬ, gʼawˇ mawˇ shiˇ dah peuˬ-eu meh.

Panmaeq 17:6

Zaˬ miˬ zaˬ kʼoeˇ gʼaˬ-aˬ, Miˬyehˇ-euˬ tsawˇ haˬ deuˬ-euˬ shiˬ hawˇ-eu, Yeˬsuˇ-ahˇ saˇ jaˇ ziꞈ-eu miˇ neh bi sehꞈ-euˬ tsawˇ haˬ deuˬ-euˬ shiˬ dawˇ yehꞈ taˬ-euˬ gaˇ ya mawˇ-euˬ ma. Zaˬ miˬ zaˬ kʼoeˇ gʼaˬ-ahˇ ya mawˇ ngeh, ngaˇ zahˬ leˇ-euˬ ma.

Panmaeq 18:24

Bawˇlawˇpeh deuˬ-euˬ shiˬ, tsawˇ muiˬ tsawˇ jaˬ-euˬ shiˬ, miˇ tsaˬ heu-euˬ kʼoeˇ taˆ, kʼaˇ bi sehꞈ yoeˇ-euˬ shiˬ, nawˬ-euˬ laꞈ kʼoeˇ ya mawˇ-euˬ meh.”

Panmaeq 2:13

Nawˇ aˬ gaˇ jawˇ-eu ngaˇ siˬ nya ma. Nehꞈ Saˬdaˬ-euˬ dzoeˬ dzaˬ nuiˇ mahˬ jaˆ gaˇ nawˇ jawˇ-eu meh. Nawˇ ngaˬ-ahˇ saˇ jaˇ ziꞈ-eu meh. Saˇ jaˇ ziꞈ-eu ngaˬ-euˬ gaˇ kawˆ saˇ kiˇ kamˬ-eu gʼaˬ pyeuꞈ-eu Aˬdiˇpaˆ-ahˇ nehꞈ Saˬdaˬ jawˇ gaˇ sehꞈ ngeh kʼawꞈ, ngaˬ-ahˇ jah-eu jeˬ-ahˇ nawˇ maˬ byehˇ dzeh-aˬ.