HeˬByehˇ 12:3 - Akha

³ Aˬ yawꞈ aˇ naˆ ni ya daˬ dzeuˇ yaꞈ-euˬ gaˇ shaˇ noeˬ haw sheˇ. Aˬ yawꞈ-ahˇ muiˇ-eu iˬ baˇ zaˬ deuˬ-euˬ laꞈ-ahˇ aˬ yawꞈ aˇ naˆ ni ya daˬ-euˬ nga. Kʼoeˇ miˇ neh, naw maꞈ nui ma baˬ-awˇ Miˬyehˇ-ahˇ jah-eu jeˬ-ahˇ taˬ byehˇ dzeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf-euq nuima ghaq maqya baq-ir-aer, nuima maqya cawv-ir ni, Kali, aqyawfghaq khawf iqbaxzaq muir-awr janrnaeq-eu gar daqdzeur nya-euq garkawv-anr sharnoeqhaw sher-eq.

HeˬByehˇ 12:3 ပူးပေါင်းရင်းမြစ်များ

Dawqdaq 24:10

Shaˬ zahˬ puˬ le ngeh nui ma nyiˇ naˇ, nawˇ nui ma baˬ-eu tsawˇ haˬ meh. -25-

Iˇsaˬyaˇ 50:4

Nui ma cawˆ-eu deuˬ-ahˇ gʼaˬ biꞈ-eu dawˬ ngehˬ nehˬ nya ni, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, ngaˬ-ahˇ mehˬ laꞈ tsoˆ laꞈ-euˬ meh. Aˬ yawꞈ ngaˬ-ahˇ mehˬ nehˬ tsoˆ nehˬ laꞈ-eu jeˬ-ahˇ, ngaˇ nui ma keuˆ-awˇ naˇ haˬ ni, yawˬ shawˬ na luꞈ ngaˬ-ahˇ aˬ yawꞈ laˆ noeˬ-eu meh.

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Maꞈtehˬ 12:24

Kʼoeˇ loꞈ-ehˇ ehˇ gaˇ Paˬliˬsehˇ deuˬ ya gaˬ ngeh, “Tsawˇ haˬ teu gʼaˬ nehꞈ sahˬ paˬ Beˬlaˇzeuˬbuˇlaˆ-euˬ baoˬ-ahˇ gʼoe-awˇ nehꞈ teh doˆ-eu nga” lehˇ ehˇ-eu meh.

Maꞈtehˬ 15:2

“Aˬ poeˬ aˬ piˬ deuˬ neh mehˬ ka leꞈ-euˬ jeˬ-ahˇ, nawˬ-euˬ zaˬ lahˇ deuˬ aˬ jeˬ miˇ neh maˬ naˇ haˬ geuꞈ ta. Aˬ yawꞈ maꞈ hawˬ dzaˬ ngeh, zahˇ sahˇ kʼoꞈ jaˆ-eu loꞈ-ehˇ aˬ laꞈ maˬ dzuiꞈ nga.”

Maꞈtehˬ 21:23

Yeˬsuˇ Uˬ duˬ tahˬ nymˇ nymˇ ma-ahˇ gʼoꞈ uˇ leˇ-awˇ mehˬ luꞈ tsoˆ luꞈ ngeh, piˇ ma aˬ yuiꞈ deuˬ hawˇ-eu aˬ yuiꞈ aˬ tsu deuˬ aˬ yawꞈ jawˇ gaˇ laˇ-awˇ ehˇ-eu, “Nawˇ aˬ gaˇ-euˬ baoˬ-ahˇ gʼoe-awˇ teu loꞈ-ehˇ mˇ te. Aˬ suˇ gʼaˬ neh nawˬ-ahˇ baoˬ biꞈ laꞈ taˬ.”

Maꞈtehˬ 21:46

Kʼoeˇ miˇ neh, aˬ yawꞈ maꞈ aˬ yawꞈ-ahˇ nyehꞈ-eu lehˇ leh jeh-euˬ meh. Ehˇ kʼawꞈ, Yeˬsuˇ-ahˇ Miˬyehˇ gʼaˇ duˬ ngehˬ dah-eu tsawˇ haˬ meh lehˇ jah luꞈ-eu tsawˇ haˬ aˇ maꞈ kʼoeˇ deuˬ-ahˇ aˬ yawꞈ maꞈ guˆ-eu meh.

Maꞈtehˬ 22:15

Kʼoeˇ naˇ, Paˬliˬsehˇ deuˬ doˆ-iˇ-awˇ, Yeˬsuˇ dawˬ bi ngehˬ bahˬ ni, dawˬ lahˇ ju kʼmˇ-eu gʼaˇ duˬ bawˬ dzaˬ-euˬ meh.

Luˇkaꞈ 14:1

Jawˇ nah ngeh nah, Paˬliˬsehˇ deuˬ kʼoeˇ taˆ aˬ yuiꞈ aˬ tsu geuꞈ luꞈ-eu tiˬ gʼaˬ-euˬ nymˇ-ahˇ Yeˬsuˇ hawˬ dzaˬ leˇ-euˬ meh. Kʼoeˇ ngeh, aˬ cawˬ aˬ yawꞈ-ahˇ kʼoeˬ sho haw luꞈ-eu meh.

Luˇkaꞈ 15:2

Kʼoeˇ ngeh, Paˬliˬsehˇ deuˬ hawˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ Yeˬsuˇ-ahˇ iˬ baˇ taˬ-awˇ ehˇ-eu, “Tsawˇhaˬ heu gʼaˬ iˬ baˇ zaˬ lehˇ sawˇ taˬ-euˬ deuˬ-ahˇ ha geuꞈ-eu uˬ taꞈ, tiˬ kawˆ loꞈ-ehˇ dzaˬ taꞈ dawˇ taꞈ-eu nga.”

Luˇkaꞈ 16:14

Paˬliˬsehˇ deuˬ-aˬ, pyuˇ shuiˇ-ahˇ gaˬ-eu tsawˇ haˬ pyeuꞈ-eu miˇ neh, Yeˬsuˇ kʼoeˇ loꞈ-ehˇ ehˇ-eu ya gaˬ ngeh, Yeˬsuˇ-ahˇ naˬ gʼa naˬ gʼa-ehˇ uiˇ-eu meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Luˇkaꞈ 5:21

Kʼoeˇ ngeh, Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ tiˬ gʼaˬ tiˇ gʼaˬ ehˇ-eu, “Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ teu gʼaˬ aˬ suˇ gʼaˬ nga. Miˬyehˇ maˬ ngeuˇ naˇ aˬ suˇ gʼaˬ iˬ baˇ pyehˬ nehˬ nya ta.”

Yoˇhaˬ 10:20

Aˬ yawꞈ maꞈ myaˬ tiˬ paˆ ehˇ-eu, “Tsawˇ haˬ teu gʼaˬ nehꞈ uˇ-awˇ uˬ tsehˆ-euˬ ngaˇ. Aˬ jeˬ miˇ neh aˬ yawꞈ ehˇ gaˇ naw maꞈ naˇ haˬ te.”

Yoˇhaˬ 18:22

Yeˬsuˇ kʼoeˇ loꞈ-ehˇ ehˇ ngeh, kʼoeˇ gaˇ loꞈ luꞈ-eu yehˇ tiˬ gʼaˬ aˬ yawꞈ-euˬ baˬ ba-ahˇ tehˆ-awˇ ehˇ-eu, “Nawˇ Piˇ ma Yaw huiˬ gʼaˬ-ahˇ teu loꞈ-ehˇ ehˇ kʼmˬ ta loˇ.”

Yoˇhaˬ 5:16

Kʼoeˇ ngeh neh naˇ, aˬ yawꞈ maꞈ Yeˬsuˇ-ahˇ laˆ shaˬ-eu jeˬ aˇ dahˬ beh-euˬ meh. Aˬ jeˬ miˇ neh ehˇ naˇ, Jawˇ nah ngeh nah aˬ yawꞈ aˬ cawˬ-ahˇ naˇ gawˇ laˆ taˬ nehˬ-euˬ meh.

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

Yoˇhaˬ 8:13

Paˬliˬsehˇ deuˬ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ yawˬ ha gaˇ kawˆ yawˬ ha saˇ kiˇ kamˬ-eu tehꞈ ngaˇ. Nawˬ neh kʼaˇ ehˇ-euˬ jeˬ yaw duˬ yaw ciˇ maˬ baw nga.”

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.

Yoˇhaˬ 8:59

Kʼoeˇ ngeh, aˬ yawꞈ maꞈ kʼaˬ lo gʼoˆ-awˇ Yeˬsuˇ-ahˇ biˬ-eu lehˇ gʼeh-eu meh. Ehˇ kʼawꞈ, Yeˬsuˇ-aˬ, aˬ yawꞈ-euˬ gʼawˇ mawˇ maˬ bi mawˇ ni Uˬ duˬ tahˬ nymˇ nymˇ ma laꞈ kʼoeˇ neh iˇ doˆ-euˬ meh.

Yoˇhaˬ 9:40

Kʼoeˇ gaˇ jawˇ-eu Paˬliˬsehˇ tiˬ paˆ na deuˬ aˬ yawꞈ kʼoeˇ loꞈ-ehˇ ehˇ gaˇ ya gaˬ ngeh, “Nga maꞈ-ahˇ myaˆ behꞈ nga lehˇ nawˇ ehˇ mawꞈ-eu maˬ ngeuˇ-eu paˬ” lehˇ ehˇ-eu meh.

1 Gawˇliˬtu 15:58

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, gʼaˬ byehˆ maˬ byehˆ-ehˇ ziꞈ dah ni yawꞈ tehˬ taˬ-eu laꞈ kʼoeˇ, Sahˬpaˬ Yeˬsuˇ-euˬ gaˇ mˇ-eu yawꞈ ngehꞈ maˬ ngeuˇ-a lehˇ siˬ nya-awˇ, Sahˬpaˬ Yeˬsuˇ-euˬ gaˇ mˇ-eu leh jeh dui dui-awˬ.

2 Gawˇliˬtu 4:1

Miˬyehˇ gʼawˬ shaˬ gaˬ-eu laꞈ kʼoeˇ nga maꞈ-ahˇ gaˇ heu bi mˇ laꞈ-euˬ miˇ neh, nga maꞈ-euˬ nui ma gʼaˬ maˬ baˬ.

2 Gawˇliˬtu 4:16

Heu miˇ neh, nga maꞈ-euˬ nui ma tiˬ jawˇ-iˬ gʼaˬ maˬ baˬ. Nga maꞈ-euˬ shiˬ shaˬ jiˇ gʼawˇ mawˇ tiˬ jawˇ saˇ-iˬ tiˬ jawˇ teˬ le byoˆ le luꞈ kʼawꞈ, nga maꞈ-euˬ saꞈ laˇ gʼawˇ mawˇ tiˬ nah saˇ-iˬ tiˬ nah gʼaˬ yaw shuiꞈ za luꞈ ma.

Gaˬlaˬtiˆ 6:9

Kʼoeˇ miˇ neh, gʼaˬ byehˆ maˬ byehˆ ni yaw muiˬ jeˬ mˇ kaˇ-euˇ. Aˬ dui nui ma maˬ cawˆ naˇ, aˇ yamˬ keuˆ laˇ ngeh ya yehˬ tehꞈ-a.

Dawˬmehˬ 20:3

‘Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ guiˇ deuˆ-eu lehˇ gʼeh luꞈ meh. Naw maꞈ-ahˇ muiˇ-eu deuˬ-ahˇ taˬ guˆ. Gʼaˬ taˬ baˬ. Yaw dzuˬ taˬ dzuˬ. Taˬ noeˬ shaˬ.

2 Teˇsaˬloˇni 3:13

Ehˇ kʼawꞈ aˬ yuiꞈ aˬ nyiˇ Ka li zaˬ deuˬ-oˇ, naw maꞈ-aˬ, yaw muiˬ jeˬ mˇ-eu gʼaˬ byehˆ maˬ ya byehˆ-a.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

Panmaeq 2:3

Nawˇ nui ma gʼawˬ mahˇ ni taˬ-awˇ, ngaˬ-euˬ gʼaˇ duˬ shaˬ zahˬ gʼawˬ mya jeˬ daˬ-eu uˬ taꞈ, nui ma cawˆ-eu maˬ baw-a.

1 Saˬmeuˬlaˆ 12:24

Naw maꞈ-euˬ nui ma gʼawˇ mawˇ dawˬ tawˆ luꞈ Sahˬpaˬ Miˬyehˇ-euˬ dawˬ-ahˇ naˇ haˬ geuꞈ-awˇ, saˇ jaˇ ziꞈ-eu laꞈ kʼoeˇ aˬ yawꞈ-euˬ gaˇ mˇ-awˬ. Naw maꞈ gʼaˇ duˬ aˬ yawꞈ neh mˇ-euˬ huiˬ-eu gaˇ deuˬ-ahˇ noeˬ keuˆ-awˬ.