HeˬByehˇ 12:23 - Akha

²³ Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Mq-euq khoertav bofanr taq-euq huqbaw zaqyo deuq-euq Kalizaq armur uiqlar duq-anr larkeuv-euq mae. Tsawrhaqzaq yawqghaq navluf-anr yarkhaq dar-eu Miqyaer hawr-eu, bi byanlar-euq tsaq-awr dawr-eu tsawrhaq-euq saflar khawf jawr-eu mae.

HeˬByehˇ 12:23 ပူးပေါင်းရင်းမြစ်များ

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Jaceuq 111:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ tsawˇ haˬ deuˬ uiˬ laˇ taˬ-euˬ mehˬ shi, ngaˬ-eu nui ma gʼawˇ mawˇ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ ma.

Jaceuq 69:28

Dehꞈ-eu saꞈ laˇ sahˬ boꞈ laꞈ kʼoeˇ aˬ yawꞈ maꞈ-euˬ tsawˇ myahˇ bi shiˆ byoˆ-awˇ, nawˬ-euˬ tsawˇ haˬ jaˇ laˇ laꞈ kʼoeˇ aˬ yawꞈ maꞈ maˬ ahˇ ni ya shaˬ luꞈ-uˇ.

Jaceuq 89:27

Aˬ yawꞈ-ahˇ ngaˬ-euˬ aˬ li aˬ yuiꞈ yuiꞈ saˬ gʼaˬ bi geuꞈ-awˇ, sahˬ paˬ dawˬ tawˆ kʼoeˇ taˆ huiˬ dzehˬ-eu gʼaˬ bi geuꞈ ma.

Jaceuq 89:7

Muiˬ-eu shawˇ-eu deuˬ-euˬ baꞈ dzah laꞈ kʼoeˇ, nawˬ-ahˇ yaw zeu ya baw-awˇ, dawˬ tawˆ luꞈ nawˬ-euˬ mehˬ shi tsoˆ leˇ-awˇ yawꞈ-eu meh.

Jaceuq 94:2

Nawˇ-aˬ, tsawˇ haˬ dawˬ tawˆ luꞈ kʼoeˇ taˆ yaˇ kʼaˬ daˇ-eu gʼaˬ meh. Tuˇ laˇ-awˇ, nui ma huiˬ-eu mahˇ-eu tsawˇ haˬ deuˬ-ahˇ oꞈ-eu geuˇ-eu loꞈ-ehˇ kʼehˬ nehˬ-awˬ.

Jaceuq 96:13

Sahˬpaˬ Miˬyehˇ miˇ tsaˬ-ahˇ uˆ lahˇ le ngeh, kʼoeˇ loꞈ-ehˇ guˇ tehꞈ-a. Miˇ tsaˬ zaˬ dawˬ tawˆ luꞈ-ahˇ yaw tsaˬ yaw dawˇ laꞈ kʼoeˇ uˆ lahˇ-awˇ, dawˇ coe ni yaˇ kʼaˬ daˇ nehˬ tehꞈ-a.

Jaceuq 98:9

Aˬ jeˬ miˇ neh ehˇ naˇ, miˇ tsaˬ-ahˇ aˬ yawꞈ uˆ lahˇ le-euˬ meh. Miˇ tsaˬ zaˬ deuˬ-ahˇ dawˇ coe ni aˬ yawꞈ uˆ lahˇ tehꞈ-a.

Doˆ-iˇ 13:2

“Dehꞈ beh beh le-euˬ jeˬ dawˬ tawˆ luꞈ laꞈ kʼoeˇ, aˬ li deuˬ hawˇ-eu aˬ buˬ deuˬ ngaˬ-ahˇ ya damˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ laꞈ kʼoeˇ dehꞈ beh beh le-euˬ aˬ li hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ ngaˬ-ahˇ taꞈ-eu meh.”

Doˆ-iˇ 32:32

Gʼawˬ shaˬ gaˬ-eu laꞈ kʼoeˇ, aˬ yawꞈ maꞈ-ahˇ iˬ baˇ pyehˬ nehˬ-awˬ. Ehˇ kʼawꞈ, aˬ yawꞈ maꞈ-ahˇ nawˇ iˬ baˇ maˬ pyehˬ nehˬ coeˇ naˇ, nawˬ-euˬ tsawˇ haˬ deuˬ-euˬ tsawˇ myahˇ boꞈ ahˇ taˬ-euˬ sahˬ boꞈ laꞈ kʼoeˇ ahˇ-eu ngaˬ-euˬ tsawˇ myahˇ shiˆ byoˆ-awˬ.”

Doˆ-iˇ 4:22

Kʼoeˇ ngeh, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ-ahˇ nawˇ ehˇ nehˬ-awˬ. ‘Iˇsaˬleˬlaˆ tsawˇ haˬ-aˬ, ngaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu ma.

Dawˬ tsoˆ 12:7

Aˬ dui-euˬ gʼawˇ mawˇ miˇ tsaˬ-ahˇ gʼoꞈ kʼoꞈ-iˇ-awˇ, aˬ duiˬ-euˬ saꞈ laˇ-aˬ, dehꞈ-eu saꞈ laˇ biꞈ-eu yaw sahˇ pyeuꞈ-eu Miˬyehˇ jawˇ gaˇ gʼoꞈ leˇ tehꞈ-a. Aˇ yamˬ kʼoeˇ yamˬ maˬ keuˆ le mi naˆ-ehˇ, Miˬyehˇ-euˬ guiˬ lahˬ-ahˇ noeˬ keuˆ-awˬ.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Yoˇhaˬ 5:27

Zaˬmaˇ-ahˇ yaˇ kʼaˬ daˇ-eu baoˬ biꞈ taˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ Tsawˇhaˬ-euˬ Zaˬmaˇ meh.

Gʼaˬkʼehˇ 20:28

Kʼoeˇ miˇ neh, naw maꞈ-euˬ gʼawˇ mawˇ yaw muiˬ paˬ-ehˇ yahˇ-awˇ dehꞈ-eu uˬ taꞈ, Muiˬ-eu shawˇ-eu Yaw sahˇ Miˬyehˇ neh naw maꞈ-ahˇ a nehˬ-awˇ bi haw bi pyaˆ-euˬ yawˇ yawˇ maꞈ-ahˇ yaw muiˬ paˬ-ehˇ bo saˆ haw piˇ-awˬ. Miˬyehˇ neh aˬ yawꞈ-euˬ Zaˬmaˇ bi shiˇ dah-awˇ zeuˇ tsehˆ taˬ-euˬ aˬ yawꞈ-euˬ Ka li zaˬ aˇ muˇ-ahˇ yawˇ bo-eu loꞈ-ehˇ bo-awˬ.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

1 Gawˇliˬtu 15:49

Miˇ tsaˬ yuˇ-awˇ tehˆ taˬ-euˬ gʼaˬ-euˬ aˇ gʼehˇ aˬ dui pi luꞈ-eu loꞈ-ehˇ, mˬ-ahˇ neh oe-euˬ gʼaˬ-euˬ aˇ gʼehˇ aˬ dui paˇ ya pi tehꞈ-a.

1 Gawˇliˬtu 15:54

Kʼoeˇ loꞈ-ehˇ pyeuꞈ laˇ-awˇ, buꞈ-iˇ nya-eu jeˬ-ahˇ maˬ buꞈ-iˇ nya-eu jeˬ bi pyeuꞈ paˇ laˇ ngeh, Jaˇliꞈ heu deuˆ laꞈ kʼoeˇ ehˇ taˬ-euˬ byah laˇ tehꞈ-a. “Gʼaˬ leˇ-eu jeˬ neh shiˇ-eu jeˬ-ahˇ myoꞈ ahˇ-euˬ meh.”

2 Gawˇliˬtu 5:8

Nga maꞈ nui ma kʼaˬ duˬ ni jaˆ-eu laꞈ kʼoeˇ shiˬ shaˬ jiˇ gʼawˇ mawˇ heu-ahˇ byehˇ dzeh yaꞈ mawꞈ-awˇ, Sahˬpaˬ Miˬyehˇ jawˇ gaˇ gʼoꞈ leˇ mawꞈ-eu ma.

Eˇpeˇsu 1:22

Dawˬ tawˆ luꞈ Miˬyehˇ neh Ka li-euˬ aˬ kuiˇ pehˬ zaˬ uˬ moˆ bi jaˆ-awˇ, Ka li zaˬ aˇ muˇ-euˬ gʼaˇ duˬ aˬ yawꞈ-ahˇ dawˬ tawˆ luꞈ kʼoeˇ taˆ uˬ duˬ bi geuꞈ-euˬ meh.

Dawˬmehˬ 21:17

Aˬ li aˬ yuiꞈ gʼaˬ-aˬ, aˬ yawꞈ gaˬ dzehˬ-eu ma-euˬ zaˬ maˬ ngeuˇ kʼawꞈ, jeˬ biˇ biˇ nehˬ ngeh, nui deuˬ myaˆ maˬ tseˇ nyiˬ bymˇ ya biꞈ dzehˬ meh. Tsawˇ haˬ aˬ geu gʼaˬ maˬ kaˬ, yawˬ ha-euˬ aˬ li aˬ yuiꞈ gʼaˬ-ahˇ aˬ yuiꞈ gʼaˬ-euˬ jawˇ duˬ-ahˇ taˬ-awˇ, aˬ yawꞈ za geuˇ-eu jeˬ biˇ, zahˇ sahˇ kʼoꞈ kʼaˇ jaˆ-eu loꞈ-ehˇ ya biꞈ meh.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

Gawˇlawˇsehˇ 1:24

Nymˬ-mˇ naw maꞈ gʼaˇ duˬ ngaˇ ya daˬ luꞈ-eu heu-ahˇ, ngaˇ laˬ kʼaˬ cehˇ ma. Aˬ jeˬ miˇ neh ehˇ naˇ, ngaˬ-euˬ shiˬ shaˬ jiˇ gʼawˇ mawˇ heu loꞈ-ehˇ ya daˬ luꞈ-eu heu-aˬ, Ka li aˬ yawꞈ-euˬ gʼawˇ mawˇ pyeuꞈ-eu Ka li zaˬ aˇ muˇ gʼaˇ duˬ aˬ yawꞈ ya daˬ-euˬ kʼoeˇ maˬ byah laˇ jiˇ-ehˇ jaˆ yaꞈ-euˬ deuˬ bi byah laˇ-eu gʼaˇ duˬ caw ba gaˇ duˇ-eu ma.

1 Tiˆmoˇseˬ 3:5

Aˬ jeˬ miˇ neh ehˇ naˇ, yawˬ ha-euˬ nymˇ jiˇ-ahˇ maˬ gʼaˬ leˇ-eu tsawˇ haˬ-aˬ, Miˬyehˇ-euˬ Ka li zaˬ aˇ muˇ-ahˇ aˬ joˆ-ehˇ bo saˆ nya nmˇ.

HeˬByehˇ 11:4

Gaˬiˇnaˆ neh lawˇ-euˬ naˆ maˬ tseˇ muiˬ dzehˬ-eu jeˬ-ahˇ Aˬbeˬlaˆ lawˇ nya-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-euˬ jah-eu jeˬ baˬ da neh Miˬyehˇ aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ neh damˬ-euˬ jeˬ-ahˇ Miˬyehˇ nui kʼahˇ shiˇ-eu meh. Aˬbeˬlaˆ shiˇ dzeuˇ-euˬ kʼawꞈ, aˬ yawꞈ-euˬ jah-eu jeˬ baˬ da neh iˬ nah keuˆ ni dawˬ ngehˬ luꞈ-a siˬ.

HeˬByehˇ 11:40

Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu jeˬ aˬ dui gʼaˇ duˬ Miˬyehˇ laˆ saˆ taˬ-euˬ meh. Aˬ dui maꞈ nehˬ-ehˇ tiˬ kawˆ loꞈ-ehˇ aˬ yawꞈ maꞈ-ahˇ bi byah laˇ-eu gʼaˇ duˬ Miˬyehˇ shaˇ noeˬ taˬ-euˬ meh.

HeˬByehˇ 2:12

Aˬ yawꞈ Miˬyehˇ-ahˇ ehˇ-eu, “Nawˬneh mˇtaˬ-euˬ gaˇ kʼoeˇdeuˬ, ngaˬ-euˬ mehˇ nmˇ-ahˇ dzawˇ nehˬ ma. Aˬ yawꞈ maꞈ uiˬ leˇ-awˇ jawˇ gaˇ, nawˬ-ahˇ ngaˇ ja ceuˬ ma.”

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Yaˬkoˆ 1:18

Kʼaˇ beh dehꞈ taˬ-euˬ jeˬ dawˬ tawˆ luꞈ laꞈ kʼoeˇ aˬ dui aˬ cawˬ jeˬ hu hu saˬ ya jawˇ ni, aˬ yawꞈ nui ma kʼaˇ tsaˬ-eu loꞈ-ehˇ yaw tsaˬ yaw dawˇ dawˬ-ahˇ gʼoe-awˇ aˬ dui-ahˇ beh dehꞈ taˬ-euˬ meh.

1 Beˬtuˆluˆ 2:23

Aˬ cawˬ aˬ yawꞈ-ahˇ dawˬ doeˇ ngehˬ daˆ nehˬ-euˬ kʼawꞈ, aˬ yawꞈ yaw doeˇ maˬ ehˇ kʼoꞈ nehˬ haw-aˬ. Aˬ cawˬ kʼehˬ nehˬ kʼaˆ nehˬ gaˇ aˬ yawꞈ ya daˬ ngeh, aˬ cawˬ-ahˇ guˆ tsiˬ nyehꞈ-eu dawˬ aˬ yawꞈ maˬ ngehˬ-ehˇ, dawˇ coe ni yaˇ kʼaˬ daˇ-eu gʼaˬ pyeuꞈ-eu Miˬyehˇ-euˬ aˬ laꞈ laꞈ kʼoeˇ aˬ yawꞈ-euˬ gʼawˇ mawˇ a nehˬ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

Panmaeq 14:4

Aˬ yawꞈ maꞈ-aˬ, zaˬ miˬ zaˬ nehˬ-ehˇ maˬ yuꞈ taꞈ-eu tsawˇ shawˇ deuˬ meh. Yawˇ zaˬ kʼaˇ iˇ-eu mehˬ nah aˬ yawꞈ maꞈ caw teh-eu meh. Tsawˇ haˬ zaˬ dawˬ tawˆ luꞈ laꞈ kʼoeˇ aˬ yawꞈ maꞈ-ahˇ ka kʼoꞈ-awˇ, Miˬyehˇ hawˇ-eu Yawˇzaˬ-ahˇ damˬ nehˬ beh beh-euˬ deuˬ pyeuꞈ-eu meh.

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.

Panmaeq 6:11

Kʼoeˇ ngeh, aˬ yawꞈ maꞈ yawˬ gʼaˬ na luꞈ-ahˇ pehˇ kʼahˬ pehˇ mahˇ yaw pyuˇ bi dm awˇ, aˬ yawꞈ maꞈ-ahˇ sehꞈ-euˬ loꞈ-ehˇ, aˬ yawꞈ maꞈ nehˬ-ehˇ tiˬ kawˆ loꞈ-ehˇ gaˇ mˇ-euˬ deuˬ tsawˇ haˬ aˇ gʼaˬ noeˬ taˬ-euˬ loꞈ-ehˇ bi sehꞈ byah ngeh keuˆ ni, tiˬ kʼehˬ gʼaˬ naˬ naˬ tawˬ-eu gʼaˇ duˬ ehˇ nehˬ-euˬ meh.

Panmaeq 6:9

Kʼoeˇ naˇ, Yawˇzaˬ kʼoeˇ mawˇ jmˬ diˬ taˬ-euˬ ngaˬ hmˬ tiˬ hmˬ-ahˇ ngawˬ paˆ-euˬ meh. Kʼoeˇ ngeh, Miˬyehˇ-euˬ dawˬ kawˬ mehˬ-awˇ saˇ jaˇ ziꞈ-eu laꞈ kʼoeˇ saˇ kiˇ kamˬ-euˬ miˇ neh bi sehꞈ-euˬ tsawˇ haˬ deuˬ-euˬ saꞈ laˇ kʼoeˇ deuˬ, lawˇ duˬ-euˬ uˬ moˆ jawˇ luꞈ gaˇ ngaˇ ya mawˇ-euˬ ma.