HeˬByehˇ 12:22 - Akha

²² Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aerkhawf, nawmaf-aq, Ziroq gawqjawq hawr-eu daefluf-eu Miqyaer-euq meuq-anr larkeuv-euq mae. Meuq heumeuq-aq, mqtav-euq Yeqlursaqlaeq pyeuf-awr, heugar maq guijir coerni myaq-eu mqtav ghaqkhaer deuq uiqlarduq pyeuf-eu mae.

HeˬByehˇ 12:22 ပူးပေါင်းရင်းမြစ်များ

2 Sahˬpaˬ 19:4

Dehꞈ luꞈ-eu Miˬyehˇ-ahˇ bi naˬ gʼa-eu gʼaˇ duˬ, Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ deuˬ-ahˇ pyehˬ gʼeh leꞈ-euˬ meh. Kʼoeˇ loꞈ-ehˇ naˬ gʼa-eu dawˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, naˬ gʼa le-euˬ tsawˇ haˬ kʼoeˇ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ shiˇ dzeuˇ-ehˇ dehꞈ luꞈ-eu tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ-awˬ.”

Jaceuq 2:6

“Ngaˬ-euˬ muiˬ-eu shawˇ-eu gawˬjawˬ, Ziˇoˬ gawˬjawˬ heu-euˬkʼoeˇ taˆ, dzoeˬdzaˬsahˬpaˬ ciˬnuiˇ-euˬma.”

Jaceuq 42:2

Iˇcuꞈmehꞈdui dui-eu loꞈ-ehˇ, dehꞈluꞈ-eu ngaˬ-euˬMiˬyehˇ-ahˇ, ngaˬ-euˬsaꞈlaˇmehꞈluꞈ-eu ma. Nawˬ-euˬmehˬshi ngaˇle keuˆ-awˇ, aˬmyah uˬduˬya tahˬleˇnmˇ.

Jaceuq 48:2

Miˬyehˇ-euˬ Ziˇoˬ gawˬ jawˬ-aˬ, yaw goˇ-ahˇ jaˆ-awˇ haw muiˬ dui dui-eu meh. Huiˬ-eu sahˬ paˬ-euˬ meuˬ kʼoeˇ meuˬ, miˇ kʼahˬ dawˬ tawˆ luꞈ kʼoeˇ taˆ laˬ kʼaˬ cehˇ-eu jeˬ bi keuˆ le-eu meh.

Jaceuq 68:17

Mahˬ laˆ lawˬ aˇ heˇ aˇ muiˇ laˇ teh-awˇ, Siˇnaˆ gawˬ jawˬ-ahˇ neh muiˬ-eu shawˇ-eu jawˇ duˬ-ahˇ, Sahˬpaˬ Miˬyehˇ oe tehꞈ-a.

Jaceuq 84:2

Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ, ngaˇ jawˇ leˇ mawꞈ dui dui miˇ-a. Ngaˬ-euˬ nui ma gʼawˇ mawˇ dawˬ tawˆ luꞈ dehꞈ luꞈ-eu Miˬyehˇ-ahˇ laˬ kʼaˬ tiˬ cehˇ caˇ-awˇ ja ceuˬ-eu ma.

Jaceuq 87:3

Miˬyehˇ-euˬ meuˬ-oˇ, naˇ haˬ sheˇ. Miˬyehˇ nawˬ-ahˇ ciˬ huiˬ ciˬ mahˇ gaˇ naˇ haˬ sheˇ.

Iˇsaˬyaˇ 12:6

Ziˇoˬ meuˬ-ahˇ kʼaˇ jawˇ-eu deuˬ, laˬ kʼaˬ tiˬ cehˇ guˇ-awˇ caˇ-awˬ. Iˇsaˬleˬlaˆ Miˬyehˇ huiˬ dui mahˇ dui dui-awˇ, aˬ yawꞈ-euˬ tsawˇ haˬ deuˬ nehˬ-ehˇ jawˇ meh.”

Iˇsaˬyaˇ 14:32

Piˇliˇtiˆ tsawˇ haˬ dawˬ dzawˇ mˇ-eu tsawˇ haˬ deuˬ-ahˇ, aˬ joˆ-ehˇ ehˇ nehˬ nmˇ. Ziˇoˬ meuˬ-ahˇ Sahˬpaˬ Miˬyehˇ laˆ ziꞈ-awˇ, shaˬ zahˬ mˇ-euˬ aˬ yawꞈ-euˬ tsawˇ jeuˬ-ahˇ, nui saˇ bi oꞈ-eu meh lehˇ ehˇ nehˬ ma.”

Iˇsaˬyaˇ 24:23

Baoˬ huiˬ-eu Sahˬpaˬ Miˬyehˇ uˆ lahˇ-eu miˇ neh, ba la yaw zahˇ zahˇ iˇ-awˇ, nahˇ ma yaw shehꞈ maˬ bya-ehˇ pyeuꞈ-iˇ tehꞈ-a. Ziˇoˬ gawˬ jawˬ-ahˇ aˬ yawꞈ maꞈ nuiˇ-awˇ, Yeˬluˇsaˬlehˬ meuˬ-ahˇ uˆ lahˇ ngeh jawˇ, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-euˬ yaw shehꞈ kʼahˬ sehˇ ya mawˇ tehꞈ-a.

Iˇsaˬyaˇ 27:13

Aˇ nah kʼoeˇ nah keuˆ le ngeh, Aˬshuˇliˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ bi nyehꞈ gʼeh-awˇ jawˇ byoˆ taˬ-euˬ Iˇsaˬleˬlaˆ tsawˇ haˬ deuˬ-ahˇ kuˇ kʼoꞈ-eu daˇ heh baw laˇ tehꞈ-a. Aˬ yawꞈ maꞈ gʼoꞈ laˇ-awˇ, Sahˬpaˬ Miˬyehˇ-euˬ muiˬ-eu shawˇ-eu gawˬ jawˬ-ahˇ jaˆ-eu Yeˬluˇsaˬlehˬ meuˬ-ahˇ, Sahˬpaˬ Miˬyehˇ-ahˇ uˬ duˬ tahˬ laˇ tehꞈ-a.

Iˇsaˬyaˇ 28:16

Ehˇ kʼawꞈ, Sahˬpaˬ Miˬyehˇ heu loꞈ-ehˇ ehˇ-eu meh. “Ziˇoˬ meuˬ-euˬ dawˬ pehˬ ziꞈ dah ni ngaˇ gawˬ-euˬ ma. ‘Jah-eu ziꞈ-eu jeˬ-aˬ kamˬ coeˇ-eu jeˬ meh’ lehˇ boꞈ taˬ-euˬ, ziꞈ dah ni gʼeh-eu kʼaˬ lo neh, laꞈ coeˇ gawˬ tehˬ-euˬ ma.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Iˇsaˬyaˇ 51:16

Mˬ toˆ pyeh-awˇ miˇ tsaˬ dawˬ pehˬ pehˬ-euˬ ngaˇ ma. Yeˬluˇsaˬlehˬ meuˬ-ahˇ heu loꞈ-ehˇ ehˇ nehˬ-euˬ gʼaˬ ngaˇ ma. ‘Nawˇ ngaˬ-eu tsawˇ haˬ ma. Nawˬ-ahˇ mehˬ nehˬ tsoˆ nehˬ-euˬ gʼaˬ ngaˇ ma. Ngaˬ-euˬ aˬ laꞈ nawˬ-ahˇ haw piˇ-euˬ ma.’ ”

Iˇsaˬyaˇ 59:20

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-ahˇ ngehˬ gʼeh-eu gʼaˇ duˬ hawˇ-eu, iˬ baˇ kʼaˇ noeˬ poˆ-eu tsawˇ haˬ dawˬ tawˆ luꞈ-ahˇ, ka kʼoꞈ-eu gʼaˇ duˬ ngaˇ oe ma.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 17:25

Kʼoeˇ loꞈ-ehˇ jahˇ naˇ, aˬ yawꞈ maꞈ sahˬ paˬ sahˬ ma deuˬ meuˬ-euˬ lahˇ kʼehˬ kʼoeˇ deuˬ laꞈ kʼoeˇ uˇ laˇ-awˇ, sahˬ paˬ Daˬbiˇ dzoeˬ dzaˬ ngeh loꞈ-ehˇ, baoˬ huiˬ tehꞈ-a. Yuˇdaˆ miˇ kʼahˬ zaˬ deuˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, mahˬ laˆ lawˬ hawˇ-eu mahˬ deuˬ kʼoeˇ taˆ aˬ yawꞈ maꞈ dziˬ-awˇ, Yeˬluˇsaˬlehˬ meuˬ laꞈ kʼoeˇ, aˬ myah luꞈ tsawˇ haˬ tiˬ byah ni jawˇ tehꞈ-a.

Daˬyeˬlaˇ 6:26

Ngaˬ-euˬ miˇ kʼahˬ kʼahˬ ma heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, Daˬyeˬlaˇ-euˬ Miˬyehˇ-ahˇ guˆ-awˇ yaw zeu baw-awˬ lehˇ, ngaˇ dawˬ biꞈ-eu ma. “Aˬ yawꞈ dehꞈ-eu Miˬyehˇ pyeuꞈ-awˇ, mˬ maˬ maˬ byaˆ uˆ lahˇ tehꞈ-a. Yawꞈ-euˬ miˇ kʼahˬ maˬ cawˆ-iˇ-ehˇ, yawꞈ-euˬ dzoeˬ dzaˬ maˬ byoˆ-iˇ-a.

Daˬyeˬlaˇ 7:10

Kʼoeˇ gaˇ neh miˬ dzaˬ lawˇ gawˆ yoeˇ ka luꞈ-eu meh. Aˬ yawꞈ-euˬ myawˬ kʼehˇ gʼoˆ-eu aˇ heˇ aˇ muiˇ gʼaˬ jawˇ-awˇ, aˬ yawꞈ-euˬ mehˬ shi yawꞈ luꞈ-eu tsawˇ haˬ aˇ lam aˇ lam byah -eu meh. Yaˇ kʼaˬ daˇ-eu gʼaˬ yaˇ kʼaˬ daˇ dahˬ beh-awˇ, sahˬ boꞈ deuˬ dehˬ pah-euˬ meh.

Hawˇseˬ 1:10

Iˇsaˬleˬlaˆ tsawˇ haˬ deuˬ-aˬ, iˬ ma laˆ shaˆ kʼaˇ shuiꞈ loꞈ-ehˇ maˬ gui jiˇ coeˇ ni myaˬ laˇ tehꞈ-a. “Naw maꞈ ngaˬ-euˬ tsawˇ haˬ maˬ ngeuˇ” lehˇ, iˬ nah aˬ yawꞈ maꞈ-ahˇ Miˬyehˇ ehˇ kʼawꞈ, “Naw maꞈ-aˬ, dehꞈ luꞈ-eu Miˬyehˇ-euˬ zaˬ deuˬ meh” lehˇ, aˬ yawꞈ maꞈ-ahˇ aˬ yawꞈ paˇ ehˇ-eu aˇ nah keuˆ le tehꞈ-a.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 5:35

Miˇ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, kʼoeˇ-aˬ, Miˬyehˇ-euˬ aˬ kuiˇ cawˬ taˬ duˬ meh. Yeˬluˇsaˬlehˬ meuˬ-ahˇ gʼoe-awˇ neh kʼawꞈ taˬ kamˬ. Aˬ jeˬ miˇ neh ehˇ naˇ, kʼoeˇ-aˬ, huiˬ dui dui-eu Sahˬ paˬ-euˬ meuˬ meh.

Lormav 11:26

Kʼoeˇ ngeh jawˇ, Iˇsaˬleˬlaˇ tsawˇ haˬ dawˬ tawˆ luꞈ ka kʼoꞈ-eu jeˬ za tehꞈ-a. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Ka kʼoꞈ le-eu yaw sahˇ kʼoeˇ gʼaˬ, Ziˇoˬ gawˬ jawˬ-ahˇ neh oe-awˇ, Yaˬkoˆ-euˬ zaˬ deuˬ uˆ deuˬ-euˬ, maˬ muiˬ maˬ jaˬ-eu yaw haiˬ jeˬ, dawˬ tawˆ luꞈ yuˇ dzeh nehˬ tehꞈ-a.

Lormav 9:26

‘Naw maꞈ nga-euˬ tsawˇ maˬ ngeuˇ’ lehˇ, ngaˇ ehˇ-euˬ jawˇ duˬ nyiˬ paˆ-ehˇ, ‘Dehˬ luꞈ-eu Miˬyehˇ-euˬ zaˬ’ lehˇ, aˬ yawꞈ maꞈ-ahˇ bi kuˇ paˇ ma.”

Gaˬlaˬtiˆ 4:26

Ehˇ kʼawꞈ, mˬ taˆ-euˬ Yeˬluˇsaˬlehˬ meuˬ-aˬ, buˬ-iˇ-euˬ meuˬ pyeuꞈ-eu meh. Meuˬ kʼoeˇ meuˬ-aˬ, aˬ dui-euˬ aˬ ma pyeuꞈ-eu meh.

Eˇpeˇsu 2:19

Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu naw maꞈ-aˬ, boeˇ miˬ siˬ kʼaˬ-ahˇ duˇ-eu aˬ cawˬ tsawˇ jeuˬ maˬ paˇ ngeuˇ meh. Miˬyehˇ-euˬ tsawˇ haˬ deuˬ nehˬ-ehˇ miˇ kʼahˬ aˬ yawꞈ tiˬ kʼahˬ-ahˇ taꞈ-eu miˇ kʼahˬ zaˬ deuˬ pyeuꞈ laˇ-awˇ, Miˬyehˇ-euˬ nymˇ kʼahˬ zaˬ deuˬ pyeuꞈ laˇ-euˬ meh.

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

Dawˬmehˬ 5:26

Dehꞈ luꞈ-eu Miˬyehˇ miˬ dzaˬ laꞈ kʼoeˇ dawˬ ngehˬ gaˇ ya gaˬ gʼaˬ-awˇ, maˬ shiˇ ni dehꞈ-eu tsawˇ haˬ zaˬ jawˇ meh loˇ.

Piˇliˇpiˆ 3:20

Aˬ dui-aˬ, mˬ taˆ miˇ kʼahˬ zaˬ deuˬ pyeuꞈ-awˇ, aˬ dui-euˬ Ka kʼoꞈ-eu gʼaˬ pyeuꞈ-eu Sahˬpaˬ Yeˬsuˇ Ka li mˬ kʼoeˇ taˆ neh zaꞈ ka le gaˇ nui ma keuˆ-awˇ dawˬ luꞈ-eu tsawˇ haˬ deuˬ ma.

1 Teˇsaˬloˇni 1:9

Nga maꞈ naw maꞈ jawˇ gaˇ oe ngeh naw maꞈ neh nga maꞈ-ahˇ aˬ joˆ-ehˇ ha geuꞈ nehˬ laꞈ-euˬ gaˇ kawˆ hawˇ-eu, maˇ maˇ ni gʼeh-eu dehꞈ luꞈ-eu Miˬyehˇ-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ-ahˇ naw maꞈ aˬ joˆ-ehˇ byehˇ dzeh-euˬ gaˇ kawˆ, tsawˇ haˬ kʼoeˇ deuˬ dawˬ tawˆ luꞈ ja luꞈ-eu meh.

2 Tiˆmoˇseˬ 4:18

Yaw haiˬ jeˬ dawˬ tawˆ luꞈ laꞈ kʼoeˇ Sahˬpaˬ Yeˬsuˇ ngaˬ-ahˇ ka kʼoꞈ nehˬ laꞈ-awˇ, aˬ yawꞈ-euˬ mˬ taˆ Miˇkʼahˬ-ahˇ sheuˬ kʼoꞈ daˆ leꞈ tehꞈ-a. Mˬ maˬ maˬ byaˆ zaˇ ziˇ aˬ yawꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

HeˬByehˇ 10:31

Dehꞈ luꞈ-eu Miˬyehˇ-euˬ laꞈ-ahˇ ya uˇ keuˆ-iˇ-eu jeˬ-aˬ, guˆ dui dui laˇ paˬ-ehˇ gʼeh-eu meh.

HeˬByehˇ 11:10

Aˬ jeˬ miˇ neh ehˇ naˇ, Miˬyehˇ neh shaˇ noeˬ-awˇ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu meuˬ-ahˇ Aˬbyaˬhaˬ noeˬ tmˬ taˬ-euˬ meh.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

HeˬByehˇ 13:14

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui gʼaˇ duˬ ziꞈ-eu meuˬ maˬ jaˆ-a. Aˬ kaˇ keuˆ le-eu meuˬ-ahˇ aˬ dui noeˬ tmˬ luꞈ-eu ma.

HeˬByehˇ 3:12

Jah-eu tsawˇ haˬ deuˬ pyeuꞈ-eu gaˬ-eu cawˬ deuˬ-oˇ, dehꞈ luꞈ-eu Miˬyehˇ-ahˇ byehˇ dzeh gaˇ keuˆ ni haiˬ-eu, maˬ jah-eu nui ma pi luꞈ-eu tsawˇ haˬ naw maꞈ laꞈ kʼoeˇ maˬ ya bi ahˇ ni yahˇ-awˬ.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

Yawˇshuˆ 3:10

Naw maꞈ mehˬ hu paw le gʼeh leꞈ-eu nehˬ ehˇ, Kaˬnaˬ tsawˇ jeuˬ, Heˇtaˆ tsawˇ jeuˬ, Hiˇbiˇ tsawˇ jeuˬ, Paˬyehˆ tsawˇ jeuˬ, Geuˬgaˬshaˆ tsawˇ jeuˬ, Aˬmawˇliˆ tsawˇ jeuˬ hawˇ-eu, Yeˬbuˇ tsawˇ jeuˬ heu deuˬ-ahˇ, aˬ yawꞈ aˬ diˇ aˬ maˇ teh doˆ gʼeh tehꞈ-a. Miˇ tsaˬ dawˬ tawˆ luꞈ-ahˇ uˆ lahˇ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ,

Yuˇdaˆ 1:14

Aˇ hu ba, Aˬdaˬ-ahˇ neh shiꞈ tsuiꞈ tiˬ tsuiꞈ-ahˇ dehꞈ yaꞈ-euˬ Iˇnawˆ neh, aˬ yawꞈ maꞈ-euˬ gaˇ kawˆ heu loꞈ-ehˇ ngehˬ dah yaꞈ-euˬ jaˆ-eu meh. “Sahˬpaˬ Miˬyehˇ-aˬ, muiˬ-eu shawˇ-eu mˬ taˆ gʼaˬ kʼehˇ aˇ muiˇ aˇ seh nehˬ-ehˇ oe tehꞈ-a.

Panmaeq 14:1

Kʼoeˇ naˇ, ngaˇ haw gʼeh leꞈ ngeh, Ziˇoˬ gawˬ jawˬ kʼoeˇ taˆ Yawˇzaˬ yawꞈ luꞈ gaˇ ya mawˇ-euˬ ma. Naˇ kʼawˇ-ahˇ aˬ yawꞈ Aˬda-euˬ tsawˇ myahˇ hawˇ-eu aˬ yawꞈ-euˬ tsawˇ myahˇ boꞈ taˬ-euˬ tsawˇ haˬ tiˬ seh oeˬ muiˇ oeˬ heˇ gʼaˬ, aˬ yawꞈ nehˬ-ehˇ jawˇ-eu meh.

Panmaeq 21:10

Yaw sahˇ Miˬyehˇ ngaˬ-ahˇ uˆ lahˇ le-awˇ, goˇ dui dui-eu gawˬ jawˬ uˬ du sheuˬ daˆ nehˬ laꞈ-euˬ meh. Muiˬ-eu shawˇ-eu Meuˬ meuˬ ma pyeuꞈ-eu Yeˬluˇsaˬlehˬ kʼoeˇ, mˬ-ahˇ Miˬyehˇ jawˇ gaˇ neh zaꞈ ka le luꞈ gaˇ aˬ yawꞈ ngaˬ-ahˇ mehˬ nehˬ laꞈ-euˬ meh.

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.

Panmaeq 22:19

Tsawˇ haˬ tiˬ gʼaˬ na, mehˬ hu paw pyeuꞈ laˇ-eu gaˇ kawˆ ehˇ taˬ-euˬ sahˬ boꞈ heu taꞈ laꞈ kʼoeˇ ahˇ-eu dawˬ tiˬ dawˬ na yuˇ dzeh naˇ, sahˬ boꞈ heu taꞈ laꞈ kʼoeˇ ehˇ taˬ-euˬ saꞈ laˇ bi dehꞈ-eu aˇ bawˇ-euˬ aˇ siˬ hawˇ-eu Muiˬ-eu shawˇ-eu Meuˬ-ahˇ jaˆ-eu aˬ yawꞈ-ahˇ oꞈ-eu jeˬ, Miˬyehˇ neh bi yuˇ kʼoꞈ jiˇ tehꞈ-a.

Panmaeq 3:12

Gʼaˬ leˇ-eu tsawˇ haˬ-ahˇ ngaˬ-euˬ Miˬyehˇ-euˬ uˬ duˬ tahˬ nymˇ laꞈ kʼoeˇ kʼawˇ zeuˇ bi geuꞈ-awˇ, aˬ myah luꞈ kʼoeˇ gaˇ ya jawˇ tehꞈ-a. Ngaˬ-euˬ Miˬyehˇ-euˬ tsawˇ myahˇ hawˇ-eu, ngaˬ-euˬ Miˬyehˇ jawˇ-eu mˬ-ahˇ neh zaꞈ le-euˬ Yeˬluˇsaˬlehˬ yaw shuiꞈ pyeuꞈ-eu ngaˬ-euˬ Miˬyehˇ-euˬ meuˬ-euˬ tsawˇ myahˇ, aˬ yawꞈ kʼoeˇ taˆ ngaˇ boꞈ myahˬ nehˬ ma. Ngaˬ-euˬ tsawˇ myahˇ yaw shuiꞈ kʼawꞈ, aˬ yawꞈ kʼoeˇ taˆ boꞈ myahˬ nehˬ ma.

Panmaeq 7:2

Kʼoeˇ naˇ, mˬ taˆ gʼaˬ kʼehˇ yawˬ gʼaˬ yawˬ dehꞈ luꞈ-eu Miˬyehˇ-euˬ jmˬ yuˇ-awˇ nahˇ ma doˆ kʼehˬ paw neh laˇ luꞈ gaˇ ngaˇ ya mawˇ-euˬ ma. Miˇ tsaˬ hawˇ-eu iˬ ma laˆ shaˆ-ahˇ laˆ luˬ laˆ seˇ-eu gʼaˇ duˬ Miˬyehˇ neh baoˬ biꞈ taˬ-euˬ mˬ taˆ gʼaˬ kʼehˇ kʼoeˇ oeˬ gʼaˬ-ahˇ aˬ yawꞈ teˇ saˇ yaw kʼaˆ-ehˇ guˇ gaˬ-euˬ meh.