HeˬByehˇ 12:21 - Akha

²¹ Aˬ yawꞈ maꞈ myaˆ ya mawˇ-euˬ kʼoeˇ-aˬ, guˆ dui dui laˇ paˬ-ehˇ gʼeh-eu miˇ neh, “Ngaˇ guˆ dui dui-awˇ, yaw dzuˬ dzuˬ dui dui nya” lehˇ Moˇseˬ ehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Ya’mawr-euq khoer-aq, guv duiduilar paq-aer ghae-eu mirnae, Morseq aer-eu, “Ngar, yawdzuq gan’gan-aer guv duidui nya.” (Dm 9:19)

HeˬByehˇ 12:21 ပူးပေါင်းရင်းမြစ်များ

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Doˆ-iˇ 19:19

Daˇ heh baw-eu teˇ saˇ kʼoeˇ tiˬ poˆ saˇ-iˬ tiˬ poˆ kʼaˆ dzehˬ laˇ-euˬ meh. Moˇseˬ dawˬ ngehˬ ngeh, mˬ jeˬ jeˬ-eu laꞈ kʼoeˇ, Miˬyehˇ aˬ yawꞈ-ahˇ dawˬ ngehˬ cawˬ-euˬ meh.

Daˬyeˬlaˇ 10:17

Sahˬ paˬ mehˬ shi yawꞈ leˇ-euˬ zaˬ kʼaˆ-ahˇ duˇ miˇ-a. Nawˬ-ahˇ ngaˇ dawˬ aˬ joˆ-ehˇ ngehˬ cawˬ coeˇ nmˇ. Ngaˬ-euˬ laꞈ kʼoeˇ gʼaˬ jiˇ-awˇ, saꞈ gʼawˇ-euˬ gʼeh maˬ paˇ dzeˇ miˇ-a.”

Daˬyeˬlaˇ 10:8

Ngaˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zahˬ dui dui leˇ paˬ-ehˇ gʼeh-eu ya siˬ ya mawˇ-eu kʼoeˇ hmˬ-ahˇ haw hawˇ-ehˇ jawˇ-euˬ ma. Ngaˇ gʼaˬ tiˬ pawꞈ-iˬ maˬ ahˇ-ehˇ pyeuꞈ-iˇ-awˇ, tsawˇ haˬ tiˬ gʼaˬ-iˬ ngaˬ-ahˇ maˬ haw siˬ nya paˬ-ehˇ, myaˆ pyawˬ pyuˇ pya ni pyeuꞈ-iˇ-euˬ ma.

Dawˬmehˬ 9:19

Sahˬpaˬ Miˬyehˇ nui ma pehˇ-eu jeˬ-ahˇ ngaˇ guˆ dui dui-euˬ ma. Aˬ jeˬ miˇ neh ehˇ naˇ, naw maꞈ-ahˇ laˆ luˬ laˆ seˇ nehˬ paˬ-ehˇ aˬ yawꞈ nui ma pehˇ laˇ taˬ-euˬ meh. Ehˇ kʼawꞈ, ngaˬ-euˬ shaˇ dawˬ-ahˇ aˬ yawꞈ tiˬ poˆ paˇ naˇ haˬ nehˬ laꞈ-euˬ meh.

HeˬByehˇ 10:27

Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.