HeˬByehˇ 12:13 - Akha

¹³ Kuiˇ shiˇ shiˇ-eu tsawˇ haˬ yoeˬ tsuiꞈ maˬ bi jiˆ paˇ-iˇ-eu uˬ taꞈ, bi taˬ leˇ nya-eu gʼaˇ duˬ yaw tsaˬ yaw dawˇ gaˇ ma-ahˇ cah-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Nawmaf-euq kuircawv, kuirtsuif maqya jivpar-ir-eu uqtaf taqler nya’ni, nawmaf-euq aqkuir-euq gharduq garma dawrcoeni shardanr-awq.

HeˬByehˇ 12:13 ပူးပေါင်းရင်းမြစ်များ

Iˇsaˬyaˇ 35:3

Gʼaˬ juˬ-eu aˬ laꞈ hawˇ-eu yaˇ laˇ-euˬ pawˬ tsuiꞈ-ahˇ, gʼaˬ biꞈ lahˬ nehˬ-awˬ.

Iˇsaˬyaˇ 35:6

Kuiˇ shiˇ gaˇ nyeh nyeh nya laˇ-awˇ, aˬ dzawˬ laˬ kʼaˬ cehˇ-eu dawˬ ngehˬ-awˇ guˇ tehꞈ-a. Koˆ kaˆ ni gʼeh-eu kʼaˇ shuiꞈ deh yaˇ-ahˇ, lawˇ baˬ yoeˇ le tehꞈ-a.

Iˇsaˬyaˇ 42:16

“Myaˆ behꞈ tahˬ sawˇ pyeuꞈ-eu ngaˬ-euˬ tsawˇ haˬ deuˬ-ahˇ, maˬ iˇ haw-euˬ gaˇ ma tiˬ kahˇ ngaˇ sheuˬ gʼeh ma. Aˬ yawꞈ maꞈ-euˬ yaw zahˇ-ahˇ ngaˇ yaw shehꞈ bi bya laˇ-awˇ, duˬ kʼahˬ duˬ kʼawꞈ myaˬ-eu miˇ kʼahˬ, aˬ yawꞈ maꞈ-euˬ mehˬ shi bi dzm laˇ ma. Heu-aˬ, ngaˬ-euˬ saˇ jaˇ dawˬ deuˬ pyeuꞈ-awˇ, maˬ byehˇ ni ngaˇ mˇ byah nehˬ ma.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Luˇkaꞈ 3:5

Gʼaˬ lawˬ dawˬ tawˆ luꞈ sheu dzm-awˇ, gawˬ jawˬ dawˬ tawˆ luꞈ seuˆ di-awˬ. Gaˇ gʼoꞈ gaˇ diˆ laˆ dawˇ jiˇ-awˇ, duˬ kʼawꞈ duˬ nyaꞈ yaˆ di jiˇ-awˬ.

Gaˬlaˬtiˆ 2:14

Laˬ kʼaˬ cehˇ-eu Guiˬ lahˬ dawˬ-euˬ yaw tsaˬ yaw dawˇ jeˬ-ahˇ tsaˬ ni aˬ yawꞈ maꞈ maˬ cah-eu miˇ neh, aˬ yawꞈ maꞈ dawˬ tawˆ luꞈ-euˬ mehˬ shi Beˬtuˆluˆ-ahˇ ngaˇ heu loꞈ-ehˇ ehˇ nehˬ-euˬ ma. “Nawˇ-aˬ, Yuˇdaˆ tsawˇ haˬ pyeuꞈ-eu kʼawꞈ, Yuˇdaˆ tsawˇ haˬ loꞈ-ehˇ maˬ dehꞈ ni, aˬ cawˬ tsawˇ jeuˬ loꞈ-ehˇ dehꞈ-eu meh. Toˆ-ehˇ ngeuˇ naˇ, aˬ cawˬ tsawˇ jeuˬ deuˬ Yuˇdaˆ tsawˇ haˬ loꞈ-ehˇ dehꞈ ni nawˇ aˬ joˆ-ehˇ sheuˬ pyawˇ nya nmˇ.”

Gaˬlaˬtiˆ 6:1

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na mˇ lehˬ naˇ, naw maꞈ laꞈ kʼoeˇ guiˬ lahˬ saꞈ laˇ paw gʼaˬ kʼaˆ-eu deuˬ aˬ yawꞈ-ahˇ ciˬ tuˇ nehˬ-eu tsaˬ meh. Ehˇ kʼawꞈ, nui nahˬ nui yu ahˇ-eu laꞈ kʼoeˇ ciˬ tuˇ nehˬ-awˬ. Yawˬ ha kʼawꞈ, muˇ juˇ juˇ-eu mehˬ nah maˬ ya caw teh gʼeh ni yahˇ-awˬ.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.