HeˬByehˇ 12:11 - Akha

¹¹ Aˬ dui-ahˇ kʼehˬ nehˬ kʼaˆ nehˬ laꞈ gaˇ ya daˬ ngeh, aˬ dui-ahˇ bi noeˬ shaˬ laꞈ gaˇ duˇ-awˇ, laˬ kʼaˬ maˬ cehˇ nya-a. Ehˇ kʼawꞈ, kʼoeˇ loꞈ-ehˇ bi kʼehˬ bi kʼaˆ-euˬ tsawˇ haˬ-aˬ, aˇ nah yaw tsaˬ yaw dawˇ dawˇ-ehˇ dehꞈ-awˇ nui saˇ oꞈ-eu guiˬ lahˬ za-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Maeqpar naeqlaf-eu aqgeu jeq maqkaq, ya daqluf ngae narlar-eu mirnae, laqkhaq maq caernya-a. Aerkhawf, arsaq saqlar ngae, khoerlof-aer ya mrdzaw-euq tsawrhaq-euq gharduq, tsaq-awr dawr-eu nuisar of-eu arsiq siqle-eu mae.

HeˬByehˇ 12:11 ပူးပေါင်းရင်းမြစ်များ

Aˇ dahˬ 21:11

Dawˬ heu dawˬ baˬ da neh Aˬbyaˬhaˬ nui ma tiˬ pawꞈ-iˬ maˬ saˇ-a. Aˬ jeˬ miˇ neh ehˇ naˇ, Iˇshaˬmeˬlaˇ gʼaˬ kʼawꞈ aˬ yawꞈ-euˬ aˬ li pyeuꞈ-eu meh.

Jaceuq 118:18

Aˬ yawꞈ ngaˬ-ahˇ yaw kʼaˆ-ehˇ kʼehˬ nehˬ laꞈ-euˬ kʼawꞈ, shiˇ gaˇ maˬ bi keuˆ-a.

Jaceuq 119:165

Nawˬ-euˬ zahˇ dawˬ kʼoꞈ dawˬ-ahˇ gaˬ-eu deuˬ guˆ kʼaˇ maˬ za-ehˇ, aˬ yawꞈ maꞈ coˬ-iˇ ni maˬ jahˇ nya-a.

Jaceuq 89:32

aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ-awˇ, aˬ yawꞈ maꞈ mˇ lehˬ-euˬ loꞈ-ehˇ bi daˬ ma.

Dawqdaq 15:10

Dehꞈ bahˬ-eu tsawˇ haˬ-ahˇ yaw kʼaˆ-ehˇ kʼehˬ nehˬ-awˇ, maˬ mehˬ paˇ nya-eu deuˬ ya shiˇ tehꞈ-a.

Dawqdaq 19:18

Aˇ yamˬ tsaˬ ngeh zaˬ-ahˇ mehˬ paˇ tsoˆ paˇ-awˬ. zaˬ cawˆ-iˇ ni gʼaˬ baꞈ taˬ baꞈ.

Iˇsaˬyaˇ 19:22

Iˇjiˇtuˆ tsawˇ haˬ deuˬ-ahˇ Sahˬpaˬ Miˬyehˇ kʼehˬ neh kʼaˆ nehˬ tehꞈ-a. Ehˇ kʼawꞈ, aˬ yawꞈ maꞈ-ahˇ aˬ yawꞈ ngehˬ paˇ gʼeh nehˬ tehꞈ-a. Aˬ yawꞈ maꞈ aˬ yawꞈ jawˇ paw gʼoꞈ kʼoꞈ laˇ-awˇ guiˬ lahˬ shaˇ ngeh, aˬ yawꞈ maꞈ-euˬ shaˇ dawˬ-ahˇ aˬ yawꞈ naˇ haˬ nehˬ-awˇ, ngehˬ gʼeh dah teˬ nehˬ tehꞈ-a.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

2 Gawˇliˬtu 4:17

Tiˬ kʼehˬ tiˬ yamˬ laꞈ kʼoeˇ nga maꞈ ya daˬ luꞈ-eu ehˇ nyaꞈ maˬ nyeuˆ-eu shaˬ zahˬ heu-aˬ, maˬ shaˇ cehˆ nya gaˇ keuˆ ni huiˬ-eu mˬ maˬ maˬ byaˆ zaˇ ziˇ ziꞈ-eu yaw shehꞈ kʼahˬ sehˇ-ahˇ za nya ni lehˬ hmˬ luꞈ gaˇ duˇ-eu ma.

2 Tiˆmoˇseˬ 4:8

Cehˆ ceh ceh gaˇ gʼaˬ leˇ-euˬ deuˬ-ahˇ biꞈ-eu laꞈ sawˬ, ngaˬ-euˬ gʼaˇ duˬ lehˬ hmˬ taˬ-euˬ meh. Laꞈ sawˬ kʼoeˇ-aˬ, Miˬyehˇ-ahˇ tsaˬ leˇ tsahˇ leˇ-euˬ laꞈ sawˬ pyeuꞈ-eu meh. Aˇ nah kʼoeˇ nah keuˆ le ngeh, tsaˬ-eu dawˇ-eu Yaˇ kʼaˬ daˇ-eu gʼaˬ pyeuꞈ-eu Sahˬpaˬ Yeˬsuˇ ngaˬ-ahˇ laꞈ sawˬ kʼoeˇ biꞈ nehˬ laꞈ tehꞈa. Ngaˬ-ahˇ tehꞈ-ehˇ maˬ ngeuˇ ni, aˬ yawꞈ gʼoꞈ doˆ le gaˇ gʼoeˇ-eu gaˬ-eu laꞈ kʼoeˇ kʼaˇ loꞈ luꞈ-eu tsawˇ haˬ dawˬ tawˆ luꞈ-ahˇ biꞈ tehꞈ-a.

HeˬByehˇ 12:10

Aˬ dui-euˬ zaˬ baw aˬ da deuˬ-aˬ aˬ yawꞈ maꞈ neh tsaˬ meh lehˇ noeˬ-euˬ loꞈ-ehˇ aˬ dui-ahˇ tiˬ kʼehˇ laˇ kʼehˬ mehˬ paˇ zuiˆ paˇ-eu meh. Ehˇ kʼawꞈ, Miˬyehˇ aˬ dui-ahˇ mehˬ-eu zuiˆ-eu kʼoeˇ-aˬ, aˬ dui gʼaˇ duˬ muiˬ ni mˇ-eu jeˬ pyeuꞈ-eu meh. Aˬ yawꞈ loꞈ-ehˇ bi muiˬ bi shawˇ laˇ-eu gʼaˇ duˬ mˇ-eu meh.

HeˬByehˇ 5:14

Dzaˇ yaw gʼahˇ-aˬ, yaw muiˬ yaw doeˇ tseˇ paˆ geuꞈ nya-eu huiˬ loˆ laˇ-euˬ tsawˇ haˬ deuˬ-euˬ gʼaˇ duˬ meh.

1 Beˬtuˆluˆ 1:6

Lawˬ haw-eu gʼawˬ mya jeˬ-ahˇ ya daˬ-eu baˬ da neh nymˬ-mˇ tiˬ kʼehˬ laꞈ kʼoeˇ naw maꞈ ya noeˬ shaˬ kʼawꞈ, Miˬyehˇ neh lehˬ hmˬ taˬ-euˬ kʼoeˇ-ahˇ laˬ kʼaˬ cehˇ-awˬ.

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.