HeˬByehˇ 12:1 - Akha

¹ Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Jan-eu jeq-euq garkawv sarkir kamq-eu tsawrhaq, juqkhoeq tmq-eu lof-aer aqdui-euq tiqjawq jawrluf-eu mirnae, aqdui-anr kanluf-eu yawqjeq navluf pyaeqka yaf-awr, aqdui-anr gheupaf lar-eu iqbax dawqtawvluf khawf puirdzae yaf-eu uqtaf, nuinoeq ghawqmanrni noeq-awr, aqdui-euq gharduq lavsav taq-euq garma-anr caevghae kar-eur.

HeˬByehˇ 12:1 ပူးပေါင်းရင်းမြစ်များ

Yawˇbaˆ 8:10

Ehˇ kʼawꞈ, aˇ hu tsawˇ gahˇ ahˇ-eu tsawˇ haˬ deuˬ neh nawˬ-ahˇ bi mehˬ-awˇ, aˬ yawꞈ maꞈ ehˇ gaˇ naˇ haˬ geuꞈ-awˬ.

Jaceuq 18:23

Yawꞈ-euˬmehˬshi maˬmˇca ni, iˬbaˇ-ahˇyahˇ-awˇdehꞈ-euˬma.

Iˇsaˬyaˇ 60:8

Mˬ dmˇ loꞈ-ehˇ zaw gaˇ duˇ-awˇ, yaˇ miˇ kʼaˬ kʼoeˬ nymˇ-ahˇ gʼoꞈ uˇ leˇ gaˇ duˇ-eu, saˇ baoˬ kʼoeˇ deuˬ aˬ gaˇ-euˬ saˇ baoˬ-a.

Yeˬsaˬgeˬlaˇ 38:16

Miˇ kʼahˬ nyiˬ tsehˆ-ehˇ baw gʼeh leꞈ-eu ja lehˇ lehˇ ma loꞈ-ehˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ guiˇ deuˆ le-eu lehˇ nawˇ oe tehꞈ-a. Aˇ nah aˇ yamˬ kʼoeˇ keuˆ le ngeh, ngaˇ aˬ suˇ gʼaˬ nga lehˇ tsawˇ jeuˬ dawˬ tawˆ luꞈ bi mawˇ duˬ-eu gʼaˇ duˬ maˬ ehˇ, nawˬ-ahˇ zmˬ-awˇ ngaˬ neh mˇ-euˬ jeˬ baˬ da neh, ngaˬ-euˬ muiˬ-eu shawˇ-eu jeˬ bi siˬ bi mawˇ duˬ-eu gʼaˇ duˬ maˬ ehˇ, nawˬ-ahˇ pyehˬ gʼeh-awˇ, ngaˬ-euˬ miˇ kʼahˬ-ahˇ guiˇ bi deuˆ-iˇ ma.

Yeˬsaˬgeˬlaˇ 38:9

Aˬ yawꞈ hawˇ-eu aˬ yawꞈ-euˬ guiˇ maꞈ deuˬ nehˬ-ehˇ, tsawˇ jeuˬ gʼawˬ mya jeuˬ gm leˇ-awˇ, jaˬ lehˇ lehˇ ma baw-eu loꞈ-ehˇ miˇ kʼahˬ kʼoeˇ kʼahˬ-ahˇ guiˇ deuˆ uˇ leꞈ ngeh, mˬ dmˇ ciˬ tehˬ nehˬ-euˬ gaˇ duˇ tehꞈ-a.”

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Maꞈtehˬ 24:13

Ehˇ kʼawꞈ, aˇ saˬ saˬ ngeh keuˆ ni kamˬ coeˇ-eu tsawˇ haˬ deuˬ ka kʼoꞈ-eu jeˬ za tehꞈ-a.

Maˬkuˆ 10:50

Tsawˇ haˬ kʼoeˇ gʼaˬ pehˇ kʼahˬ biˬ dzeh-awˇ, tsawˬ tuˇ-awˇ Yeˬsuˇ jawˇ gaˇ laˇ-euˬ meh.

Luˇkaꞈ 12:15

Kʼoeˇ naˇ, aˬ yawꞈ maꞈ dawˬ tawˆ luꞈ-ahˇ Yeˬsuˇ heu loꞈ-ehˇ paˇ ehˇ nehˬ-euˬ meh. “Pyuˇ shuiˇ myawˬ gahˬ-ahˇ mehˇ juiˇ maˬ ya juiˇ ni yahˇ-awˬ. Aˬ jeˬ miˇ neh ehˇ naˇ, tsawˇ haˬ tiˬ gʼaˬ smˇ muiˬ aˇ naˆ ni muiˬ kʼawꞈ, aˬ yawꞈ-euˬ pyuˇ shuiˇ myawˬ gahˬ baˬ da neh yaw dehꞈ ya dehꞈ-eu maˬ ngeuˇ-a.”

Luˇkaꞈ 16:28

Ngaˬ-euˬ mehˇ nmˇ ngaˬ gʼaˬ jawˇ-eu ma. Kʼehˬ-eu kʼaˆ-eu jeˬ-ahˇ ya daˬ dui dui-eu jawˇ duˬ heu tsahˇ-ahˇ, aˬ ha mehˇ nmˇ maˬ ya laˇ keuˆ ni yahˇ-eu gʼaˇ duˬ tiˬ poˆ bi ehˇ gaˬ-iˇ sheˇ.’

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Yoˇhaˬ 3:32

Aˬ yawꞈ neh ya gaˬ ya mawˇ-euˬ jeˬ aˬ yawꞈ ja mehˬ-eu meh. Ehˇ kʼawꞈ, aˬ yawꞈ ehˇ gaˇ tiˬ gʼaˬ-iˬ maˬ jah-a.

Yoˇhaˬ 4:39

Meuˬ kʼoeˇ meuˬ-ahˇ jawˇ-eu tsawˇ haˬ gʼawˬ mya ni Yeˬsuˇ-ahˇ jah laˇ-euˬ meh. Aˬ jeˬ miˇ neh ehˇ naˇ, “Ngaˬ neh kʼaˇ mˇ dzeuˇ yaꞈ-euˬ yawˬ jeˬ na luꞈ a yawꞈ ngaˬ-ahˇ ehˇ mehˬ laꞈ nya eu nga” lehˇ, zaˬ miˬ zaˬ kʼoeˇ gʼaˬ aˬ yawꞈ maꞈ-ahˇ ehˇ nehˬ-euˬ meh.

Yoˇhaˬ 4:44

Aˬ jeˬ miˇ neh ehˇ naˇ, “Miˬyehˇ gʼaˇ duˬ ngehˬ dah-eu tsawˇ haˬ-ahˇ, yawˬ ha-euˬ miˇ kʼahˬ laꞈ kʼoeˇ aˬ cawˬ yaw zeu maˬ baw-a” lehˇ, Yeˬsuˇ aˬ yawꞈ neh ehˇ taˬ-euˬ dawˬ jaˆ-eu meh.

Lormav 12:12

Noeˬ tmˬ-eu laꞈ kʼoeˇ laˬ kʼaˬ cehˇ-awˬ. Shaˬ-eu zahˬ-eu jeˬ laꞈ kʼoeˇ nui ma gʼawˬ mahˇ ni taˬ-awˬ. Aˬ myah luꞈ guiˬ lahˬ shaˇ-awˬ.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Gaˬlaˬtiˆ 2:2

Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

Gaˬlaˬtiˆ 5:7

Dzeuˇ laˇ ngeh naw maꞈ yaw muiˬ paˬ-ehˇ mˇ luꞈ shaˇ luꞈ-eu meh. Yaw tsaˬ yaw dawˇ jeˬ-ahˇ naw maꞈ maˬ naˇ haˬ geuꞈ ni aˬ suˇ gʼaˬ laˆ tsoeˬ-euˬ ta.

Eˇpeˇsu 4:25

Kʼoeˇ miˇ neh, jaˬ myawꞈ taˬ paˇ mawꞈ. Ka li zaˬ cawˬ cawˬ yawˬ gʼaˬ na luꞈ yaw tsaˬ yaw dawˇ jeˬ ngehˬ-awˬ tmˇ-awˬ. Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li-euˬ gʼawˇ mawˇ laꞈ kʼoeˇ tiˬ gaˇ taꞈ-eu ma.

Piˇliˇpiˆ 1:30

Nymˬ-mˇ naw maꞈ ngaˬ nehˬ-ehˇ tiˬ kawˆ loꞈ-ehˇ guiˇ deuˆ leˇ nya meh. Guiˇ heu-aˬ, dzeuˇ laˇ ngeh ngaˇ deuˆ luꞈ-eu naw maꞈ mawˇ-euˬ kʼoeˇ meh. Nymˬ-mˇ kʼawꞈ, naw maꞈ ya gaˬ-euˬ loꞈ-ehˇ, guiˇ kʼoeˇ ngaˇ deuˆ luꞈ te siˬ. TBS CATP 15-06-00

Piˇliˇpiˆ 2:16

Saꞈ laˇ bi dehꞈ-eu dawˬ aˬ yawꞈ maꞈ-ahˇ biꞈ-awˬ. Kʼoeˇ loꞈ-ehˇ mˇ naˇ, Ka li zaꞈ le-eu Aˇ nah-ahˇ naw maꞈ gʼaˇ duˬ ngaˇ kʼahˬ sehˇ jehˆ kʼaˇ za tehꞈ-a. Aˬ jeˬ miˇ neh ehˇ naˇ, kʼoeˇ-aˬ, ngaˬ neh leh jeh-awˇ mˇ-euˬ gaˇ heu yawꞈ ngehꞈ maˬ ngeuˇ-eu gaˇ kawˆ bya cehˆ ni bi doˆ laˇ tehꞈ-a.

2 Tiˆmoˇseˬ 2:4

Guiˇ mˇ luꞈ-eu yehˇ aˬ geu gʼaˬ maˬ kaˬ, guiˇ maꞈ kʼoeˇ taˆ uˆ lahˇ luꞈ-eu yaw huiˬ gʼaˬ-euˬ nui kʼahˇ mˇ byah mawꞈ-eu miˇ neh, miˇ kʼahˬ zaˬ deuˬ mˇ-eu shaˇ-eu loꞈ-ehˇ maˬ mˇ ni ya dzahˬ tehˬ-eu meh.

2 Tiˆmoˇseˬ 4:7

Cehˆ ceh ceh-eu heu laꞈ kʼoeˇ, ngaˇ kʼaˇ gʼeh nya-eu loꞈ-ehˇ cehˆ-euˬ ma. Aˇ saˬ saˬ ngeh keuˆ ni cehˆ-awˇ, jah-eu jeˬ-ahˇ ziꞈ dah ni tuˆ tehˬ luꞈ-eu ma.

HeˬByehˇ 6:15

Aˬbyaˬhaˬ nui ma gʼawˬ mahˇ ni taˬ-euˬ baˬ da neh, Miˬyehˇ neh saˇ jaˇ dzaˬ-euˬ jeˬ-ahˇ za-euˬ meh.

Yaˬkoˆ 1:3

Aˬ jeˬ miˇ neh ehˇ naˇ, naw maꞈ-euˬ jah-eu jeˬ-ahˇ lawˬ haw-eu kʼoeˇ-aˬ, naw maꞈ-ahˇ daˬ coeˇ oˇ coeˇ-eu tsawˇ haˬ bi pyeuꞈ laˇ-eu meh.

1 Beˬtuˆluˆ 2:1

Kʼoeˇ miˇ neh, yaw haiˬ jeˬ dawˬ tawˆ luꞈ-ahˇ byehˇ dzeh-awˬ. Jaˬ myawꞈ myawꞈ-eu maˬ ehˇ, awꞈ-aꞈ tahˬ kʼoˬ loꞈ-ehˇ yaw muiˬ jahˇ geuꞈ-eu maˬ ehˇ, aˬ cawˬ-ahˇ myaˆ naˆ-eu maˬ ehˇ, aˬ cawˬ-ahˇ ja bu ja doeˇ-eu maˬ ehˇ, taˬ paˇ mˇ.

1 Beˬtuˆluˆ 4:2

Naw maꞈ mehˬ hu paw dehꞈ daˆ leꞈ-eu tiˬ ziˇ, shiˬ shaˬ jiˇ-euˬ nui loˆ maˬ geuꞈ-ehˇ Miˬyehˇ-euˬ nui kʼahˇ geuꞈ-awˬ.

1 Beˬtuˆluˆ 5:1

Ka li zaˬ aˇ muˇ-euˬ tsawˇ mawˬ tsawˇ kʼaˆ tiˬ gʼaˬ pyeuꞈ-eu ngaˇ, naw maꞈ-euˬ Ka li zaˬ aˇ muˇ laꞈ kʼoeˇ jawˇ-eu tsawˇ mawˬ tsawˇ kʼaˆ deuˬ-ahˇ heu loꞈ-ehˇ shaˇ-eu ma. Ngaˇ-aˬ, kʼehˬ-eu kʼaˆ-eu jeˬ-ahˇ Ka li ya daˬ-euˬ gaˇ kawˆ saˇ kiˇ kamˬ-eu tsawˇ haˬ pyeuꞈ-eu loꞈ-ehˇ, Miˬyehˇ tsawˇ haˬ zaˬ-ahˇ Ka li-euˬ yaw shehꞈ kʼahˬ sehˇ pah mehˬ le ngeh, ngaˇ kʼawꞈ yaw shehꞈ kʼahˬ sehˇ kʼoeˇ za ma. Ngaˇ naw maꞈ-ahˇ heu loꞈ-ehˇ shaˇ-eu ma.

1 Beˬtuˆluˆ 5:12

Ngaˇ jah coeˇ-eu aˬ nyiˇ Siˬlaˇ-ahˇ gʼoe-awˇ, naw maꞈ-ahˇ sahˬ boꞈ heu taꞈ yaw nymˇ nymˇ-ehˇ boꞈ ahˇ laꞈ-eu ma. Naw maꞈ-ahˇ gʼaˬ biꞈ mawꞈ-eu miˇ neh sahˬboꞈ heu taꞈ ngaˇ boꞈ-euˬ ma. Sahˬ boꞈ heu taꞈ-aˬ, maˇ maˇ ni Miˬyehˇ-euˬ guiˬ lahˬ yaw dzahˇ pyeuꞈ-eu ma. Guiˬ lahˬ yaw dzahˇ heu-euˬ laꞈ kʼoeˇ ziꞈ dah ni jawˇ-awˬ.

2 Beˬtuˆluˆ 1:6

Zaˬ siˬ tsawˇ gahˇ kʼoeˇ taˆ yawˬ ha-euˬ nui ma-ahˇ gʼaˬ leˇ-eu jeˬ bi lahˬ laˇ-awˬ. Yawˬ ha-euˬ nui ma-ahˇ gʼaˬ leˇ-eu jeˬ kʼoeˇ taˆ daˬ coeˇ oˇ coeˇ-eu jeˬ bi lahˬ laˇ-awˬ. Daˬ coeˇ oˇ coeˇ-eu jeˬ kʼoeˇ taˆ Miˬyehˇ-ahˇ yaw zeu baw-eu jeˬ bi lahˬ laˇ-awˬ.

Panmaeq 1:9

Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.

Panmaeq 13:10

Aˬ cawˬ neh bi paꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni ya bi paꞈ tehꞈ-a. Mi cehˇ neh bi sehꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni mi cehˇ neh ya bi sehꞈ tehꞈ-a. Heu-aˬ, Miˬyehˇ-euˬ tsawˇ haˬ deuˬ daˬ dzeuˇ oˇ dzeuˇ-awˇ jah-eu gʼaˇ duˬ ehˇ-eu jeˬ pyeuꞈ-eu meh.”

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

Panmaeq 3:10

Aˬ jeˬ miˇ neh ehˇ naˇ, ngaˬ neh biꞈ-euˬ dawˬ-ahˇ naw maꞈ naˇ haˬ geuꞈ-awˇ daˬ dzeuˇ oˇ dzeuˇ-euˬ miˇ neh, miˇ tsaˬ zaˬ dawˬ tawˆ luꞈ-ahˇ lawˬ haw-eu gʼaˇ duˬ, miˇ tsaˬ heu kʼoeˇ taˆ shaˬ-eu zahˬ-eu jeˬ bi keuˆ le-eu aˇ yamˬ laꞈ kʼoeˇ, naw maꞈ-ahˇ bi buˬ bi law-iˇ ma.