HeˬByehˇ 11:9 - Akha

⁹ Miˬyehˇ neh saˇ jaˇ dzaˬ taˬ-euˬ maˬ siˬ maˬ suˇ-eu miˇ kʼahˬ-ahˇ aˬ yawꞈ jawˇ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ duˇ ni Miˬyehˇ neh saˇ jaˇ dzaˬ-euˬ jeˬ-ahˇ za-euˬ Iˇtsaˆ hawˇ-eu Yaˬkoˆ loꞈ-ehˇ, sehˬ gʼawˆ gʼawˆ gʼawˆ-ehˇ aˬ yawꞈ jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqyawf jan-eu mirnae, Miqyaer nae sarjax dzaqtaq-euq mirtsaq-anr aqcawq-euq mirkhanq-anr jawr-eu lof-aer jawr-ir-euq mae. Aqyawf-anr durni, Miqyaer-euq sarjax za-euq Irtsav hawr-eu Yaqkov khawf, aqyawf lof-aer saeqghawv ghawv-awr jawr-euq mae.

HeˬByehˇ 11:9 ပူးပေါင်းရင်းမြစ်များ

Aˇ dahˬ 12:8

Kʼoeˇ naˇ, laꞈ oˆ paw jaˆ-eu Beˬdeˬlaˇ meuˬ-euˬ nahˇ ma doˆ kʼehˬ paw, gawˬ jawˬ gawˬ duˇ jaˆ-eu jawˇ duˬ-ahˇ aˬ yawꞈ iˇ-awˇ, nahˇ ma ga kʼehˬ paw jaˆ-eu Beˬdeˬlaˇ meuˬ hawˇ-eu, nahˇ ma doˆ kʼehˬ paw jaˆ-eu Aˬiˇ meuˬ-euˬ yaw kaˬ-ahˇ, sehˬ gʼawˆ gʼawˆ-awˇ jawˇ-euˬ meh. Kʼoeˇ gaˇ kʼawꞈ, lawˇ duˬ tiˬ tsahˇ aˬ yawꞈ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ-euˬ meh.

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Aˇ dahˬ 13:3

Jawˇ duˬ kʼoeˇ tsahˇ-ahˇ aˬ yawꞈ paˇ byehˇ dzeh yaꞈ-awˇ, tiˬ gaˇ saˇ-iˬ tiˬ gaˇ jawˇ jawˇ-ehˇ, Beˬdeˬlaˇ meuˬ paw le daˆ gʼeh leꞈ-euˬ meh. Beˬdeˬlaˇ meuˬ hawˇ-eu Aˬiˇ meuˬ yaw kaˬ-ahˇ jaˆ-eu, yaw beh aˬ yawꞈ sehˬ gʼawˆ gʼawˆ-awˇ tiˬ poˆ jawˇ haw-euˬ jawˇ duˬ-ahˇ, aˬ yawꞈ le keuˆ-euˬ meh.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 18:6

Aˬbyaˬhaˬ-aˬ, sehˬ gʼawˆ-ahˇ yaw kawˇ-ehˇ gʼoꞈ uˇ leˇ-awˇ, “Muiˬ dui dui-eu cehˇ meu tiˬ tahˇ sheu doˆ-awˇ, kuiˇ dui dui-eu kaˬ muˇ ui cuiˆ yaw kawˇ-ehˇ jahˇ sheˇ” lehˇ, Saˬlaˇ-ahˇ ehˇ nehˬ-euˬ meh.

Aˇ dahˬ 18:9

Kʼoeˇ naˇ, “Nawˬ-euˬ nymˇ dahˬ Saˬlaˇ aˬ geu gaˇ iˇ taˬ” lehˇ, aˬ yawꞈ maꞈ aˬ yawꞈ-ahˇ naˇ haˬ ngeh, “Sehˬ gʼawˆ laꞈ kʼoeˇ jawˇ meh” lehˇ aˬ yawꞈ ehˇ kʼoꞈ nehˬ-euˬ meh.

Aˇ dahˬ 21:34

Piˇliˇtiˆ miˇ kʼahˬ laꞈ kʼoeˇ Aˬbyaˬhaˬ gʼawˬ myahˇ ni jawˇ-euˬ meh.

Aˇ dahˬ 23:4

“Ngaˇ-aˬ, naw maꞈ-euˬ miˇ kʼahˬ-ahˇ pawˇ ahˇ le-euˬ tsawˇ haˬ tiˬ gʼaˬ pyeuꞈ-eu ma. Teu miˇ neh, ngaˬ-euˬ nymˇ dahˬ-ahˇ baꞈ pahˬ-eu gʼaˇ duˬ, miˇ tsaˬ tiˬ tsahˇ ahˬ nehˬ laꞈ-awˬ.”

Aˇ dahˬ 25:27

Aˬ li kʼoeˇ nyiˬ li huiˬ laˇ ngeh, Iˇsawˇ gʼaˬ-aˬ, bawˇ cah cah-eu nui ma ahˇ-eu shaˬ mi aˬ da tiˬ gʼaˬ pyeuꞈ laˇ-euˬ meh. Yaˬkoˆ gʼaˬ-aˬ, ciˬ cuˇ ni iˇ kahˇ-ahˇ tehꞈ-ehˇ jawˇ-eu meh.

Aˇ dahˬ 28:4

Aˬbyaˬhaˬ-ahˇ aˬ yawꞈ guiˬ lahˬ biꞈ nehˬ-euˬ loꞈ-ehˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ kʼawꞈ, aˬ yawꞈ guiˬ lahˬ biꞈ nehˬ laꞈ luꞈ-uˇ. Aˬbyaˬhaˬ-ahˇ Miˬyehˇ neh biꞈ-euˬ miˇ kʼahˬ pyeuꞈ-eu, nymˬ-mˇ nawˇ jawˇ luꞈ-eu miˇ kʼahˬ heu kʼahˬ, nawˬ-euˬ miˇ kʼahˬ pyeuꞈ laˇ luꞈ-uˇ.”

Aˇ dahˬ 31:25

Yaˬkoˆ-aˬ, gawˬ jawˬ tiˬ jawˬ kʼoeˇ taˆ sehˬ gʼawˆ gʼawˆ-awˇ yaꞈ luꞈ-eu meh. Laˬbaˬ gʼaˬ kʼawꞈ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Giˇlaˆ gawˬ jawˬ kʼoeˇ taˆ bawˇ tsahˬ-ahˇ sehˬ gʼawˆ gʼawˆ-awˇ yaꞈ-euˬ meh.

Aˇ dahˬ 35:27

Aˬbyaˬhaˬ hawˇ-eu Iˇtsaˆ-euˬ jawˇ duˬ pyeuꞈ-eu Heˬbyoˬ meuˬ dawˬ peh jaˆ-eu Mamˬliˬ meuˬ-ahˇ, aˬ yawꞈ aˬ da Iˇtsaˆ jawˇ gaˇ Yaˬkoˆ iˇ-euˬ meh.

Aˇ dahˬ 36:7

Aˬ jeˬ miˇ neh ehˇ naˇ, aˬ nyaꞈ nmˇ-euˬ jeˬ zaˬ myaˬ dui dui-eu miˇ neh, aˬ yawꞈ nyaꞈ nmˇ jawˇ luꞈ-eu miˇ kʼahˬ laꞈ kʼoeˇ tiˬ kawˆ loꞈ-ehˇ maˬ jawˇ deˇ nya ni pyeuꞈ laˇ taˬ-euˬ meh.

Aˇ dahˬ 47:9

Yaˬkoˆ ehˇ-eu, “Ngaˇ jawˇ duˬ maˬ dah leˇ nya ni doe doe-ehˇ jawˇ jawˇ-ehˇ dehꞈ luꞈ-eu laꞈ kʼoeˇ, ngaˬ-euˬ aˇ kʼoꞈ tiˬ yaˇ smˬ tseˇ kʼoꞈ byah laˇ taˬ-euˬ ma. Doe doe-ehˇ jawˇ jawˇ-ehˇ dehꞈ dzeuˇ yaꞈ-euˬ ziˇ baw dui dui-eu ngaˬ poeˬ ngaˬ bawˇ deuˬ hawˇ-eu, ngaˬ da maꞈ yaw dehꞈ dehꞈ yaꞈ-euˬ gaˇ maˬ duˇ ni, ngaˇ yaw dehꞈ dehꞈ-eu aˇ kʼoꞈ nymˇ dzehˬ-awˇ, shaˬ zahˬ ya mˇ myaˬ dzehˬ-euˬ ma.”

Jaceuq 105:12

Miˬyehˇ-euˬ tsawˇ haˬ deuˬ tsawˇ haˬ maˬ myaˬ-ehˇ, Kaˬnaˬ miˇ kʼahˬ laꞈ kʼoeˇ boeˇ miˬ siˬ kʼaˬ pyeuꞈ luꞈ-eu meh.

Yeˬlaˬmiˇ 35:7

Nymˇ maˬ tsoˆ, deh yaˇ maˬ mˇ ni ya jawˇ-awˇ, aˬ gaꞈ yaˇ kmˇ mˇ-eu maˬ ehˇ, zeuˇ-eu maˬ ehˇ, maˬ ya jahˇ-a lehˇ, nga maꞈ-ahˇ aˬ yawꞈ ehˇ taˬ-euˬ meh. Boeˇ miˬ siˬ kʼaˬ loꞈ-ehˇ nga maꞈ ya jawˇ luꞈ-eu miˇ kʼahˬ heu kʼahˬ laꞈ kʼoeˇ, gʼawˬ myahˇ ni ya jawˇ daˆ leꞈ-eu gʼaˇ duˬ, aˬ myah luꞈ sehˬ gʼawˆ tehꞈ-ehˇ gʼawˆ-awˇ ya jawˇ meh lehˇ, aˬ yawꞈ dawˬ biꞈ taˬ-euˬ meh.

HeˬByehˇ 6:17

Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.