HeˬByehˇ 11:36 - Akha

³⁶ Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁶ Tiqpavnav deuq-aq, aqcawq aqjaf jaf-awr, yanqcav nae juif-eu gar yadaq-euq uqtaf, shmrcav nae bipaf-awr, kuv-anr nyaefur-eu gar khawf yadaq-euq mae.

HeˬByehˇ 11:36 ပူးပေါင်းရင်းမြစ်များ

Aˇ dahˬ 39:20

Kʼoeˇ miˇ neh, Yoˇsehˆ-ahˇ aˬ yawꞈ paꞈ-awˇ, sahˬ paˬ-ahˇ mˇ bahˬ-euˬ deuˬ-ahˇ paꞈ uˇ-eu paꞈ kuˆ-ahˇ dawˆ-euˬ meh.

1 Sahˬpaˬ 22:24

Kʼoeˇ naˇ, Miˬyehˇ gʼaˇ duˬ ngehˬ dah-eu Zeˬdaˬkiˇ gʼaˬ Miˇkaˬyaˇ jawˇ gaˇ le-awˇ, Miˇkaˬyaˇ-euˬ baˬ ba-ahˇ tehˆ-awˇ ehˇ-eu, “Sahˬpaˬ Miˬyehˇ-euˬ yaw sahˇ ngaˇ jawˇ gaˇ neh aˬ myah paˇ doˆ-iˇ-awˇ, nawˬ-ahˇ dawˬ paˇ ngehˬ cawˬ le taˬ.”

1 Sahˬpaˬ 22:27

Ngaˇ tiˬ jeˬ-iˬ maˬ ca ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ tawˬ-ahˇ nyehꞈ ahˇ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-eu laꞈ kʼoeˇ bi jawˇ tawˬ-awˬ lehˇ ehˇ nehˬ lawˬ.”

2 Sahˬpaˬ 2:23

Yeˬliˇkoˇ meuˬ-ahˇ neh Beˬdeˬlaˇ meuˬ-ahˇ Eˇliˇshehˇ iˇ luꞈ ngeh, gaˇ pehˇ-ahˇ meuˬ tiˬ meuˬ laꞈ kʼoeˇ neh zaˬ tiˬ deuˬ doˆ le-awˇ, “Uˬdeˬ-oˇ, heu gaˇ neh doˆ-iˇ-awˬ” lehˇ guˇ guˇ-ehˇ naˬ gʼa-eu meh.

2 Laˬsaˬbaˬ 16:10

Dawˬ kʼoeˇ dawˬ baˬ da neh Aˬsaˬ nui ma pehˇ dui dui laˇ-awˇ, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, tawˬ-ahˇ dawˆ-euˬ meh. Kʼoeˇ ngeh neh aˇ dahˬ beh-awˇ, tsawˇ haˬ tiˬ paˆ na deuˬ-ahˇ Aˬsaˬ yaw kʼaˆ-ehˇ kʼehˬ nehˬ kʼaˆ nehˬ-euˬ meh.

2 Laˬsaˬbaˬ 18:26

Ngaˇ tiˬ jeˬ-iˬ maˬ ca laˇ ni gʼoꞈ keuˆ laˇ ngeh keuˆ ni, tsawˇ haˬ heu gʼaˬ-ahˇ paꞈ kuˆ-ahˇ dawˆ-awˇ, kaˬ muˇ hawˇ-eu iˇ cuꞈ tehꞈ-ehˇ bi dzaˬ bi dawˇ-awˇ bi jawˇ tawˬ-awˬ.”

2 Laˬsaˬbaˬ 30:10

Sahˬ boꞈ biꞈ ha leˇ-euˬ tsawˇ haˬ deuˬ-aˬ, Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ jawˇ-eu miˇ kʼahˬ-ahˇ jaˆ-eu meuˬ yawˬ meuˬ na luꞈ-ahˇ le-awˇ, laꞈ taˆ paw pyawˬ-ahˇ Zeˬbuˬloˬ tsawˇ jeuˬ jawˇ gaˇ keuˆ ni le keuˆ-euˬ meh. Ehˇ kʼawꞈ, tsawˇ haˬ kʼoeˇ deuˬ aˬ yawꞈ maꞈ-ahˇ uiˇ uiˇ-ehˇ naˬ gʼa-eu meh.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Yeˬlaˬmiˇ 20:2

ngaˬ-ahˇ diˬ-awˇ, Uˬ duˬ tahˬ nymˇ nymˇ ma-euˬ lahˇ-ahˇ jaˆ-eu Beˬyaˬmiˬ lahˇ kʼehˬ laꞈ taˆ kʼehˬ dawˬ peh shmˇ caˆ paꞈ-awˇ bi jawˇ-eu gʼaˇ duˬ aˬ yawꞈ dawˬ biꞈ-euˬ meh.

Yeˬlaˬmiˇ 20:7

Sahˬpaˬ Miˬyehˇ-oˇ, nawˇ ngaˬ-ahˇ mehˇ shuiˇ shuiˇ-awˇ, ngaˇ nawˬ-euˬ mehˇ shuiˇ shuiˇ duˬ ma. Ngaˇ naˆ maˬ tseˇ nawˇ gʼaˬ kʼaˆ-awˇ, ngaˬ-ahˇ zuiˆ gʼaˬ-eu meh. Yawˬ gʼaˬ na luꞈ ngaˬ-ahˇ cehꞈ lehꞈ ka-awˇ, nah doˆ le ngeh naˬ gʼa-eu meh.

Yeˬlaˬmiˇ 29:26

“Yeˬhawˇyaˬdaˬ-euˬ dah zaˇ Sahˬpaˬ Miˬyehˇ nawˬ-ahˇ piˇ ma ka nehˬ gʼaˬ-euˬ miˇ neh, nymˬ-mˇ Uˬ duˬ tahˬ nymˇ nymˇ ma laꞈ kʼoeˇ aˬ cawˬ naˆ maˬ tseˇ huiˬ dzehˬ-eu gʼaˬ nawˇ meh. Kʼoeˇ miˇ neh, Miˬyehˇ gʼaˇ duˬ ngehˬ dah-eu tsawˇ haˬ jahˇ geuꞈ-eu tsawˇ uˬ yawˬ gʼaˬ na luꞈ-ahˇ, aˬ kuiˇ-ahˇ shmˇ caˆ paꞈ-awˇ kawˬ lahˇ-ahˇ shmˇ laꞈ gʼahˬ nyehꞈ tawꞈ nehˬ-eu-aˬ, nawˬ-euˬ gaˇ meh.

Yeˬlaˬmiˇ 32:8

Kʼoeˇ naˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ ngaˇ jawˇ-eu paꞈ kuˆ-ahˇ Haˬnaˬmeˬlaˇ oe-awˇ, aˬ yawꞈ-euˬ deh yaˇ zeuˇ nehˬ laꞈ lehˇ ehˇ le-euˬ meh. Kʼoeˇ miˇ neh, Sahˬpaˬ Miˬyehˇ ngaˬ-ahˇ aˬ diˇ aˬ maˇ dawˬ ngehˬ cawˬ le-euˬ nga lehˇ ngaˇ siˬ duˬ -euˬ ma.

Yeˬlaˬmiˇ 36:6

Ehˇ kʼawꞈ, miˇ kʼahˬ zaˬ deuˬ maˬ dzaˬ maˬ dawˇ ni lah-eu aˇ nah paˇ keuˆ laˇ ngeh, nawˬ-ahˇ kʼoeˇ gaˇ bi uˇ leˇ-awˇ, ngaˬ neh nawˬ-ahˇ gui ka ka nehˬ-awˇ bi boꞈ-euˬ, Sahˬpaˬ Miˬyehˇ neh ehˇ taˬ-euˬ dawˬ kʼoeˇ deuˬ dawˬ tawˆ luꞈ-ahˇ, yawˬ gʼaˬ na luꞈ ya gaˬ ni, sahˬ boꞈ paˇ yoˆ kʼoeˇ bi gui nehˬ leˇ mawꞈ-eu ma. Yawˬ ha kʼaˇ jawˇ-eu meuˬ-ahˇ neh laˇ uiˬ taˬ-euˬ Yuˇdaˆ tsawˇ haˬ deuˬ ahˇ leˇ-ehˇ, tsawˇ haˬ yawˬ gʼaˬ na luꞈ gaˬ nya-eu tsahˇ-ahˇ jawˇ-awˇ, yaw kʼaˆ kʼaˆ-ehˇ guˇ-awˇ gui mehˬ nehˬ-awˬ.

Yeˬlaˬmiˇ 38:28

Kʼoeˇ naˇ, Yeˬluˇsaˬlehˬ meuˬ-ahˇ aˬ cawˬ deuˆ gʼaˬ ngeh nah keuˆ ni, sahˬ paˬ hawˇ nymˇ lahˇ laꞈ kʼoeˇ ngaˇ jawˇ-euˬ ma.

Yeˬlaˬmiˇ 39:15

Sahˬ paˬ-euˬ hawˇ nymˇ lahˇ laꞈ kʼoeˇ ngaˬ-ahˇ nyehꞈ lahˇ taˬ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ le-euˬ meh.

Daˬyeˬlaˇ 11:33

Zaˬ siˬ tsawˇ gahˇ byah-eu aˬ yuiꞈ aˬ tsu deuˬ-aˬ, aˬ yawꞈ maꞈ-euˬ tsawˇ haˬ gʼawˬ mya ni-ahˇ mehˬ nehˬ tsoˆ nehˬ tehꞈ-a. Ehˇ kʼawꞈ, aˇ yamˬ tiˬ kʼehˬ laꞈ kʼoeˇ aˬ yawꞈ maꞈ tiˬ paˆ na deuˬ guiˇ deuˆ gaˇ bi deuˆ sehꞈ-awˇ, tiˬ paˆ na deuˬ-ahˇ miˬ dzaˬ bi keuˬ sehꞈ tehꞈ-a. Tiˬ paˆ na deuˬ-aˬ, tahˇ joe bi joe-awˇ, bi nyehꞈ tehꞈ-a.

Maꞈtehˬ 20:19

Kʼoeˇ naˇ, Miˬyehˇ-ahˇ maˬ siˬ nya-eu aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-awˇ, laꞈ yaꞈ kʼoeˇ taˆ bi taꞈ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Maꞈtehˬ 21:35

Aˬ gaꞈ yaˇ kmˇ mˇ paˆ paˆ-eu deuˬ neh aˬ yawꞈ-euˬ zaˬ kʼaˆ kʼoeˇ deuˬ-ahˇ nyehꞈ-awˇ, tiˬ gʼaˬ-ahˇ diˬ-awˇ, tiˬ gʼaˬ-ahˇ sehꞈ-awˇ, tiˬ gʼaˬ-ahˇ kʼaˬ lo neh biˬ-euˬ meh.

Maꞈtehˬ 23:34

Miˬyehˇ gʼaˇ duˬ ngehˬ dah-eu deuˬ, zaˬ siˬ tsawˇ gahˇ ahˇ-eu deuˬ hawˇ-eu, saˬ laˬ deuˬ-ahˇ naw maꞈ jawˇ gaˇ bi oe ma lehˇ ngaˇ ehˇ-eu ma. Aˬ yawꞈ maꞈ tiˬ paˆ na deuˬ-ahˇ naw maꞈ sehꞈ tehꞈ-a. Tiˬ paˆ na deuˬ-ahˇ laꞈ yaꞈ kʼoeˇ taˆ taꞈ sehꞈ-awˇ, tiˬ paˆ na deuˬ-ahˇ uˬ duˬ tahˬ nymˇ laꞈ kʼoeˇ yahˬ caˆ neh juiꞈ tehꞈ-a. Meuˬ tiˬ meuˬ saˇ-iˬ tiˬ meuˬ doe ni, aˬ yawꞈ maꞈ-ahˇ naw maꞈ teh tehꞈ-a.

Maꞈtehˬ 27:26

Kʼoeˇ naˇ, aˬ yawꞈ maꞈ gʼaˇ duˬ, sahˬ paˬ Piˇlaˆ neh Baˬlaˬbaˇ-ahˇ pyehˬ doˆ nehˬ-euˬ meh. Kʼoeˇ naˇ, Yeˬsuˇ-ahˇ yahˬ caˆ neh bi juiꞈ gʼaˬ ngeh, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ, aˬ yawꞈ maꞈ-euˬ aˬ laꞈ laꞈ kʼoeˇ a nehˬ-euˬ meh.

Maˬkuˆ 10:34

Aˬ cawˬ tsawˇ jeuˬ neh aˬ yawꞈ-ahˇ yehˬ bawˬ sehˇ lu-ehˇ bi ehˇ niˇ gʼa-awˇ, duˬ kʼaˬ bi kʼa daˆ-awˇ, yahˬ caˆ neh bi juiꞈ-awˇ, bi sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ aˬ yawꞈ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 18:32

Aˬ yawꞈ-ahˇ aˬ cawˬ tsawˇ jeuˬ-euˬ aˬ laꞈ laꞈ kʼoeˇ a nehˬ-awˇ, bi naˬ gʼa-awˇ, yehˬ bawˬ sehˇlu-ehˇ bi gʼeh-awˇ, duˬ kʼaˬ bi kʼa daˆ tehꞈ-a.

Luˇkaꞈ 23:11

Heˬloˆ hawˇ-eu aˬ yawꞈ-euˬ yehˇ deuˬ Yeˬsuˇ-ahˇ yehˬ bawˬ sehˇ lu-ehˇ ehˇ-awˇ naˬ gʼa-euˬ meh. Kʼoeˇ loꞈ-ehˇ jahˇ gʼaˬ ngeh, sahˬ paˬ sahˬ ma deuˬ dm-eu muiˬ dui dui-eu mehˬ tsoeˬ bi dm-awˇ, sahˬ paˬ Piˇlaˆ jawˇ gaˇ bi sheuˬ kʼoꞈ gʼeh-euˬ meh.

Luˇkaꞈ 23:36

Yehˇ deuˬ kʼawꞈ, aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-eu meh. Aˬ yawꞈ maꞈ aˬ yawꞈ jawˇ gaˇ le-awˇ, cehˇ myawˆ ni gʼeh-eu aˬ gaꞈ dzaˇ uiˇ ciˬ nehˬ-awˇ ehˇ-eu,

Gʼaˬkʼehˇ 21:33

Yaw huiˬ yaw mahˇ kʼoeˇ gʼaˬ Pawˇluˆ jawˇ gaˇ iˇ-awˇ, aˬ yawꞈ-ahˇ nyehꞈ-awˇ shmˇ caˆ nyiˬ caˆ yuˇ-awˇ paꞈ-eu gʼaˇ duˬ dawˬ biꞈ-euˬ meh. Kʼoeˇ naˇ, “Tsawˇ haˬ heu gʼaˬ aˬ suˇ gʼaˬ-a. Aˬ yawꞈ aˬ jeˬ jahˇ taˬ” lehˇ naˇ haˬ-euˬ meh.

Gʼaˬkʼehˇ 24:27

Nyiˬ kʼoꞈ byah laˇ ngeh, Peˬliˇ-euˬ jawˇ duˬ-ahˇ Bawˇgiˇ Beˬtuˇ sahˬ paˬ paˇ geuꞈ le-euˬ meh. Peˬliˇ-aˬ, Yuˇdaˆ tsawˇ haˬ mehˬ shi tsawˇ myahˇ za mawꞈ-eu miˇneh Pawˇluˆ-ahˇ tawˬ-ahˇ bi uˇ yaꞈ-euˬ meh.

Gʼaˬkʼehˇ 4:3

Kʼoeˇ miˇ neh, aˬ yawꞈ nyaꞈ-ahˇ nyehꞈ-awˇ, kʼoeˇ ngeh nah uˬ ciꞈ ciꞈ le shaw-iˬ-eu miˇ neh. yawˬ nah yawˬ-ahˇ keuˆ ni paꞈ kuˆ-ahˇ dawˆ-euˬ meh.

Gʼaˬkʼehˇ 5:18

Aˬ yawꞈ maꞈ gʼaˬ kʼehˇ deuˬ-ahˇ nyehꞈ-awˇ, miˇ kʼahˬ zaˬ-euˬ tawˬ-ahˇ dawˆ-euˬ meh.

Gʼaˬkʼehˇ 5:40

Gʼaˬ kʼehˇ deuˬ-ahˇ laꞈ kʼoeˇ paˇ kuˇ ahˇ-awˇ, yahˬ caˆ neh juiꞈ-awˇ, Yeˬsuˇ-euˬ tsawˇ myahˇ uˬ moˆ maˬ ngehˬ maˬ tmˇ-eu gʼaˇ duˬ yaw kʼaˆ kʼaˆ-ehˇ mehˬ-awˇ pyehˬ nehˬ-euˬ meh.

Gʼaˬkʼehˇ 8:3

Ehˇ kʼawꞈ, Sawˇluˆ-aˬ, Ka li zaˬ aˇ muˇ-ahˇ laˆ byoˆ-eu lehˇ leh jeh-euˬ meh. Aˬ yawꞈ tiˬ nymˇ saˇ-iˬ tiˬ nymˇ iˇ iˇ-ehˇ, jah-eu tsawˇ haˬ kʼaˇ ngeuˇ-eu deuˬ-ahˇ, kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nyehꞈ-awˇ tawˬ-ahˇ dawˆ-euˬ meh.

Eˇpeˇsu 3:1

Kʼoeˇ baˬ da neh, naw maꞈ-euˬ gʼaˇ duˬ Yeˬsuˇ Ka li-euˬ gaˇ mˇ-euˬ miˇ neh tawˬ-ahˇ ya uˇ-euˬ gʼaˬ pyeuꞈ-eu ngaˇ Pawˇluˆ, Miˬyehˇ-ahˇ guiˬ lahˬ shaˇ-eu ma.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

2 Tiˆmoˇseˬ 1:16

Awˬneˬsiˬpawˬ-euˬ nymˇ jiˇ-ahˇ Sahˬpaˬ Yeˬsuˇ gʼawˬ shaˬ gaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ ngaˬ-euˬ nui ma-ahˇ gʼawˬ mya poˆ laˬ kʼaˬ bi cehˇ laꞈ-euˬ meh.

2 Tiˆmoˇseˬ 2:9

Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh, kʼehˬ-eu kʼaˆ-eu jeˬ-ahˇ ngaˇ ya daˬ-awˇ, smˇ kʼoeˬ tahˇ joe loꞈ-ehˇ shmˇ caˆ neh bi paꞈ gaˇ keuˆ-euˬ ma. Ehˇ kʼawꞈ, Miˬyehˇ-euˬ dawˬ-ahˇ shmˇ caˆ neh maˬ paꞈ tawꞈ nya-a.

HeˬByehˇ 10:34

Tawˬ-ahˇ dawˆ nehˬ gaˇ ya daˬ-euˬ tsawˇ haˬ deuˬ nehˬ-ehˇ naw maꞈ caw daˬ-awˇ, naw maꞈ kʼaˇ jaˆ-eu jeˬ dawˬ tawˆ luꞈ aˬ cawˬ yuˇ geuꞈ jiˇ ngeh, yawˬ ha-euˬ mˇ myawˬ smˬ-iˇ-euˬ jeˬ-ahˇ naw maꞈ nui ma maˬ cawˆ ni daˬ-euˬ meh. Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu mˬ maˬ maˬ byaˆ zaˇ ziˇ ziꞈ-eu myawˬ gahˬ jaˆ te siˬ lehˇ naw maꞈ siˬ nya-eu meh.

Panmaeq 2:10

Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.

Yaˇ kʼaˬ daˇ 16:25

Aˬ yawꞈ maꞈ yaw kʼaˆ-ehˇ byawˬ gʼa-eu laꞈ kʼoeˇ, “Saˬsoˬ-ahˇ sheuˬ doˆ laꞈ-awˇ nga maꞈ-ahˇ bi laˆ byawˬ laˇ-awˬ” lehˇ guˇ-eu meh. Kʼoeˇ ngeh, aˬ cawˬ Saˬsoˬ-ahˇ paꞈ kuˆ laꞈ kʼoeˇ neh sheuˬ doˆ laꞈ-awˇ, aˬ yawꞈ maꞈ-ahˇ Saˬsoˬ laˆ byawˬ nehˬ-euˬ meh. Kʼawˇ zeuˇ deuˬ-euˬ yaw kaˬ-ahˇ, aˬ yawꞈ-ahˇ bi yawꞈ-euˬ meh.