HeˬByehˇ 11:34 - Akha

³⁴ Guˆ dui dui laˇ paˬ-ehˇ gʼeh-eu miˬ dzaˬ-ahˇ laˆ miˆ nya-awˇ, mi cehˇ neh maˬ bi sehꞈ ni dzeuˇ-iˇ nya-euˬ meh. Aˬ yawꞈ maꞈ gʼaˬ baˬ dui dui-euˬ kʼawꞈ, gʼaˬ kʼaˆ dui dui laˇ-awˇ aˬ cawˬ tsawˇ jeuˬ-euˬ guiˇ maꞈ deuˬ-ahˇ deuˆ gʼaˬ nya-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Miqdzaq nyaev duidui-eu gar lavmiv-awr, micaer khaeq-anr nae yabuq-ir-euq mae. Ghaqbaq baq-eu, ghaq khavlar-awr, guirdeuv deuv-eu nuima khaqduqni anr-eu uqtaf, aqcawq mirkhanq-euq guirzaq deuq-anr taekhof ghae-euq mae.

HeˬByehˇ 11:34 ပူးပေါင်းရင်းမြစ်များ

1 Sahˬpaˬ 19:1

Eˇliˇyaˆ neh kʼaˇ mˇ-euˬ jeˬ dawˬ tawˆ luꞈ hawˇ-eu, Baˬlaˇ miˬ yehˇ gʼaˇ duˬ ngehˬ dah-eu deuˬ-ahˇ aˬ yawꞈ aˬ joˆ-ehˇ sehꞈ-euˬ gaˇ kawˆ, sahˬ paˬ Aˬhaˆ neh aˬ yawꞈ-euˬ miˬ zaˬ-ahˇ dzawˇ nehˬ-euˬ meh.

1 Sahˬpaˬ 19:3

Eˇliˇyaˆ guˆ-eu laꞈ kʼoeˇ, aˬ yawꞈ-euˬ gʼawˇ mawˇ ya buˬ-iˇ ni cehˆ-euˬ meh. Aˬ yawꞈ-euˬ zaˬ kʼaˆ sheuˬ-awˇ, Yuˇdaˆ miˇ kʼahˬ Beˬlaˇsheˬba meuˬ-ahˇ cehˆ-awˇ, aˬ yawꞈ-euˬ zaˬ kʼaˆ kʼoeˇ gʼaˬ bi jawˇ yaꞈ-euˬ meh.

2 Sahˬpaˬ 6:1

Tiˬ nah keuˆ laˇ ngeh, Eˇliˇshehˇ haw luꞈ pyaˆ luꞈ-eu laꞈ oˆ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ Eˇliˇshehˇ-ahˇ, “Nga maꞈ jawˇ-eu jawˇ duˬ aˇ dzehˬ-ehˇ suꞈ nya.

2 Sahˬpaˬ 6:32

Eˇliˇshehˇ-aˬ, aˬ yawꞈ jawˇ gaˇ dawˬ deh gʼa le-euˬ tsawˇ mawˬ tsawˇ kʼaˆ deuˬ nehˬ-ehˇ, nymˇ laꞈ kʼoeˇ nuiˇ luꞈ-eu meh. Kʼoeˇ ngeh, sahˬ paˬ neh tsawˇ haˬ tiˬ gʼaˬ pyehˬ gʼeh leꞈ-euˬ meh. Ehˇ kʼawꞈ, tsawˇ haˬ kʼoeˇ gʼaˬ maˬ oe keuˆ mi naˆ-ehˇ, tsawˇ mawˬ tsawˇ kʼaˆ kʼoeˇ deuˬ-ahˇ Eˇliˇshehˇ ehˇ nehˬ-eu, “Tsawˇ haˬ-ahˇ sehꞈ-eu kʼoeˇ gʼaˬ tsawˇ haˬ tiˬ gʼaˬ pyehˬ leꞈ-awˇ, ngaˬ-ahˇ bi sehꞈ le-eu lehˇ bi oe luꞈ meh. Aˬ yawꞈ heu gaˇ oe keuˆ naˇ, maˬ bi uˇ laˇ ni laˇ gʼoˆ piˬ tehˬ-awˬ. Sahˬ paˬ kʼawꞈ aˬ yawꞈ-euˬ mehˬ nah caw teh leꞈ tehꞈ-a.”

Yawˇbaˆ 42:10

Kʼoeˇ naˇ, aˬ yawꞈ-euˬ cawˬ kʼoeˇ smˇ gʼaˬ gʼaˇ duˬ Yawˇbaˆ guiˬ lahˬ shaˇ gʼaˬ ngeh, Sahˬpaˬ Miˬyehˇ neh aˬ yawꞈ-ahˇ baw le za le-eu guiˬ lahˬ paˇ biꞈ nehˬ-awˇ, yaw beh myaˆ maˬ tseˇ nyiˬ bymˇ paˇ bi jaˆ dzehˬ laˇ-euˬ meh.

Yawˇbaˆ 5:20

Mehꞈ ngeh shuꞈ ngeh aˬ yawꞈ nawˬ-ahˇ bi dehꞈ dzeuˇ-awˇ, guiˇ deuˆ ngeh aˬ yawꞈ nawˬ-ahˇ haw piˇ tehꞈ-a.

Jaceuq 124:7

Aˇ jiˇ tahˇ-eu sehˬ toˆ-ahˇ dzeuˇ-iˇ-euˬ, aˇ jiˇ tiˬ mawˇ-ahˇ aˬ dui duˇ-eu ma. Sehˬ toˆ kʼehꞈ-iˇ-awˇ aˬ dui dzeuˇ-iˇ-euˬ ma.

Jaceuq 144:10

Miˇ kʼahˬ sahˬ paˬ deuˬ-ahˇ gʼaˬ leˇ-eu jeˬ biꞈ-eu gʼaˬ nawˇ pyeuꞈ-awˇ, nawˬ-euˬ zaˬ kʼaˆ Daˬbiˇ-ahˇ nawˇ ka kʼoꞈ-eu meh.

Jaceuq 6:8

Yaw haiˬjeˬmˇ-eu tsawˇhaˬ-oˇ, ngaˇjawˇgaˇneh doˆ-iˇjiˇ-awˬ. Ngaˬneh ngoeˇ-euˬteˇsaˇ heu-ahˇ, SahˬpaˬMiˬyehˇ gaˬgʼaˬ-euˬmeh.

Jaceuq 66:12

Muiˇ-eu deuˬ neh nga maꞈ-ahˇ mahˬ dziˬ bi dziˬ-awˇ, miˬ dzaˬ hawˇ-eu iˇ jeuˬ laꞈ kʼoeˇ bi cah tsehˆ laꞈ-euˬ meh. Ehˇ kʼawꞈ nui saˇ oꞈ-eu miˇ kʼahˬ laꞈ kʼoeˇ, nymˬ-mˇ nawˇ nga maꞈ-ahˇ sheuˬ keuˆ nehˬ laꞈ-euˬ meh.

Doˆ-iˇ 18:4

‘Ngaˬ da-euˬ Miˬyehˇ ngaˬ-ahˇ caw ba-awˇ, Iˇjiˇtuˆ sahˬ paˬ neh maˬ bi sehꞈ-eu gʼaˇ duˬ ngaˬ-ahˇ ka kʼoꞈ-euˬ meh’ lehˇ Moˇseˬ paˇ ehˇ-awˇ, aˬ yawꞈ-euˬ aˬ li aˬ gʼahˇ gʼaˬ-ahˇ Eˇliˇzaˬ lehˇ myahˇ nehˬ yaꞈ-euˬ meh.

Iˇsaˬyaˇ 43:2

Iˇ cuꞈ naꞈ gaˇ nawˇ tsehˆ doˆ ngeh, nawˬ nehˬ-ehˇ ngaˇ jawˇ ma. Guˆ-eu gaˆ-eu jeˬ-ahˇ nawˇ tahˬ puˬ kʼawꞈ, nawˇ maˬ ya cawˆ-iˇ-a. Miˬ dzaˬ laꞈ kʼoeˇ nawˇ cah tsehˆ kʼawꞈ, nawˬ-ahˇ maˬ puiˆ dzaˬ-a. Shaˬ zahˬ nawˬ-ahˇ lawˬ haw le kʼawꞈ, nawˬ-ahˇ coeˬ ni maˬ jahˇ nya-a.

Yeˬlaˬmiˇ 26:24

Ehˇ kʼawꞈ, Shaˇpaˬ-euˬ aˬ li Aˬhiˇkamˬ ngaˬ-ahˇ caw ba-eu miˇ neh, miˇ kʼahˬ zaˬ-euˬ laꞈ-ahˇ maˬ ahˇ leˇ-ehˇ, bi sehꞈ gaˇ maˬ keuˆ-aˬ.

Luˇkaꞈ 21:24

Aˬ yawꞈ maꞈ mi cehˇ kʼehˬ-ahˇ ya shiˇ-awˇ, aˬ cawˬ miˇ kʼahˬ doe ni bi nyehꞈ byoˆ gʼeh tehꞈ-a. Yeˬluˇsaˬlehˬ meuˬ-aˬ, aˬ cawˬ tsawˇ jeuˬ neh bi nawˬ pahˬ tehꞈ-a. Aˬ cawˬ tsawˇ jeuˬ kʼoeˇ deuˬ-euˬ aˇ yamˬ maˬ jiˇ kʼoeˇ keuˆ ni, bi nawˬ pahˬ taˬ tehꞈ-a.

1 Beˬtuˆluˆ 4:12

Gaˬ-eu aˬ yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ lawˬ haw-eu shaˬ-eu zahˬ-eu jeˬ keuˆ le ngeh, tiˬ jawˇ-iˬ maˬ puˬ maˬ mawˇ haw-euˬ jeˬ keuˆ le-euˬ loꞈ-ehˇ taˬ zahˬ leˇ.

Yaˇ kʼaˬ daˇ 15:8

Aˬ yawꞈ maꞈ-ahˇ aˬ yawꞈ diˬ-awˇ, gʼawˬ mya gʼaˬ bi diˬ sehꞈ-euˬ meh. Kʼoeˇ naˇ, Eˇtamˬ lo guˇ-ahˇ jaˆ-eu lo kʼahˬ-ahˇ Saˬsoˬ jawˇ leˇ-euˬ meh.

1 Saˬmeuˬlaˆ 18:11

“Ngaˇ aˬ yawꞈ-ahˇ kaˇ pyawˇ-ahˇ joeˬ tsoˆ gʼeh ma” lehˇ Sawˇluˆ aˬ yawˇ yawꞈ ehˇ-awˇ, nyiˬ poˆ keuˆ ni Daˬbiˇ-ahˇ gahˬ neh joeˬ-euˬ meh. Ehˇ kʼawꞈ, nyiˬ poˆ luꞈ Daˬbiˇ awˆ yawˬ-euˬ meh.

1 Saˬmeuˬlaˆ 19:10

Kʼoeˇ ngeh, Sawˇluˆ gʼaˬ aˬ yawꞈ tuˆ tehˬ luꞈ-eu gahˬ neh Daˬbiˇ-ahˇ kaˇ pyawˇ-ahˇ joeˬ tsoˆ nehˬ-eu lehˇ leh jeh-euˬ meh. Ehˇ kʼawꞈ, Daˬbiˇ awˆ yawˬ-euˬ miˇ neh, gahˬ kʼoeˇ kahˇ tehꞈ-ehˇ kaˇ pyawˇ-ahˇ joeˬ tsoˆ taˬ-awˇ jaˆ-eu meh. Kʼoeˇ naˇ, Daˬbiˇ cehˆ byoˆ-awˇ, maˬ bi sehꞈ ni dzeuˇ-iˇ-euˬ meh.

1 Saˬmeuˬlaˆ 20:1

Laˬmahˇ gahˬ kaˬ laꞈ kʼoeˇ jaˆ-eu Naˬiˇyoˆ pu-ahˇ neh Daˬbiˇ cehˆ doˆ-awˇ, Yawˇnaˆshaˬ jawˇ gaˇ le-awˇ, “Ngaˇ aˬ jeˬ mˇ bahˬ taˬ-euˬ jaˆ ta. Aˬ jeˬ iˬ baˇ ahˇ ta. Nawˬ da ngaˬ-ahˇ sehꞈ mawꞈ paˬ-ehˇ, aˬ yawꞈ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta” lehˇ naˇ haˬ-euˬ meh.