HeˬByehˇ 11:32 - Akha

³² Heu naˆ maˬ tseˇ paˇ ja siˬ loˇ. Giˇdoˬ, Baˬlehˇ, Saˬsoˬ, Yeˬpaˬtaˆ, Daˬbiˇ, Saˬmeuˬlaˆ aˬ ha maꞈ hawˇ-eu, Miˬyehˇ gʼaˇ duˬ ngehˬ dah-eu deuˬ-euˬ gaˇ kawˆ maˬ paˇ ja jiˇ coeˇ miˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Heu’uqtaf, ngar aqjeq paraer-eu paq nga? Par aerka-iq nar-aq, Girdoq, Baqlar, Saqsoq, Yeqpaqtav, Daqbir, Saqmeuqlav hawr-eu Miqyaer gharduq ngaeqdan-eu tsawrhaq deuq-euq garkawv, dzawrnaeq-eu aryamq maqjav nga.

HeˬByehˇ 11:32 ပူးပေါင်းရင်းမြစ်များ

Jaceuq 99:6

Moˇseˬ hawˇ-eu Aˬloˬ aˬ yawꞈ-euˬ piˇ ma pyeuꞈ-awˇ, Saˬmeuˬlaˆ-aˬ, aˬ yawꞈ-ahˇ guiˬ lahˬ shaˇ-eu gʼaˬ meh. Aˬ yawꞈ maꞈ Sahˬpaˬ Miˬyehˇ-ahˇ kuˇ ngeh, aˬ yawꞈ naˇ haˬ nehˬ-euˬ meh.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Luˇkaꞈ 13:28

Aˬbyaˬhaˬ, Iˇtsaˆ, Yaˬkoˆ hawˇ-eu Miˬyehˇ gʼaˇ duˬ ngehˬ dah-euˬ tsawˇ haˬ dawˬ tawˆ luꞈ, Miˬyehˇ Miˇkʼahˬ laꞈ kʼoeˇ jawˇ luꞈ gaˇ naw maꞈ ya mawˇ-awˇ, naw maꞈ-ahˇ laꞈ nyiˇ teh dzeh nehˬ laꞈ ngeh, naw maꞈ ngoeˇ ngoeˇ-ehˇ, nui ma pehˇ-eu laꞈ kʼoeˇ seuˬ teuꞈ teuꞈ-ehˇ ya shaˬ tehꞈ-a.

Luˇkaꞈ 16:31

Ehˇ kʼawꞈ, Aˬbyaˬhaˬ ehˇ-eu, ‘Moˇseˬ hawˇ-eu Miˬyehˇ gʼaˇ duˬ ngehˬ da-eu deuˬ-euˬ dawˬ-ahˇ aˬ yawꞈ maꞈ maˬ naˇ haˬ naˇ, shiˇ-euˬ tsawˇ haˬ gʼoꞈ dehꞈ laˇ-awˇ ehˇ nehˬ-iˇ kʼawꞈ, aˬ yawꞈ maꞈ maˬ jah-aˇ.”’

Yoˇhaˬ 21:25

Yeˬsuˇ neh mˇ-euˬ gaˇ gʼawˬ mya ni jaˆ-a siˬ. Aˬ yawꞈ neh kʼaˇ mˇ-euˬ gaˇ deuˬ tiˬ jeˬ saˇ-iˬ tiˬ jeˬ boꞈ doˆ jiˇ naˇ, boꞈ doˆ-euˬ sahˬ boꞈ paˇ dmˬ kʼoeˇ deuˬ miˇ tsaˬ heu kʼoeˇ taˆ maˬ deˇ leˇ-aˇ lehˇ ngaˇ noeˬ-eu ma.

Gʼaˬkʼehˇ 10:43

Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Gʼaˬkʼehˇ 13:20

Kʼoeˇ loꞈ-ehˇ pyeuꞈ laˇ ngeh keuˆ ni, oeˬ yaˇ ngaˬ tseˇ kʼoꞈ ga-euˬ meh. “Kʼoeˇ naˇ, Miˬyehˇ gʼaˇ duˬ ngehˬ dah-eu gʼaˬ pyeuꞈ-eu Saˬmeuˬlaˆ-euˬ ziˇ maˬ keuˆ laˇ nmˇ kaˬ, yaˇ kʼaˬ daˇ-eu tsawˇ haˬ deuˬ biꞈ nehˬ-awˇ, aˬ yawꞈ maꞈ-ahˇ bi uˆ lahˇ-euˬ meh.

Gʼaˬkʼehˇ 3:24

Saˬmeuˬlaˆ-euˬ ziˇ-ahˇ neh naˇ, Miˬyehˇ gʼaˇ duˬ kʼaˇ ngehˬ dah ka leꞈ-euˬ yawˬ gʼaˬ na luꞈ, iˬ nah aˇ yamˬ heu laꞈ kʼoeˇ pyeuꞈ laˇ luꞈ-eu gaˇ kawˆ ehˇ taˬ yaꞈ-euˬ jaˆ-eu meh.

Lormav 3:5

Aˬ dui yaw lehˬ jeˬ mˇ-euˬ kʼoeˇ-aˬ, Miˬyehˇ yaw tsaˬ jeˬ mˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui-ahˇ kʼehˬ nehˬ kʼaˆ nehˬ laꞈ ngeh, aˬ yawꞈ yaw lehˬ jeˬ mˇ-eu meh lehˇ aˬ dui ehˇ nmˇ loˇ. (Heu-aˬ, tsawˇ haˬ zaˬ naˇ haˬ tseˇ mawꞈ-eu dawˬ tiˬ dawˬ meh.)

Lormav 4:1

Aˬ dui tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Aˬbyaˬhaˬ gaˇ kawˆ aˬ joˆ-ehˇ ehˇ nmˇ.

Lormav 6:1

Aˬ dui aˬ joˆ-ehˇ ehˇ nmˇ. Miˬyehˇ-euˬ guiˬ lahˬ bi huiˬ bi myaˬ laˇ-eu gʼaˇ duˬ, iˬ baˇ laꞈ kʼoeˇ aˬ dui dehꞈ daˆ gʼeh-eu loˇ.

Lormav 7:7

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ yawˇ yawꞈ iˬ baˇ ahˇ meh lehˇ aˬ dui ehˇ nmˇ loˇ. Maˬ ngeuˇ-a. Ehˇ kʼawꞈ, Zahˇ dawˬ kʼoꞈ dawˬ jaˆ-eu baˬ da neh iˬ baˇ ehˇ-eu aˬ jeˬ-a lehˇ aˬ dui siˬ nya laˇ-euˬ ma. “Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ Zahˇ dawˬ kʼoꞈ dawˬ laꞈ kʼoeˇ maˬ ehˇ taˬ law nmˇ-aˬ, kʼoeˇ loꞈ-ehˇ mehˇ juiˇ juiˇ-eu jeˬ-ahˇ ngaˇ maˬ siˬ nya-aˇ.

Yaˬkoˆ 5:10

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Miˬyehˇ-euˬ tsawˇ myahˇ uˬ moˆ ngehˬ-euˬ tmˇ-euˬ Miˬyehˇ gʼaˇ duˬ ngehˬ dah yaꞈ-euˬ kʼoeˇ deuˬ-ahˇ noeˬ keuˆ-awˬ. Shaˬ-eu zahˬ-eu jeˬ-ahˇ ya daˬ ngeh, aˬ yawꞈ maꞈ oˇ oˇ-ehˇ daˬ dzeuˇ yaꞈ-euˬ gaˇ kawˆ-ahˇ noeˬ mawˇ-awˬ.

2 Beˬtuˆluˆ 1:21

Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-euˬ dawˬ aˬ geu dawˬ maˬ kaˬ, tsawˇ haˬ zaˬ-euˬ nui ma laꞈ kʼoeˇ neh doˆ laˇ-euˬ jeˬ maˬ ngeuˇ-a. Ehˇ kʼawꞈ, Miˬyehˇ jawˇ gaˇ neh doˆ le-euˬ dawˬ deuˬ-ahˇ tsawˇ haˬ zaˬ ngehˬ dah ngeh, aˬ yawꞈ maꞈ-ahˇ Muiˬ-eu shawˇ-eu Yaw sahˇ Miˬyehˇ uˆ lahˇ-awˇ bi ngehˬ-eu meh.

2 Beˬtuˆluˆ 3:2

Aˇ hu ba Miˬyehˇ gʼaˇ duˬ ngehˬ dah yaꞈ-euˬ muiˬ-eu shawˇ-eu tsawˇ haˬ deuˬ-euˬ dawˬ hawˇ-eu, naw maꞈ-ahˇ mehˬ-eu gʼaˬ kʼehˇ deuˬ neh biꞈ-euˬ ka kʼoꞈ-eu gʼaˬ pyeuꞈ-eu SahˬpaˬYeˬsuˇ-euˬ dawˬ-ahˇ naw maꞈ bi noeˬ mawˇ mawꞈ miˇ-a.

Yaˇ kʼaˬ daˇ 13:24

Zaˬ miˬ zaˬ kʼoeˇ gʼaˬ aˬ li tiˬ gʼaˬ ciˬ-awˇ, Saˬsoˬ lehˇ myahˇ nehˬ-euˬ meh. Aˬ li kʼoeˇ li huiˬ laˇ-awˇ aˬ yawꞈ-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ meh.

Yaˇ kʼaˬ daˇ 15:20

Piˇliˇtiˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ uˆ lahˇ-eu aˇ nah aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ nyiˬ tseˇ kʼoꞈ keuˆ ni Saˬsoˬ sheuˬ gʼeh-euˬ meh.

Yaˇ kʼaˬ daˇ 4:1

Eˬhuˇdaˆ shiˇ dzeuˇ ngeh, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ mehˬ shi iˬ baˇ paˇ mˇ poˆ-euˬ meh.

Yaˇ kʼaˬ daˇ 6:1

Iˇsaˬleˬlaˆ tsawˇ jeuˬ, Sahˬpaˬ Miˬyehˇ mehˬ shi iˬ baˇ paˇ mˇ-euˬ meh. Kʼoeˇ miˇ neh, Miˇdiˬyaˬ tsawˇ jeuˬ-ahˇ aˬ yawꞈ maꞈ kʼoeˇ taˆ, shiꞈ kʼoꞈ byah ni Sahˬpaˬ Miˬyehˇ neh bi uˆ lahˇ-euˬ meh.

Yaˇ kʼaˬ daˇ 6:11

Kʼoeˇ naˇ, Sahˬpaˬ Miˬyehˇ-euˬ gʼaˬ kʼehˇ Awˇpaˬlaˇ pu-ahˇ oe-awˇ, Aˬbyeˇzaˬ aˇ jeuˬ Yawˇshaˆ-euˬ tsuiꞈ kaˆ aˇ bawˇ dawˬ pehˬ-ahˇ nuiˇ-euˬ meh. Yawˇshaˆ-euˬ aˬ li Giˇdoˬ-aˬ, Miˇdiˬyaˬ tsawˇ haˬ maˬ bi mawˇ-eu gʼaˇ duˬ, aˬ gaꞈ dzaˇ uiˇ lehˬ duˬ-ahˇ cehˇ diˬ diˬ kʼoeˬ luꞈ-eu meh.

Yaˇ kʼaˬ daˇ 6:14

Kʼoeˇ ngeh, Sahˬpaˬ Miˬyehˇ dawˬ biꞈ-awˇ ehˇ-eu, “Nawˬ-eu gʼaˬ-ahˇ gʼoe-eu laꞈ kʼoeˇ iˇ-awˇ, Miˇdiˬyaˬ tsawˇ haˬ-euˬ aˬ laꞈ laꞈ kʼoeˇ, Iˇsaˬleˬlaˆ tsawˇ haˬ deuˬ-ahˇ ka kʼoꞈ doˆ-iˇ-awˬ. Ngaˬ-euˬ gʼawˇ mawˇ nawˬ-ahˇ pyehˬ gʼeh-eu ma.”

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.

1 Saˬmeuˬlaˆ 12:11

Nawˬ-ahˇ nga maꞈ uˬ duˬ tahˬ-eu ma lehˇ ehˇ-eu meh. Kʼoeˇ naˇ, Giˇdoˬ, Baˬyehˇ, Yeˬpaˬtaˆ aˬ ha smˇ gʼaˬ-ahˇ, tiˬ gʼaˬ saˇ-iˬ tiˬ gʼaˬ Sahˬpaˬ Miˬyehˇ pyehˬ gʼeh leꞈ-awˇ, aˇ saˬ saˬ laˇ ngeh ngaˬ-ahˇ pyehˬ gʼeh leꞈ-euˬ meh. Nga maꞈ oeˬ gʼaˬ aˬ yawꞈ gʼaˬ yawꞈ, muiˇ-eu deuˬ-euˬ aˬ laꞈ laꞈ kʼoeˇ neh naw maꞈ-ahˇ ka kʼoꞈ-awˇ, naw maꞈ-ahˇ nui saˇ za-eu laꞈ kʼoeˇ bi dehꞈ bi jawˇ-euˬ ma.

1 Saˬmeuˬlaˆ 16:1

Saˬmeuˬlaˆ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Sawˇluˆ gʼaˇ duˬ nawˇ nui ma maˬ saˇ-ehˇ, aˬ myah keuˆ ni toˇ toˇ-ehˇ jawˇ-eu gʼeh te. Iˇsaˬleˬlaˆ miˇ kʼahˬ kʼoeˇ taˆ sahˬ paˬ maˬ paˇ bi geuꞈ-eu gʼaˇ duˬ, aˬ yawꞈ-ahˇ ngaˇ byehˇ dzeh gʼaˬ-euˬ ma. Ehˇ kʼawꞈ, nawˇ saˬ loˬ tsiˇ ui cuiˆ yuˇ-awˇ, Behˬlehˬhehˬ meuˬ-ahˇ Yeˬshehˇ lehˇ myahˇ-euˬ tsawˇ haˬ kʼoeˇ gʼaˬ jawˇ gaˇ nymˬ-mˇ iˇ-awˬ. Aˬ jeˬ miˇ neh ehˇ naˇ, sahˬ paˬ bi geuꞈ-eu gʼaˇ duˬ, aˬ yawꞈ-euˬ aˬ li tiˬ li-ahˇ ngaˇ tseˇ doˆ gʼaˬ-euˬ ma.”

1 Saˬmeuˬlaˆ 16:13

Saˬmeuˬlaˆ saˬ loˬ tsiˇ yuˇ-awˇ, aˬ yawꞈ-euˬ aˇ doˆ deuˬ mehˬ shi Daˬbiˇ-ahˇ tsiˇ shehˆ daˆ nehˬ-euˬ meh. Sahˬpaˬ Miˬyehˇ-euˬ yaw sahˇ Daˬbiˇ-ahˇ ja pyuˬ ni uˆ lahˇ le-awˇ, kʼoeˇ ngeh nah neh naˇ, yaw sahˇ kʼoeˇ aˬ yawꞈ nehˬ-ehˇ jawˇ-euˬ meh. Kʼoeˇ naˇ, Laˬmahˇ meuˬ-ahˇ Saˬmeuˬlaˆ gʼoꞈ leˇ-euˬ meh.

1 Saˬmeuˬlaˆ 17:45

Daˬbiˇ ehˇ-eu, “Gahˬ gahˬ zaˬ gahˬ ma kuꞈ ni baꞈ-awˇ, mi cehˇ shaꞈ-eu laꞈ kʼoeˇ, ngaˬ-ahˇ deuˆ laˇ-eu lehˇ nawˇ laˇ-eu nga laˬ. Ehˇ kʼawꞈ, ngaˇ-aˬ, nawˇ lmˬ luꞈ-eu Iˇsaˬleˬlaˆ guiˇ maꞈ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ guiˇ deuˆ le-euˬ ma.

1 Saˬmeuˬlaˆ 2:11

Kʼoeˇ naˇ, Laˬmahˇ meuˬ-ahˇ Eˇlaˬkaˬnaˬ gʼoꞈ-iˇ-euˬ meh. Ehˇ kʼawꞈ, aˬ li Saˬmeuˬlaˆ gʼaˬ Shiˇloˬ meuˬ-ahˇ jawˇ yaꞈ-awˇ, piˇ ma Eˇliˆ-euˬ laꞈ oˆ Sahˬpaˬ Miˬyehˇ-euˬ gaˇ mˇ-euˬ meh.

1 Saˬmeuˬlaˆ 2:18

Aˇ yamˬ kʼoeˇ yamˬ laꞈ kʼoeˇ, aˬ li li zaˬ Saˬmeuˬlaˆ-aˬ, shawˇ jehˆ ni gʼeh-eu saˬ paˇ neh guꞈ taˬ-euˬ muiˬ-eu shawˇ-eu pehˇ kʼahˬ pehˇ mahˇ dm-awˇ, Sahˬpaˬ Miˬyehˇ-euˬ gaˇ mˇ luꞈ-eu meh.

1 Saˬmeuˬlaˆ 2:4

Gʼaˬ kʼaˆ-eu yehˇ deuˬ-euˬ kaˆ poˆ, kʼehꞈ-iˇ kʼoeˆ-iˇ jiˇ gaˇ keuˆ-awˇ, gʼaˬ baˬ-euˬ deuˬ gʼaˬ kʼaˆ laˇ meh.