HeˬByehˇ 11:19 - Akha

¹⁹ Iˇtsaˆ-ahˇ shiˇ-eu jeˬ laꞈ kʼoeˇ Miˬyehˇ bi gʼoꞈ dehꞈ laˇ nya meh lehˇ Aˬbyaˬhaˬnoeˬ-euˬ meh. Dawˬ yehˆ zmˬ-awˇ ya ehˇ naˇ, Iˇtsaˆ shiˇ dzeuˇ-euˬ paˇ za kʼoꞈ-euˬ gaˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Miqyaer, tsawrhaq-anr shir-euq gar nae bi ghofdaeflar nya mae laer aqyawf noeqjir-euq mae. Yawjeq majeq dawq zmq-awr ya’aer nar-aq, aqyawf-euq zaqyo shir-euq khawf par zakhof-euq gar dur-eu mae.

HeˬByehˇ 11:19 ပူးပေါင်းရင်းမြစ်များ

Aˇ dahˬ 22:13

Aˬbyaˬhaˬ jawˬ jawˬ-ehˇ haw gʼeh ngeh, baw duˆ-ahˇ uˬ coeˇ lahˇ leˇ taˬ-awˇ jawˇ-eu yawˇ aˬ buˬ tiˬ mawˇ-ahˇ ya mawˇ-euˬ meh. Yawˇ kʼoeˇ mawˇ-ahˇ aˬ yawꞈ paꞈ laˬ-iˇ-awˇ, aˬ yawꞈ aˬ li-euˬ dah zaˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ nehˬ-euˬ meh.

Maꞈtehˬ 12:36

“Ngaˇ naw maꞈ-ahˇ ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, tsawˇ haˬ yawˬ gʼaˬ na luꞈ, yawˬ ha neh kʼaˇ ngehˬ dzeuˇ-euˬ gaˇ dahˇ maˬ tsoeˬ-eu dawˬ yawˬ dawˬ na luꞈ paˇ ya dzawˇ poˆ tehꞈ-a.

Maꞈtehˬ 9:28

Yeˬsuˇ iˇ kahˇ laꞈ kʼoeˇ uˇ leˇ ngeh, myaˆ behꞈ kʼoeˇ nyiˬ gʼaˬ aˬ yawꞈ jawˇ gaˇ laˇ-euˬ meh. “Naw nyaꞈ-ahˇ ngaˇ laˆ taˬ nehˬ nya meh lehˇ naw nyaꞈ jah ma loˇ” lehˇ Yeˬsuˇ naˇ haˬ ngeh, “Sahˬ paˬ-oˇ, nga nyaꞈ jah ma” lehˇ ehˇ-eu meh.

Lormav 5:14

Aˬdaˬ-euˬ ziˇ-ahˇ neh Moˇseˬ-euˬ ziˇ-ahˇ keuˆ ni, shiˇ-eu jeˬ uˆ lahˇ-euˬ meh. Aˬdaˬ neh mˇ-euˬ iˬ baˇ pyeuꞈ-eu Miˬyehˇ ehˇ dawˬ leuˇ-eu jeˬ-ahˇ maˬ mˇ-euˬ deuˬ kʼoeˇ taˆ kʼawꞈ, shiˇ-eu jeˬ uˆ lahˇ-euˬ meh. Aˬdaˬ kʼoeˇ gʼaˬ-aˬ, aˬ kaˇ oe-eu gʼaˬ-ahˇ duˇ leˇ-eu meh.

Eˇpeˇsu 3:20

Aˬ dui maˬ noeˬ keuˆ maˬ shaˇ keuˆ nya gaˇ keuˆ ni, aˬ dui laꞈ kʼoeˇ gaˇ mˇ luꞈ-eu aˬ yawꞈ-euˬ baoˬ-ahˇ gʼoe-awˇ biꞈ byah nehˬ laꞈ nya-eu gʼaˬ pyeuꞈ-eu

HeˬByehˇ 9:24

Aˬ jeˬ miˇ neh ehˇ naˇ, maˇ maˇ ni gʼeh-eu jeˬ maˬ ngeuˇ-ehˇ, kʼoeˇ-euˬ aˇ baˇ naˇ shmˇ loˆ ni tehꞈ-ehˇ pyeuꞈ-eu, tsawˇ haˬ zaˬ neh jahˇ taˬ-euˬ Muiˬ-eu shawˇ-eu jawˇ duˬ-ahˇ Ka li uˇ leˇ-euˬ maˬ ngeuˇ-a. Maˇ maˇ ni mˬ kʼoeˇ taˆ aˬ yawꞈ le uˇ-awˇ, kʼoeˇ gaˇ aˬ duiˬ-euˬ dah zaˇ Miˬyehˇ mehˬ shi aˬ yawꞈ le keuˆ-euˬ meh.

HeˬByehˇ 9:9

Heu-aˬ, nymˬ-mˇ-euˬ aˇ yamˬ heu-ahˇ mehˬ nehˬ laꞈ-eu jeˬ pyeuꞈ-eu meh. Ehˇ mawꞈ-eu dawˬ tsuiꞈ-aꞈ, Miˬyehˇ-ahˇ damˬ nehˬ-euˬ jeˬ hawˇ-eu jeˬ zaˬ sehꞈ-awˇ lawˇ-eu shehˇ-eu jeˬ-aˬ, Miˬyehˇ-ahˇ uˬ duˬ tahˬ-eu tsawˇ haˬ-euˬ nui ma muiˬ laˇ shawˇ laˇ ni maˬ mˇ byah nehˬ nya-a lehˇ ehˇ mawꞈ-eu meh.