HeˬByehˇ 11:14 - Akha

¹⁴ Kʼoeˇ loꞈ-ehˇ ehˇ-eu tsawˇ haˬ deuˬ-aˬ, yawˬ ha-euˬ miˇ kʼahˬ-ahˇ noeˬ tmˬ luꞈ-eu tsawˇ haˬ deuˬ meh lehˇ bya cehˆ ni siˬ duˬ laˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Khoerlof-aer aer-eu tsawrhaq deuq-aq, aqyawfmaf jawrkhanq tiq tsanr sharpov luf-eu nga laer byacaevni bi mawrlar-eu mae.

HeˬByehˇ 11:14 ပူးပေါင်းရင်းမြစ်များ

Doˆ-iˇ 2:22

Kʼoeˇ naˇ, Ziˬpoˇlaˬ aˬ li tiˬ li ciˬ-euˬ meh. Kʼoeˇ ngeh, “Ngaˇ-aˬ, miˇ kʼahˬ heu kʼahˬ laꞈ kʼoeˇ boeˇ miˬ siˬ kʼaˬ tiˬ gʼaˬ pyeuꞈ-eu ma” lehˇ, Moˇseˬ yawˬ haˇ yawˬ ha ehˇ-awˇ, aˬ li kʼoeˇ li-ahˇ Geˬlaˬshmˬ lehˇ myahˇ nehˬ-euˬ meh.

2 Gawˇliˬtu 4:18

Aˬ jeˬ miˇ neh ehˇ naˇ, myaˆ nuiˆ haw mawˇ nya-eu jeˬ-ahˇ aˬ dui noeˬ tsoˆ taˬ-euˬ maˬ ngeuˇ. Myaˆ nuiˆ maˬ haw mawˇ nya-eu jeˬ-ahˇ noeˬ tsoˆ taˬ-euˬ ma. Myaˆ nuiˆ haw mawˇ nya-eu jeˬ-aˬ, tiˬ kʼehˇ laˇ kʼehˬ gmˬ-eu tehꞈ meh. Ehˇ kʼawꞈ, myaˆ nuiˆ maˬ haw mawˇ nya-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh.

Piˇliˇpiˆ 1:23

Heu nyiˬ jeˬ luꞈ ngaˬ-ahˇ gʼeu taw taˬ-euˬ meh. Ngaˇ geuꞈ mawꞈ-eu-aˬ, miˇ tsaˬ kʼoeˇ taˆ dehꞈ-eu heu-ahˇ byehˇ dzeh yaꞈ-awˇ Ka li nehˬ-ehˇ jawˇ leˇ mawꞈ-eu kʼoeˇ hmˬ ma. Aˬ jeˬ miˇ neh ehˇ naˇ, kʼoeˇ-aˬ, ngaˬ-euˬ gʼaˇ duˬ muiˬ dzehˬ-eu meh.

HeˬByehˇ 11:13

Tsawˇ haˬ heu deuˬ dawˬ tawˆ luꞈ, jah-eu jeˬ laꞈ kʼoeˇ shiˇ-euˬ meh. Miˬyehˇ neh saˇ jaˇ dzaˬ taˬ-euˬ jeˬ-ahˇ aˬ yawꞈ maꞈ maˬ za-aˬ. Ehˇ kʼawꞈ, Miˬyehˇ neh saˇ jaˇ dzaˬ taˬ-euˬ jeˬ byah laˇ gaˇ, gaˇ mahˇ kaˬ gaˇ neh aˬ yawꞈ maꞈ ya mawˇ-awˇ laˬ kʼaˬ cehˇ nui kʼahˇ shiˇ-eu laꞈ kʼoeˇ, aˬ yawꞈ maꞈ miˇ tsaˬ kʼoeˇ taˆ tiˬ kʼehˬ tiˬ yamˬ jawˇ naˬ mˇ-eu daˬ yah tehꞈ ma lehˇ ehˇ-eu meh.

HeˬByehˇ 11:15

Aˬ yawꞈ maꞈ neh byehˇ dzeh yaꞈ-euˬ miˇ kʼahˬ-ahˇ aˬ yawꞈ maꞈ maˬ paˇ shaˇ noeˬ meh. Kʼoeˇ loꞈ-ehˇ shaˇ noeˬ law nmˇ-aˬ, paˇ gʼoꞈ jawˇ le nya-eu meh.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

HeˬByehˇ 13:14

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui gʼaˇ duˬ ziꞈ-eu meuˬ maˬ jaˆ-a. Aˬ kaˇ keuˆ le-eu meuˬ-ahˇ aˬ dui noeˬ tmˬ luꞈ-eu ma.