HeˬByehˇ 10:3 - Akha

³ Ehˇ kʼawꞈ, aˬ yawꞈ kʼoꞈ yawꞈ lawˇ-eu shehˇ-eu kʼoeˇ-aˬ, aˬ yawꞈ maꞈ iˬ baˇ ahˇ-eu gaˇ kawˆ aˬ yawꞈ maꞈ-ahˇ bi siˬ-eu tiˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aerkhawf, aqyawf khof aqyawf lawr-eu khoer-aq, yawqha-euq iqbax-anr bi noeqmawr-eu jeq pyeuf-eu mae.

HeˬByehˇ 10:3 ပူးပေါင်းရင်းမြစ်များ

1 Sahˬpaˬ 17:18

Miˬ coeˬ miˬ ma kʼoeˇ gʼaˬ Eˇliˇyaˆ-ahˇ ehˇ-eu, “Miˬyehˇ-euˬ tsawˇ haˬ-oˇ, aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ iˬ baˇ Miˬyehˇ-ahˇ nawˇ ehˇ noeˬ nehˬ-awˇ, ngaˬ li bi shiˇ-eu lehˇ heu gaˇ laˇ teˬ loˇ.”

Doˆ-iˇ 30:10

Iˬ baˇ ya buˬ-iˇ ni, tiˬ kʼoꞈ tiˬ poˆ sehꞈ-awˇ lawˇ-euˬ jeˬ zaˬ-eu shiˬ yuˇ-awˇ, lawˇ duˬ kʼoeˇ hmˬ-euˬ uˬ coeˇ oeˬ kahˬ-ahˇ toeˬ lehꞈ-eu laꞈ kʼoeˇ, lawˇ duˬ shawˇ-eu zahˇ Aˬloˬ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yawˬ kʼoꞈ na luꞈ kʼoeˇ loꞈ-ehˇ ya mˇ meh. Lawˇ duˬ heu hmˬ-aˬ, maˇ maˇ ni shawˇ jehˆ ni gʼeh-awˇ, Sahˬpaˬ Miˬyehˇ pyeuꞈ-eu ngaˬ-ahˇ damˬ nehˬ taˬ-euˬ lawˇ duˬ ya bi pyeuꞈ meh.”

Uˬ duˬ 16:34

Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni ya caw teh meh. Iˇsaˬleˬlaˆ tsawˇ haˬ deuˬ iˬ baˇ buˬ-iˇ law-iˇ-awˇ, bi muiˬ bi shawˇ laˇ-eu zahˇ heu hmˬ tiˬ kʼoꞈ tiˬ poˆ ya jahˇ meh. Kʼoeˇ loꞈ-ehˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Moˇseˬ mˇ-euˬ meh.

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Yoˇhaˬ 2:17

Kʼoeˇ ngeh, “Miˬyehˇ-oˇ, nawˬ-euˬ nymˇ-ahˇ ngaˇ gaˬ-eu ngaˬ-euˬ nui ma laꞈ kʼoeˇ miˬ dzaˬ doꞈ gaˇ duˇ miˇ-a” lehˇ Jaˇ liꞈ laꞈ kʼoeˇ boꞈ taˬ-euˬ kʼoeˇ tsahˇ, aˬ yawꞈ-euˬ zaˬ lahˇ deuˬ-ahˇ noeˬ doˆ leˇ-euˬ meh.

HeˬByehˇ 9:7

Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh.