HeˬByehˇ 10:28 - Akha

²⁸ Miˬyehˇ neh Moˇseˬ-ahˇ biꞈ-euˬ Zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu tsawˇ haˬ-aˬ, aˬ yawꞈ neh mˇ lehˬ-euˬ gaˇ kawˆ saˇ kiˇ kamˬ-eu tsawˇ kaˬ nyiˬ gʼaˬ smˇ gʼaˬ jawˇ naˇ, gʼawˬ shaˬ maˬ gaˬ ni sehꞈ gaˇ ya daˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Tsawrhaq tiq ghaq, Morseq-euq zanrdawq-anr mrbanq-euq mae laer sarkir kamq-eu tsawrhaq nyiq ghaq smr ghaq jawr nar-aq, aqyawf-aq, ghawqshaq gaq-eu jeq maqza-aer yashir-eu mae.

HeˬByehˇ 10:28 ပူးပေါင်းရင်းမြစ်များ

2 Saˬmeuˬlaˆ 12:13

Kʼoeˇ ngeh, “Sahˬpaˬ Miˬyehˇ-ahˇ ngaˇ mˇ bahˬ gʼaˬ-euˬ miˇ-a” lehˇ Daˬbiˇ ehˇ-euˬ meh. Naˬdaˬ ehˇ-eu, “Sahˬpaˬ Miˬyehˇ nawˬ-ahˇ iˬ baˇ pyehˬ-eu meh. Nawˇ ya shiˇ gaˇ maˬ keuˆ-aˇ.

2 Saˬmeuˬlaˆ 12:9

Ngaˇ nawˬ-ahˇ teu naˆ ni mˇ nehˬ taˬ-euˬ kʼawꞈ, aˬ jeˬ miˇ neh ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ te. Aˬ jeˬ miˇ neh teu loꞈ-ehˇ gʼeh-eu yaw haiˬ jeˬ nawˇ mˇ te. Uˇliˇyaˆ guiˇ deuˆ gaˇ bi deuˆ sehꞈ ni nawˬ neh toˆ-awˇ, Aˬmoˬ tsawˇ haˬ neh aˬ yawꞈ-ahˇ bi sehꞈ-awˇ, aˬ yawꞈ-euˬ miˬ zaˬ-ahˇ nawˇ sheuˬ geuꞈ-euˬ meh.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Yeˬlaˬmiˇ 13:14

Kʼoeˇ naˇ, ciˬ cuˇ tiˬ siˬ tiˇ siˬ biˬ paˆ-eu loꞈ-ehˇ, zaˬ huiˬ zaˬ nyiˇ maˬ tsehˇ ni aˬ yawꞈ maꞈ-ahˇ ngaˇ jahˇ nehˬ ma. Aˬ yawꞈ maꞈ-ahˇ ngaˇ sehꞈ ngeh, gʼawˬ shaˬ gaˬ-eu jeˬ neh laˆ tsoeˬ le kʼawꞈ, maˬ laˆ tsoeˬ nya-aˇ.”

Bawˇtsahˬ 15:36

Kʼoeˇ ngeh, Sahˬpaˬ Miˬyehˇ neh dawˬ biꞈ-euˬ loꞈ-ehˇ, aˬ yawꞈ-ahˇ pu pu dzeˇ sheuˬ doˆ gʼeh-awˇ, tsawˇ haˬ aˇ maꞈ aˇ muˇ dawˬ tawˆ luꞈ gʼeh-awˇ, kʼaˬ lo neh biˬ sehꞈ-euˬ meh.

Maꞈtehˬ 18:16

Ehˇ kʼawꞈ, nawˬ neh ehˇ-euˬ gaˇ aˬ yawꞈ maˬ geuꞈ nehˬ laꞈ naˇ, Jaˇ liꞈ laꞈ kʼoeˇ ehˇ taˬ-euˬ loꞈ-ehˇ, kʼaˇ ngehˬ-euˬ yawˬ dawˬ na luꞈ-ahˇ gaˬ-eu tsawˇ kaˬ nyiˬ gʼaˬ smˇ gʼaˬ byah ni bi jawˇ-eu gʼaˇ duˬ, nawˬ nehˬ-ehˇ tsawˇ kaˬ tiˬ gʼaˬ nyiˬ gʼaˬ sheuˬ caw gʼeh-awˬ.

Yoˇhaˬ 8:17

Tsawˇ haˬ nyiˬ gʼaˬ tiˬ jeˬ tehꞈ-ehˇ saˇ kiˇ kamˬ naˇ, saˇ kiˇ kamˬ-euˬ kʼoeˇ tsaˬ meh lehˇ, naw maꞈ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ meh.

Lormav 9:15

Aˬ jeˬ miˇ neh ehˇ naˇ, “Ngaˇ gʼawˬ shaˬ gaˬ mawꞈ-eu tsawˇ haˬ-ahˇ gʼawˬ shaˬ gaˬ-awˇ, ngaˇ ngehˬ gʼeh nehˬ mawꞈ-eu tsawˇ haˬ-ahˇ ngehˬ gʼeh-eu ma” lehˇ, Moˇseˬ-ahˇ aˬ yawꞈ ehˇ nehˬ-euˬ meh.

2 Gawˇliˬtu 13:1

Nymˬ-mˇ jawˇ poˆ naw maꞈ jawˇ gaˇ ngaˇ oe-eu lehˇ gʼeh-eu heu-aˬ, smˬ poˆ tiˬ poˆ ma. “Aˬ cawˬ-ahˇ yaˇ kʼaˬ ja ngeh tsawˇ kaˬ nyiˬ gʼaˬ smˇ gʼaˬ ya bi jawˇ meh” lehˇ Jaˇliꞈ laꞈ kʼoeˇ ehˇ taˬ-euˬ jaˆ-eu meh.

Dawˬmehˬ 19:13

Aˬ yawꞈ-ahˇ gʼawˬ shaˬ taˬ gaˬ. Nawˇ yaw muiˬ paˬ-ehˇ ya dehꞈ dzaˬ-eu gʼaˇ duˬ, kʼoeˇ loꞈ-ehˇ tsawˇ haˬ-ahˇ sehꞈ-eu jeˬ Iˇsaˬleˬlaˆ miˇ kʼahˬ laꞈ kʼoeˇ maˬ ya bi pyeuꞈ doˆ laˇ ni mˇ-awˬ.

Dawˬmehˬ 19:15

“Tsawˇ kaˬ tiˬ gʼaˬ tehꞈ-euˬ dawˬ-ahˇ gʼoe-awˇ, tsawˇ haˬ tiˬ gʼaˬ tiˬ jeˬ paˬ mˇ bahˬ-euˬ meh lehˇ maˬ daˇ tsehˆ nya-a. Tsawˇ haˬ tiˬ gʼaˬ iˬ baˇ ahˇ meh lehˇ daˇ tsehˆ nehˬ nya-eu gʼaˇ duˬ, kʼaˇ teˬ-eu tsawˇ kaˬ nyiˬ gʼaˬ ya jawˇ meh.

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 2:2

Aˬ dui-euˬ aˬ poeˬ aˬ bawˇ deuˬ-ahˇ mˬ taˆ gʼaˬ kʼehˇ deuˬ neh biꞈ nehˬ-euˬ dawˬ deuˬ-aˬ, tsaˬ-eu dawˇ-eu dawˬ pyeuꞈ-awˇ, maˬ naˇ haˬ geuꞈ-eu tsawˇ haˬ deuˬ-aˬ, yawˬ ha-ahˇ geuˇ-eu loꞈ-ehˇ kʼehˬ nehˬ kʼaˆ nehˬ gaˇ ya daˬ-eu meh.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.