HeˬByehˇ 10:27 - Akha

²⁷ Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Aerkhawf, yarkhaq dar-eu jeq hawr-eu Miqyaer-anr muir-eu tsawrhaq-anr miqdzaq keuqdzae lar-eu gar guv duidui-eu lafkhoer dawq-eu jeq taef-aer jav-eu mae.

HeˬByehˇ 10:27 ပူးပေါင်းရင်းမြစ်များ

Jaceuq 21:9

Miˬdzaˬloꞈ-ehˇsahˬpaˬoe ngeh, aˬyawꞈmaꞈ-ahˇlaˆcawˆtehꞈ-a. SahˬpaˬMiˬyehˇnui ma pehˇ-awˇ, aˬyawꞈmaꞈ-ahˇ myoꞈahˇjiˇ-awˇ, miˬdzaˬneh laˆcawˆnehˬtehꞈ-a.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Yeˬlaˬmiˇ 4:4

Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu deuˬ-oˇ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ nehˬ-ehˇ, dawˬ ma saˇ jaˇ dzaˬ-awˇ gʼawˇ mawˇ a nehˬ laꞈ-awˬ. Naw maꞈ kʼoeˇ loꞈ-ehˇ maˬ jahˇ naˇ, naw maꞈ neh mˇ-euˬ yaw haiˬ jeˬ baˬ da, ngaˇ nui ma pehˇ-eu jeˬ miˬ dzaˬ doꞈ doˆ laˇ-awˇ, laˆ miˆ nya-eu gʼaˬ maˬ jawˇ-a.”

Yeˬsaˬgeˬlaˇ 36:5

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nui ma pehˇ dui dui-eu laꞈ kʼoeˇ, dawˬ peh jawˇ-eu tsawˇ jeuˬ deuˬ-ahˇ heu loꞈ-ehˇ ehˇ-eu ma. Eˬdoˬ miˇ kʼahˬ-ahˇ ngaˇ kʼaˆ kʼaˆ ni ehˇ mawꞈ-eu ma. Aˬ yawꞈ maꞈ myaˆ naˆ-eu laꞈ kʼoeˇ, ngaˬ-euˬ miˇ kʼahˬ deuˆ geuꞈ-awˇ, jeˬ zaˬ gaˆ kʼahˬ yuˇ geuꞈ-euˬ meh.

Yeˬsaˬgeˬlaˇ 38:19

Kʼoeˇ ngeh nah, Iˇsaˬleˬlaˆ miˇ kʼahˬ laꞈ kʼoe miˇ luˆ luˆ dui dui tehꞈ-a lehˇ, nui ma daˆ dui dui-eu laꞈ kʼoeˇ ngaˇ ehˇ-eu ma.

Daˬyeˬlaˇ 5:6

Aˬ yawꞈ-euˬ myaˆ pyawˬ pyuˇ pya ni pyeuꞈ-iˇ-awˇ, guˆ dui dui-iˇ-euˬ miˇ neh, aˬ kuiˇ pawˬ tsuiꞈ yaw dzuˬ dzuˬ-eu meh.

Hawˇseˬ 10:8

Iˇsaˬleˬlaˆ uˬ duˬ tahˬ-euˬ, tahˬ pahˬ aˬ ma kʼoeˇ deuˬ jaˆ-eu, Aˬbehˇ meuˬ-euˬ gawˬ duˇ uˬ du, jaˆ-eu uˬ duˬ tahˬ nymˇ kʼoeˇ deuˬ, ya luˬ ya seˇ-iˇ jiˇ tehꞈ-a. Lawˇ duˬ kʼoeˇ deuˬ jaˆ-eu kʼoeˇ taˆ, aˬ gah baw duˆ uˆ byoˆ tehꞈ-a. “Nga maꞈ-ahˇ byaˆ tehˬ le-awˬ” lehˇ, gawˬ jawˬ-ahˇ aˬ yawꞈ maꞈ guˇ-awˇ, “Nga maꞈ-ahˇ pymˬ tehˬ le-awˬ” lehˇ, gawˬ duˇ-ahˇ yawꞈ maꞈ guˇ tehꞈ-a.

Yawˇlaˆ 2:30

“Mˬ taˆ hawˇ-eu miˇ tsaˬ kʼoeˇ taˆ, kʼaˆ jeˬ-ehˇ gʼeh-eu jeˬ mehˬ-awˇ, shiˬ sehꞈ yoeˇ-awˇ miˬ dzaˬ doꞈ-eu, uˬ kʼoeˬ uꞈ uꞈ-ehˇ jaˆ tehꞈ-a.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Zeˬpaˬniˇ 1:18

Sahˬpaˬ Miˬyehˇ nui ma pehˇ-eu, aˇ nah nah huiˬ kʼoeˇ keuˆ le ngeh, yawˬ ha-euˬ pyuˇ kʼoˇ shuiˇ kʼoˇ neh, yawˬ ha-ahˇ maˬ ka kʼoꞈ nya-a. Nui ma pehˇ-eu miˬ dzaˬ miˬ lmˇ, miˇ tsaˬ tahˬ kʼawˇ-ahˇ myoꞈ ahˇ-awˇ, miˇ tsaˬ kʼoeˇ taˆ kʼaˇ jawˇ-eu deuˬ, ja pyuˬ ni ya cawˆ jiˇ tehꞈ-a.

Zeˬpaˬniˇ 3:8

Sahˬpaˬ Miˬyehˇ ehˇ-eu, “Aˇ yamˬ tiˬ kʼehˇ kʼehˬ dawˬ tawˬ siˬ. Ngaˇ tuˇ laˇ-awˇ yaw lehˬ poˆ ngeh, miˇ kʼahˬ tsawˇ jeuˬ kuˇ uiˬ jiˇ-awˇ, ngaˬ-euˬ nui ma ngaˇ bi mawˇ ma. Ngaˬ-euˬ nui pehˇ miˬ dzaˬ doꞈ ngeh, miˇ tsaˬ tahˬ kʼawˇ puiˆ dzaˬ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Bawˇtsahˬ 16:35

Kʼoeˇ naˇ, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, yaw saw jeˬ lawˇ luꞈ-eu tsawˇ haˬ kʼoeˇ nyiˬ yaˇ ngaˬ tseˇ gʼaˬ-ahˇ puiˆ-eu meh.

Maꞈtehˬ 13:42

Kʼoeˇ naˇ, aˬ yawꞈ maꞈ-ahˇ guˆ dui dui laˇ paˬ-ehˇ gʼeh-eu miˬ dzaˬ jehˆ bymˇ-ahˇ bi baꞈ puiˆ-awˇ, kʼoeˇ gaˇ ngoeˇ ngoeˇ-ehˇ, seuˬ teuꞈ teuꞈ-ehˇ ya shaˬ tehꞈ-a.

Maꞈtehˬ 13:50

Haiˬ-eu tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu miˬ dzaˬ jehˆ bymˇ-ahˇ bi biˬ ahˇ-awˇ, ngoeˇ ngoeˇ-ehˇ, seuˬ teuꞈ teuꞈ-ehˇ ya shaˬ tehꞈ-a.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Maꞈtehˬ 8:29

Aˬ yawꞈ nyaꞈ Yeˬsuˇ-ahˇ ya mawˇ-eu nehˬ-ehˇ, “Miˬyehˇ-euˬ Zaˬmaˇ-oˇ, nawˇ nga nyaꞈ-ahˇ a jeˬ taꞈ te. Aˇ yamˬ maˬ keuˆ laˇ mi naˆ-ehˇ nga nyaꞈ-ahˇ kʼehˬ nehˬ kʼaˆ nehˬ le-eu lehˇ oe teˬ loˇ” lehˇ, guˇ guˇ-ehˇ ehˇ-eu meh.

Luˇkaꞈ 16:24

Kʼoeˇ ngeh, aˬ yawꞈ guˇ-awˇ ehˇ-eu, ‘Aˬ da Aˬbyaˬhaˬ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Laˬzaˬluˇ-euˬ laꞈ noeˇ iˇ cuꞈ-ahˇ bi cawˬ duiˆ-awˇ, ngaˬ-euˬ mehˬ laˇ coꞈ-iˇ ni tiˬ poˆ bi dzaˆ aˬ le sheˇ. Miˬ dzaˬ lahˇdui dui-eu miˇ neh tiˬ pawꞈ-iˬ maˬ daˬ coeˇ nya.’

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Luˇkaꞈ 21:26

Miˇ tsaˬ kʼoeˇ taˆ keuˆ le teuˇ le-eu lehˇ gʼeh-eu jeˬ-ahˇ tsawˇ haˬ zaˬ deuˬ noeˬ mawˇ-awˇ, myaꞈ leˇ tehꞈ-a. Aˬ jeˬ miˇ neh ehˇ naˇ, mˬ taˆ-euˬ baoˬ deuˬ luˆ laˇ nyeh laˇ jiˇ tehꞈ-a.

Luˇkaꞈ 23:30

Kʼoeˇ ngeh jawˇ, gawˬ jawˬ-ahˇ ‘Nga maꞈ kʼoeˇ taˆ byaˆ tehˬ leꞈ-awˬ’ lehˇ ya ehˇ-awˇ, gawˬ duˇ-ahˇ ‘Nga maꞈ kʼoeˇ taˆ pymˬ tehˬ leꞈ-awˬ’ lehˇ ya ehˇ gaˇ keuˆ tehꞈ-a.

Yoˇhaˬ 5:29

Lmˬ bymˇ laꞈ kʼoeˇ neh aˬ yawꞈ maꞈ doˆ laˇ-awˇ, yaw muiˬ jeˬ mˇ-euˬ tsawˇ haˬ deuˬ-aˬ, dehꞈ-eu jeˬ za tehꞈ-a. Yaw haiˬ jeˬ mˇ-euˬ tsawˇ haˬ deuˬ-aˬ, yaˇ kʼaˬ daˇ nehˬ gaˇ ya daˬ tehꞈ-a.

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

HeˬByehˇ 12:25

Naw maꞈ-ahˇ ngehˬ cawˬ luꞈ-eu gʼaˬ-euˬ dawˬ-ahˇ maˬ naˇ haˬ-ehˇ maˬ ya gʼeh ni yahˇ-awˬ. Miˇ tsaˬ heu kʼoeˇ taˆ Miˬyehˇ-euˬ dawˬ bi ngehˬ le-euˬ gʼaˬ-ahˇ maˬ naˇ haˬ geuꞈ-euˬ tsawˇ haˬ deuˬ kʼawꞈ maˬ dzeuˇ-iˇ nya-euˬ-aˬ, mˬ taˆ neh dawˬ ngehˬ leꞈ-euˬ gʼaˬ-euˬ dawˬ-ahˇ aˬ dui maˬ naˇ haˬ geuꞈ naˇ, aˬ joˆ-ehˇ paˇ dzeuˇ-iˇ nya nmˇ.

HeˬByehˇ 12:29

Aˬ jeˬ miˇ neh ehˇ naˇ, aˬ dui-euˬ Miˬyehˇ-aˬ, maˇ maˇ ni laˆ luˬ laˆ seˇ-eu miˬ dzaˬ pyeuꞈ-eu meh.

HeˬByehˇ 2:3

Toˆ-ehˇ ngeuˇ naˇ, heu naˆ naˆ-ehˇ huiˬ-eu ka kʼoꞈ-eu jeˬ heu-ahˇ aˬ dui myaˆ haw maˬ cawˬ naˇ, kʼehˬ-eu kʼaˆ-eu jeˬ-ahˇ aˬ joˆ-ehˇ dzeuˇ-iˇ nya nmˇ. Ka kʼoꞈ-eu gaˇ kawˆ heu, Sahˬpaˬ Yeˬsuˇ neh jeˬ huˬ ehˇ naˬ laꞈ-awˇ, kʼaˇ ya gaˬ-euˬ tsawˇ haˬ deuˬ tsaˬ meh lehˇ saˇ kiˇ kamˬ-eu meh.

HeˬByehˇ 9:27

Tsawˇ haˬ yawˬ gʼaˬ na luꞈ tiˬ poˆ ya shiˇ-awˇ, shiˇ gʼaˬ ngeh Miˬyehˇ neh yaˇ kʼaˬ ya bi daˇ tehꞈ-a.

Yaˬkoˆ 5:3

Naw maꞈ-euˬ pyuˇ shuiˇ shmˇ kaw kaw leˇ jiˇ-awˇ, shmˇ kaw kʼoeˇ naw maꞈ-euˬ iˬ baˇ gaˇ kawˆ saˇ kiˇ pyeuꞈ-eu uˬ taꞈ, miˬ dzaˬ puiˆ-eu loꞈ-ehˇ naw maꞈ-euˬ shaˬ jiˇ dzaˬ byoˆ jiˇ tehꞈ-a. Aˇ saˬ saˬ-eu aˇ yamˬ heu laꞈ kʼoeˇ naw maꞈ-euˬ pyuˇ shuiˇ myawˬ gahˬ pu cu cu laˇ taˬ-euˬ meh.

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.

1 Saˬmeuˬlaˆ 2:25

Tsawˇ haˬ nyiˬ gʼaˬ yaw kaˬ mˇ lehˬ naˇ, Miˬyehˇ aˇ kaˬ piˇ nehˬ nya meh. Ehˇ kʼawꞈ, Sahˬpaˬ Miˬyehˇ-ahˇ mˇ lehˬ-euˬ tsawˇ haˬ-ahˇ, aˬ suˇ gʼaˬ aˇ kaˬ piˇ nehˬ nya nmˇ.” Ehˇ kʼawꞈ, yawˬ ha aˬ da neh mehˬ nehˬ-euˬ dawˬ-ahˇ aˬ ha mehˇ nmˇ maˬ naˇ haˬ-a. Aˬ jeˬ miˇ neh ehˇ naˇ, aˬ yawꞈ maꞈ-ahˇ bi shiˇ-eu gʼaˇ duˬ, Sahˬpaˬ Miˬyehˇ noeˬ tsehˆ-awˇ lehˬ hmˬ laˆ saˆ taˬ gʼaˬ-euˬ meh.