HeˬByehˇ 10:25 - Akha

²⁵ Aˬ cawˬ loꞈ-ehˇ maˬ gʼeh ni, tiˬ kawˆ loꞈ-ehˇ tahˬ dzoeˇ-awˇ uˬ duˬ tahˬ-eu gaˇ heu hmˬ maˬ byehˇ ni mˇ daˆ leꞈ kaˇ-euˇ. Sahˬpaˬ Miˬyehˇ yaˇ kʼaˬ daˇ le-eu Aˇnah dawˬ peh peh le-euˬ naw maꞈ siˬ luꞈ mawˇ luꞈ-eu loꞈ-ehˇ, tiˬ gʼaˬ tiˇ gʼaˬ gʼaˬ biꞈ tehˇ tehꞈ kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁵ Aqdui tiqkawv lof-aer uiqler bymrler-eu jeq-anr, tsawrhaq tiqpavnav byaer-eu lof-aer maqbyaerni mrdavlef kar-eur. Arnan khoernan keuvle-eu dawqpae paelar-eu ngar-a laer, nawmaf siqnya-eu mirnae, tiqghaq tirghaq, ghaq yawkhav-aer biftaer taeq-awq.

HeˬByehˇ 10:25 ပူးပေါင်းရင်းမြစ်များ

Maꞈtehˬ 10:15

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Yaˇ kʼaˬ daˇ-eu aˇ nah keuˆ le ngeh, Sawˇdoˬ meuˬ hawˇ-eu Gawˇmawˇlaˆ meuˬ -ahˇ kʼehˬ nehˬ-euˬ naˆ maˬ tseˇ, meuˬ kʼoeˇ meuˬ-ahˇ Miˬyehˇ kʼehˬ nehˬ tehꞈ-a.”

Maꞈtehˬ 18:20

Aˬ jeˬ miˇ neh ehˇ naˇ, ngaˬ-euˬ tsawˇ myahˇ uˬ moˆ tsawˇ haˬ nyiˬ gʼaˬ smˇ gʼaˬ kʼaˇ uiˬ leˇ ngeh, aˬ yawꞈ maꞈ-euˬ gʼahˇ ceh ngaˇ jawˇ ma.”

Yoˇhaˬ 12:48

Ngaˬ-ahˇ maˬ ha geuꞈ-ehˇ ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-ahˇ yaˇ kʼaˬ daˇ-eu gʼaˬ jawˇ meh. Miˇ tsaˬ heu aˇ saˬ saˬ ngeh nah, ngaˬ neh ngehˬ dzeuˇ-euˬ dawˬ heu deuˬ aˬ yawꞈ-ahˇ yaˇ kʼaˬ daˇ tehꞈ-a.

Gʼaˬkʼehˇ 16:16

Tiˬ nah-aˬ, uˬ duˬ tahˬ-eu jawˇ duˬ-ahˇ nga maꞈ iˇ luꞈ ngeh, ja maw maw nya-eu nehꞈ uˇ-eu aˬ buˇ zaˬ kʼaˆ tiˬ gʼaˬ tahˬ puˬ le-euˬ meh. Aˬ buˇ kʼoeˇ buˇ ja maw maw nehˬ-eu pyuˇ gʼawˬ mya ni za-eu miˇ neh, aˬ yawꞈ-euˬ baw leˬ deuˬ smˇ muiˬ muiˬ laˇ-euˬ meh.

Gʼaˬkʼehˇ 2:1

Beˬdeˬgoˇdeˬ aˇ nah keuˆ le ngeh, jah-eu tsawˇ haˬ dawˬ tawˆ luꞈ, tiˬ gaˇ uiˬ leˇ-awˇ jawˇ-euˬ meh.

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Gʼaˬkʼehˇ 20:7

Tiˬ jaw laꞈ kʼoeˇ aˇ dahˬ beh-eu nah ngeh nah uˬ ciꞈ paw, dzaˬ taꞈ dawˇ taꞈ-eu gʼaˇ duˬ nga maꞈ uiˬ leˇ-euˬ ma. Pawˇluˆ-aˬ, yawˬ nah yawˬ doˆ-iˇ-eu lehˇ gʼeh-eu miˇ neh, kʼoeˇ ngeh miˇ uˬ ciꞈ sehˇ gʼahˇ keuˆ ni dawˬ mehˬ mehˬ-euˬ meh.

Lormav 12:8

Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.

1 Gawˇliˬtu 11:20

Naw maꞈ tiˬ kawˆ loꞈ-ehˇ uiˬ leˇ-awˇ dzaˬ-eu kʼoeˇ-aˬ, Sahˬpaˬ Yeˬsuˇ-ahˇ noeˬ keuˆ-eu Bawˬ-iˬ dzaˬ-eu maˬ ngeuˇ-a.

1 Gawˇliˬtu 14:23

Ka li zaˬ aˇ muˇ muˇ lah-ehˇ uiˬ leˇ bymˇ leˇ-awˇ yawˬ gʼaˬ na luꞈ dawˬ gʼawˬ mya jeˬ ngehˬ ngehˬ-ehˇ lawꞈ gʼa luꞈ ngeh, maˬ siˬ nya-eu tsawˇ haˬ hawˇ-eu ka li-ahˇ maˬ jah-eu tsawˇ haˬ uˇ laˇ zaˬ naˇ, naw maꞈ tsawˇ uˬ uˬ-iˇ jiˇ-euˬ ngaˇ lehˇ maˬ ehˇ-aˇ loˇ.

1 Gawˇliˬtu 14:3

Ehˇ kʼawꞈ, Miˬyehˇ dawˬ kawˬ mehˬ-eu tsawˇ haˬ-aˬ, tsawˇ haˬ zaˬ-ahˇ ngehˬ cawˬ-eu jeˬ pyeuꞈ-eu miˇ neh, aˬ cawˬ-ahˇ caw ba-eu, gʼaˬ biꞈ-eu, nui ma saˇ laˇ ni gʼaˬ biꞈ-eu dawˬ ngehˬ-eu tmˇ-eu, heu deuˬ mˇ nehˬ nya-eu meh.

1 Gawˇliˬtu 3:13

Aˬ yawꞈ gʼaˬ yawꞈ, yawˬ ha neh mˇ-euˬ muiˬ-eu doeˇ-eu gaˇ kawˆ-ahˇ, Ka li-euˬ Aˇ nah keuˆ le-awˇ pah mehˬ le ngeh ya mawˇ duˬ tehꞈ-a. Aˬ jeˬ miˇ neh ehˇ naˇ, Aˇ nah kʼoeˇ nah keuˆ le ngeh, yawˬ gʼaˬ na luꞈ kʼaˇ mˇ taˬ-euˬ jeˬ-ahˇ miˬ dzaˬ neh bi pah mehˬ tehꞈ-a. Muiˬ muiˬ doeˇ doeˇ miˬ dzaˬ neh bi lawˬ haw-awˇ, bi mawˇ duˬ laˇ tehꞈ-a.

Piˇliˇpiˆ 4:5

Tiˬ gʼaˬ tiˇ gʼaˬ nui ma nahˬ yu ni taˬ-awˬ. Sahˬpaˬ Yeˬsuˇ zaꞈ le-eu aˇ yamˬ keuˆ le shawˬ-iˬ meh.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

1 Teˇsaˬloˇni 5:11

Kʼoeˇ miˇ neh, nymˬ-mˇ naw maꞈ tiˬ gʼaˬ tiˇ gʼaˬ gʼaˬ biꞈ-awˇ caw dehˬ caw toˆ luꞈ-eu loꞈ-ehˇ, mehˬ hu paw kʼawꞈ kʼoeˇ loꞈ-ehˇ dehꞈ daˆ le-awˬ.

HeˬByehˇ 10:24

Aˬ cawˬ-ahˇ gʼoeˇ nya gaˬ nya-awˇ yaw muiˬ jeˬ mˇ nya ni, aˬ dui ti gʼaˬ tiˇ gʼaˬ kʼahˇ kʼoꞈ-awˇ ngehˬ gʼeh kaˇ-euˇ.

HeˬByehˇ 10:37

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Aˇ yamˬ tiˬ kʼehˇ laˇ kʼehˬ dzeuˇ naˇ, oe-eu lehˇ gʼeh luꞈ-eu kʼoeˇ gʼaˬ, maˬ nyi naˬ ni oe keuˆ tehꞈ-a.

HeˬByehˇ 13:22

A yuiꞈ aˬ nyiˇ Ka li zaˬ deuˬ-oˇ, naw maꞈ-ahˇ gʼaˬ biꞈ-eu dawˬ heu deuˬ-ahˇ nui ma gʼawˬ mahˇ ni taˬ-awˇ naˇ haˬ geuꞈ-awˬ lehˇ shaˇ-eu ma. Aˬ jeˬ miˇ neh ehˇ naˇ, ngaˬ neh naw maꞈ-ahˇ boꞈ nehˬ laꞈ-euˬ sahˬ boꞈ heu taꞈ-aˬ, yaw mahˇ maˬ ngeuˇ-a.

HeˬByehˇ 3:13

Naw maꞈ tiˬ gʼaˬ-iˬ iˬ baˇ neh mehˇ shuiˇ maˬ bi shuiˇ gʼaˬ-ehˇ, nui ma maˬ ya gʼahˇ laˇ ni, “Iˬnah” lehˇ JaˇLiꞈ laꞈ kʼoeˇ ehˇ taˬ-euˬ dawˬ kʼoeˇ dawˬ aˬ dui-ahˇ kʼaˇ toeˬ ceh luꞈ kʼoeˇ keuˆ ni, yawˬ nah na luꞈ tiˬ gʼaˬ tiˇ gʼaˬ ngehˬ gʼeh-awˬ.

Yaˬkoˆ 5:8

Naw maꞈ kʼawꞈ, kʼoeˇ loꞈ-ehˇ ya oˇ meh. Sahˬpaˬ Yeˬsuˇ zaꞈ le-eu Aˇnah peh laˇ-euˬ miˇ neh, noeˬ tmˬ-eu nui ma ziꞈ dah ni bi jaˆ-awˬ.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

2 Beˬtuˆluˆ 3:11

Yawˬ jeˬ na luꞈ kʼoeˇ loꞈ-ehˇ bi laˆ cawˆ jiˇ gaˇ keuˆ-eu-aˬ, naw maꞈ aˬ joˆ-ehˇ gʼeh-eu tsawˇ haˬ pyeuꞈ-eu tsaˬ nmˇ. Naw maꞈ yaw dehꞈ dehꞈ-eu jeˬ-aˬ, muiˬ-awˇ shawˇ-awˇ, Miˬyehˇ-ahˇ a nehˬ taˬ-euˬ jeˬ bi pyeuꞈ-eu tsaˬ meh.

2 Beˬtuˆluˆ 3:14

Kʼoeˇ miˇ neh cawˬ deuˬ-oˇ, Aˇnah kʼoeˇ nah-ahˇ naw maꞈ dawˬ luꞈ-eu loꞈ-ehˇ, Miˬyehˇ mehˬ shi iˬ baˇ taˬ kʼaˇ maˬ za-eu Miˬyehˇ-ahˇ tsaˬ leˇ tsahˇ leˇ gʼaˬ-euˬ muiˬ-eu shawˇ-eu tsawˇ haˬ pyeuꞈ ni leh jeh-awˬ.

2 Beˬtuˆluˆ 3:9

Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.

Yuˇdaˆ 1:19

Tsawˇ haˬ kʼoeˇ deuˬ-aˬ, aˇ maꞈ aˇ muˇ laˆ paˆ-eu jeˬ mˇ-eu, shiˬ shaˬ jiˇ nui noeˬ nui loˆ mˇ-eu, yawˬ ha laꞈ kʼoeˇ Yaw sahˇ Miˬyehˇ maˬ jawˇ-eu, kʼoeˇ loꞈ-ehˇ gʼeh-eu tsawˇ haˬ pyeuꞈ-eu meh.