HeˬByehˇ 10:22 - Akha

²² Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.

HeˬByehˇ 10:22 ပူးပေါင်းရင်းမြစ်များ

1 Sahˬpaˬ 15:3

Aˬ yawꞈ-euˬ aˬ da neh mˇ-euˬ iˬ baˇ deuˬ aˬ yawꞈ mˇ poˆ poˆ-awˇ, aˬ yawꞈ-euˬ aˬ bawˇ Daˬbiˇ aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ tiˬ byah tiˬ loꞈ saˇ jaˇ maˬ ziꞈ-a.

1 Laˬsaˬbaˬ 12:33

Zeˬbuˬluˬ tsawˇ jeuˬ laꞈ kʼoeˇ, saˇ jaˇ ziꞈ-awˇ jah coeˇ-eu uˬ taꞈ, guiˇ deuˆ-eu keu ka aˬ geu jeˬ maˬ ehˇ zmˬ-awˇ guiˇ deuˆ-eu gʼaˇ duˬ lehˬ hmˬ dah taˬ-euˬ tsawˇ haˬ ngaˬ muiˇ gʼaˬ,

1 Laˬsaˬbaˬ 28:9

Kʼoeˇ naˇ, Sawˇlaˬmoˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ li-oˇ, nawˬ da-euˬ Miˬyehˇ-ahˇ nawˇ siˬ nya-awˇ, nawˬ-euˬ nui ma gʼawˇ mawˇ dawˬ tawˆ luꞈ aˬ yawꞈ-euˬ nui kʼahˇ mˇ-awˬ lehˇ, ngaˇ nawˬ-ahˇ dawˬ biꞈ-eu ma. Aˬ dui-euˬ nui noeˬ nui duˇ dawˬ tawˆ luꞈ aˬ yawꞈ siˬ nya meh. Aˬ yawꞈ jawˇ gaˇ nawˇ jiˆ uˇ leˇ naˇ, aˬ yawꞈ nawˬ-ahˇ ha geuꞈ tehꞈ-a. Ehˇ kʼawꞈ, nawˇ aˬ yawꞈ-ahˇ byehˇ dzeh naˇ, aˬ yawꞈ nawˬ-ahˇ tiˬ ziˇ byehˇ dzeh nehˬ laꞈ tehꞈ-a.

1 Laˬsaˬbaˬ 29:17

Tsawˇ haˬ yawˬ gʼaˬ na luꞈ-euˬ nui ma-ahˇ nawˇ lawˬ haw-awˇ, nui ma tiˬ siˬ tehꞈ-ehˇ taˬ luꞈ-eu miˇ neh, nawˇ laˬ kʼaˬ cehˇ meh lehˇ ngaˇ siˬ nya ma. Nui ma dawˇ coe ni jaˆ-awˇ, nui ma keuˆ dui dui-eu laꞈ kʼoeˇ, heu deuˬ dawˬ tawˆ luꞈ nawˬ-ahˇ ngaˇ damˬ nehˬ-eu ma. Heu gaˇ uiˬ laˇ taˬ-euˬ nawˬ-euˬ tsawˇ haˬ deuˬ kʼawꞈ, laˬ kʼaˬ cehˇ-eu laꞈ kʼoeˇ nawˬ-ahˇ damˬ-eu jeˬ yuˇ laꞈ-euˬ gaˇ ngaˇ ya mawˇ-euˬ ma.

Jaceuq 111:1

Sahˬpaˬ Miˬyehˇ-ahˇ ja ceuˬ-awˬ. Sahˬpaˬ Miˬyehˇ-euˬ tsawˇ haˬ deuˬ uiˬ laˇ taˬ-euˬ mehˬ shi, ngaˬ-eu nui ma gʼawˇ mawˇ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ ma.

Jaceuq 119:10

Ngaˬ-euˬ nui ma gʼawˇ mawˇ dawˬ tawˆ luꞈ nawˬ-ahˇ saˇ jaˇ ziꞈ ma. Nawˬ-euˬ zahˇ dawˬ kʼoꞈ dawˬ-ahˇ ngaˇ maˬ ya byehˇ dzeh ni caw ba nehˬ laꞈ.

Jaceuq 119:145

Nui ma laꞈ kʼoeˇ keuˆ ni nawˬ-ahˇ ngaˇ kuˇ-eu ma. Sahˬpaˬ Miˬyehˇ-oˇ, ngaˬ-euˬ dawˬ-ahˇ naˇ haˬ nehˬ laꞈ. Nawˬ-euˬ dawˬ-ahˇ ngaˇ naˇ haˬ-eu ma.

Jaceuq 119:2

Nui ma gʼawˇ mawˇ dawˬ tawˆ luꞈ aˬ yawꞈ-ahˇ poˆ-awˇ, aˬ yawꞈ-euˬ dawˬ naˇ haˬ geuꞈ-eu tsawˇ haˬ deuˬ guiˬ lahˬ huiˬ luꞈ-uˇ.

Jaceuq 119:34

Nawˬ-euˬ zahˇ dawˬ kʼoꞈ dawˬ-ahˇ ngaˇ caw teh-awˇ, nui ma gʼawˇ mawˇ laꞈ kʼoeˇ juiˇ taˬ nya-eu gʼaˇ duˬ, ngaˇ gʼoˆ shaw nya ni mehˬ nehˬ laꞈ.

Jaceuq 119:58

Nawˬ neh saˇ jaˇ dzaˬ taˬ-euˬ loꞈ-ehˇ ngaˬ-ahˇ gʼawˬ shaˬ gaˬ nehˬ laꞈ-eu gʼaˇ duˬ, nui ma laꞈ kʼoeˇ keuˆ ni ngaˇ shaˇ-eu ma.

Jaceuq 119:69

Nui ma huiˬ-eu mahˇ-eu deuˬ ngaˬ-ahˇ ja bu ja doeˇ kʼawꞈ, nawˇ mehˬ nehˬ tsoˆ nehˬ laꞈ-euˬ dawˬ-ahˇ, nui ma laꞈ kʼoeˇ keuˆ ni ngaˇ naˇ haˬ geuꞈ-eu ma.

Jaceuq 119:7

Nawˇ yaw tsaˬ yaw dawˇ dawˇ-ehˇ yaˇ kʼaˬ daˇ-euˬ gaˇ kawˆ ngaˇ ya siˬ ngeh, nui ma shawˇ jehˆ ni nawˬ-ahˇ ja ceuˬ ma.

Jaceuq 119:80

Nawˬ-euˬ zahˇ dawˬ kʼoꞈ dawˬ-ahˇ ngaˇ tiˬ byah tiˬ loꞈ naˇ haˬ geuꞈ-eu miˇ neh, daˬ maˬ ga ni bi dehꞈ laꞈ luꞈ-uˇ.

Jaceuq 32:11

Tsaˬeu dawˇ-eu tsawˇhaˬdeuˬ-oˇ, SahˬpaˬMiˬyehˇlaꞈkʼoeˇcehˇ-awˬ. Nui ma dawˇ-eu tsawˇhaˬdeuˬ-oˇ, laˬkʼaˬcehˇdui dui-awˇguˇ-awˬ.

Jaceuq 51:10

Miˬyehˇ-oˇ, ngaˬ-ahˇ shawˇ jehˆ ni gʼeh-eu nui ma tiˬ siˬ beh ahˇ nehˬ laꞈ. Nawˬ-ahˇ saˇ jaˇ ziꞈ-eu nui loˆ bi ahˇ laꞈ.

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Jaceuq 9:1

Sahˬpaˬ Miˬyehˇ-oˇ, ngaˬ-euˬnui ma gʼawˇmawˇdawˬtawˆ, nawˬ-ahˇja ceuˬdui dui-eu ma. Nawˬneh mˇdoˆtaˬ-euˬgaˇdeuˬ, zahˬdui dui leˇpaˬ-ehˇgʼeh-eu, maˬja gaˬ-ehˇ maˬjawˇcoeˇnya.

Jaceuq 94:15

Yaˇ kʼaˬ daˇ-eu nymˇ laꞈ kʼoeˇ yaw tsaˬ yaw dawˇ jeˬ paˇ jaˆ le-awˇ, yaw tsaˬ yaw dawˇ tsawˇ haˬ dawˬ tawˆ luꞈ nui kʼahˇ shiˇ tehꞈ-a.

Doˆ-iˇ 29:4

“Aˬloˬ hawˇ-eu aˬ yawꞈ-euˬ aˬ li deuˬ-ahˇ, ngaˇ jawˇ-eu sehˬ gʼawˆ gʼoˆ kʼehˬ-ahˇ sheuˬ laꞈ-awˇ, iˇ cuꞈ dzuiꞈ-awˇ gʼawˇ mawˇ shawˇ-eu zahˇ jahˇ-awˬ lehˇ ehˇ nehˬ-awˬ.

Dawqdaq 23:26

Ngaˬ li-oˇ, nui ma laꞈ kʼoeˇ ngaˬ-ahˇ haw tsoˆ taˬ-awˇ, ngaˬ-euˬ dehꞈ jeˬ dehꞈ kawˆ-ahˇ dzaw geuꞈ-awˬ.

Iˇsaˬyaˇ 29:13

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ heu deuˬ ngaˬ-ahˇ uˬ duˬ tahˬ maˬ ehˇ kʼawꞈ, mehˬ boeˬ tehꞈ-ehˇ uˬ duˬ tahˬ-awˇ, nui ma tiˬ gaˇ bi jaˆ-euˬ meh. Aˬ yawꞈ maꞈ-euˬ uˬ duˬ tahˬ-eu zahˇ sahˇ kʼoꞈ-aˬ, tiˬ jo tiˇ jo mehˬ ka leꞈ-euˬ, tsawˇ haˬ zaˬ-euˬ zahˇ sahˇ kʼoꞈ tehꞈ meh.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Yeˬlaˬmiˇ 24:7

Ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ mawꞈ-eu nui ma aˬ yawꞈ maꞈ-ahˇ ngaˇ biꞈ nehˬ ma. Aˬ yawꞈ maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ ma. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˇ jawˇ gaˇ gʼoꞈ kʼoꞈ laˇ tehꞈ-a.

Yeˬlaˬmiˇ 3:10

Kʼoeˇ loꞈ-ehˇ dehꞈ cawˆ gʼaˬ miˇ tsa, Iˇsaˬleˬlaˆ-euˬ saˇ jaˇ maˬ ziꞈ-eu aˬ nyiˇ pyeuꞈ-eu Yuˇdaˆ-aˬ, ngaˇ jawˇ gaˇ gʼoꞈ kʼoꞈ laˇ-eu jahˇ geuꞈ-euˬ meh. Ehˇ kʼawꞈ nui ma laꞈ kʼoeˇ keuˆ ni gʼoꞈ laˇ-euˬ jeˬ maˬ ngeuˇ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 30:21

Aˬ yawꞈ maꞈ-ahˇ yawˬ ha-euˬ tsawˇ jeuˬ neh bi sheuˬ gʼeh-awˇ, yawˬ ha-euˬ tsawˇ haˬ neh bi uˆ lahˇ ma. Aˬ yawꞈ-ahˇ ngaˇ kuˇ-eu miˇ neh, ngaˬ-euˬ dawˬ peh aˬ yawꞈ jiˆ laˇ tehꞈ-a. Ngaˬ neh maˬ kuˇ-euˬ tsawˇ haˬ zaˬ, dawˬ peh jiˆ laˇ peuˬ meh loˇ lehˇ, ngaˇ Sahˬpaˬ Miˬyehˇ ehˇ-eu ma.

Yeˬsaˬgeˬlaˇ 16:9

“Kʼoeˇ naˇ, ngaˇ iˇ cuꞈ ciˬ-awˇ, nawˬ-euˬ shiˬ tsiˬ shawˇ dzeh-awˇ, saˬ loˬ tsiˇ lehꞈ nehˬ-euˬ ma.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Uˬ duˬ 14:7

Piˇ ma gʼaˬ shiˬ kʼoeˇ yuˇ-awˇ, bi shawˇ laˇ-eu lehˇ gʼeh-eu nyawˬ naˇ-eu tsawˇ haˬ kʼoeˇ gʼaˬ kʼoeˇ taˆ shiꞈ poˆ keuˆ ni byaˆ shehˬ-awˇ, tsawˇ haˬ kʼoeˇ gʼaˬ yaw shawˇ meh lehˇ ya daˇ tsehˆ nehˬ meh. Kʼoeˇ naˇ, aˇ jiˇ yaw dehꞈ kʼoeˇ mawˇ pyehˬ-awˇ, kʼoeˇ taˆ paw ya bi yaw byoˆ gʼeh meh.

Uˬ duˬ 16:4

Kʼoeˇ naˇ, Sahˬpaˬ Miˬyehˇ heu loꞈ-ehˇ dawˬ mehˬ dawˬ tsoˆ tsoˆ-euˬ meh. Muiˬ dui shawˇ dui dui-eu Jawˇ duˬ-ahˇ Aˬloˬ maˬ uˇ leˇ mi naˆ-ehˇ, aˬ yawꞈ-euˬ gʼawˇ mawˇ iˇ cuꞈ dzuiꞈ shawˇ-awˇ, piˇ ma-euˬ dm gʼaˬ dm lmˇ pyeuꞈ-eu, shawˇ jehˆ ni gʼeh-eu saˬ paˇ neh guꞈ taˬ-euˬ pehˇ kʼahˬ pehˇ mahˇ, laꞈ di laꞈ deu, joꞈ paꞈ hawˇ-eu, uˬ dzahˬ heu deuˬ-ahˇ, aˬ yawꞈ ya dm ya gʼaˬ meh.

Uˬ duˬ 8:6

Moˇseˬ-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ mehˬ shi kuˇ doˆ-awˇ, iˇ cuꞈ dzuiꞈ shawˇ-eu zahˇ mˇ-awˬ lehˇ ehˇ nehˬ-euˬ meh.

Zaˬkaˬliˇ 13:1

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.

Bawˇtsahˬ 8:7

Aˬ yawꞈ maꞈ muiˬ laˇ shawˇ laˇ ni heu loꞈ-ehˇ jahˇ-awˬ. Bi muiˬ bi shawˇ laˇ-eu iˇ cuꞈ aˬ yawꞈ maꞈ-ahˇ byaˆ shehˬ nehˬ-awˇ, aˬ yawꞈ maꞈ-euˬ gʼawˇ mawˇ mawˇ lah-ehˇ caꞈ hm jehˆ dzeh-awˇ, mehˬ tsoeˬ lehˬ tsiˬ shawˇ-awˬ lehˇ ehˇ nehˬ-awˬ.

Maꞈtehˬ 3:11

Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya.

Luˇkaꞈ 1:1

Nga maꞈ jawˇ gaˇ pyeuꞈ dzeuˇ yaꞈ-euˬ gaˇ kawˆ deuˬ-ahˇ, tsawˇ haˬ gʼawˬ mya gʼaˬ kʼaˇ gʼeh nya-eu loꞈ-ehˇ sahˬ boꞈ boꞈ doˆ taˬ gʼaˬ-euˬ meh.

Yoˇhaˬ 3:5

Yeˬsuˇ ehˇ-eu, “Ngaˇ nawˬ-ahˇ maˇ jawˆ ni ehˇ-eu ma. Iˇ cuꞈ laꞈ kʼoeˇ hawˇ-eu Yaw sahˇ Miˬyehˇ laꞈ kʼoeˇ maˬ dehꞈ le-euˬ tsawˇ haˬ-aˬ, Miˬyehˇ Miˇ kʼahˬ laꞈ kʼoeˇ maˬ ya uˇ leˇ-a.

Yoˇhaˬ 8:9

Dawˬ kʼoeˇ dawˬ-ahˇ aˬ yawꞈ maꞈ ya gaˬ ngeh, aˇ kʼoꞈ kʼawˆ dzehˬ-eu deuˬ jeˬ huˬ huˬ-awˇ, tiˬ gʼaˬ saˇ-iˬ tiˬ gʼaˬ gʼoꞈ doˆ-iˇ jiˇ-euˬ meh. Yeˬsuˇ tiˬ gʼaˬ tehꞈ-ehˇ kʼoeˇ gaˇ jawˇ yaꞈ-awˇ, zaˬ miˬ zaˬ kʼoeˇ gʼaˬ kʼoeˇ gaˇ yawꞈ luꞈ-eu meh.

Gʼaˬkʼehˇ 22:16

Nymˬ-mˇ nyi naˬ nyi naˬ-ehˇ taˬ paˇ jawˇ. Tuˇ-awˇ iˇ cuꞈ shawˇ-awˇ, aˬ yawꞈ-ahˇ guiˬ lahˬ shaˇ-eu laꞈ kʼoeˇ nawˬ-euˬ iˬ baˇ tsiˬ shawˇ-awˬ.’

Gʼaˬkʼehˇ 8:21

Miˬyehˇ-euˬ mehˬ shi nawˬ-euˬ nui ma maˬ dawˇ-eu miˇ neh, nga maꞈ neh mˇ-euˬ gaˇ heu-ahˇ nawˇ maˬ taꞈ laˇ nya-a.

1 Gawˇliˬtu 6:11

Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

Eˇpeˇsu 3:12

Ka liˬ-euˬ laꞈ kʼoeˇ hawˇ-eu aˬ yawꞈ-ahˇ jah-eu laꞈ kʼoeˇ aˬ dui nui ma ziꞈ dah ni taˬ-awˇ, Miˬyehˇ jawˇ gaˇ kʼaˬ duˬ ni le uˇ peuˬ-eu ma.

Eˇpeˇsu 5:26

Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, Ka li zaˬ aˇ muˇ-ahˇ aˬ yawꞈ-euˬ dawˬ neh iˇ cuꞈ laꞈ kʼoeˇ tsiˬ shawˇ-awˇ, Miˬyehˇ-ahˇ a nehˬ-eu gʼaˇ duˬ pyeuꞈ-eu meh.

Eˇpeˇsu 6:5

Zaˬ kʼaˆ deuˬ-oˇ, miˇ tsaˬ zaˬ pyeuꞈ-eu naw maꞈ-euˬ baw leˬ deuˬ-ahˇ guˆ-awˇ yaw dzuˬ dzuˬ-eu laꞈ koeˇ, ehˇ dawˬ naˇ haˬ geuꞈ-awˬ. Ka li-euˬ gaˇ mˇ gaˇ duˇ ni, aˬ yawꞈ maꞈ kʼaˇ kʼehˇ-eu jeˬ-ahˇ mˇ-awˬ.

1 Tiˆmoˇseˬ 4:2

Mehˬ-eu tsoˆ-eu kʼoeˇ jeˬ-aˬ, miˬ dzaˬ doꞈ-eu shmˇ neh bi puiˆ sehꞈ-euˬ baˬ da neh siˬ nya-eu nui ma shiˇ-euˬ jaˬ myawꞈ mehˇ shuiˇ kʼoeˇ deuˬ neh mehˬ byah taˬ-euˬ meh.

Tiˇtuˆ 3:5

Aˬ dui-ahˇ ka kʼoꞈ nehˬ laꞈ-euˬ kʼoeˇ-aˬ, aˬ dui yaw muiˬ jeˬ mˇ-euˬ miˇ neh maˬ ngeuˇ-ehˇ, aˬ yawꞈ-euˬ gʼawˬ shaˬ gaˬ-eu jeˬ baˬ da neh Muiˬ-eu shawˇ-eu Yaw sahˇ-ahˇ gʼoe-awˇ ka kʼoꞈ nehˬ laꞈ-euˬ jeˬ pyeuꞈ-eu meh. Yaw sahˇ Miˬyehˇ aˬ dui-ahˇ yaw shuiꞈ bi dehꞈ paˇ laꞈ-awˇ, aˬ dui-euˬ iˬ baˇ tsiˬ shawˇ nehˬ laꞈ-eu laꞈ kʼoeˇ, dehꞈ-eu yaw shuiꞈ biꞈ laꞈ-euˬ meh.

HeˬByehˇ 10:1

Yuˇdaˆ tsawˇ haˬ-euˬ Zahˇ dawˬ kʼoꞈ dawˬ-aˬ, maˇ maˇ ni gʼeh-eu jeˬ maˬ ngeuˇ-a. Keuˆ le luꞈ-eu maˇ maˇ ni gʼeh-eu yaw muiˬ jeˬ-euˬ aˇ baˇ naˇ shmˇ loˆ ni tehꞈ meh. Tiˬ jawˇ-iˬ lawˇ gʼaˬ shehˇ gʼaˬ-euˬ maˬ baw ni, aˬ yawꞈ tiˬ jeˬ tehꞈ-ehˇ gʼawˬ mya kʼoꞈ gʼawˬ mya la ya lawˇ ya shehˇ poˆ-eu meh. Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ, kʼoeˇ loꞈ-ehˇ lawˇ poˆ shehˇ poˆ poˆ-eu laꞈ kʼoeˇ, Miˬyehˇ jawˇ gaˇ laˇ-eu tsawˇ haˬ deuˬ-ahˇ byah-eu tsawˇ haˬ aˬ joˆ-ehˇ bi pyeuꞈ laˇ nya nmˇ.

HeˬByehˇ 10:19

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Yeˬsuˇ shiˇ dah-euˬ baˬ da neh Muiˬ dui Shawˇ dui dui-eu Jawˇ duˬ laꞈ kʼoeˇ aˬ dui kʼaˬ duˬ ni uˇ leˇ nya laˇ-euˬ ma.

HeˬByehˇ 11:28

Baˬsaˬkaˬ Bawˬ-iˬ gʼeh-awˇ Iˇsaˬleˬlaˆ tsawˇ haˬ deuˬ-euˬ dehꞈ beh beh le-euˬ aˬ li deuˬ-ahˇ Shiˇ-eu jeˬ-euˬ Mˬ taˆ gʼaˬ kʼehˇ neh maˬ bi sehꞈ-eu gʼaˇ duˬ, aˬ yawꞈ dawˬ biꞈ-awˇ laˇ gʼoˆ-ahˇ shiˬ bi byaˆ shehˬ-euˬ kʼoeˇ-aˬ, jah-eu jeˬ baˬ da neh meh.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

HeˬByehˇ 6:11

Naw maꞈ neh noeˬ tmˬ taˬ-euˬ jeˬ keuˆ le ni, naw maꞈ yawˬ gʼaˬ na luꞈ aˇ saˬ saˬ ngeh keuˆ ni nui ma keuˆ gaˇ nga maꞈ geuꞈ mawꞈ dui dui-eu ma.

HeˬByehˇ 7:19

Aˬ jeˬ miˇ neh ehˇ naˇ, Moˇseˬ-ahˇ gʼoe-awˇ Miˬyehˇ neh biꞈ-euˬ Zahˇ dawˬ kʼoꞈ dawˬ kʼoeˇ-aˬ, tiˬ jeˬ-ahˇ-iˬ byah laˇ ni maˬ mˇ byah nehˬ nya-a. Nymˬ-mˇ-aˬ, aˬ dui-ahˇ Miˬyehˇ jawˇ paw bi peh dzehˬ laˇ-euˬ muiˬ dzehˬ-eu noeˬ tmˬ-eu jeˬ-ahˇ aˬ dui za-euˬ ma.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.

HeˬByehˇ 9:19

Aˇ dahˬ beh ngeh Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ zahˇ dawˬ kʼoꞈ dawˬ dawˬ tawˆ luꞈ, Iˇsaˬleˬlaˇ tsawˇ haˬ deuˬ-ahˇ Moˇseˬ ehˇ nehˬ-euˬ meh. Kʼoeˇ naˇ, mawˇ neˇ hawˇ-eu ciꞈ myehꞈ-euˬ shiˬ iˇ cuꞈ nehˬ-ehˇ keuˬ-awˇ, hiˇsoˆ baw nmˬ hawˇ-eu yawˇ caꞈ hm laˆ duiˆ-awˇ, Zahˇ dawˬ kʼoꞈ dawˬ hawˇ-eu Iˇsaˬleˬlaˇ tsawˇ haˬ dawˬ tawˆ luꞈ-ahˇ byaˆ shehˬ-euˬ meh.

Yaˬkoˆ 1:6

Ehˇ kʼawꞈ, naw maꞈ guiˬ lahˬ shaˇ ngeh maˬ jah coeˇ-eu nui ma maˬ bi ahˇ ni, jah-eu laꞈ kʼoeˇ shaˇ-awˬ. Maˬ jah coeˇ-eu tsawˇ haˬ-aˬ, jaˬ lehˇ kʼaˇ hehˇ-eu paw pyawˇ-iˇ-eu iˬ ma laˆ shaˆ iˇ luˆ dzeh gaˇ duˇ-eu meh.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.

1 Beˬtuˆluˆ 3:21

Iˇ cuꞈ-ahˇ bi buˬ-iˇ-euˬ gaˇ kawˆ kʼoeˇ-aˬ, nymˬ-mˇ naw maꞈ ka kʼoꞈ-eu jeˬ za nya ni iˇ cuꞈ shawˇ-euˬ gaˇ kawˆ-ahˇ taꞈ leˇ-eu meh. Iˇ cuꞈ shawˇ-eu kʼoeˇ-aˬ, gʼawˇ mawˇ yaw yehˆ dzuiꞈ shawˇ-eu jeˬ maˬ ngeuˇ-a. Siˬ nya-eu nui ma laꞈ kʼoeˇ Miˬyehˇ-ahˇ saˇ jaˇ dzaˬ-eu jeˬ pyeuꞈ-eu meh. Iˇ cuꞈ shawˇ-eu koeˇ-aˬ, Yeˬsuˇ Ka li-ahˇ Miˬyehˇ neh bi gʼoꞈ dehꞈ laˇ-euˬ gaˇ gʼoe-awˇ naw maꞈ-ahˇ ka kʼoꞈ-eu jeˬ pyeuꞈ-eu meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.