HeˬByehˇ 1:13 - Akha

¹³ ‘Nawˇ aˬ kuiˇ bi cawˬ daˆ-eu lehˇ, nawˬ-euˬ aˬ kuiˇ pehˬ zaˬ uˬ moˆ, muiˇ-eu deuˬ ngaˇ sheuˬ taˬ ngeh keuˆ, ngaˬ-euˬ aˇ maˇ paw nuiˇ-awˬ’lehˇ, mˬ taˆ gʼaˬ kʼehˇ tiˬ gʼaˬ-ahˇ-iˬ, Miˬ yehˇ ehˇ nehˬ-euˬ maˬ jaˆ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aerkhawf, Miqyaer, mqtav ghaqkhaer aqgeu ghaq-anr heulof-aer aernaeq haw-euq la? “Ngar, nawq-anr muir-eu deuq, Nawq-euq aqkuir cawqtaqduq maqbi pyeuflar-euq khoerkeuvni, Ngaq-euq armar paw nuir-awq.” (Jc 110:1)

HeˬByehˇ 1:13 ပူးပေါင်းရင်းမြစ်များ

Jaceuq 110:1

Ngaˬ-euˬ sahˬ paˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-ahˇ muiˇ-eu deuˬ-ahˇ nawˇ aˬ kuiˇ neh nawˬ tehˬ nya ni ngaˇ jahˇ gʼaˬ ngeh keuˆ ni, ngaˬ-euˬ aˇ maˇ paw nuiˇ tawˬ-awˬ.”

Jaceuq 132:18

Aˬ yawꞈ-ahˇ muiˇ-eu deuˬ-ahˇ ngaˇ daˬ bi ga-awˇ, aˬ yawꞈ-euˬ miˇ kʼahˬ bi baw bi za le ma.”

Maꞈtehˬ 22:44

‘Nawˬ-ahˇ muiˇ-eu tsawˇ haˬ deuˬ-ahˇ, nawˬ-euˬ aˬ kuiˇ pehˬ zaˬ uˬ moˆ, ngaˇ maˬ nyehꞈ uiˬ jiˇ kʼoeˇ keuˆ ni, ngaˬ-euˬ aˇ maˇ paw nuiˇ-awˬ lehˇ, Ngaˬ-euˬ Sahˬ paˬ kuˇ hawˇ kamˇ-ahˇ, Sahˬ paˬ Miˬyehˇ ehˇ nehˬ-euˬ meh.’

Maˬkuˆ 12:36

Daˬbiˇ-ahˇ Muiˬ-eu shawˇ-eu Yaw sahˇ Miˬyehˇ neh bi noeˬ doˆ-awˇ, heu loꞈ-ehˇ bi ehˇ-euˬ meh. ‘Nawˬ-ahˇ muiˇ-eu tsawˇ haˬ deuˬ-ahˇ, nawˬ-euˬ aˬ kuiˇ pehˬ zaˬ uˬ moˆ, ngaˇ maˬ nyehꞈ uiˬ jiˇ kʼoeˇ keuˆ ni, ngaˬ-euˬ aˇ maˇ paw nuiˇ-awˬ lehˇ, ngaˬ-euˬ Sahˬpaˬ kuˇ hawˇ kamˇ-ahˇ, SahˬpaˬMiˬyehˇ ehˇ nehˬ-euˬ meh.’

Luˇkaꞈ 19:27

Ngaˇ uˆ lahˇ-eu uˬ moˆ maˬ jawˇ mawꞈ-eu ngaˬ-ahˇ muiˇ-eu tsawˇ haˬ deuˬ-ahˇ-aˬ, heu gaˇ sheuˬ laꞈ-awˇ, ngaˬ-euˬ mehˬ shi sehꞈ dzeh-awˬ.”’

Luˇkaꞈ 20:42

Aˬ jeˬ miˇ neh ehˇ naˇ, Daˬbiˇ aˬ yawꞈ neh Ja ceuˬ-eu sahˬ boꞈ laꞈ kʼoeˇ heu loꞈ-ehˇ ehˇ taˬ-euˬ meh. ‘Nawˬ-ahˇ muiˇ-eu tsawˇ haˬ deuˬ-ahˇ, nawˬ-euˬ aˬ kuiˇ pehˬ zaˬ uˬ moˆ, ngaˇ maˬ nyehꞈ uiˬ jiˇ kʼoeˇ keuˆ ni, ngaˬ-euˬ aˇ maˇ paw nuiˇ-awˬ lehˇ, ngaˬ-euˬ sahˬ paˬ kuˇ hawˇ kamˇ-ahˇ SahˬpaˬMiˬyehˇ ehˇ nehˬ-euˬ meh.’

Gʼaˬkʼehˇ 7:55

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu Saˬteˬpaˬ-aˬ, mˬ-ahˇ gʼawˇ leuˇ haw ngeh, Miˬyehˇ-euˬ yaw shehꞈ kʼahˬ sehˇ-ahˇ maˬ ehˇ, Miˬyehˇ-euˬ aˇ maˇ paw Yeˬsuˇ yawꞈ luꞈ gaˇ maˬ ehˇ, ya mawˇ-euˬ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

Yawˇshuˆ 10:24

Sahˬ paˬ kʼoeˇ deuˬ-ahˇ Yawˇshuˆ jawˇ gaˇ sheuˬ keuˆ laꞈ ngeh, Iˇsaˬleˬlaˆ tsawˇ haˬ dawˬ tawˆ luꞈ-ahˇ aˬ yawꞈ kuˇ uiˬ-awˇ, aˬ yawꞈ nehˬ-ehˇ le-euˬ yaw huiˬ yaw mahˇ deuˬ-ahˇ, “Sahˬ paˬ teu deuˬ-euˬ kawˬ lahˇ-ahˇ aˬ kuiˇ neh nawˬ tehˬ-awˬ” lehˇ ehˇ nehˬ ngeh, aˬ yawꞈ maꞈ nawˬ tehˬ-euˬ meh.

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.