Hawˇseˬ 9:9 - Akha

⁹ Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Hawˇseˬ 9:9 ပူးပေါင်းရင်းမြစ်များ

Doˆ-iˇ 32:7

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Yaw kawˇ ma-ehˇ gʼoꞈ ka-iˇ-awˬ. Aˬ jeˬ miˇ neh ehˇ naˇ, Iˇjiˇtuˆ miˇ kʼahˬ laꞈ kʼoeˇ nawˬ neh sheuˬ doˆ laꞈ-euˬ tsawˇ haˬ deuˬ iˬ baˇ mˇ-awˇ ngaˬ-ahˇ puiˬ luꞈ meh.

Iˇsaˬyaˇ 24:5

Miˇ tsaˬ zaˬ deuˬ zahˇ dawˬ kʼoꞈ dawˬ-ahˇ byehˇ dzeh-awˇ, zahˇ sahˇ kʼoꞈ-ahˇ maˬ caw teh-ehˇ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-ahˇ puiˬ-euˬ miˇ neh, miˇ tsaˬ tahˬ kʼawˇ-ahˇ laˆ jawꞈ dui dui-euˬ meh.

Iˇsaˬyaˇ 31:6

Iˇsaˬleˬlaˆ tsawˇ haˬ deuˬ-oˇ, dzeuˇ laˇ ngeh naw maꞈ iˬ baˇ mˇ-awˇ ngaˬ-ahˇ puiˬ-eu kʼawꞈ, ngaˇ jawˇ gaˇ gʼoꞈ kʼoꞈ laˇ-awˬ.

Yeˬlaˬmiˇ 14:10

Tsawˇ haˬ heu deuˬ gaˇ kawˆ Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ mehˬ shi neh doˆ-iˇ-awˇ, doe doe-ehˇ cah mawꞈ-eu nui ma ahˇ-awˇ, yawˬ ha-euˬ nui kʼahˇ-ahˇ maˬ nyehꞈ tehˬ gʼaˬ coeˇ-eu miˇ neh, aˬ yawꞈ maꞈ-ahˇ ngaˇ nui ma maˬ tsaˬ nya. Aˬ yawꞈ maꞈ neh mˇ lehˬ-euˬ jeˬ-ahˇ ngaˇ maˬ ngehˇ-ehˇ aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ ma.”

Yeˬsaˬgeˬlaˇ 21:28

“Tsawˇ haˬ zaˬ-oˇ, ngaˬ-euˬ gʼaˇ duˬ ngehˬ dah-awˬ. Iˇsaˬleˬlaˆ tsawˇ jeuˬ-ahˇ ja bu ja doeˇ luꞈ-eu Aˬmoˬ tsawˇ jeuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. ‘Yaw cawˆ jeˬ-euˬ mi cehˇ lehˬ hmˬ taˬ meh. mˬ myawꞈ loꞈ-ehˇ naˇ guiˇ guiˇ ni, sehꞈ-eu gʼaˇ duˬ siˬ taˆ-euˬ meh.’

Hawˇseˬ 10:9

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Giˇbyaˬ meuˬ-ahˇ aˇ dahˬ beh-euˬ, iˬ baˇ mˇ-eu maˬ naˬ-aˬ siˬ. Kʼoeˇ baˬ da neh Giˇbyaˬ meuˬ-ahˇ, guiˇ deuˆ-eu jeˬ keuˆ le tehꞈ-a.

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Hawˇseˬ 7:2

Yaw haiˬ kʼaˇ mˇ dzeuˇ-euˬ dawˬ tawˆ, ngaˇ maˬ ngehˇ ni noeˬ taˬ meh lehˇ, aˬ yawꞈ maꞈ maˬ noeˬ mawˇ leˇ-a. Aˬ yawꞈ maꞈ neh mˇ-euˬ iˬ baˇ, aˬ yawꞈ maꞈ-euˬ tiˬ jawˬ byah-awˇ, maˬ mawˇ laˇ-ehˇ maˬ gʼeh nya-a.”

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Hawˇseˬ 9:8

Iˇsaˬleˬlaˆ-ahˇ mehˬ nehˬ-eu, Bawˇlawˇpeh bi geuꞈ-eu gʼaˇ duˬ, Miˬyehˇ ngaˬ-ahˇ pyehˬ leꞈ-euˬ meh. Ehˇ kʼawꞈ, ngaˇ kʼaˇ iˇ kʼaˇ laˇ gaˇ, aˇ jiˇ lahˇ ju kʼmˇ-eu loꞈ-ehˇ, naw maꞈ ngaˬ-ahˇ kʼmˇ luꞈ-eu meh. Miˬyehˇ-euˬ miˇ kʼahˬ-ahˇ jawˇ-eu. Miˬyehˇ-euˬ tsawˇ haˬ heu deuˬ-aˬ, Bawˇlawˇpeh-ahˇ muiˇ-eu deuˬ meh.

Zeˬpaˬniˇ 3:7

Ngaˬ-euˬ tsawˇ haˬ ngaˬ-ahˇ guˆ-awˇ, mehˬ nehˬ tsoˆ nehˬ gaˇ naˇ haˬ-awˇ, kʼaˇ mehˬ kʼaˇ tsoˆ dzeuˇ yaꞈ-euˬ jeˬ, maˬ ngehˇ leˇ-aˇ lehˇ noeˬ-euˬ kʼawꞈ, aˬ yawꞈ yaw oeˇ paˇ dehꞈ poˆ-awˇ, bahˬ-eu muˆ-eu jeˬ mˇ-eu meh.”

Yaˇ kʼaˬ daˇ 19:12

Aˬ yawꞈ ehˇ-eu, “Iˇsaˬleˬlaˆ tsawˇ haˬ deuˬ-euˬ meuˬ maˬ ngeuˇ gaˇ aˬ dui maˬ yaꞈ mawꞈ nya. Ui cuiˆ paˇ le leꞈ-awˇ, Giˇbyaˬ meuˬ-ahˇ maˬ ngeuˇ naˇ, Laˬmahˇ meuˬ-ahˇ yaꞈ leˇ ma.”

Yaˇ kʼaˬ daˇ 19:16

Aˬ yawꞈ maꞈ kʼoeˇ gaˇ nuiˇ luꞈ ngeh, aˬ bawˇ tsawˇ mawˬ tiˬ gʼaˬ deh yaˇ-ahˇ iˇ-euˬ gʼoꞈ keuˆ laˇ-euˬ meh. Aˬ yawꞈ-aˬ, Eˇpaˬleˬ miˇ kʼahˬ gawˬ jawˬ gawˬ duˇ paw neh pawˇ le-awˇ, Giˇbyaˬ meuˬ-ahˇ jawˇ le-euˬ tsawˇ haˬ pyeuꞈ-eu meh. (Kʼoeˇ gaˇ jawˇ luꞈ-eu tsawˇ haˬ deuˬ-aˬ, Beˬyaˬmiˬ tsawˇ jeuˬ tehꞈ meh.)

Yaˇ kʼaˬ daˇ 19:22

Aˬ yawꞈ maꞈ laˬ kʼaˬ tiˬ cehˇ jawˇ naˬ mˇ luꞈ ngeh, meuˬ kʼoeˇ meuˬ laꞈ kʼoeˇ jawˇ-eu haiˬ dui dui-eu tsawˇ haˬ tiˬ deuˬ nymˇ kʼoeˇ nymˇ-ahˇ loꞈ jawˬ laˇ-euˬ meh. Tsawˇ haˬ kʼoeˇ deuˬ laˇ gʼoˆ-ahˇ teˇ teˇ-ehˇ, “Nawˬ-eu nymˇ-ahˇ yaꞈ laˇ-euˬ tsawˇ haˬ kʼoeˇ gʼaˬ bi doˆ le-awˬ. Aˬ yawꞈ-ahˇ nga maꞈ kʼaˬ miˬ sheu taꞈ la” lehˇ, nymˇ sahˇ aˬ da aˬ bawˇ tsawˇ mawˬ kʼoeˇ gʼaˬ-ahˇ guˇ-euˬ meh.

Yaˇ kʼaˬ daˇ 20:43

Iˇsaˬleˬlaˆ tsawˇ haˬ deuˬ Beˬyaˬmiˬ tsawˇ haˬ deuˬ-ahˇ loꞈ kʼmˬ-awˇ, Giˇbyaˬ meuˬ-euˬ nahˇ ma doˆ kʼehˬ paw jaˆ-eu jawˇ duˬ-ahˇ keuˆ ni sehꞈ sehꞈ-ehˇ teh-euˬ meh.