Hawˇseˬ 9:6 - Akha

⁶ Luˬ-iˇ seˇ-iˇ-eu keuˆ le-awˇ, aˬ yawꞈ maꞈ ya cehˆ byaˆ jiˇ ngeh, Iˇjiˇtuˆ neh bi nyehꞈ uiˬ-awˇ, Mehˇpiˇ meuˬ-ahˇ baꞈ pahˬ tehꞈ-a. Aˬ yawꞈ maꞈ-euˬ pyuˇ pahˬ hawˇ-eu, aˬ yawꞈ maꞈ-euˬ nymˇ dzahˇ zaˇ-ahˇ, aˬ gah baw duˆ uˆ byoˆ tehꞈ-a.

Hawˇseˬ 9:6 ပူးပေါင်းရင်းမြစ်များ

2 Sahˬpaˬ 13:7

Yeˬhawˇhaˆ-euˬ guiˇ maꞈ laꞈ kʼoeˇ, mahˬ dziˬ-eu yehˇ ngaˬ tseˇ gʼaˬ, mahˬ laˆ lawˬ tseˇ laˇ hawˇ-eu, kuiˇ zoˬ cah-eu yehˇ tiˬ muiˇ gʼaˬ tehꞈ-ehˇ dzeˇ-eu meh. Aˬ jeˬ miˇ neh ehˇ naˇ, aˬ yawꞈ-euˬ guiˇ maꞈ kʼaˬ puiˬ kʼaˬ lehˇ loꞈ-ehˇ pyeuꞈ-iˇ gaˇ keuˆ ni Suˇliˆ sahˬ paˬ neh bi laˆ cawˆ nehˬ-euˬ meh.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Dawqdaq 24:31

Aˬ gah baw duˆ dehꞈ dehꞈ-ehˇ, yaˇ moꞈ uˆ tehˬ taˬ gaˇ ya mawˇ-euˬ ma. Yaˇ kmˇ gawˬ lahˇ taˬ-euˬ kʼaˬ lo deuˬ kʼawꞈ ga byaˆ jiˇ taˬ-euˬ meh.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 19:13

Zoˇnaˆ meuˬ-ahˇ aˬ yuiꞈ aˬ tsu geuꞈ luꞈ-eu deuˬ, tsawˇ uˬ uˬ jiˇ-awˇ, Mehˇpiˇ meuˬ-ahˇ uˆ lahˇ-eu deuˬ, mehˇ shuiˇ tawˆ leˇ-euˬ meh. Iˇjiˇtuˆ miˇ kʼahˬ-ahˇ sheuˬ gʼeh-eu aˬ yuiꞈ aˬ tsu deuˬ, gaˇ ma sheuˬ bahˬ-euˬ meh.

Iˇsaˬyaˇ 27:12

Aˇ nah kʼoeˇ nah keuˆ le ngeh jawˇ, cehˇ baw shawˇ doˆ geuꞈ-eu loꞈ-ehˇ, Uˇpaˬlaˇ lawˇ baˬ-ahˇ neh Iˇjiˇtuˆ miˇ kaˬ-ahˇ keuˆ ni, aˬ yawꞈ-euˬ tsawˇ haˬ tiˬ gʼaˬ saˇ-iˬ tiˬ gʼaˬ-ahˇ Sahˬpaˬ Miˬyehˇ poˆ kʼoꞈ uiˬ geuꞈ tehꞈ-a.

Iˇsaˬyaˇ 32:13

Ngaˬ-euˬ tsawˇ haˬ deuˬ-euˬ yaˇ kʼahˬ yaˇ lahˬ aˬ gah baw duˆ hawˇ-eu yaˇ moꞈ dehꞈ byah-euˬ meh. Laˬ kʼaˬ cehˇ-eu jeˬ byah-eu nymˇ kʼoeˇ deuˬ hawˇ-eu, dehꞈ bym dui dui-eu meuˬ gʼaˇ duˬ, noeˬ shaˬ-awˇ tsawˇ ngoeˇ ngoeˇ nehˬ-awˬ.

Iˇsaˬyaˇ 34:13

Sahˬ paˬ-euˬ nymˇ aˬ gah baw duˆ dehꞈ byah jiˇ-awˇ, meuˬ lahˇ baw-eu meuˬ deuˬ yaˇ moꞈ uˆ tehˬ jiˇ-awˇ, bawˇ tsahˬ aˬ kuiˬ hawˇ-eu dzeˇ ngawˇ deuˬ jawˇ byah jiˇ tehꞈ-a.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Iˇsaˬyaˇ 7:23

“Aˇ nah aˇ yamˬ kʼoeˇ yamˬ keuˆ le ngeh, aˬ gaꞈ baw duˆ tiˬ heˇ duˆ duˆ-awˇ, pyuˇ maˇ byaˆ tiˬ heˇ byaˆ poeˬ-eu aˬ gaꞈ yaˇ kmˇ dawˬ tawˆ luꞈ, aˬ gah baw duˆ yaˇ saˬ pyeuꞈ jiˇ tehꞈ-a.

Yeˬlaˬmiˇ 2:16

Iˇjiˇtuˆ miˇ kʼahˬ-ahˇ jaˆ-eu. Mehˇpiˇ meuˬ hawˇ-eu Taˬpaˬneˬ meuˬ-ahˇ jawˇ-eu deuˬ neh, aˬ yawꞈ-euˬ uˬ duˬ kʼmˬ kʼoˆ paˆ-euˬ meh.

Yeˬlaˬmiˇ 42:22

Kʼoeˇ miˇ neh, naw maꞈ heu loꞈ-ehˇ siˬ duˬ-awˬ. Naw maꞈ jawˇ-iˇ mawꞈ-eu miˇ kʼahˬ kʼoeˇ kʼahˬ laꞈ kʼoeˇ guiˇ deuˆ-eu baˬ da neh maˬ ehˇ, mehꞈ-eu shuꞈ-eu baˬ da neh maˬ ehˇ, naˇ gawˇ baˬ da neh maˬ ehˇ, naw maꞈ ya shiˇ tehꞈ-a lehˇ siˬ duˬ-awˬ.”

Yeˬlaˬmiˇ 44:1

Iˇjiˇtuˆ miˇ kʼahˬ laꞈ kʼoeˇ jaˆ-eu Miˇgaˬdawˇlaˆ meuˬ, Taˬpaˬneˬ meuˬ, Mehˇpiˇ meuˬ hawˇ-eu, Iˇjiˇtuˆ miˇ kʼahˬ laꞈ oˆ dzaˬ-ahˇ kʼaˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ-ahˇ taꞈ leˇ-awˇ, Sahˬpaˬ Miˬyehˇ-euˬ dawˬ ngaˇ jawˇ gaˇ keuˆ le-euˬ meh.

Yeˬlaˬmiˇ 44:12

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni dzeˇ yaꞈ-euˬ, Iˇjiˇtuˆ miˇ kʼahˬ-ahˇ jawˇ-iˇ ma lehˇ noeˬ tsehˆ taˬ-euˬ Yuˇdaˆ tsawˇ haˬ kʼoeˇ deuˬ dawˬ tawˆ luꞈ, ya luˬ ya seˇ-iˇ jiˇ tehꞈ-a. Aˬ yawꞈ maꞈ huiˬ zaˬ nyiˇ zaˬ dawˬ tawˆ luꞈ, Iˇjiˇtuˆ miˇ kʼahˬ laꞈ kʼoeˇ, guiˇ deuˆ-eu baˬ da neh maˬ ngeuˇ naˇ, mehꞈ-eu shuꞈ-eu baˬ da neh ya shiˇ jiˇ tehꞈ-a. Aˬ yawꞈ maꞈ kʼoeˇ taˆ guˆ dui dui laˇ paˬ-ehˇ gʼeh-eu jeˬ keuˆ le tehꞈ-a. Aˬ cawˬ tsawˇ jeuˬ aˬ yawꞈ maꞈ-ahˇ ja bu ja doeˇ-awˇ, aˬ yawꞈ maꞈ-euˬ tsawˇ myahˇ-ahˇ gʼoe gʼoe-ehˇ yaˬ kʼehˇ yaˬ tehꞈ-a.

Yeˬlaˬmiˇ 44:13

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ngaˬ neh kʼehˬ nehˬ gʼaˬ-euˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ jawˇ-eu tsawˇ haˬ deuˬ-ahˇ kʼawꞈ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ ngaˇ kʼehˬ nehˬ ma.

Yeˬlaˬmiˇ 46:14

“Iˇjiˇtuˆ miˇ kʼahˬ-ahˇ jaˆ-eu meuˬ deuˬ pyeuꞈ-eu, Miˇgaˬdawˇlaˆ, Meˬpiˇ hawˇ-eu, Taˬpaˬneˬ laꞈ kʼoeˇ, heu loꞈ-ehˇ ehˇ gaˬ-awˬ. ‘Yawˬ haˇ yawˬ ha deuˆ piˇ nya ni lehˬ hmˬ taˬ-awˬ. Naw maꞈ guiˇ deuˆ-awˇ ya shiˇ jiˇ tehꞈ-a.

Yeˬlaˬmiˇ 46:19

Iˇjiˇtuˆ tsawˇ haˬ-oˇ, bi paꞈ byoˆ gʼeh-eu gʼaˇ duˬ lehˬ hmˬ-awˬ. Meˬpiˇ meuˬ kʼaˇ shuiꞈ deh ga pyeuꞈ-iˇ-awˇ, tsawˇ haˬ maˬ jawˇ nya ni cawˆ-iˇ tehꞈ-a.

Yeˬsaˬgeˬlaˇ 30:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Tahˬ pahˬ aˬ ma mawˇ kawˇ hawˇ-eu, Mehˇpiˇ meuˬ-ahˇ jaˆ-eu mawˇ kawˇ, ngaˇ laˆ cawˆ byoˆ jiˇ-eu lehˇ ma. Iˇjiˇtuˆ sahˬ paˬ maˬ baw-ehˇ, miˇ kʼahˬ zaˬ deuˬ bi guˆ sehꞈ ma.

Yeˬsaˬgeˬlaˇ 30:16

Iˇjiˇtuˆ-ahˇ miˬ dzaˬ keuˬ ngeh, Peˬluˇsiˆ meuˬ ya gawˇ tehꞈ-a. Deˬbiˇ meuˬ lahˇ coˬ byaˆ dzeh-awˇ, meuˬ-ahˇ iˇ jeuˬ jeuˬ pymˬ tehꞈ-a.

Hawˇseˬ 10:8

Iˇsaˬleˬlaˆ uˬ duˬ tahˬ-euˬ, tahˬ pahˬ aˬ ma kʼoeˇ deuˬ jaˆ-eu, Aˬbehˇ meuˬ-euˬ gawˬ duˇ uˬ du, jaˆ-eu uˬ duˬ tahˬ nymˇ kʼoeˇ deuˬ, ya luˬ ya seˇ-iˇ jiˇ tehꞈ-a. Lawˇ duˬ kʼoeˇ deuˬ jaˆ-eu kʼoeˇ taˆ, aˬ gah baw duˆ uˆ byoˆ tehꞈ-a. “Nga maꞈ-ahˇ byaˆ tehˬ le-awˬ” lehˇ, gawˬ jawˬ-ahˇ aˬ yawꞈ maꞈ guˇ-awˇ, “Nga maꞈ-ahˇ pymˬ tehˬ le-awˬ” lehˇ, gawˬ duˇ-ahˇ yawꞈ maꞈ guˇ tehꞈ-a.

Hawˇseˬ 11:11

Iˇjiˇtuˆ miˇ kahˬ paw dzeˇ neh, aˇ jiˇ loꞈ-ehˇ zaw kʼoꞈ laꞈ-awˇ, Aˬshuˇliˆ miˇ kʼahˬ paw dzeˇ neh, kʼaˬ kʼoeˬ loꞈ-ehˇ gʼoꞈ le tehꞈ-a. Aˬ yawꞈ maꞈ-ahˇ iˇ kahˇ keuˆ ni, ngaˇ sheuˬ kʼoꞈ keuˆ nehˬ jiˇ ma” lehˇ, Sahˬpaˬ Miˬyehˇ ehˇ taˬ-euˬ meh.

Hawˇseˬ 2:6

Kʼoeˇ baˬ da neh, yawꞈ-euˬ gaˇ ma. Aˬ gah duˬ gahˬ ngaˇ sheu uiˬ-awˇ, yawꞈ iˇ gaˇ ma maˬ bi mawˇ ni, lahˇ goˇ gawˬ -awˇ ciˬ tsoeˬ nehˬ ma.

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.

Hawˇseˬ 7:13

“Ngaˬ-ahˇ byehˇ dzeh yaꞈ-euˬ miˇ neh, aˬ yawꞈ maꞈ ya noeˬ shaˬ luꞈ-uˇ. Ngaˬ-ahˇ muiˇ-awˇ puiˬ-euˬ miˇ neh, luˬ-iˇ seˇ-iˇ gaˇ keuˆ luꞈ-uˇ. Aˬ yawꞈ maꞈ-ahˇ ka kʼoꞈ mawꞈ kʼawꞈ, aˬ yawꞈ maꞈ uˬ duˬ tahˬ-eu-aˬ, ngaˬ-ahˇ mehˇ shuiˇ shuiˇ-eu tehꞈ meh.

Hawˇseˬ 7:16

Baˬlaˇ miˬ yehˇ jawˇ paw cehˆ-eu kaˆ kaˆ poˆ-euˬ laꞈ gʼahˬ loꞈ-ehˇ, saˇ jaˇ maˬ ziꞈ-eu tsawˇ haˬ meh. Aˬ yawꞈ maꞈ-euˬ aˬ yuiꞈ aˬ tsu, dawˬ kʼaˆ ngehˬ myaˬ-eu baˬ da neh, mi cehˇ kʼehˬ-ahˇ ya coˬ sehꞈ gaˇ, Iˇjiˇtuˆ tsawˇ haˬ uiˇ tehꞈ-a.”

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Hawˇseˬ 9:3

Sahˬpaˬ Miˬyehˇ-euˬ miˇ kʼahˬ-ahˇ, Iˇsaˬleˬlaˆ maˬ paˇ jawˇ ni, Iˇjiˇtuˆ-ahˇ gʼoꞈ-iˇ tehꞈ-a. Aˬshuˇliˆ miˇ kʼahˬ-ahˇ jawˇ-awˇ, maˬ shawˇ-eu dzaˇ ya dzaˬ tehꞈ-a.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Zeˬpaˬniˇ 1:11

Meuˬ laꞈ oˆ pyawˬ-ahˇjawˇ-eu deuˬ, teˇ saˇ kʼoeˇ deuˬ gaˬ doˆ laˇ ngeh, yaw kʼaˆ-ehˇ guˇ guˇ-ehˇ ngoeˇ-awˬ. Aˬ jeˬ miˇ neh ehˇ naˇ, baw gaꞈ deuˬ ya shiˇ jiˇ tehꞈ-a.

1 Saˬmeuˬlaˆ 13:6

Kʼoeˇ naˇ, kʼaˆ dui dui-eu guiˇ maꞈ pyehˬ gʼeh-awˇ, Iˇsaˬleˬlaˆ tsawˇ haˬ deuˬ-ahˇ teh byaˆ jiˇ-euˬ meh. Iˇsaˬleˬlaˆ tsawˇ haˬ tiˬ paˆ na deuˬ-aˬ, lo kʼahˬ lo byoe doe ni maˬ ehˇ, lo guˇ uˬ gʼmˬ-ahˇ maˬ ehˇ, lo guˇ kʼahˬ naꞈ kʼaˇ jaˆ gaˇ maˬ ehˇ, dzuˇ zaꞈ luꞈ-eu meh.