Hawˇseˬ 9:5 - Akha

⁵ Sahˬpaˬ Miˬyehˇ-ahˇ taˬ huiˬ-eu, bawˬ-iˬ gʼeh-eu aˇ yamˬ tsaˬ laˇ naˇ, aˬ yawꞈ maꞈ aˬ joˆ-ehˇ jahˇ nmˇ.

Hawˇseˬ 9:5 ပူးပေါင်းရင်းမြစ်များ

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Hawˇseˬ 2:11

Aˬ yawꞈ bawˬ-iˬ gʼeh-awˇ zahˇ tawˬ-eu, la shuiꞈ lah-awˇ, jawˇ nah tawˬ-eu, zahˇ sahˇ kʼoꞈ bawˬ-iˬ dawˬ tawˆ luꞈ-ahˇ, byoˆ-iˇ jiˇ ni ngaˇ jahˇ nehˬ ma.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.