Hawˇseˬ 9:12 - Akha

¹² Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Hawˇseˬ 9:12 ပူးပေါင်းရင်းမြစ်များ

2 Sahˬpaˬ 17:18

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ miˇ neh, maˬ mawˇ laˇ gaˇ teh dzeh nehˬ-awˇ, Yuˇdaˆ miˇ kʼahˬ tehꞈ-ehˇ bi dzeˇ yaꞈ-euˬ meh.

2 Sahˬpaˬ 17:23

Sahˬpaˬ Miˬyehˇ-euˬ zaˬ kʼaˆ deuˬ hawˇ-eu aˬ yawꞈ-euˬ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, Sahˬpaˬ Miˬyehˇ neh kʼaˇ ehˇ taˬ-euˬ loꞈ-ehˇ, Sahˬpaˬ Miˬyehˇ maˬ mawˇ gaˇ maˬ bi teh dzeh jiˇ kʼoeˇ keuˆ ni, aˬ yawꞈ maꞈ kʼoeˇ loꞈ-ehˇ iˬ baˇ mˇ-euˬ meh. Kʼoeˇ miˇ neh Iˇsaˬleˬlaˆ tsawˇ haˬ kʼoeˇ deuˬ Aˬshuˇliˆ miˇ kʼahˬ-ahˇ bi nyehꞈ byoˆ gʼeh-awˇ, kʼoeˇ gaˇ ya jawˇ byoˆ-euˬ meh.

Yawˇbaˆ 27:14

Aˬ yawꞈ maꞈ aˬ li gʼawˬ mya gʼaˬ jawˇ kʼawꞈ, guiˇ deuˆ gaˇ shiˇ jiˇ-awˇ, aˬ yawꞈ maꞈ-euˬ aˬ buˇ aˬ li deuˬ maˬ dzaˬ maˬ dawˇ dehˆ ni ya shaˬ tehꞈ-a.

Yeˬlaˬmiˇ 15:7

Miˇ kʼahˬ heu kʼahˬ-ahˇ kʼaˇ jaˆ-eu meuˬ deuˬ laꞈ kʼoeˇ, gʼo yoeˬ loꞈ-ehˇ jaˬ lehˇ baw gaˇ naw maꞈ-ahˇ ngaˇ dzeh diˇ-euˬ ma. Ngaˬ-euˬ tsawˇ haˬ deuˬ-oˇ, naw maꞈ yaw haiˬ jeˬ maˬ byehˇ-eu miˇ neh, naw maꞈ-ahˇ ngaˇ laˆ luˬ laˆ seˇ nehˬ-awˇ, naw maꞈ-euˬ zaˬ deuˬ-ahˇ ngaˇ sehꞈ-euˬ ma.

Yeˬlaˬmiˇ 6:8

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, shaˬ zahˬ heu naw maꞈ-ahˇ maˬ mehˬ paˇ nehˬ nya naˇ, naw maꞈ-ahˇ ngaˇ byehˇ dzeh yaꞈ-awˇ, naw maꞈ-euˬ meuˬ-ahˇ tsawˇ haˬ maˬ jawˇ ni, kʼaˇ shuiꞈ deh ga bi pyeuꞈ-iˇ ma.”

Ngoeˇ dawˬ 2:20

Sahˬpaˬ Miˬyehˇ-oˇ haw leꞈ sheˇ. Nawˬ neh kʼehˬ-euˬ tsawˇ haˬ deuˬ-ahˇ, haw gʼeh leꞈ-awˇ shaˇ noeˬ haw sheˇ. Yawˬ ha gaˬ-eu zaˬ-euˬ shaˬ jiˇ, aˬ ma deuˬ dzaˬ kʼmˬ tehꞈ-a loˇ. Piˇ ma hawˇ-eu bawˇ lawˇ peh deuˬ, Sahˬpaˬ Miˬyehˇ-euˬ nymˇ laꞈ kʼoeˇ, bi sehꞈ ahˇ taˬ-euˬ tsaˬ meh loˇ.

Ngoeˇ dawˬ 2:22

Bawˬ-iˬ gʼeh gaˇ kuˇ uiˬ-euˬ loꞈ-ehˇ, shaˬ zahˬ guˆ gaˆ ngaˬ-euˬ tiˬ jawˬ, nawˬ neh teh uiˬ jiˇ leꞈ-euˬ meh. Sahˬpaˬ Miˬyehˇ nui pehˇ aˇ nah, cehˆ dzeuˇ nya-eu gʼaˬ maˬ jawˇ-a. Ngaˇ gaˬ-awˇ bo saˆ huiˬ taˬ-euˬ, ngaˬ-euˬ aˬ buˇ aˬ li deuˬ-ahˇ, muiˇ-eu deuˬ neh sehꞈ jiˇ-euˬ meh.

Hawˇseˬ 7:13

“Ngaˬ-ahˇ byehˇ dzeh yaꞈ-euˬ miˇ neh, aˬ yawꞈ maꞈ ya noeˬ shaˬ luꞈ-uˇ. Ngaˬ-ahˇ muiˇ-awˇ puiˬ-euˬ miˇ neh, luˬ-iˇ seˇ-iˇ gaˇ keuˆ luꞈ-uˇ. Aˬ yawꞈ maꞈ-ahˇ ka kʼoꞈ mawꞈ kʼawꞈ, aˬ yawꞈ maꞈ uˬ duˬ tahˬ-eu-aˬ, ngaˬ-ahˇ mehˇ shuiˇ shuiˇ-eu tehꞈ meh.

Hawˇseˬ 9:13

Iˇsaˬleˬlaˆ-euˬ zaˬ deuˬ-ahˇ, shaˬ teh teh-awˇ sehꞈ-eu loꞈ-ehˇ, bi teh sehꞈ gaˇ ngaˇ mawˇ-euˬ ma.

Hawˇseˬ 9:16

Iˇsaˬleˬlaˆ tsawˇ haˬ deuˬ-aˬ, aˇ bawˇ duˬ ciˇ gui-iˇ jiˇ-awˇ, aˇ siˬ maˬ siˬ le-eu loꞈ-ehˇ, zaˬ maˬ jawˇ ni pyeuꞈ-iˇ tehꞈ-a. Tiˬ gʼaˬ na paˇ jawˇ le-euˬ kʼawꞈ, aˬ yawꞈ maꞈ gaˬ-eu zaˬ kʼoeˇ-ahˇ, maˬ bi dzeuˇ-iˇ ni ngaˇ sehꞈ ma.”

Maˬlaˬkiˇ 2:12

Kʼoeˇ loꞈ-ehˇ kʼaˇ mˇ-eu tsawˇ haˬ deuˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ laꞈ kʼoeˇ neh Sahˬpaˬ Miˬyehˇ teh dzeh-awˇ, aˬ dui-euˬ tsawˇ jeuˬ neh Baoˬ huiˬ-eu Sahˬpaˬ Miˬyehˇ-ahˇ lawˇ-eu shehˇ-eu jeˬ mˇ gaˇ maˬ bi uˇ laˇ ni bi shaˬ luꞈ-uˇ.

Bawˇtsahˬ 14:34

Naw maꞈ-euˬ iˬ baˇ baˬ da neh pyeuꞈ laˇ-euˬ jeˬ-ahˇ oeˬ tseˇ kʼoꞈ keuˆ ni naw maꞈ ya daˬ tehꞈ-a. Miˇ kʼahˬ kʼoeˇ kʼahˬ-ahˇ pyehˆ tseˇ haw leˇ-euˬ aˇ nah tiˬ nah dah zaˇ tiˬ kʼoꞈ naw maꞈ ya daˬ poˆ tehꞈ-a. Kʼoeˇ ngeh, naw maꞈ-ahˇ ngaˇ nui ma maˬ saˇ ngeh aˬ joˆ-ehˇ gʼeh-eu nya lehˇ naw maꞈ ya siˬ duˬ tehꞈ-a.

Bawˇtsahˬ 26:65

Aˬ yawꞈ maꞈ dawˬ tawˆ luꞈ bawˇ tsahˬ bawˇ dahˇ laꞈ kʼoeˇ ya shiˇ jiˇ meh lehˇ ehˇ taˬ-euˬ loꞈ-ehˇ, Yeˬpuˬnehˇ-euˬ aˬ li Gaˬlehˆ hawˇ-eu Nuˬ-euˬ aˬ li Yawˇshuˆ aˬ nyaꞈ maˬ ngeuˇ naˇ, tiˬ gʼaˬ-iˬ maˬ paˇ dehꞈ ni shiˇ dzeuˇ jiˇ-euˬ meh.

Dawˬmehˬ 28:18

“Nawˬ-euˬ zaˬ ui cuiˆ tehꞈ-ehˇ bi jawˇ le-eu laꞈ kʼoeˇ maˬ ehˇ, nawˬ-euˬ dzaˬ la gʼo cehˇ bi za cuiˆ le-eu laꞈ kʼoeˇ maˬ ehˇ, nawˬ-euˬ jeˬ zaˬ deuˬ bi teˬ le-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ nehˬ tehꞈ-a.

Dawˬmehˬ 28:32

Nawˬ-euˬ aˬ buˇ aˬ li deuˬ-ahˇ, boeˇ miˬ shiˬ kʼaˬ deuˬ-euˬ zaˬ kʼaˆ bi geuꞈ-eu gʼaˇ duˬ biꞈ nehˬ gaˇ, nawˇ haw haw-ehˇ ya jawˇ tehꞈ-a. Aˬ yawꞈ nah yawꞈ, myaˆ nui gʼah dui dui laˇ ngeh keuˆ ni, nawˬ buˇ nawˬ li gʼoꞈ laˇ-eu baw le lehˇ nawˇ loꞈ-awˇ haw haw-ehˇ jawˇ kʼawꞈ, tiˬ jawˇ-iˬ gʼoꞈ laˇ-eu ma baw-aˇ.

Dawˬmehˬ 31:17

Kʼoeˇ loꞈ-ehˇ pyeuꞈ laˇ ngeh, aˬ yawꞈ maꞈ-ahˇ ngaˇ nui ma pehˇ ma. A yawꞈ maꞈ-ahˇ ngaˇ byehˇ dzeh nehˬ-awˇ, aˬ yawꞈ maꞈ ya luˬ ya seˇ-iˇ tehꞈ-a. Guˆ laˇ paˬ-ehˇ gʼeh-eu luˬ-iˇ seˇ-iˇ-eu gʼawˬ mya jeˬ aˬ yawꞈ maꞈ kʼoeˇ taˆ keuˆ le tehꞈ-a. Kʼoeˇ ngeh, aˬ yawꞈ maꞈ-euˬ Miˬyehˇ pyeuꞈ-eu ngaˇ, aˬ yawꞈ maꞈ nehˬ-ehˇ maˬ paˇ jawˇ-eu miˇ neh kʼoeˇ loꞈ-ehˇ gʼeh-eu jeˬ keuˆ le-eu nga lehˇ, aˬ yawꞈ maꞈ ya siˬ duˬ tehꞈ-a.

Dawˬmehˬ 32:25

Pu ka mi cehˇ guiˇ mˇ le-awˇ, shaˆ shiˇ nymˇ-ahˇ uˇ keuˆ le-awˇ, zaˬ miˬ zaˬ yo deuˬ bi sehꞈ-awˇ, tsawˇ mawˬ zaˬ nahˬ maˬ bi dzeuˇ-iˇ.

Yaˇ kʼaˬ daˇ 4:16

Baˬyehˇ-aˬ, mahˬ laˆ lawˬ kʼoeˇ deuˬ hawˇ-eu yehˇ kʼoeˇ deuˬ-ahˇ, Gawˇiˆ miˇ kʼahˬ Haˬloˇshehˆ meuˬ-ahˇ keuˆ ni teh-awˇ, Siˇseˬlaˇ-euˬ guiˇ guiˇ maꞈ maꞈ lah-ehˇ, tiˬ gʼaˬ-iˬ maˬ law-iˇ ni bi sehꞈ jiˇ-euˬ meh.

1 Saˬmeuˬlaˆ 16:14

Sahˬpaˬ Miˬyehˇ-euˬ yaw sahˇ Sawˇ luˆ-ahˇ byehˇ dzeh yaꞈ-awˇ, Sahˬpaˬ Miˬyehˇ neh bi oe-euˬ haiˬ-eu yaw sahˇ aˬ yawꞈ-ahˇ laˆ suˬ saˬ-euˬ meh.