Hawˇseˬ 9:11 - Akha

¹¹ Iˇsaˬleˬlaˆ yaw shehꞈ kʼahˬ sehˇ, aˇ jiˇ loꞈ-ehˇ zaw byoˆ gʼeh-awˇ, zaˬ ciˬ zaˬ cu maˬ paˇ baw ni, maˬ baw aˬ ma pyeuꞈ jiˇ tehꞈ-a.

Hawˇseˬ 9:11 ပူးပေါင်းရင်းမြစ်များ

Aˇ dahˬ 41:52

Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

Aˇ dahˬ 49:22

Yoˇsehˆ-aˬ, lawˇ gawˆ gawˆ zaˬ dawˬ peh jawˇ-eu bawˇ tsahˬ mahˬ tahˬ laˆ hawˇ-eu, Gawˬ jawˬ baˬ gʼa-ahˇ jawˇ-eu bawˇ tsahˬ mahˬ mahˬ paˬ zaˬ-ahˇ duˇ-eu meh.

2 Saˬmeuˬlaˆ 6:23

Sawˇluˆ-euˬ aˬ buˇ Miˇkaˬlaˇ-aˬ, ziˇ jiˇ ngeh keuˆ ni zaˬ tiˬ gʼaˬ-iˬ maˬ jawˇ le-a.

Yawˇbaˆ 18:5

Haiˬ-eu tsawˇ haˬ-euˬ yaw shehꞈ miˆ-iˇ tehꞈ-a. Miˬ dzaˬ miˬ lmˇ maˬ paˇ doˆ laˇ-ehˇ pyeuꞈ-iˇ tehꞈ-a.

Jaceuq 58:8

Guiˇ byoˆ jiˇ-euˬ aˬ nyoˆ loꞈ-ehˇ pyeuꞈ-iˇ luꞈ-uˇ. Yaw shiˇ-ehˇ dehꞈ doˆ le-awˇ, yaw shehꞈ-ahˇ maˬ ya mawˇ-euˬ zaˬ nahˬ-ahˇ duˇ luꞈ-uˇ.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Iˇsaˬyaˇ 17:3

Iˇsaˬleˬlaˆ miˇ kʼahˬ-euˬ meuˬ deuˬ maˬ paˇ ziꞈ-ehˇ, Daˬmaˬsehˇ meuˬ dzoeˬ dzaˬ byoˆ le tehꞈ-a. Dzeuˇ-iˇ-euˬ Suˇliˆ tsawˇ haˬ deuˬ, Iˇsaˬleˬlaˆ tsawˇ jeuˬ loꞈ-ehˇ, nui ma shaˬ zahˬ ya mˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 10:5

Saˬmaˬliˆ meuˬ-ahˇ jawˇ-eu deuˬ, Beˬdeˬlaˇ meuˬ-ahˇ jaˆ luꞈ-eu, shuiˇ mawˇ neˇ mawˇ kawˇ byoˆ-euˬ gaˇ, guˆ dui dui-eu yaw dzuˬ dzuˬ meh. Mawˇ kawˇ kʼoeˇ-euˬ yaw shehꞈ kʼahˬ sehˇ, maˬ paˇ jaˆ-ehˇ pyeuꞈ-iˇ-euˬ gaˇ, kʼoeˇ gaˇ piˇ ma geuꞈ-eu deuˬ kʼawꞈ, miˇ kʼahˬ zaˬ nehˬ-ehˇ ngoeˇ tehꞈ-a.

Hawˇseˬ 4:7

“Piˇ ma ngehˬ myaˬ iˬ baˇ ngehˬ mˇ, aˬ yawꞈ maꞈ-euˬ yaw shehꞈ kʼahˬ sehˇ, daˬ ga jiˇ ni ngaˇ jahˇ nehˬ ma.

Hawˇseˬ 5:9

Kʼehˬ-eu kʼaˆ-eu aˇ nah keuˆ ngeh, Iˇsaˬleˬlaˆ ya cawˆ-iˇ meh. Iˇsaˬleˬlaˆ tsawˇ haˬ deuˬ-oˇ, ya cawˆ-iˇ-eu yaw duˬ baw meh.

Hawˇseˬ 9:14

Sahˬpaˬ Miˬyehˇ nawˇ mawꞈ-eu jeˬ, aˬ yawꞈ maꞈ-ahˇ nawˇ biꞈ nehˬ-awˬ. Maˬ baw aˬ ma bi pyeuꞈ jiˇ-awˇ, aˬ coeˇ gui jiˇ ni jahˇ nehˬ-awˬ.

Aˬmoˆ 1:13

Sahˬpaˬ Miˬyehˇ ehˇ-eu, “Aˬmoˬ tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ miˇ kʼahˬ bi jeˇ laˇ-eu lehˇ aˬ yawꞈ maꞈ guiˇ deuˆ ngeh, Giˇlaˆ miˇ kʼahˬ-ahˇ jawˇ-eu aˬ nyiˇ pi luꞈ-eu zaˬ miˬ zaˬ deuˬ-euˬ uˬ maˆ tsawˆ paˆ nehˬ-euˬ meh.

Luˇkaꞈ 23:29

Aˬ jeˬ miˇ neh ehˇ naˇ, ‘Maˬ baw aˬ ma hawˇ-eu aˬ nyiˇ maˬ pi haw-euˬ uˬ maˆ hawˇ-eu, zaˬ nahˬ neh tiˬ jawˇ-iˬ maˬ bi dawˇ haw-euˬ aˬ coeˇ deuˬ guiˬ lahˬ huiˬ-eu meh’ lehˇ ya ehˇ-eu aˇ nah keuˆ le luꞈ meh.

Dawˬmehˬ 28:18

“Nawˬ-euˬ zaˬ ui cuiˆ tehꞈ-ehˇ bi jawˇ le-eu laꞈ kʼoeˇ maˬ ehˇ, nawˬ-euˬ dzaˬ la gʼo cehˇ bi za cuiˆ le-eu laꞈ kʼoeˇ maˬ ehˇ, nawˬ-euˬ jeˬ zaˬ deuˬ bi teˬ le-eu laꞈ kʼoeˇ maˬ ehˇ, Sahˬpaˬ Miˬyehˇ nawˬ-ahˇ yaˬ kʼehˇ yaˬ nehˬ tehꞈ-a.

Dawˬmehˬ 33:17

Yoˇsehˆ mawˇ neˇ-euˬ gʼaˬ tsoꞈ-awˇ, nehꞈ nyoˬ uˬ coeˇ tsoꞈ gaˇ duˇ meh. Aˬ yawꞈ-euˬ uˬ coeˇ kʼoeˇ deuˬ-aˬ, Maˬnaˇseˬ-euˬ tiˬ heˇ hawˇ-eu, Eˇpaˬleˬ-euˬ tiˬ muiˇ coeˇ meh. Miˇ kʼahˬ tsawˇ jeuˬ dawˬ tawˆ luꞈ-ahˇ, uˬ coeˇ kʼoeˇ neh aˬ yawꞈ tahˬ-awˇ, mˬ dzeˇ miˇ dzeˇ teh dzeh-eu meh.”