Hawˇseˬ 8:9 - Akha

⁹ Bawˇ tsahˬ mahˬ tahˬ laˆ-ahˇ duˇ-eu, nui ma gʼahˇ-eu Iˇsaˬleˬlaˆ, Aˬshuˇliˆ miˇ kʼahˬ-ahˇ le-awˇ, caw ba laꞈ lehˇ shaˇ leˇ-euˬ meh. Aˬ cawˬ-ahˇ pyuˇ shuiˇ tawˆ nehˬ-awˇ, yawˬ ha-ahˇ bi haw piˇ-euˬ meh.

Hawˇseˬ 8:9 ပူးပေါင်းရင်းမြစ်များ

2 Sahˬpaˬ 15:19

Aˬshuˇliˆ sahˬ paˬ Tiˇgaˬlaˇpaˬleˬsaˬ gʼaˬ Iˇsaˬleˬlaˆ miˇ kʼahˬ-ahˇ guiˇ deuˆ le-awˇ, Meˬnaˇheˬ gʼaˬ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ ya uˆ lahˇ ni, sahˬ paˬ kʼoeˇ gʼaˬ-ahˇ pyuˇ nyiˬ muiˇ oeˬ yaˇ jawꞈ-i biꞈ-euˬ meh.

Iˇsaˬyaˇ 30:2

Ngaˬ-ahˇ tiˬ dawˬ maˬ naˇ haˬ ni, Iˇjiˇtuˆ miˇ kʼahˬ-ahˇ laꞈ jeuˬ shaˇ-awˇ, Iˇjiˇtuˆ sahˬ paˬ-ahˇ jah-eu laꞈ kʼoeˇ, Iˇjiˇtuˆ tsawˇ jeuˬ-ahˇ tahˬ shaˇ-euˬ meh.

Iˇsaˬyaˇ 30:6

Heu-aˬ, laꞈ oˆ paw kʼaˇ shuiꞈ deh yaˇ-ahˇ jawˇ-eu, jeˬ zaˬ deuˬ-ahˇ taꞈ-eu Miˬyehˇ-euˬ dawˬ meh. “Aˇ laˬ jaˬ shiˇ hawˇ-eu doꞈ kʼaˆ-eu aˇ lawˇ deuˬ jawˇ duˬ, zaw nya-eu byaˆ yahˬ deuˬ gaˆ dzaˬ luꞈ-eu guˆ laˇ paˬ-ehˇ gʼeh-eu jawˇ duˬ tiˬ tsahˇ-ahˇ, miˇ kʼahˬ tsawˇ kaˬ geuꞈ-eu deuˬ cah tsehˆ luꞈ-eu meh. Aˬ yawꞈ maꞈ-ahˇ ngehˬ maˬ gʼeh nehˬ nya-eu tsawˇ jeuˬ gʼaˇ duˬ, aˇ poeˬ kʼaˆ dui dui-eu laꞈ sawˬ deuˬ-ahˇ, mahˬ tahˬ laˆ neh tawˬ-awˇ cah luꞈ-eu meh.

Yeˬlaˬmiˇ 2:24

Kʼaˇ shuiꞈ deh ga doe ni cehˆ-awˇ mahˬ zaˬ shaˇ-eu, mahˬ mahˬ ma-ahˇ aˬ suˇ gʼaˬ nyehꞈ tehˬ taˬ nya ta. Zaˬ caw mawꞈ-eu mahˬ paˬ deuˬ aˬ yawꞈ-ahˇ maˬ ya teh-a. Kʼaˇ caw mawꞈ gaˇ caw nya-eu meh.

Hawˇseˬ 12:1

Iˇsaˬleˬlaˆ tsawˇ haˬ deuˬ neh, mˬ tiˬ ciꞈ mˇ-euˬ shaˇ-euˬ jeˬ, yaw muiˬ maˬ jaˆ yaw cawˆ tehꞈ meh. Yaw lehˬ hawˇ-eu yaw ca mˇ-eu, myaˬ laˇ kʼaˆ laˇ tehˇ tehˬ-eu meh. Aˬshuˇliˆ-ahˇ saˇ jaˇ dzaˬ-awˇ, Iˇjiˇtuˆ-ahˇ gaꞈ taꞈ-eu meh.”

Hawˇseˬ 12:2

Yuˇdaˆ tsawˇ haˬ deuˬ-euˬ yaw ca, Sahˬpaˬ Miˬyehˇ ja-eu jaˆ meh. Iˇsaˬleˬlaˆ deuˬ-euˬ yaw lehˬ, Sahˬpaˬ Miˬyehˇ kʼehˬ-eu jaˆ meh. Aˬ yawꞈ maꞈ-ahˇ geuˇ-eu loꞈ-ehˇ, kʼehˬ-eu kʼaˆ-eu ya daˬ tehꞈ-a.

Hawˇseˬ 2:10

Yawꞈ-euˬ zaˬ kʼaˬ deuˬ-euˬ mehˬ shi, yawꞈ-ahˇ neˇ myawˆ ni lehˆ dzeh-awˇ, ngaˬ-euˬ baoˬ uˬ moˆ bi shaˬ ngeh, ka kʼoꞈ nehˬ-eu gʼaˬ maˬ jawˇ-aˇ.

Hawˇseˬ 5:13

“Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Hawˇseˬ 7:11

Iˇsaˬleˬlaˆ-euˬ bawˬ toˆ-aˬ, kʼaˬ kʼoeˬ dawˇ ga tiˬ mawˇ loꞈ-ehˇ, Iˇjiˇtuˆ-ahˇ tahˬ shaˇ-iˇ haw, Aˬshuˇliˆ-ahˇ cehˆ keuˆ leˇ haw, tsawˬ toeˬ tsawˬ daˆ-ehˇ shaˬ luꞈ meh.