Hawˇseˬ 8:7 - Akha

⁷ Jaˬ lehˇ aˇ yoeˬ sehˬ-euˬ miˇ neh, jaˬ lehˇ lehˇ ma ya yehˬ tehꞈ-a. Cehˇ nmˇ maˬ myah laˇ-euˬ cehˇ yaˇ, hawˬ mˇ saꞈ-awˇ maˬ dzaˬ nya-a. Paˇ mˇ saꞈ dzaˬ nya law hawˇ kʼawꞈ, aˬ cawˬ tsawˇ jeuˬ dzaˬ jiˇ tehꞈ-a.

Hawˇseˬ 8:7 ပူးပေါင်းရင်းမြစ်များ

Aˇ dahˬ 41:23

Kʼoeˇ naˇ, kʼaˇ shuiꞈ deh paw neh baw gʼeh leꞈ-euˬ lahˇ dui dui-eu jaˬ lehˇ baˬ da neh maˬ maˇ leˇ nya-eu cehˇ cehˇ kʼawꞈ shiꞈ nmˇ-ahˇ ngaˇ paˇ ya mawˇ-euˬ ma.

2 Sahˬpaˬ 15:19

Aˬshuˇliˆ sahˬ paˬ Tiˇgaˬlaˇpaˬleˬsaˬ gʼaˬ Iˇsaˬleˬlaˆ miˇ kʼahˬ-ahˇ guiˇ deuˆ le-awˇ, Meˬnaˇheˬ gʼaˬ Iˇsaˬleˬlaˆ miˇ kʼahˬ-ahˇ sahˬ paˬ geuꞈ-awˇ ya uˆ lahˇ ni, sahˬ paˬ kʼoeˇ gʼaˬ-ahˇ pyuˇ nyiˬ muiˇ oeˬ yaˇ jawꞈ-i biꞈ-euˬ meh.

2 Sahˬpaˬ 15:29

Peˬkah sahˬ paˬ geuꞈ-awˇ uˆ lahˇ-euˬ aˇ nah aˇ yamˬ laꞈ kʼoeˇ, Iˇyaˬ meuˬ, AˬbeˬlaˇBehˬmaˬkaˬhaˬ meuˬ, Yaˬnoˇaˬ meuˬ, Geˬdeˬshaˆ meuˬ, Haˬzoˬ meuˬ hawˇ-eu, Giˇlaˆ miˇ kʼahˬ, Naˬtaˬliˇ miˇ kʼahˬ heu deuˬ-ahˇ, Aˬshuˇliˆ sahˬ paˬ Tiˇgaˬlaˇpaˬleˬsaˬ neh deuˆ geuꞈ-awˇ, Aˬshuˇliˆ miˇ kʼahˬ-ahˇ tsawˇ haˬ nyehꞈ daˆ gʼeh-euˬ meh.

Yawˇbaˆ 4:8

Tsawˇ haˬ zaˬ maˬ muiˬ maˬ jaˬ-eu deh ma tsehˬ-awˇ, haiˬ-eu siˬ yoeˬ sehˬ-eu laꞈ kʼoeˇ, yaw haiˬ jeˬ hawˇ-eu maˬ muiˬ maˬ jaˬ-eu aˇ nuiˆ deuˬ aˬ yawꞈ maꞈ yehˬ uiˬ diˬ uiˬ luꞈ meh.

Dawqdaq 22:8

Maˬ tsaˬ maˬ dawˇ-eu siˬ yoeˬ sehˬ naˇ, shaˬ zahˬ dehꞈ doˆ laˇ-awˇ, aˬ cawˬ kʼoeˇ taˆ maˬ kʼaˆ dzaˬ nya ni pyeuꞈ laˇ tehꞈ-a.

Dawˬ tsoˆ 5:16

Heu-aˬ, nui ma cawˆ dui dui laˇ paˬ-ehˇ gʼeh-eu meh. Aˬ dui kʼaˇ dehꞈ doˆ le-euˬ loꞈ-ehˇ neˇ myawˆ ni ya gʼoꞈ leˇ-awˇ, aˬ dui neh mˇ-euˬ shaˇ-euˬ aˬ jeˬ guiˬ lahˬ baw ta. Jaˬ lehˇ mehˬ nah teh-eu loꞈ-ehˇ tehꞈ meh.

Iˇsaˬyaˇ 17:11

ka ngeh nah neh mehˇ laˇ-awˇ, aˇ yoeˬ sehˬ ngeh shawˬ neh aˇ yehˆ yehˆ kʼawꞈ, yehˬ dzaˬ diˬ dzaˬ-eu maˬ oꞈ-ehˇ, tiˬ jawˇ-iˬ maˬ ngehˇ leˇ coeˇ ni ya noeˬ shaˬ tehꞈ-a.

Iˇsaˬyaˇ 55:2

Dzaˬ-eu jeˬ maˬ ngeuˇ-eu gʼaˇ duˬ, aˬ jeˬ miˇ neh pyuˇ zmˬ dzeh te. Uˬ maˆ maˬ dehˆ-eu jeˬ gʼaˇ duˬ, aˬ jeˬ miˇ neh gʼaˬ gaˇ poeˬ zmˬ dzeh te. Ngaˬ-euˬ dawˬ-ahˇ naˇ haˬ geuꞈ-awˇ, gaˇ dahˇ tsoeˬ-eu jeˬ-ahˇ dzaˬ-awˬ. Kuiˇ-eu dzaˇ muiˬ naw maꞈ dzaˬ ngeh, naw maꞈ nui ma tmˬ jawˆ ni jaˆ tehꞈ-a.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Ngoeˇ dawˬ 5:2

Nga maꞈ za taˬ-euˬ jeˬ biˇ deuˬ, aˬ cawˬ tsawˇ jeuˬ yuˇ geuꞈ jiˇ-awˇ, nga maꞈ neh tsoˆ-euˬ nymˇ laꞈ kʼoeˇ, boeˇ miˬ siˬ kʼaˬ deuˬ jawˇ luꞈ meh.

Hawˇseˬ 2:9

Kʼoeˇ baˬ da neh, yamˬ law tsaˬ ngeh, ngaˬ-euˬ cehˇ ngaˇ yuˇ kʼoꞈ jiˇ-awˇ, aˬ gaꞈ dzaˇ uiˇ yuˇ kʼoꞈ jiˇ ma. Aˬ yawꞈ gʼawˇ mawˇ bi dm gʼoeˬ-euˬ, yawˇ caꞈ hm hawˇ-eu saˬ paˇ deuˬ, ngaˇ yuˇ kʼoꞈ jiˇ-awˇ bi shaˬ ma.

Hawˇseˬ 7:9

Aˬ cawˬ-ahˇ gʼoe-eu baˬ da neh, yawˬ ha-euˬ gʼaˬ-ahˇ teuꞈ laˇ-eu, aˬ yawꞈ maꞈ-ahˇ maˬ siˬ leˇ-a. Aˬ yawꞈ maꞈ-euˬ aˇ nah aˇ yamˬ, gʼawˬ myahˇ maˬ jaˆ ehˇ pyeuꞈ laˇ-euˬ, aˬ yawꞈ maꞈ maˬ noeˬ mawˇ nya-a.

Hawˇseˬ 9:16

Iˇsaˬleˬlaˆ tsawˇ haˬ deuˬ-aˬ, aˇ bawˇ duˬ ciˇ gui-iˇ jiˇ-awˇ, aˇ siˬ maˬ siˬ le-eu loꞈ-ehˇ, zaˬ maˬ jawˇ ni pyeuꞈ-iˇ tehꞈ-a. Tiˬ gʼaˬ na paˇ jawˇ le-euˬ kʼawꞈ, aˬ yawꞈ maꞈ gaˬ-eu zaˬ kʼoeˇ-ahˇ, maˬ bi dzeuˇ-iˇ ni ngaˇ sehꞈ ma.”

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Haˬgaiˇ 1:6

Naw maꞈ cehˇ ka myaˬ-euˬ kʼawꞈ, ui cuiˆ maˬ ngeuˇ naˇ maˬ ya yehˬ-a. Naw maꞈ dzaˬ ngeh maˬ dehˆ-ehˇ, dawˇ ngeh maˬ tmˬ-eu uˬ taꞈ, dm ngeh maˬ lmˇ-a. Naw maꞈ jeˬ gʼaˬ pyuˇ shuiˇ poˆ za kʼawꞈ, pyuˇ pawˬ behˆ yaw pehꞈ-ahˇ dawˆ ahˇ gaˇ duˇ meh.

Gaˬlaˬtiˆ 6:7

Naw maꞈ taˬ noeˬ lehˬ. Tsawˇ haˬ tiˬ gʼaˬ-iˬ Miˬyehˇ-ahˇ maˬ myawꞈ dzeuˇ nya-a. Yawˬ ha neh kʼaˇ sehˬ-euˬ jeˬ yawˬ ha ya yehˬ-eu meh.

Gaˬlaˬtiˆ 6:8

Shiˬ shaˬ jiˇ nui kʼahˇ-ahˇ taꞈ-eu siˬ yoeˬ sehˬ naˇ, shiˇ-eu jeˬ ya yehˬ tehꞈ-a. Yaw sahˇ Miˬyehˇ-ahˇ taꞈ-eu siˬ yoeˬ sehˬ naˇ, mˬ maˬ maˬ byaˆ zaˇ ziˇ dehꞈ-eu jeˬ ya yehˬ tehꞈ-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.