Hawˇseˬ 8:12 - Akha

¹² Zahˇ dawˬ kʼoꞈ dawˬ aˇ muiˇ aˇ seh, aˬ yawꞈ maꞈ-ahˇ boꞈ mehˬ nehˬ kʼawꞈ, maˬ gaˬ maˬ mawˇ haw-euˬ loꞈ-ehˇ, myaˆ haw maˬ cawˬ ni byehˇ tehꞈ-a.

Hawˇseˬ 8:12 ပူးပေါင်းရင်းမြစ်များ

Neˬhaˬmiˇ 9:26

Ehˇ kʼawꞈ, nawˬ-euˬ tsawˇ jeuˬ nawˬ-ahˇ puiˬ-awˇ, nawˬ-euˬ ehˇ dawˬ maˬ naˇ haˬ-ehˇ, nawˬ-euˬ zahˇ dawˬ kʼoꞈ dawˬ-ahˇ byehˇ dzeh-awˇ, naˇ kʼah ciˬ pyawˇ-awˇ cah-euˬ meh. Nawˇ jawˇ paw gʼoꞈ leˇ-eu gaˇ kawˆ mehˬ-eu, nawˬ-euˬ gʼaˇ duˬ ngehˬ dah nehˬ-eu deuˬ-ahˇ, aˬ yawꞈ maꞈ sehꞈ dzeh-awˇ, nawˬ-ahˇ gʼawˬ mya poˆ ngehˬ bahˬ tmˇ bahˬ-euˬ meh.

Jaceuq 119:18

Nawˬ-euˬ zahˇ dawˬ kʼoꞈ dawˬ laꞈ kʼoeˇ ahˇ-eu zahˬ leˇ paˬ-ehˇ gʼeh-eu yaw tsaˬ yaw dawˇ jeˬ mawˇ nya ni, ngaˬ-euˬ myaˆ nuiˆ-ahˇ pah nehˬ laꞈ.

Jaceuq 50:17

Ngaˬ neh mehˬ nehˬ tsoˆ nehˬ-euˬ jeˬ-ahˇ naw maꞈ maˬ naˇ haˬ geuꞈ-ehˇ, ngaˬ-euˬ zahˇ sahˇ kʼoꞈ-ahˇ naw maꞈ bye-eu meh.

Dawqdaq 22:20

Nawˬ-euˬ gʼaˇ duˬ dawˬ daˬ smˬ tseˇ dawˬ ngaˇ boꞈ taˬ-euˬ ma. Dawˬ heu deuˬ laꞈ kʼoeˇ zaˬ siˬ tsawˇ gahˇ hawˇ-eu muiˬ dui dui-eu dawˬ mehˬ dawˬ tsoˆ deuˬ ahˇ-eu meh. Yaw tsaˬ yaw dawˇ jeˬ ehˇ-eu aˬ jeˬ-a lehˇ,

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Yeˬsaˬgeˬlaˇ 20:11

Aˬ yawꞈ maꞈ-ahˇ ngaˬ-euˬ dawˬ biꞈ-awˇ, ngaˬ-euˬ zahˇ dawˬ kʼoꞈ dawˬ mehˬ nehˬ tsoˆ nehˬ-euˬ ma. Ngaˬ-euˬ zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ yaw dehꞈ ya dehꞈ-eu meh.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Lormav 3:1

Yuˇdaˆ tsawˇ haˬ deuˬ-aˬ, Yuˇdaˆ tsawˇ haˬ maˬ ngeuˇ-eu deuˬ naˆ maˬ tseˇ huiˬ dzehˬ mahˇ dzehˬ ta loˇ. Baˆ kʼoˆ mehˬ dzaˬ yehˬ-euˬ-aˬ, guiˬ lahˬ baw dzehˬ ta loˇ.

Lormav 7:12

Kʼoeˇ miˇ neh, Zahˇ dawˬ kʼoꞈ dawˬ-aˬ yaw muiˬ yaw shawˇ meh. Yawˬ dawˬ na luꞈ yaw shawˇ meh. Yaw dawˇ meh. Yaw muiˬ meh.