Hawˇseˬ 7:7 - Akha

⁷ “Yawꞈ maꞈ nui pehˇ lahˇ dui dui-awˇ, sahˬ paˬ sahˬ ma-ahˇ sehꞈ-euˬ meh. Sahˬ paˬ tiˬ gʼaˬ saˇ-iˬ tiˬ gʼaˬ, sehꞈ byoˆ sehꞈ laˆ jiˇ nehˬ-euˬ kʼawꞈ, caw ba laꞈ lehˇ ngaˬ-ahˇ shaˇ-eu, tsawˇ haˬ tiˬ gʼaˬ-iˬ maˬ jawˇ-a.”

Hawˇseˬ 7:7 ပူးပေါင်းရင်းမြစ်များ

1 Sahˬpaˬ 15:28

Yuˇdaˆ sahˬ paˬ Aˬsaˬ uˆ lahˇ-eu smˇ kʼoꞈ tiˬ kʼoꞈ-ahˇ, kʼoeˇ loꞈ-ehˇ pyeuꞈ laˇ-euˬ meh. Kʼoeˇ naˇ, Naˬdehˇ-euˬ dah zaˇ, Bawˬshaˬ gʼaˬ Iˇsaˬleˬlaˆ miˇ kʼahˬ-euˬ sahˬ paˬ geuꞈ-euˬ meh.

1 Sahˬpaˬ 16:18

Teuˇzaˬ meuˬ aˬ yawꞈ maꞈ-euˬ laꞈ-ahˇ ahˇ leˇ-euˬ gaˇ Zmˇliˬ ya mawˇ ngeh, sahˬ paˬ-euˬ hawˇ nymˇ laꞈ kʼoeˇ lawˆ-ahˇ le uˇ-awˇ, sahˬ paˬ-euˬ hawˇ nymˇ-ahˇ miˬ dzaˬ keuˬ-awˇ, yawˬ haˇ yawˬ ha miˬ dzaˬ dzah puiˆ sehꞈ-euˬ meh.

1 Sahˬpaˬ 16:22

Aˇ saˬ saˬ laˇ ngeh, Awˇmaˬliˇ-ahˇ nui ma tsaˬ-euˬ deuˬ neh gʼaˬ leˇ-euˬ meh. Tiˇbaˬniˇ shiˇ-awˇ, Awˇmaˬliˇ sahˬ paˬ pyeuꞈ laˇ-euˬ meh.

2 Sahˬpaˬ 10:14

“Tsawˇ haˬ heu deuˬ-ahˇ yaw dehꞈ-ehˇ nyehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ Yeˬhuˇ dawˬ biꞈ ngeh, aˬ yawꞈ maꞈ-ahˇ yaw dehꞈ-ehˇ nyehꞈ jiˇ-euˬ meh. Kʼoeˇ naˇ, kʼoeˇ gaˇ jaˆ-eu duˬ kʼahˬ tiˬ kʼahˬ-ahˇ nyehꞈ ahˇ yaꞈ-awˇ, kʼoeˇ gaˇ bi jawˇ sehꞈ-euˬ meh. Dawˬ tawˆ luꞈ oeˬ tseˇ nyiꞈ gʼaˬ byah-awˇ, tiˬ gʼaˬ-iˬ maˬ dzeuˇ-iˇ ni shiˇ jiˇ-euˬ meh.

2 Sahˬpaˬ 10:7

Yeˬhuˇ-euˬ sahˬ boꞈ-ahˇ ya mawˇ ngeh, aˬ yuiꞈ aˬ tsu kʼoeˇ deuˬ Aˬhaˆ-euˬ zaˬ deuˬ uˆ deuˬ pyeuꞈ-eu kʼoeˇ shiꞈ tseˇ gʼaˬ-ahˇ sehꞈ-awˇ, uˬ duˬ kʼoeˇ deuˬ kʼaˆ kaˇ laꞈ kʼoeˇ shaˇ dawˆ-awˇ, Yeˬzaˬleˬlaˇ meuˬ-ahˇ Yeˬhuˇ jawˇ gaˇ bi sha ha leˇ-euˬ meh.

2 Sahˬpaˬ 15:10

Jaˬbehˆ-euˬ aˬ li Shaˬlmˬ aˬ yawꞈ-ahˇ puiˬ-awˇ, Iˇbaˬleˬ meuˬ laꞈ kʼoeˇ aˬ yawꞈ-ahˇ sehꞈ-awˇ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 15:14

Gaˬdiˬ-euˬ aˬ li Meˬnaˇheˬ-aˬ, Teuˇzaˬ meuˬ-ahˇ neh Saˬmaˬliˆ meuˬ-ahˇ le-awˇ, Shaˬlmˬ-ahˇ sehꞈ-awˇ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 15:25

Peˬkaˬhiˇ-euˬ guiˇ maꞈ-ahˇ uˆ lahˇ-eu yaw huiˬ yaw mahˇ tiˬ gʼaˬ pyeuꞈ-eu Peˬkah lehˇ myahˇ-euˬ Leˬmaˬliˇ-euˬ aˬ li-aˬ, Giˇlaˆ miˇ kʼahˬ-ahˇ jawˇ-eu tsawˇ haˬ ngaˬ tseˇ gʼaˬ sheuˬ-awˇ, Saˬmaˬliˆ meuˬ sahˬ paˬ-euˬ hawˇ nymˇ laꞈ kʼoeˇ paw jaˆ-eu bawˇ tsahˬ bawˇ dahˇ lawˆ lehˇ kuˇ-eu lawˆ-ahˇ, Peˬkaˬhiˇ-ahˇ sehꞈ-awˇ, aˬ yawꞈ-euˬ dah zaˇ sahˬ paˬ geuꞈ-euˬ meh.

2 Sahˬpaˬ 15:30

Awˇziˇ-euˬ aˬ li Yoˇdaˬ gʼaˬ Yuˇdaˆ miˇ kʼahˬ-ahˇ sahˬ paˬ geuꞈ-awˇ uˆ lahˇ-euˬ nyiˬ tseˇ kʼoꞈ tiˬ kʼoꞈ-ahˇ, Eˇlahˬ-euˬ aˬ li Awˇsheˬ neh sahˬ paˬ Peˬkah-ahˇ sehꞈ-awˇ, aˬ yawꞈ-euˬ dah zaˇ Iˇsaˬleˬlaˆ sahˬ paˬ geuꞈ-euˬ meh.

2 Sahˬpaˬ 9:24

Yeˬhuˇ kaˆ yuˇ-awˇ, gʼaˬ kʼaˇ jaˆ-eu shaˇ-awˇ Yoˇlamˬ-euˬ dahˇ teˇ-ahˇ beuˆ-euˬ meh. Kaˆ myaˬ kʼoeˇ Yoˇlamˬ-euˬ nui ma-ahˇ beuˆ coˆ doˆ-awˇ, mahˬ laˆ lawˬ kʼoeˇ taˆ coˬ lah-awˇ, shiˇ-euˬ meh.

2 Sahˬpaˬ 9:33

“Aˬ yawꞈ-ahˇ biˬ ka leꞈ-awˬ” lehˇ, aˬ yawꞈ maꞈ-ahˇ Yeˬhuˇ ehˇ nehˬ ngeh, aˬ yawꞈ maꞈ Yeˬsaˬbeˬlaˇ-ahˇ biˬ ka-awˇ, kaˇ pyawˇ hawˇ-eu mahˬ-ahˇ aˬ yawꞈ-euˬ shiˬ teuˆ lehꞈ-euˬ meh. Kʼoeˇ ngeh, Yeˬhuˇ mahˬ laˆ lawˬ teh-awˇ, aˬ yawꞈ-ahˇ lehˬ pyehˆ-euˬ meh.

Yawˇbaˆ 36:13

Miˬyehˇ maˬ baw-eu tsawˇ haˬ aˬ myah luꞈ nui ma pehˇ-awˇ, kʼehˬ gaˇ kʼaˆ gaˇ ya daˬ kʼawꞈ caw ba nehˬ laꞈ lehˇ shaˇ-eu maˬ siˬ nya-a.

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Iˇsaˬyaˇ 43:22

Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ-oˇ, nawˇ ngaˬ-ahˇ byuˇ laˇ-awˇ uˬ duˬ maˬ tahˬ mawꞈ-a.

Iˇsaˬyaˇ 64:4

Nawˬ-ahˇ gʼoe-eu deuˬ-ahˇ ngehˬ gʼeh nehˬ-euˬ, nawˇ loꞈ-ehˇ gʼeh-eu Miˬyehˇ-ahˇ, tsawˇ haˬ zaˬ deuˬ maˬ gaˬ maˬ mawˇ haw-aˬ.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Daˬyeˬlaˇ 9:13

Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ kʼehˬ-eu kʼaˆ-eu jeˬ nga maꞈ kʼoeˇ taˆ keuˆ le gʼaˬ-euˬ meh. Ehˇ kʼawꞈ, nga maꞈ-eu Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-eu maˬ naˬ leˇ-ehˇ, nymˬ-mˇ keuˆ ni nawˬ-euˬ nui kʼahˇ hawˇ-eu nawˬ-euˬ yaw tsaˬ yaw dawˇ jeˬ-ahˇ maˬ poˆ ni dehꞈ luꞈ-eu ma.

Hawˇseˬ 13:10

Sahˬpaˬ hawˇ-eu aˬ yuiꞈ aˬ tsu, bi laꞈ lehˇ naw maꞈ shaˇ-eu meh. Ehˇ kʼawꞈ, naw maꞈ-euˬ tsawˇ jeuˬ-ahˇ, yawꞈ maꞈ ka kʼoꞈ nehˬ nya nmˇ loˇ.

Hawˇseˬ 5:15

“Yawꞈ maꞈ iˬ baˇ noeˬ poˆ leˇ-awˇ, ngaˬ-euˬ myaˆ pyawˬ maˬ poˆ kʼoeˇ keuˆ, yawꞈ maꞈ-ahˇ ngaˇ byehˇ dzeh nehˬ ma. Yawꞈ maꞈ shaˬ zahˬ mˇ doeˇ laꞈ ngeh, ngaˬ-ahˇ poˆ laˇ-eu baw tehꞈ-a.”

Hawˇseˬ 7:10

Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ neh yaw haiˬ mˇ-euˬ, aˬ yawꞈ maꞈ gaˬ dehˆ taˬ-euˬ meh. Kʼoeˇ naˆ naˆ-ehˇ pyeuꞈ laˇ taˬ kʼawꞈ, aˬ yawꞈ maꞈ-euˬ Miˬyehˇ pyeuꞈ-eu, Sahˬpaˬ Miˬyehˇ jawˇ-eu paw dzeˇ, aˬ yawꞈ maꞈ maˬ gʼoꞈ pyawˇ laˇ-a.

Hawˇseˬ 7:14

Aˬ yawꞈ maꞈ guˇ-awˇ shaˇ-eu dawˬ, nui ma keuˆ-eu dawˬ maˬ ngeuˇ-ehˇ, lawˇ ciꞈ zaˬ deuˬ jahˇ-eu loꞈ-ehˇ, coˬ lah coˬ lah-ehˇ guˇ-eu meh. Aˬ gaꞈ dzaˇ uiˇ hawˇ-eu cehˇ-ahˇ, aˬ yawꞈ maꞈ za ni shaˇ laˇ ngeh, lawˇ ciꞈ zaˬ deuˬ jahˇ-eu loꞈ-ehˇ, yawˬ ha gʼawˇ mawˇ-ahˇ laˆ naˇ-eu, ngaˬ-ahˇ puiˬ-eu tsawˇ haˬ deuˬ meh.

Hawˇseˬ 8:4

“Aˬ yawꞈ maꞈ sahˬ paˬ ka-euˬ kʼawꞈ, ngaˬ-ahˇ maˬ gʼoe-ehˇ mˇ-euˬ meh. Aˬ yuiꞈ aˬ tsu tseˇ doˆ-euˬ kʼawꞈ, ngaˬ-ahˇ maˬ gʼoe-ehˇ mˇ-euˬ meh. Aˬ yawꞈ maꞈ-euˬ pyuˇ kʼoˇ shuiˇ kʼoˇ, tahˬ pahˬ aˬ ma mawˇ kawˇ kʼaˇ-awˇ, yawˬ ha ya luˬ ya seˇ-iˇ ni, yawˬ haˇ yawˬ ha bymˬ luꞈ-eu meh.

Miˇkaˬ 2:1

Yaw noeˬ-ehˇ yuꞈ-awˇ yaw haiˬ jeˬ mˇ-eu gʼaˇ duˬ saˇ sawˇ luꞈ-eu tsawˇ haˬ deuˬ kʼoeˇ taˆ guˆ-eu gaˆ-eu jeˬ keuˆ le tehꞈ-a. Uˬ bya bya laˇ-awˇ, yaw haiˬ jeˬ mˇ-eu gʼaˇ duˬ yehꞈ laˇ ngeh jawˇ, aˬ yawꞈ maꞈ neh saˇ sawˇ taˬ-euˬ jeˬ tiˬ poˆ tehꞈ-ehˇ mˇ-eu meh.