Hawˇseˬ 7:2 - Akha

² Yaw haiˬ kʼaˇ mˇ dzeuˇ-euˬ dawˬ tawˆ, ngaˇ maˬ ngehˇ ni noeˬ taˬ meh lehˇ, aˬ yawꞈ maꞈ maˬ noeˬ mawˇ leˇ-a. Aˬ yawꞈ maꞈ neh mˇ-euˬ iˬ baˇ, aˬ yawꞈ maꞈ-euˬ tiˬ jawˬ byah-awˇ, maˬ mawˇ laˇ-ehˇ maˬ gʼeh nya-a.”

Hawˇseˬ 7:2 ပူးပေါင်းရင်းမြစ်များ

Yawˇbaˆ 34:21

Tsawˇ haˬ zaˬ-euˬ kuiˇ toꞈ yawˬ toꞈ na luꞈ-ahˇ aˬ yawꞈ haw luꞈ-eu meh.

Jaceuq 10:11

“Miˬyehˇngehˬma gʼeh nehˬle-ehˇ, myaˆhaw maˬcawˬnehˬle-aˇ”lehˇ, yaw haiˬkʼoeˇgʼaˬ noeˬluꞈ-eu meh.

Jaceuq 25:7

Ngaˇzaˬguˬpyeuꞈngeh mˇyaꞈ-euˬ, yaw lehˬyaw ca iˬbaˇdeuˬ-ahˇ, maˬjuiˇtaˬni iˬbaˇpyehˬlaꞈ. Nawˬ-euˬyaw muiˬyaw jaˬhawˇ-eu, maˬtsehˆleˇ-eu gaˬ-eu laꞈkʼoeˇ, ngaˬ-ahˇmaˬngehˇni noeˬkeuˆlaꞈ.

Jaceuq 50:22

“Miˬyehˇ-ahˇ maˬ taˬ huiˬ-eu tsawˇ haˬ deuˬ-oˇ, gaˇ kawˆ heu naˇ haˬ-awˇ nui ma laꞈ kʼoeˇ juiˇ taˬ-awˬ. Maˬ ngeuˇ naˇ, ngaˬ neh laˆ cawˆ nehˬ-euˬ jeˬ-ahˇ naw maꞈ ya daˬ-awˇ, ka kʼoꞈ nehˬ-eu gʼaˬ maˬ jawˇ ni ya shaˬ tehꞈ-a.

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Jaceuq 90:8

Nga maꞈ-euˬ iˬ baˇ-ahˇ nawˬ-euˬ mehˬ shi nawˇ yuˇ taˬ-awˇ, nga maꞈ neh mˇ kʼoeˬ-euˬ iˬ baˇ deuˬ nawˇ mawˇ gaˇ pah taˬ-euˬ meh.

Iˇsaˬyaˇ 1:3

Mawˇ neˇ kʼawꞈ yawˬ ha-euˬ yaw sahˇ-ahˇ siˬ nya-awˇ, mahˬ tahˬ laˆ kʼawꞈ, yaw sahˇ gʼaˬ-euˬ mahˬ dzaˇ kʼawˇ lawˬ siˬ nya meh. Ehˇ kʼawꞈ, Iˇsaˬleˬlaˆ kʼoeˇ loꞈ-ehˇ maˬ siˬ nya-a. Ngaˬ-euˬ tsawˇ haˬ deuˬ maˬ noeˬ siˬ nya-a.”

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Iˇsaˬyaˇ 44:19

Tahˬ pahˬ aˬ ma mawˇ kawˇ jahˇ-eu tsawˇ haˬ deuˬ heu loꞈ-ehˇ tiˬ jawˇ-iˬ maˬ ehˇ-a. “Daˇ kawˬ tiˬ tm-ahˇ miˬ dzaˬ doꞈ-awˇ, miˬ jiˆ kʼoeˇ taˆ hawˬ tahˬ puiˆ dzaˬ-awˇ, shaˬ jiˇ tehˬ ba dzaˬ-euˬ ma. Kʼoeˇ naˇ, daˇ kawˬ tiˬ tm-ahˇ tahˬ pahˬ aˬ ma mawˇ kawˇ pyaꞈ-euˬ ma. Nymˬ-mˇ ngaˇ daˇ kawˬ diˬ tm-ahˇ uˬ duˬ tahˬ luꞈ-eu ma” lehˇ tiˬ jawˇ-iˬ maˬ ehˇ-a.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Yeˬlaˬmiˇ 14:10

Tsawˇ haˬ heu deuˬ gaˇ kawˆ Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ mehˬ shi neh doˆ-iˇ-awˇ, doe doe-ehˇ cah mawꞈ-eu nui ma ahˇ-awˇ, yawˬ ha-euˬ nui kʼahˇ-ahˇ maˬ nyehꞈ tehˬ gʼaˬ coeˇ-eu miˇ neh, aˬ yawꞈ maꞈ-ahˇ ngaˇ nui ma maˬ tsaˬ nya. Aˬ yawꞈ maꞈ neh mˇ lehˬ-euˬ jeˬ-ahˇ ngaˇ maˬ ngehˇ-ehˇ aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ ma.”

Yeˬlaˬmiˇ 16:17

Aˬ yawꞈ maꞈ kʼaˇ mˇ kʼaˇ shaˇ-eu jeˬ ngaˇ mawˇ luꞈ ma. Ngaˬ-euˬ mehˬ shi zaꞈ taˬ-euˬ tiˬ jeˬ-iˬ maˬ jaˆ. Ngaˇ maˬ mawˇ ni aˬ yawꞈ maꞈ iˬ baˇ maˬ mˇ dzeuˇ nya-a.

Yeˬlaˬmiˇ 17:1

Sahˬpaˬ Miˬyehˇ ehˇ-eu, “Yuˇdaˆ tsawˇ haˬ deuˬ-oˇ, naw maꞈ-euˬ iˬ baˇ-ahˇ shmˇ sahˬ duˇ neh boꞈ taˬ-euˬ meh. Gʼahˇ dui dui-eu kʼaˬ lo sehˇ daˇ ceh neh naw maꞈ-euˬ nui ma-ahˇ kawˆ boꞈ taˬ-awˇ, naw maꞈ-euˬ lawˇ duˬ laꞈ coeˇ doe ni taꞈ boꞈ taˬ-euˬ meh.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

Yeˬlaˬmiˇ 4:18

Yuˇdaˆ miˇ kʼahˬ-oˇ, nawˬ neh dehꞈ dzeuˇ mˇ dzeuˇ-euˬ jeˬ baˬ da, nawˬ-euˬ kʼoeˇ taˆ heu loꞈ-ehˇ gʼeh-eu jeˬ keuˆ le-euˬ meh. Nawˬ-euˬ iˬ baˇ baˬ da shaˬ zahˬ heu keuˆ le-awˇ, nawˬ-euˬ nui ma-ahˇ teˇ tsoˆ nehˬ-euˬ meh.

Yeˬlaˬmiˇ 44:21

“Naw maꞈ hawˇ-eu naw maꞈ-euˬ aˬ poeˬ aˬ bawˇ deuˬ neh maˬ ehˇ, naw maꞈ-euˬ sahˬ paˬ hawˇ-eu aˬ yuiꞈ aˬ tsu deuˬ neh maˬ ehˇ, miˇ kʼahˬ zaˬ deuˬ neh maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni lawˇ-euˬ shehˇ-euˬ jeˬ-ahˇ, Sahˬpaˬ Miˬyehˇ maˬ siˬ nya-aˇ lehˇ noeˬ te loˇ. Maˬ ngeuˇ naˇ, ngehˇ byoˆ nehˬ laꞈ tehꞈ-a lehˇ noeˬ te loˇ.

Yeˬsaˬgeˬlaˇ 21:29

Naw maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, naw maꞈ neh ngehˬ dah ehˇ dah taˬ-eu jeˬ jaˬ myawꞈ tehꞈ meh. Naw maꞈ-aˬ, maˬ muiˬ-eu haiˬ-eu tsawˇ haˬ pyeuꞈ-awˇ, naw maꞈ-ahˇ aˇ saˬ saˬ-eu poˆ kʼehˬ nehˬ-eu aˇ nah keuˆ le luꞈ meh. Naw maꞈ-euˬ kawˬ lahˇ-ahˇ mi cehˇ keuˆ le luꞈ meh.

Hawˇseˬ 12:2

Yuˇdaˆ tsawˇ haˬ deuˬ-euˬ yaw ca, Sahˬpaˬ Miˬyehˇ ja-eu jaˆ meh. Iˇsaˬleˬlaˆ deuˬ-euˬ yaw lehˬ, Sahˬpaˬ Miˬyehˇ kʼehˬ-eu jaˆ meh. Aˬ yawꞈ maꞈ-ahˇ geuˇ-eu loꞈ-ehˇ, kʼehˬ-eu kʼaˆ-eu ya daˬ tehꞈ-a.

Hawˇseˬ 4:9

Miˇ kʼahˬ zaˬ kʼaˇ ya daˬ-eu jeˬ, Piˇ ma deuˬ kʼawꞈ ya daˬ tehꞈ-a. Yawꞈ maꞈ mˇ-euˬ poeˬ poeˬ lawˬ lawˬ, yawꞈ maꞈ-ahˇ ngaˇ kʼehˬ poˆ nehˬ ma.

Hawˇseˬ 6:2

Nyiˬ nah laꞈ kʼoeˇ bi beuˇ laˇ-awˇ, smˬ nah -ahˇ bi tuˇ poˆ laˇ-awˇ, aˬ yawꞈ mehˬ shi ya jawˇ tehꞈ-a.

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Hawˇseˬ 9:15

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ yaw haiˬ mˇ-eu jeˬ, Giˇlaˇgaˬlaˇ-ahˇ dahˬ beh-awˇ, aˬ yawꞈ maꞈ-ahˇ ngaˇ bye-eu jeˬ, Giˇlaˇgaˬlaˇ-ahˇ beh-euˬ ma. Aˬ yawꞈ maꞈ haiˬ-eu baˬ da neh, miˇ kʼahˬ laꞈ nyiˇ teh dzeh nehˬ-awˇ, aˬ yawꞈ maꞈ-ahˇ maˬ paˇ gaˬ ma. Aˬ yawꞈ maꞈ-euˬ sahˬ paˬ sahˬ ma, dawˬ tawˆ luꞈ ngaˬ-ahˇ puiˬ-euˬ meh.

Hawˇseˬ 9:9

Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Aˬmoˆ 8:7

Iˇsaˬleˬlaˆ tsawˇ haˬ deuˬ nui ma huiˬ duˬ pyeuꞈ-eu Sahˬpaˬ Miˬyehˇ heu loꞈ-ehˇ saˇ jaˇ dzaˬ taˬ-euˬ meh. “Aˬ yawꞈ maꞈ neh mˇ-euˬ yaw haiˬ jeˬ-ahˇ ngaˇ tiˬ jawˇ-iˬ maˬ ngehˇ.

Yawˇnaˆ 1:2

“Huiˬ dui dui-eu Niˇnaˬbeˬ meuˬ-ahˇ iˇ-awˇ, ‘Naw maꞈ iˬ baˇ naꞈ dui dui meh’ lehˇ ehˇ nehˬ-iˇ-awˬ. Kʼoeˇ gaˇ jawˇ-eu tsawˇ haˬ deuˬ aˇ naˆ ni maˬ tsaˬ maˬ dawˇ-eu gaˇ kawˆ ngaˇ siˬ duˬ luꞈ ma.”

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Luˇkaꞈ 12:2

Nymˬ-mˇ kʼaˇ dehˬ kaˬ taˬ-euˬ yawˬ jeˬ na luꞈ pah dzeh-awˇ, kʼaˇ zaꞈ taˬ-euˬ yawˬ jeˬ na luꞈ siˬ duˬ laˇ tehꞈ-a.

1 Gawˇliˬtu 4:5

Kʼoeˇ miˇ neh, aˇ yamˬ maˬ keuˆ laˇ mi naˆ-ehˇ tsawˇ haˬ tiˬ gʼaˬ-ahˇ-iˬ naw maꞈ yaw lehˬ taˬ poˆ. Aˇ saˬ saˬ-eu yaˇ kʼaˬ daˇ-eu kʼoeˇ-aˬ, Sahˬpaˬ Miˬyehˇ oe keuˆ gaˇ ya dawˬ-eu meh. Yaw zahˇ laꞈ kʼoeˇ zaꞈ taˬ-euˬ jeˬ-ahˇ yaw shehꞈ laꞈ kʼoeˇ aˬ yawꞈ yuˇ doˆ laꞈ-awˇ, tsawˇ haˬ zaˬ-euˬ nui maˬ laꞈ kʼoeˇ zaꞈ taˬ-euˬ nui noeˬ-ahˇ aˬ yawꞈ pah dzeh tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ-ahˇ oꞈ-eu geuˇ-eu loꞈ-ehˇ Miˬyehˇ ja ceuˬ nehˬ tehꞈ-a.

Dawˬmehˬ 32:29

Aˬ cawˬ neh bi deuˆ gʼaˬ-euˬ kʼoeˇ, gaˇ kawˆ maˬ tseˇ paˆ geuꞈ nya-a.

HeˬByehˇ 4:13

Miˬyehˇ-euˬ mehˬ shi dehˬ kaˬ zaꞈ taˬ nya-eu tiˬ jeˬ-iˬ maˬ jaˆ-a. Kʼaˇ beh taˬ-euˬ yawˬ jeˬ na luꞈ aˬ yawꞈ-euˬ myaˆ nuiˆ mehˬ shi bya cehˆ ni pah dzeh taˬ-euˬ gaˇ duˇ-eu meh. Aˬ dui neh kʼaˇ mˇ kʼaˇ shaˇ taˬ-euˬ jeˬ dawˬ tawˆ luꞈ, aˬ yawꞈ mehˬ shi aˬ dui ya dzawˇ mehˬ leˇ-eu meh.